|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: حليمة محمد عبد الرحمن)
|
أحي الأخت أسماء وعبر بوستها هذا لتسمح لي أن احيي الوالدة هدية بأجمل تحية وعبرها أهدي التحية لكل الأمهات الجليلات الحنونات في كل شبر في وطننا الغالي وأسأل الله أن يمدهن جميعاً بالصحة والعافية وأن يساعدهن ومن حولهن على توفير اللقمة الحلال لهن ولأسرهن بما يعينهن على تربية أولادهن وأحفادهن خير تربية ونقول لوالدتنا الحاجة هدية التي أتيحت لها الفرصة أن من حقها أن تفرح بإبنها أيما فرح كفخر كل أم بإبنها... أتفق مع الأخت حليمة محمد عبدالرحمن فيما ذكرت:
Quote: ام البشير كأمراة سودانية على العين والراس.. تعبت وشقت زيها زي اي ام دي حقيقة.. معظمنا امهات وعارفات ماذا تعني كلمة ام.. اما تكريمها على انها الام المثالية، فهي الطبزة الكبرى.. التوقيت غير مناسب |
وأعتب على الأخ وليد الطيب قسم السيد فيما قال:
Quote: قدمت لبنات جيلها البشير الذى احترمت النساء فى عهده |
وأقول له إن كلامك غير دقيق..
وتحية للجميع،
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
Quote: سلام أستاذة اسماء والدة البشير أم كملايين الامهات ببلادنا ليس لها ما يميزها علي تلك الملايين وبالتالي ليس هناك أي مسوغ يجعلها تقدم علي الاخريات..... والسؤال لماذا هذا العام ? لماذا دفع بها 'كأم مثالية' |
العزيز كمال عباس سلامات واان شاء الله طيب والله نفس السؤال جال بخاطر الكثيرين وكثيرين ما عندهم الفرصة للمداخلة والتعبير عن رأيهم لماذا الان تحديدا؟؟؟ ..لكن بينى وبينك النتيجة جات عكسية زى ما شايف ومتابع براك شكرا اخى كمال والف شكر لمرورك الاسعدنى جدا
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
الاعزاء الاخ واصل على والاخت سعاد تاج السر مرحبابكم تحية واحترام مداخلتكم بالصور تدمي القلوب حقيقي تحديدا صورة الام البتبرد فى طفلها ودمعتها فى عينها بى ابريق !!!!!!!!! يا اللــــــــــــــه كم ابكتني الصورة دي ويجى ود الباوقة يجيب صورة ام مشيرهم تهز وتعرض مبسوطة.. و بدون اى مراعاة لمشاعر الغير عليك الله يا ود الباوقة صورة الطفل وهو ممدود فى الارض بينو وبين تراب الارض قصبات عليك الله ما كسرت قلبك شوية ؟؟؟؟ ما رق ولا حن قلبك عليهو ولا على اماتو الببردن فيهو بباقى موية فى ابريق ؟؟؟ ياااااااا ربي فرج هم الغلابه فى بلدي الجريح
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: hassan bashir)
|
Quote: منظمة بت البلد دي لو كانو مشوا كرموا امهات المايقوما مش كان احسن من شغل النسابة والحموات دة؟؟
الامهات البديلات ..امهات مثاليات...
لهن التحية.. وكل عام وهن بخير..
ـــــــــــــــــــــــ وكل عام وانت بخير اسماء الجنيد... |
اهلين يا سارة كيفك تسلمى يا ستى وكل سنة وانتى وكل الاهل بالف الف خير يا رب صدقتى والله الامهات البديلات يستحقن التكريم بجدارة شكرا على الطلة الجميلة ياسرورة
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
Quote: اي ام في معسكرات اللاجئيين في دارفور هي الام المثالية وكم من ام في بلادنا ام مثالية يكافحن ويناضلن يوميا لنقطة ماء وليس حتي حليب لاطفالهم .... |
ابو بكر يا شفيف سلام واحترام عساك والاسرة بخير طالت الغيبة
هن كذلك ان رضوا ام ابوا هن الاجدر بالاحترام والتقدير والتكريم فى كل مناطق الشدة والمنافي نساء بلادي يكرمهن التاريخ لا ينتظرن تكريم من احد نسأل الله لهن دوما فك الكرب وفج الضيق والشفاء من كل مرض تسلم كتير اخى الكريم ابو بكر على اطلالتك المشرقة
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
Quote: لأنها ام الرئيس وهذا جزء من الدعاية الإنتخابية لجذب العواطف النسائية
بالرغم من انه الحاجة ام الرئيس ليس لها علاقة بالواقع الا ان الظروف فرضت عليها ان تكون ام الرئيس
اما فكرة البرنامج فهى بالطبع من انتاج واحد يميل الى المؤتمر الوطنى وبالتالى لابد لإداراة التلفزيون ان توافق عليه لأنها أم الرئيس |
الاخ مصطفى توفيق سلام واحترام تصور فعلا دعاية انتخابية لكن النتيجة جاتهم عكسية بسرعة الصاروخ انطبق عليهم المثل البقول جو يكحلوها عموها مش عموها بس ... ديل ليسوها عديل والله كل ما اتذكر كلام الحاجة عن وليدها شقى الحال من يومو اشبع ضحك غايتو الحمد لله ..هم يبكي وهم يضحك شكرا كتير على مرورك اخى مصطفي
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
هل جاء الاعتراض علي إعلان التكريم من موقع من يعارض فقط ? الواقع يقول لا فقد إعترض بعضا ممن إنتموا لما يسمي بالحركة الاسلامية حينما كان الإنتماء يكلف المال والوقت وتنتج عنه المطاردات والملاحقات !! يقول الاخ هجو الاقرع :
Quote: للاسف لم اتمكن من مشاهدة الحلقة لكن اكيد الاعادة فى الطريق ، بداية والدة الرئيس سيدة مثل سائر الامهات ، ليس هنالك مبرر واحد لكى يتم اختيارها كأم مثالية ، كان البشير فى بداية عهده يرفض تعليق صوره فى دواوين اكومةلح. إلا ان الامر فرط للأسف ، واصبحت الاغنيات و المدايح كمان تدبج باسمه. هنالك من هى احق منها بهذا التكريم |
...........
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: كمال عباس)
|
Quote: لا ينبغي محاسبتها لأنها أنجبته.... وأيضا: لا (يصح) تكريمها لأنها أنجبته... |
مرحب الاخ هشام عبيد لك التحية والاحترام معك تماما فيما ذكرت قصدت من هذا البوست العنصرية الواضحة والتفرقة وعدم العدل في امر يخص ام كل سوداني ايا كان وضعه نتكلم هنا عن عظمة الام ..كل ام ربت وسهرت وتعبت من أجل ابنائها لكن ... منهن من عانت اكثر من غيرها.. انطبق عليها الحمل والمعاناة وهن كثر.. هنالك ايضا من ضاقت الامرين بفقد اكثر من ابن ضحت به فى زمن هذه الحكومة كيف يكون الحال لو رتب لهذا التكريم ان يكون لمائة مثلا من امهات عامة الشعب الكادحات وتبادر بالتكريم والدة البشير وزوجته يعني باختصار شديد حفل امس لو كان دعوة من ام وحرم البشير لامهات لهن فى الحياة بصمة واضحة.. لو وجهت الدعوة لعشرة مثلا من الامهات البديلات كما ذكرت الاخت سارة على وعشرة ايضا ممن يقتاتن على رزق اليومية.. وعشرة ممن ترملن وما زال الدرب طويل امامهن و..و.. الخ البلد مليانة بمثلهن..ده غير امهات الشهداء .. كانت النتيجة اختلفت تماما كسبن اجر وكسبن احترام المواطن العادي ورغم هذا كله.. الاحترام والتقدير استهليت به هذا البوست لوالدة البشير .. مش لانها ام الرئيس !!! لا طبعا.. احترامى لها لانها ام فى النهاية وامرأة كبيرة بسيطة لا دخل لها بما يحدث حواليها انا اكدت على كلمة الطبالة الحوالينها .. وما زلت عند رأي
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
Quote: العزيزة سوما الشغلانة بزنس يا أستاذة ... منظمة بت البلد. والتلفزيون. وواحدين بيتعاقدوا مع الفنان ..وواحدين بتاعين الببسي . وواحدين بيؤجروا العربات ..وواحدين بتاعين المكياج واللبس .. اضافة للي بيشتغلو في التنسيق .. والمتابعة.. وواحد بيؤجر المولدات بتاعت الكهرباء . وشركة خدمات أمنية تغطي الحدث بالمراقبة( ما دي أم الرئيس) .. دا غير الكرشنجية. شفتي كيف يا أستاذة؟ شفتي مصيبة بلدنا قدر شنو؟ |
العزيز فتحى الصديق حبابك يابا والله لو الشغلانة بقت كما ذكرت بزنس.. على الدنيا السلام....... يعني المسكينة جابوها ساااي فى صمة خشيمها عشان يضحكوا فيها خلق الله لكن عارف الكرشنجية ديل هم اهم مافى قلب الحدث اكيد. لوووول شكرا اخى العزيز ولك مني الشكر مطبوق لمرورك..
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: سناء عبد السيد)
|
Quote: اؤيد التكريم ولكن
لكل امهاتناممثلا ذلك فى عينه عشوائية فهن يستحقن ذلك وقد كرمهن الله من فوق سبع سماوات على لسان
رسولنا علية افضل الصلاة
والتسليم القائل الجنه تحت اقدام الأمهات بدون استثناء فلهن التحيه والتقدير وكل الحب فكم جاعوا
ليطعمونا وكم سهروا لننام وكم عانوا لنرتاح نحن يعنى حياتهن كلها عناء فى عناء منذ الحمل بنا الى
ان يتوفاهن الله رحم الله امهاتنا جميعا الأحياء منهم والأموات والله المستعان .
ابو ختم |
مرحبابك اخى الحارث ابو ختم تسلم كتير على مرورك الجميل لا حدود للثناء لك كامل تقديري
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: soma)
|
الاخ العزيز خالد العبيد حبابك يا خوى ان شاء الله طيب اسعدنى مرورك جدا.. طالت الغيبة
مع احترامي لوجهة نظرك ..لكن السودان لا دخل له بما حدث امس السودان واهل السودان مغلوبين على امرهم صابرين وممكونين اعلامنا التعيس ..وعدم تنسيقنا المبشتن من راس الهرم هم المسؤلين مسؤلية كاملة امام الله اما اهلنا الغلابة ليهم رب يحفظهم ويرعاهم يحمدوا الله متوكلين عليه .. شايلين الصبر وصامدين وان شاء الله منصورين يمهل ولا يهمل
شكرا اخى الكريم مرة اخري لمرورك
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: بشير جبريل علي)
|
Quote: الاخت سوما تحياتى لك انا سالت نفسى نفس السؤال ليه تكرم والدة الريس عمر ربنا يديها الصحه كأم على العين والراس ولكن السؤال انا لوكنت مستشار ولابد من التكريم عبر هذه الجمعيه لاخترت امراءه من عامة الشعب الغلبان دا واتيت بها وكرمتها وخارج بيت اسرة عمر لاسباب كتيره اولا حتى احترم المشاهد واقنعه ولو بشى بسيط ثانيا خارج بيت الاسره لان وقعها على المشاهد بكون احلى اما بهذه الطريقه وفى هذا الوقت انا اعتبرها زي مجهر سونا اذا لم تخسر الموتمر الوطنى صدقينى ما ربحتو...شكرا واحترم وجة نظرك فى محلها |
قريبي ود المحرب حبابك يابا كيفنكم واريتكم طيبين وسالمين وتامين
والله يا خالد يا خوي نفس السؤال دور كده لامن فتر فى راس الكثيرين الزمن ده ممكن تشوف وتسمع اي شي لكن غايتو جمعية بت البلد كما سموها جلطت جلطة كبيرة جدا جدا فى سهرة امس العتب على الاعلام والمتاجرة الرخيصة العتب على المنظمين ومنسقين السهرة والله انا خجلت لى ام البشير وزوجته فاطمة خالد تحس بيها ضايعه ورايحة وسط المتاهه دي وما مركزة ابدا زولة بسيطه حتى فى رقصتها الاخيرة فجأة كده قامت تبت ل فوق كده بي حرقة مكسوة بفرحه مزيفه تحس انه الزوله دى شغلها ده شغل مكايده بس ليس الا لو كان الحاله واحده والموضوع عادي جدا وين وداد ؟ ليه ما هي برضو زوجة الرئيس والمفروض تشارك فى التكريم لأم زوجها المثالية.. وايضا زوجة شهيد مثلها مثل الاخت سلوي زوجة الزبير محمد صالح ودى الوحيده طبعا الاتكلمت كلام تقدر تقول عليه مركز من ناحية اللغة والترتيب والمعني فى تربية الام وواجبها نحو اسرتها واولادها غير كده كل شىء مرتجل وسخيف وعبط مافى اي داعي ليهو من اساسو اريتهم كان سو سواتهم دي بدون تصوير وبث عبر قناة لكن كما ذكر بعض الاخوان والاخوات الظاهر انه فعلا الحكاية متاجرة ومصلحة مادية ليس الا.. شكرا اخى ود المحرب وتحياتى عبرك للاسرة الكريمة وتحية خاصة للحبيبة ام أحمد
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: محمد مكى محمد)
|
Quote: الحبيبة سوما و كل امهات البورد , كل سنة و انتن بألف خير
اكيد هي أم مثالية طالما تعبت و سهرت و ربت , لكن زيي ما قلتي النار تلد الرماد و في النهاية ما بنأخذها بذنوب ولدا |
اي ام سودانية هي ام مثالية والحاجة هدية ربت اولاد وبنات وعندها احفاد وعلمت اولادها كلهم وقدمت شهيد للوطن
وفتحت بيتها للضيفان تخدمهم وتخدم اولادها وبناتها وزوجها دون كلل او ملل مثلها مثل كل الامهات الجميلات في السودان ..
اخجل للناس البتقلل من شأنها..واعرف ان اخلاق السودانين اتغيرت ولكن ما كنت قادرة لدرجة شتم ام..
كل سنة وكل الامهات الطيبات بخير
وقرف يقرف الحاجة الاسمها معارضة دي
| |
|
|
|
|
|
|
Re: *** ماهى مناسبة تكريم والدة عمر البشير؟؟ وهل هى ألأم المثالية ؟؟؟؟ *** (Re: عمر عبد الله فضل المولى)
|
سلام.. يا سوما علي قول فهمي صاحبي ديل سرقوا البلد ما يسرقوا حق الامهات؟؟؟!! بعدين هو الام المثاليه للسودانيين دي بتختارها الطائفه المثاليه ولا شنو؟؟ هاها أنا غايتو برشح أمي... ولدها ما بكضب وما بياكل حق الناس وما حصل كتل زول وما قطع عيش زول وماحرم اولاد الناس من التعليم والصحه ، وأواده الباقيين كلهم ساكنين في بيت واحد الا واحد بس ساكن بالايجار ، يعني لا عندهم حي اسمو العمراب (نسبة الى جدي عمر لاني مدثر محمد عمر ) وبحترم الأديان كلها زي ما عمل القران وبحبوه جيرانو واصحابوا المن وسط السودان والمن الغرب والمن الجنوب وهو ما حصل حاول يفتنهم وامي بتكسي وبتتصدق من عيش حواشة ابوها ما من مال الشعب السوداني. لكن اقول ليك شي؟؟ بتكون بقت الام المثاليه بالإجماع السكوتي :)
| |
|
|
|
|
|
|
|