|
Re: صديقي محمد فاروق يطقطق بابكر حنين (Re: khaleel)
|
التحية للاخ محمد فاروق . . . فعلا اجاد في اللقاء ..
Quote: والله مستغرب كلامي زي دا يطلع من اعلامي كبير زيك نحن قاعدين هنا ليس بمنة من احد والا بعد اللقاء فلنذهب لبيوت الاشباح وقال ان النظام هو الذي تغير وليس هم من تغيرو |
التحية لك اخ خليل من قبل ومن بعد ...
| |
|
|
|
|
|
|
Re: صديقي محمد فاروق يطقطق بابكر حنين (Re: khaleel)
|
شكراً يا خليل فقد ذكرت شاب عظيم وجري وثابت العقل والقلب لم أحظي بحضور اللقاء التلفزيوني لكن لسنين طويلة نعمت برفقة وخوة محمد فاروق سلمان وعملنا معاً في الحقل السياسي ولم اجد انزه منه واعفا منه واثبت منه فكرة وحجة ومنطق . ان محمد فاروق صديق لا يخزل صديق ابداً وفوق هذا كله هو في نفسه طفل كبير القلب ومحب وحنين لابعد درجة يمكن أن يتصورها أنسان . حقاً محمد فاروق وعد لسودان حر ديمقراطي ونزيه لما يملكه من انسانية تلين الحديد وما يملكه من ارادة وعزيمة .
شكراً يا خليل ولك سلامي يا صديقي محمد فاروق سلمان من ديار ليست دياري .
| |
|
|
|
|
|
|
Re: صديقي محمد فاروق يطقطق بابكر حنين (Re: محمد عبدالرحمن)
|
مبارك الفاضل حقو يستفيد من حلقة امبارح دى ..يجيب معاهو حسن اسماعيل يلعب ليهو دور محمد فاروق ..وحسن اسماعيل (ودام نخيل) برشا خطير ياخليل ...ومبارك الفاضل القطامة والحسم مابوصوهو بيهن ..ونتوقع ملطشة تانى لبابكر حنين ومن شايعه ....
| |
|
|
|
|
|
|
Re: صديقي محمد فاروق يطقطق بابكر حنين (Re: محمد عبدالرحمن)
|
شخصيا ارتحت جدا من لقاء امبارح ...وازال بعض الاحباط الذى خلفه لقاء نقد ...ومحمد فاروق زاد ثقتى فى الجيل الواقف بنتظر الفرصة ...ونقد لو كان صحب معه محمد اشرف ومحجوب حماد كان وضعو بكون غير ...نحتاج لجراءة عبدالعزيز فى اعطاء الفرصة لمحمد فاروق فى بقية احزابنا السودانية .. البديل جاهز (موية ونور) ومنتظر ..نطالب بالاحلال التدريجى .. واليجيب الامام معاهو فى لقاء الجمعة محمد فول ...وجوه جديدة قادرة على الاداء ومطلوبة فى هذا الوقت ....
| |
|
|
|
|
|
|
Re: صديقي محمد فاروق يطقطق بابكر حنين (Re: محمد عبدالرحمن)
|
هلا وحباب محمد فاروق .. والحلقة يا ابو خليل انا ما حضرتها ولكن البعرفو ومتاكد منو مية مية هو ان محمد فاروق مستعد يطقطق حلة كاملة زي بابكر حنين ده ويبستفو ليك منطق ومعرفة سياسية عميقة ويشرحو ليهو ماسمتك الديمقراطيات واركلوجيا النبض الحقيقي للشعب السوداني فتي نحيل وعالي الذكاء.. ثم مخيلة ووجدان ام نخيلي تدرب علي قمة جبال جامعة والخرطوم وكراكيرها ذات العمق الضارب في النبض السوداني ومنذ ايامات كلية غردون التذكارية... محمد فاروق بكون عمل زي ديشليون ركان وركن وحاصر زي ديشليون كوز وكوزة في قضايا الجامعة ذات (الاشو الهوت).. وخلف الركانة الكبار في موتمر الطلاب المستقلين ناس احمد القرشي واخريين ولعله تسربل شفيفا من وهج الاسطوري عمر الدقير (رغم عدم معاصرته له) الا ان كارزيما عمر الدقير كانت باقية في اعالي اشجار الجامعة وكل اركانها تلهم الفتية حب الوطن وقوة الخطابة والمنطق وحب كبير لهذا الشعب وحريته...
كل التحية والاشواق للعزيز محمد فاروق ورفعت راسنا فووووق يا ابو حميد
وغدا يا محمد فاروق ستتفجر ينابيع الحرية ونغني للوطن الجميل
واضرب اللون
| |
|
|
|
|
|
|
Re: صديقي محمد فاروق يطقطق بابكر حنين (Re: محمد عبدالرحمن)
|
الاخ خليل.
لقاء الامس كان درسا مفيدا لجميع الاحزاب السودانية . لقد أن الاوان لتسليم دفة القيادة الى العناصر الشابة . العناصر الشابة هي التي لا تهاب صعاليك ومجرمي الانقاذ الذين يديرون أجهزة الدولة المختلفة بما فيها الاجهزة الاعلامية . لقد تقوقع بابكر حنين الى حجمه الطبيعي بعد أن ألقنه محمد فاروق درسا لن ينساه أبدا . ولقد كان حائرا تجاه إجابات محمد فاروق له . It is time for this generation to lead the way
| |
|
|
|
|
|
|
Re: صديقي محمد فاروق يطقطق بابكر حنين (Re: Hala Hassan)
|
خلو التحية لمحمد فاروق زرا ليك اب اضنين زرة فار في حفرة دخان حنين اغرته حلقة نقد المهببة ولكن مش كل الطير يتاكل لحمه التحية ايضا لعبد العزيز خالد اول مرة اسمع الرجل يتحدث واعتقد انه السياسي السوداني الوحيد بعد قرنق الذي يتحلى بهذا الظرف والصراحة والتلقائية.
| |
|
|
|
|
|
|
Re: صديقي محمد فاروق يطقطق بابكر حنين (Re: smart_ana2001)
|
والله يا خلي شوقتونا نسمع الحلقة دي... العميد عبد العزيز طبعا ما فيهو كلام. و الأخ محمد فاروق زي ما قلت يبدو أن الأيام قد زادته نضجا. محمد فعلا رجل ظريف و أخو أخوان بتذكر اتعرفنا عليه أيام الجامعة بواسطة صديقه أحمد محي الدين من أولاد بحري.. أيام يا خليل... بالله الكلام دا ليه كم؟ ستة ولا سبعة سنين؟ غايتو عجزنا.
| |
|
|
|
|
|
|
Re: صديقي محمد فاروق يطقطق بابكر حنين (Re: Elawad)
|
Quote: حسن اسماعيل يلعب ليهو دور محمد فاروق |
وصدقك حدسك يا محمد وحسن اسماعيل كان برفقة مبارك ورغم عدم اتاحة فرصة كافية له ولكنه عندما تحدث اظهر وعيا عالي ومقدرة علي الخطابة المتماسكة والقوية وادي ليك حنين في راسو في المليان.. ايضا الاخت سارة الجميعابي عملت ليها مداخلة مدنكلة وشاتت في التمنيات.. مبارك الفاضل برضو الليلة لعب ماتش كبير وعافي منو دنيا واخري لانو وضع البشير في حجمه الطبيعي والزول البدي البشير في راسو ده زولي تماما..
هذا البرنامج بجانب خطورته العالية فيه فرصة عالية جدا وسانحة للشعب السوداني انو يشوف ابنائه الشرفاء ومستوي الوعي العالي جدا جدا في تناولهم لقضاياه
وبرافو حسن اسماعيل وبرافو محمد فاروق لقد عبرتم عنا تماما رغم اختلاف الزوايا والمنصات
| |
|
|
|
|
|
|
Re: صديقي محمد فاروق يطقطق بابكر حنين (Re: عبدالكريم الامين احمد)
|
تنتج مدرسه مؤتمر الطلاب المستقلين ناشطين من طرازعالي ربما قديمثل الباشمهندس محمدفاروق واحدا من افضل الذين انتجتهم مؤسسه مؤتمر الطلاب المستقلين جامعه الخرطوم وبقيه الجامعات فمن منا الذي لايذكر الاسطوري احمدضوء البيت فارس المنابرالخطابيه الفذومن منالايذكر الشهيدنصر الدين الرشيدالذي شكل واحدا من عديدين حافظوا علي التقاليدالصارمه والراسخه التي ظلت تتبعها تكوينات مؤتمر الطلاب المستقلين في انتاج ناشطيهاوعلي طراز رفيع،اعتقد ان الباشمهندس محمد فاروق بمايمتلكه من مقدرات سيكون واحدا من افضل اللاعبين السياسين في الفترات القادمه والذين سيعملون علي القيام بعمليه احلال/ابدال تدريجي وفقا لجدل القديم والجديدوالذي سياخذوقتا طويلا وعصيبا لاسيمافي ظل الندره النوعيه للكادر السياسي وسياده انماط قديمه من التفكيروالعمل وحتي مساله تدريب وانتاج الكادرالتي ماتزال تتراجع يوما تلو الاخر،اما فيما يلي حنين فاظن انه بات من الواضح انه ظل يحاول الاستفاده من المناخ الدلالي والذي ظلت تنتجه مساله احتكار الاسلامويين لاله الاعلام الضخمه وباتوا يفرضون عبرها يوما تلو الاخر انماط استجابه محدده لخطابات تخصهم عليه اظن انه بات من الوضوح ان تكسيرسلطه وكاريزم حنين الاعلامي الهش يجب ان يكون الخطوه الاولي للعبور صوب حوار ناجح بالاضافه لانه سيوفر نوعا من الهزيمه للخطاب الذي يحاول ان يجعله سائدا
| |
|
|
|
|
|
|
Re: صديقي محمد فاروق يطقطق بابكر حنين (Re: احمد محمد الحاج)
|
شكرا يا خليل لظروف خاصه لم اتمكن من مشاهدة الحلقه.. لكن استطيع ان اتخيل (بكل وضوح) محمد فاروق وهو يرد (بموضوعيه شديده وبساطه لامتناهيه وبرود) علي بابكر حنين.. فقد كان (الفرطاق) كما كنا نسميه ايام الجامعه , كان دوما المنتصر في اي (عراك فكري) شهدناه له.. وللامانه فقد كان معظم الطلاب/ات (يدكون)* المحاضرات سعيا وراء اركان النقاش التي يرتادها.. بل نسارع لاخبار بعضنا (قالوا الفرطاق الليله في زراعه.. اسمع ماشين تربيه (فرطقه الف) ولم نكن (منظمين سياسيا) بل كنا لامنتمين ومتمردين علي الجميع.. لكن بساطة طرح (هذا الفرطاق) مع عمقها كانت تأسرنا...
| |
|
|
|
|
|
|
Re: صديقي محمد فاروق يطقطق بابكر حنين (Re: khaleel)
|
Quote: كل التحية والاشواق للعزيز محمد فاروق ورفعت راسنا فووووق يا ابو حميد
وغدا يا محمد فاروق ستتفجر ينابيع الحرية ونغني للوطن الجميل
واضرب اللون |
الصديق مجمد فاروق خبرناه من قرب رجل نضيف .. ذكى ... محب لوطنه ويتطلع دائما للجميل
شكرا خليل على هذا البوست .....
تحياتى للجميع
| |
|
|
|
|
|
|
Re: صديقي محمد فاروق يطقطق بابكر حنين (Re: سفيان بشير نابرى)
|
Quote: It is time for this generation to lead the way |
توقعنا من الأحزاب التقليدية أن تتيح الفرصة للجيل الجديد
لكن
رب ضارة نافعة
الأمل كبير في الشباب
فالمستقبل لهم
شكرا يا خليل مع إنو الحلقة فاتتنا وكنت مدبرس من بابكر حنين يوم حلقة نقد
لكن أديتنا الأمل إنو رغم الضجة الإعلامية دي، فإن وراء الأكمة ما وراءها
| |
|
|
|
|
|
|
Re: صديقي محمد فاروق يطقطق بابكر حنين (Re: محمد عبد الماجد الصايم)
|
Quote: لقاء الامس كان درسا مفيدا لجميع الاحزاب السودانية . لقد أن الاوان لتسليم دفة القيادة الى العناصر الشابة . العناصر الشابة هي التي لا تهاب صعاليك ومجرمي الانقاذ الذين يديرون أجهزة الدولة المختلفة بما فيها الاجهزة الاعلامية . لقد تقوقع بابكر حنين الى حجمه الطبيعي بعد أن ألقنه محمد فاروق درسا لن ينساه أبدا . ولقد كان حائرا تجاه إجابات محمد فاروق له . It is time for this generation to lead the way |
| |
|
|
|
|
|
|
|