|
|
 ]دخل موظف أكثر من نصف مليون باليوم يدفعها المغتربين !!!!
|
تحياتي اليكم بعد غياب طويل
ايها الشاهقون الفارعون الطاعمون
لكن الموضوع حارقني وقلت أول شيء انزله ليكم
وبعديها اعزف على اوتاركم الجميلة أجمل الكلمات والحروف وأحلاهاوأعذبها
وجهوا اوتاركم نحو الضوء
علها تشتد فنخرج بنشيد وطني يحمل كل معاني الإنسانية
لنرجع للموظف المحتال
المكان : جهاز العاملين بالخارج فرع مدني
الزمان يناير 2010
الخدمات جيدة بالجهاز وسريعة جداً
ومساعدة تجدها من مديرهم الى غفيرهم
يشهد الله أن إجراءاتي لم تستغرق سوى نصف ساعة
ولكن المشكلة في بطاقة الخدمة الإلزامية
حيث أن رسومها 65 الف بالقديم
بينما يأخذ موظف المنسقية 71 الف
والطريف أن لديهم ايصالين أحدهما ب 50 الف والثاني بـ 15 الف
فهل 15 + 50 = 71 الف
علماً بان رقمي كان 60
وبعدي أتى آخرون وكثيرون منهم داخلون في سقف الخدمة الإلزامية
حينما قلت للموظف انني صحفي واريد ان اكتب في هذا الموضوع رفض تسليمي اي مستندات
ثم أتيت اليه بطريقة أخرى حيث ارسلت أحد المجروحين بالستة آلاف
وسأله عن مصير الستة فرد عليه { هذه حقتنا } !!!!
|
|
  
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: Mohamed E. Seliaman)
|
تحياتي محمد
يعني باختصار دخل الموظف في الشهر اكثر من 10 مليون
والله بيني وبينك اتأخرت في الإجازة عشان عندي صديقي شغال في اعلام المغتربين
مشيت قدمت اوراقي وقلت يمكن القى { موطأ قدم } عندهم موطأ قدم دي عجبتني شديد
وبعدين قلت أحسن أنا آآآآآآآآآآآآآكل المغتربين بدل ما ياكلوهم ناس رعاع ساكت
على طريقة الأقربون اولى بالمعروف
قال حقتنا قال !!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: ابوحراز)
|
يا ناس يا شر كفايه أر (قر) الكلام منقول من مؤخرة مقطورة في سوهاج.
أبو حراز يا جميل وين إنت يا زول والله ليك وحشه ، وهل ما زلت قابضاً على الثلج في جبال عسير تاكل بيض وفول علب وتلعب حريق وتفتري على الله وتشرب سجاير ماركة مارلوبورو ولمن يكون عليك الميز أو غسيل العدة تعمل عندك مغص في أم التلافيف.
يا أخي الناس دي ما بتسرق حاجه ناس خمسين وخمسة وستين ديل زي موبايلات 3310 متذكرها أول إختراع لاسلكي في الدنيا الناس قطعوا شوطاً كبيراً في السرقة والبلد كلها إتلحست وإتسرقت ومن أمن العقوبة أساء الأدب. في ناس بتسرق يعني صفقة بترول شحنة قمح شحنة أسلحه ، أنا بصراحة عاوز أكون فريق زي الصوماليين وأربط للعالم دي في البحر وكل سفينه بي مليون إن شاء الله مليون ين ياباني الواحد مليون دي لغاية هسي ما مسكها وقدر ما حولت مدخراتي لي جميع عملات العالم ما وصلت مليون حاولت الليرة التركية والياباني والشلن الصومالي وبرضو متكسه وأبت تصل.
أب حراز أكتب لينا لأن الكتابة في هذا المنتدى أصبحت شئ من الوجاهة الإجتماعية وأنت زول بتحب الوجاهة والراحات بدليل إنك إتزوجت ست النفر بعد قصة حب طويلة وكمان أبيت تغير لينا صورة البروفايل بتاعك لمن بكري غطس حجرها وبقت ما ظاهره ، الناس ممكن يدفعوك خدمة إلزامية وممكن يودوك ساحات الفداء كمان لأنهم ديل قالو كل شئ لله وإنت أياً كان عمرك شئ والله يكون في عونك بدل ما ينزلوك المعاش لبسوك القاش وأدوك رشاش وإنت الأصلاً شوفك طشاش
عوداً حميداً يا جميل – بالمناسبة قبل أيام بت قضيم كانت حايمه بي جاي. وشيري برضو مدَت رأسها ورجعت تاني دفنت دقن. نحن في المنتدي الأيام دي إنتخابات سااااكت أوعك تاني تكتب لينا موضوع مغتربين ولا قروش ولا خدمه وطنيه
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: أيمن دياب)
|
خي أيمن دياب
كيف أخبارك 00 كلما أتي بالكاملين أتذكرك
حتى أنني قبل أسبوع تعطلت فيها وأمضيت يوم كامل
كيف اخبارك
وكيف مع سودانيز
اها بقيتو كم !!!
طبعاً نحن وقفنا الولادة نهائياً
قلنا نشوف الانتخابات دي آخرتا شنو
بعدين بيني وبينك شفع الزمن دا مشكلة
يعني تجيب ليك شافع ما بسمح ليك تجيب التاني نهائياً
ياخي ديل نهائياً ماقاعدين ينوموا
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: almulaomar)
|
الله 000 يا الملا عمر
مازلت بنفس نكهتك
بنفس طعمك
وبنفس الضوء الذي يشع من بين حروفك
ومازالت الصورة الجميلة تعطر المكان
رأيت واحدة جميلة جداً اثيوبية في سوق الرميلة
شربت مع صديقي قهوة هناك
كانت رائعة
بالطبع لم اقصد القهوة !!!
لكن 00 تعرف مازلنا نحن المغتربين بنفس العوارة
وبنفس الريااااااااااااااااااااااالة
وبنفس البراااااااااااااااءة
لم يتغير فينا أي شيء
قوووووووووووووووم يا أبوحراز أمشي لي ست النفر
وبكل براءة وعوارة قلت ليها والله الليلة شربت قهوة جميلة خلاص
قالت لي وين
قلت ليها في سوق الرميلة مع الحبشيات
ثم أرعدت وازبدت ودخل بيتنا فجاة إعصار توسنامي
المهم انتهى الإعصار بنهرة قوية
قووووووووووووووم ياحيوان
أقوم امشي وين
قوم أمشي الدكان
ياجماعة السكر وجبناهو
الشاي وجبناهو
قوم جيب لينا { بن }
آآآآآآآآآآآآآآآه طوالي اشترينا البن
واليوم التاني حلفت وقالت كان ماشربت القهوة من البيت دا ما بتطلع
وعليك أمان الله الرميلة تاني ماشفناها
ماقلتو نوبة
قال حبشية قال !!!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: بكري عباس علي)
|
أخي بكري عباس
والله حكاية غريبة جداً
زمان الموظفين كانوا بياكلوا لكن ما بالطريقة الواضحة دي
يعني يقال اذا بليتم فأستتروا وين المقولة دي من الجماعة اياهم
بعدين حكاية عدم الايصالات دي ثقافة جديدة
برضو كنت بضحك يوم كامل بعد ما خلصت إجراء في وزارة التجارة
لازم نقول اسم الوزارة عديل عشان هم ما بستحوا
المهم عندي استثناء عربية واتيت لأدفع المبلغ
دفعوني مليون ومية الف
والايصال طلعووووووووووووه 800 الف
الثلاثمائة مشت وين ربك يعلم
طبعا بعد ماقريت الايصال زعلت زعل شديد
وحلفت انو الحكومة ما ممكن تاكلني بالطريقة دي
المهم رجعت للموظف وقلت ليه ياشيخنا الايصال بـ 800 الف وأنا دافع مليون ومية
الراجل ضحك لحد ماعاوز يقع من الكرسي
وقام قال لي والله انت زول طيب ياخ وعلى نياتك
الـ 300 { تصديقات }
قال تصديقات قال
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: البدري عبد الله)
|
قبل أسبوعين يا البدري أخوي وصلتني مكالمة عن طريق الخطأ
واحد راجل طول وعرض قام قال لي انت اتصلت
قلت ليهو لا والله ما اتصلت عليك
قال : ياخي مش اتصال انت ارسلت رسالة رقيقة وفيها زهور
قال زهور قال
قلت ليهو ياخي انا مجنون معقول ارسل زهور لي راجل
وست النفر تموت من الضحك
قالت لي والله كان المتصلة دي { مرة } كان صدقت انك تكون رسلت ليها
قلت ليها ياكافي البلاء ساعة النسوان ماقاعدات يرسلن لينا
نقوم نحن كمان نرسل للرجال
هي ناقصة وللا ناقصة !!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: ابوحراز)
|
Quote: قبل أسبوعين يا البدري أخوي وصلتني مكالمة عن طريق الخطأ
واحد راجل طول وعرض قام قال لي انت اتصلت
قلت ليهو لا والله ما اتصلت عليك
قال : ياخي مش اتصال انت ارسلت رسالة رقيقة وفيها زهور
قال زهور قال
قلت ليهو ياخي انا مجنون معقول ارسل زهور لي راجل
وست النفر تموت من الضحك
قالت لي والله كان المتصلة دي { مرة } كان صدقت انك تكون رسلت ليها
قلت ليها ياكافي البلاء ساعة النسوان ماقاعدات يرسلن لينا
نقوم نحن كمان نرسل للرجال
هي ناقصة وللا ناقصة !!! |
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: بكري عباس علي)
|
في الجهاز وفي غيره
أي نص مابرجع وفي بعض الأحيان اربعة ونص ما بترجع واقل منها في حق الله..
عالم عجيبة..
تخيل المبالغ دي في الف مراجع على الأقل يومياً ..
يا دكتور تهامي فكنا من الهم ده بدفع مبلغ موحد مناسب في المطار بدل جيوش و فوضى الجهاز واستغلال الدولة للمغتربين وتضييع زمنهم خاصة من يسنون الاقايم وهم كثرة..
كالعادة لا حياة لمن تنادي وبيننا وبينكم صناديق الاقتراع ونواب الشعب الشرفاء..
حمد لله على السلامة أبوحراز الظريف ..
وين بوست الدعوى الدستورية..
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: عثمان جلال الدين)
|
الطمع ناس الحكومة فيكم أنكم تدفعون عن سكات
(لأنكم دايرين تتخارجوا بأي طريقة)
وناسيين أنكم حتتخارجوا لكن حتجوا تاني
تقيفوا في الصف وتدفعوا (عشان تتخارجو مرة تانية وتالتة ورابعة)
كان أحسن تدفعوا (كل المغتربين) لمحامي لمقاضاة حهاز المغتربين في هذا النهب الواضح وفاضح وما قانوني
وتساعدوا السودان في تأسيس حكم رشيد يقوم علي القانون وأحترام حقوق الناس
وتجو السودان وتطلعوا منو مواطنين محترمين
(لا دافعي ضرائب ومتخارجين)
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: ياسر محمد سعد)
|
أخي ياسر
كيفك ومرحب بيك في سودانيز أون لاين
الظاهر انك سنير جديد 00 طبعاً نحن من زمن حفرو البحر
مفروض بكري ابوبكر يعمل لينا بعد كده معاش ثابت
بعدين عندنا في القرى الواحد لو طوّل الغيبة الجماعة بيضبحوا ليهو بعد العودة
هنا عليك أمان الله ناس اريزونا نايمين نومة اهل الكهف
قلت لينا دمغة
تعرف واحد صاحبنا كتبو ليهو قبل ايام في الايصال { دمغة جريح }
الراجل يشيل ويقلّب في الايصال
الموظف قال ليهو مالك ياعمو مستغرب ليه
عمك قال ليهو والله سمعت إنو دمغة الجريح دي انتهت
عشان كده كنت عاوز اعرف { دمغة المفلوق } دي جبتوها من وين ؟؟؟
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: ABUHUSSEIN)
|
ABUHUSSEIN
ياخي مرحب بيك
انت عارف الحكاية ياريت لو اتوقفت على الجضوم
هناك أشياء { يابانية } رئيسية وهامة جداً ماشغالة بالطاقة القصوى
ماعارف يكون ياربي السبب الموية المالحة دي وللا شنو
وكلما اتذكر حكاية التيس أصاب بإحباط شديد
المهم ناويين نمشي مايرنو نشوف الحاصل شنو
تعرف في اشياء لو تعطلت الواحد الا بعد كده يمسك ليهو سبحة طويلة ويحرس الجامع
نبقى ناس آخرة وهي لله هي لله !!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: Nasr)
|
Nasr
والله كلامك عين العقل وصاح مية المية
ذكرتني مشهد الظاهر من فرقة الأصدقاء
كان في واحد خاتي قداموا فول وعيش وبياكل فيهم
اها في معاينة لبعض الشباب عشان التوظيف
اها بيدخلوا على صاحبنا بتاع الفول وبيسألوهم الزول دا بيعمل في شنو
اها في واحد قال ليهم عندو فول وعيش بياكل فيهم
طوالي لجنة المعاينة قالوا ليهو معليش انت راسب
اها دخل التاني والثالث والرابع وكلهم راسبين
اها الراجل سأل المتسابق الخامس وقال ليهو انا بسوي في شنو
قام طوالي المتسابق شال ليهو مليون وختاه في جيب صاحبنا
وقال ليهو انت بتااااااااااااااااااااااااااااااااااااااااااااكل !!!
الراجل نجح
اها نحن الناس ديل ساعة عاكسناهم
جابوا لينا الحكاية بطريقة تانية
شخصياً اتعكلت معاهم
لكن قال لي امشي محل ماتمشي بكل وقاحة
لأنو مافي شيء يثبت إنك أديتني 71 الف
اها قوة العين دي تقول فيها شنو ؟
| |
|
|
|
|
|
|
|
|
 Re: ]دخل موظف أكثر من نصف مليون باليوم يدفعها المغتربين !!!! (Re: soma)
|
أهديك مقال الكاتب الرائع الفاتح جبرا
(بدون أورنيك زاااتو)
عزيزى القارئ : لك كثير أسفى وإعتذارى إن كان عمودى بل عمودكم (ساخر سبيل) قد أخذ فى الآونة الأخيرة يأخذ منحى جاداً أو (شبه جاد) وهو يتناول بعض الظواهر والأمور الحياتية التى تهم (المواطنين) وهو عمود كما عودناكم دائماً يميل إلى السخرية و(النكتة) الهادفة ذات الرسالة والمضمون . وهذه الجدية (عزيزى القارئ) قد فرضت نفسها فرضاً على الكاتب الذى هو ليس بمعزل عما يدور فى هذا الوطن الذى أضحى مسرحاً من مسارح (اللا معقول) بلغت فيه الأمور مبلغاً فات حد السخرية فأرجو أن (تتحملوا) جديتى كما تحملتم (سخريتى) وغرضى فى كل الأحوال (الإصلاح) ما وجدنا إلى ذلك سبيلا ذلك الإصلاح الذى ترسبت قناعة داخل (العبدلله) بأنه أضحى قمين فقط بحدوث (معجزة إلهية) وهاكم بعض مما يدلل على ذلك فى مقال هذا اليوم .
مثلى مثل غيرى أتأسف كثيراً وأتألم أكثر وأتيقن تماماً إلى حاجتنا لمئات السنين (الضؤية) لنصبح مؤهلين للإنضمام إلى زمرة الدول الراقية وذلك عندما نرى القوات النظامية التى من المفترض أن تقوم (بحراسة القانون) هى أول من (يخترقه) فعادى جداً أن تكون واقفاً أمام إشارة المرور (الحمراء) فيأتى من خلفك من (يقطعها) فإذا ما تمعنت فى لوحة العربة وجدت أنها تنتمى إلى جهه نظامية وبالطبع إذا ما حانت لك الفرصة ووجدت من تسألة عن هذا الإختراق الواضح والصريح للقانون جاءتك الإجابة بأن (العربة) فى مهمة تستدعى العجلة ! على الرغم من أن القانون واضح هنا ويلزم السائق بإستخدام (الصفارة) كيما يقوم بتنبيه المارة والعربات التى على الطريق.
وكم من مرة تجد أن العربة التى أمامك تبطئ فى السير على الرغم من إنسياب الحركة فتكتشف أن عند تخطيها بأن السائق يتحدث عبر الموبايل وهو فى كامل بذته العسكرية وغير ذلك من الأمثلة التى نعلم تماماً بأن (المكتب الصحفى) لأى من القوات النظامية سوف يرد عليها بأنها تصرفات فردية وما علينا إلا التبليغ الفورى عند حدوثها غير أن هذا المقال هو (شكل تانى) فهو يتحدث عن (خرق جماعى للقانون) تمارسه الشرطة حارسة القانون (عينى عينك) الشئ الذى سوف يجعل مهمة (المكتب الصحفى) لقوات الشرطة مهمة عسيرة فى الرد عليه أو إيجاد (مخرج) لتبريره وإليكم القصة :
توجه ولدنا (عبدوش) إلى أحد مراكز السجل المدنى لإستخراج شهادة (بدل قيد) إذ يعتزم إستخراج شهادة تسنين للتقديم بها إلى وظيفة بعد أن جلس على (دكة العطالة) لسنوات طوال منذ تخرجه ، لاحظ (عبدوش) وهو لا يزال فى الصف ينتظر دفع الرسوم (المكتوبة على الإيصال) والبالغ قدرها (عشرون جنيهاً) أن (الناس بتدفع) ثلاثون جنيهاً ، عند وصوله إلى مكان الدفع (يقول إبننا عبدوش) لم يكن معه غير (خمسة وعشرين جنيهاً) آثر أن يعطيها (لجنابو) حتى لا (يتجرجر) و(يدخل فى كلام) هو فى غنى عنه – وهو يعلم أن الرسوم هى عشرون فقط- لكن (جنابو) أمسك بالخمسة وعشرين جنيها ووجه حديثه إليه قائلاً :
- الإيصال بى تلاتين !
- لكن أنا ما عندى غير الخمسة وعشرين دى
- (فى إزدراء) : إنتا قايلنا دكان وإلا بقالة
- خلاس أكتب ليا فى الإيصال ده (تلاتين) عشان أديك التلاتين
عندما أحس (جنابو) بأن (عبدوش زول حقانى) طلب منه الدخول (لى جوة) حيث أفهموه بأن (العشرة جنيه الزيادة) دى تعتبر (دعم) ولابد من دفعها كما درج بقية المواطنين على دفعها (بالتى هى أحسن) وأحسن ليهو يدفعا (وما يعمل فيها تفتيحة) عشان أمورو تمشى وكده !!
يقول لى إبننا (عبدوش) بأنه قد عاد إلى منزله دون أن يقوم (بإستخراج الشهادة) وقام فور وصوله بالإتصال بأحد أقربائه الذين يعملون (بديوان المراجع العام) ليسأله حول (قانونية) هذا الأمر إلا أن قريبة قد أصابه بنوبة من الإحباط إذ أخبره بأن (الموضوع عااادى) وإنو معروف لديهم بإسم (الدعومات) ويتم (تعاطيه) فى معظم (إن لم يكن كل) مراكز (السجل المدنى) !!
عزيزى القارئ :
أذا كنا نعلم بأن أى رسوم تدفع بدون أورنيك (أو أيصال) غير أورنيك (15) والذى هو ايصال مالي لتحصيل واردات الدولة تعتبر رسوماً غير قانونية وتندرج في قائمة المخالفات المالية فماذى نسمى هذه (القروش) التى يقوم بدفعها المواطن (دون أى أيصال) أو مستند؟؟ وإن كنا نعول على (الشرطة) أن تحمى المواطن من أى (جبايات) غير قانونية (معقول) تقوم (الشرطة ذااااتا) بهذا التحصيل غير القانونى لهذه الأموال والتى من الواضح أنها لا تورد في خزينة الدولة (ح تورد كيف و إذاى يعنى؟ وبواسطة ياتو مستندات ؟)
بالطبع ننتظر رد الإخوة فى (المكتب الصحفى) لقوات الشرطة والذى نأمل أن يحمل إجابه لإستفسارات (ولدنا عبدوش) حول قانونية (هذا المبلغ خارج الإيصال) والإستفسار الأهم وهو كيف وإلى أين تذهب الحصيلة؟ كما ننتظر رداً من مكتب الأخ السيد (د. عوض الجاز) وزير المالية والذى ما فتئ يكرر عن ولاية وزارته على (المال العام) وأن تحصيل أى مبالغ خارج (أورنيك 15) هو تحصيل غير قانونى يجب أن تبلغ عنه الشرطة ... أهو ده تحصيل بدون (أورنيك ذاااتو) ومن (الشرطة ذااااتا) !
كسرة :
أنا قلتا لى ولدنا (عبدوش) إنتا لمن أديت جنابو (الخمسة وعشرين) وقال ليكا (إنتا قايلا دكان وإلا بقالة ) كان تقول ليهو والله أحسن (البقالة) لأنو على الأقل الزول بيعرف قروشو (بتمشى وين) !!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: وجن)
|
Quote: بعدين بيني وبينك شفع الزمن دا مشكلة
يعني تجيب ليك شافع ما بسمح ليك تجيب التاني نهائياً
ياخي ديل نهائياً ماقاعدين ينوموا |
ههههههههههههههه عليكم الله شوف العربى وطولة لسانوا
اخونا ابو حراز
يا اخوى حمد لله سلامتك وانشاء الله العقب بخير
يا اخوى الحق نفسك كتر الدفع قرب يفوت بيك
انت ما عارف الاجازة 30 يوم ومازاد عن ذلك بجيب نتائج عكسية
مودة خاصة
وتحياتى لجميع الاهل
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: Yousif A Abusinina)
|
Yousif A Abusinina
عليك الله ما كنت بتنوم من المغرب
شخصياً كانت الوالدة تمسحني بالزيت المنجض بعد المغرب
وبعد ذلك أدخل في نوم عميق
والواحد ماقاعد يفرفر حتى الصباح
مرة واحدة على ما اعتقد أتذكر أنني صحيت في رمضان وقت السحور
وأدوني كباية لبن وقالوا لي تاني والله تصحى الا نوديك الديوان
وأنت عارف الديوان شيء بعاعيت وشيء شواطين
شوف شفع هذا الزمن
يعني لو حركت بس كراعك بالليل يقوم يقول ليك عاوز موية
ومش كان جبت ليهو جردل مليان
برضو لازم يصحى ويتكلم معاك
اضافة الى أنه في السودان وفي الكثير من البيوت تنعدم الخصوصية
يعني نحن آخر واحدة دي ماعندها أي نوم بالليل
ومرات كيتاص ومغصة عليك تنزل من سريرها لتأتي لتنوم معاك في نفس السرير
وا لله قربنا نخلي ليها السرير ذاتو
المهم وديناها الروضة
عسى ولعل أن تكون الفترة الصباحية فيها شيء من الهدوء
اها بعد معمعة الشاي وقروش الفطور تقول تقعد ليك قعدة هادية كده
فجأة البوري يضرب
سيد اللبن
بعد شوية الجركانات 00 الصفايح
تقوم المدام عندها باقي جركانة زيت تطلع تبيعها
بعد شوية الزول البصلح السراير والعناقريب فجأة يدق ليك الباب
ننتهي تجي أخت المدام
طبعاً دي حليب طويل الأجل
اها والجيران وأخبار الفريق
كل مرة داخلة واحدة
اها بعد الساعة حداشر تقول تروق شوية وتهدي اعصابك
فجأة يجيك داخل الخال وشايل كيسو معاه ويقول ليك قلت {أقيّل } الليلة معاكم
وايها القعدة
يعني صراحة لو جبت ليك شافع جديد في السودان تكون دي واحدة من المعجزات
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: وجن)
|
شكراًوجن
والله مقال يعبر عن واقع معاش وظواهر تكاد تكون ملموسة لكل إنسان
عشان كده النظام الإلكتروني لتسديد المخالفات والرسوم مابينفع عندنا في السودان
وحتى لو طبقوه الجماعة الطيبين حايخربوه طوالي
والشيء المضحك مرات يدوك ايصال مخالفة مابيتطابق مع المخالفة نهائياً
يعني مرة عندي تصريح مرور منتهي
عملوا لي مخالفة بـ 30 الف
وكتبوا في المخالفة { إزعاج سيارات الشرطة والمطافي والاسعاف }
والله أنا أضحك لحد ماوصلت الخرطوم
لأني ماقابلت اي سيارة مطافيء عشان اسبب ليها الإزعاج والأذى الجسدي !!!
حكيت الكلام للجماعة في فطور رمضان
وكان بيفطروا معانا أعمامك كبار
كلهم ناس معاشات
المهم واحد قال اشترى ليهو رقشة
وشحنها من الخرطوم للحصاحيصا
فجأة بتاع المرور ظهر ليهو وقال ليهو ياعمك الرقشة دي موديها وين
قال ليهو ياولدي موديها الحصاحيصا
العسكري : عندك منفستو
عمك : والله انا ماعارف اي شيء لقيت بتاع الدفار واتفت معاهو عشان الرقشة مابتمشي بي كرعيها من هنا
العسكري : عليك مخالفة عدم وجود منفستو
عمك : طيب ياولدي لو دفعت ليكم بيسألوني قدام تاني
العسكري : حتى لو سألوك توريهم الايصال
اها عمك بعد ما سمع إنو ابو حراز أزعج سيارات الشرطة والمطافيء
قال كدي النجيب ليكم ايصالي عشان تقرووووووووه
وفعلاً متنا من الضحك
عمك كاتبين ليهو في المخالفة { فتح مدرسة تعليم قيادة السيارات بدون رخصة }
والله كان ما مسكنا فيه وقلنا ليهو خليك عاقل وكبير
قال الا يمشي ناس المرور ويقول ليهم ادوني مدرستي دي عشان اطلع ليها رخصة
قال إزعاج المطافيء قال !!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: soma)
|
سوما
صاحبة الفراشات الملونة
والأحرف الملونة
وكأنك تعرفين غرامي مع الأنهار
تلكم التي تلتف حول خصر المدن
يشهد الله أن الناظر للجنيد من على طريق مدني الخرطوم تصيبه شهقة الدهشة
مدننا جميلة خاصة تلكم الواقعة على ضفاف الأنهار
ولو كان القرار بيدي لعينت كل المحافظين من الشعراء والرسامين والمبدعين
كيف اخباركم والعائلة والأخ الفاتح والأبناء
عليكم الله أمسكو { قصب } الجنيد دا عليكم
كل يوم عاملين شكلة أنا وست النفر
الزولة دي اليوم كلو تقش في الحوش
وياكافي البلاء سكر الجنيد ماقاعد يجينا
بس نحن ناس قصب محروق
اها لسه في السلطنة ؟؟
والله قررنا نترك الاغتراب
لكن ست النهر نهرتنا
وقالت يازول انت بيت ماعندك الفصاحة ليك شنو
ويموين لقينا ليك الشنطة مستفة
قالوا لينا أمشوا سنة واحدة
زمان النسوان الواحدة لمن راجلها يجي يسافر بكاء ودموع لمدة أسبوع
هسي عليك أمان الله تودعك وتضحك لآخر ضرس
نسوان آخر زمن
الله يستر علينا من { الخلعة }
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: جعفر محي الدين)
|
شكراً أخي جعفر على الترحيب
صدقاً لكلامك والله عندي قريبي خليت { ريالتو } سايلة
بنقول ليهو { العرة } يعني عوير ماتاميها
اشترى ماكينة تصوير
واشتغلت ماشاء الله زي العسل
قام كالعادة اشترى رقشة
بقى يوصل بيها محامية للمكتب بتاعها
اتزوج المحامية
بس ماعاوز ازيدك أكتر من كده
الغريبة مبسوووووووووووط
والمحامية أكثر إنبساطاً
غايتو مرات كده لمن الدنيا تمشي معاك بتتعاور عديل
ماكمل ليهو ثلاثة شهور في الزوج يقوم ابو المحامية يموت الى رحمة الله
طلع ليها نصف البيت والبيت ضخم جدا
يمكن النصف لايقل سعره عن 400 مليون
قال { عرة } قال !!!
طلعنا نحن { العرة } بضم الراء
اقسم بالله قريبنا شكلو اتغير
لبس كيف
ارياح كيف
بناطلين كيف
والرقشة أدوها سوااااااااااااااق
ولله في خلقه شئوووووووووووووووووووووووووووووووون !!!
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: ابوحراز)
|
| Quote: يعني صراحة لو جبت ليك شافع جديد في السودان تكون دي واحدة من المعجزات |
على قول حبوباتنا الله يجازيك آآآآآآآآآ الممسوخ هههههههههههههههه قطعت مصارينا
يعنى طلعت من المولد براءءءءء حمص على قول الحلب هههههههههههه
والله كلامك دة هدية خاصة لاخونا الحبيب والعزيز شيقا عشان يدبر خططة من بدرى يمكن تصيب
| |
|
|
|
|
|
|
|
|
|
Re: ]دخل موظف أكثر من نصف مليون باليوم يدفعها المغتربين !!!! (Re: Yousif A Abusinina)
|
ابوسنينة
ياخي كيفك
وكيف عمنا ابوسنينة 00 الراجل افضاله كتيرة على الناس
وأخو أخوان بلغ تحياتي له ولأبنائه
كان صاحب ابوي
مرة أداني خمسين قرش ماتقولوا الزول كبير
لكن زارنا في المدرسة الثانوية وخمش لي قروش من جيبو
انا لسه مبسوط من الحركة دي
عشان عشنا في الداخلية فساداً بهذه القروش
اشترينا لكل الطلبة داخل العنبر
ياحليل ايام زمان
صاحبك خليهو يتصل لو كان ماشي يعرس ويرجع
بيني وبينك الشغلة مازي زمان
جيلنا ماكان بلاقيها بسهولة
عشان كده بيكون في حالة شوق جارف
هسي تشوفها في اليوم عشرة مرات
| |
|
|
|
|
|
|
| |
ابوحراز
Mohamed E. Seliaman
almulaomar
james
وجن
بكري عباس علي
البدري عبد الله
Nasr
ABUHUSSEIN
ياسر محمد سعد
Yousif A Abusinina
جعفر محي الدين
محجوب البيلي
فيس بوك
تويتر
انستقرام
يوتيوب
بنتيريست