|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: أبو الحسين)
|
Quote: يا أخوانا عايز احكى ليكم الحكاية دى والله على ما أقول شهيد صحيحة 100% وكانت محضورة فى جمع عام.
على كرتى من اولاد مناطقنا وبيننا المجاملات العادية كعادة كل السودانيين بس هو للاسف بشتغل فى السلك الدبلوماسى ويفتقر لدبلوماسية الحديث.
الراجل دا فى مرة من المرات قدمت له دعوة فى منطقة نفوذ للمؤتمر الوطنى فى ريفنا حتة اسمها ( الزُرُقْ ) بعد واجب الضيافة بدأ الإحتفال فى ميدان عام ومن محتوى كلمة المنطقة والشباب فهم انه الناس ديل بقولوا ليه التنظيم مقصر معانا
طلع المنصة وهو فى حالة غضب من كلمتهم عشان شكوا حالهم قاليهم نحنا قصرنا فى شنو الناقصكم شنو جيعانين مرضانين مالكم ؟ قالوا ليهو اولادنا اتخرجوا وما لاقين شغل
اتخيلو رده قاليهم شنو؟ وليته سكت , بالظبط إنطبق عليه القول سكت دهراً ونطق كفرأً
بكل استعلاء و تهكم قاليهم كل الناس لازم يشتغلوا فى الحكومة يعنى؟ يمشوا إتفكوا فى الخرطوم وأى واحد يقطع ليهو باقة ويشيل ليهو فوطة ويغسلو عربات
اقسم بعظمة جلال الله دا رد الدبلوماسى للموالين ليهو فى الوقت اهله وأولاده مش كدا
|
| |
  
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: أبو الحسين)
|
الاخ ابو الحسين
يا اخوي بكل احترام انت ماك نصيح؟ مالك ومال الفارغة؟ احزابكم دي انتهت ، زمانها فات وغنايا مات!!! ، ميرغني شنو وصادق شنو وكلام فاضي شنو؟ كدي جيب اي ولد ثانوي من الشارع قوله بتعرف الميرغني ولا الصادق؟ قطع شك بيقول لك لا؟ لكن لو سالته قلت له بتعرف البشير بيقولك بعرفو.
نحن الشباب ديل عملنا ليهم جامعات وقريناهم فيها بالقروش وبعد ما اتخرجوا ما مسئوليتنا يشوفوا شغلة يشتغلوها اي شغلة الشغل ما عيب؟ كدي هسي الناس الشغالين في الخليج ديل تلقي الواحد شغال دكتور واقامته راعي.
نحن علمانكم فرائض الدين ، علمناكم فضيلة الزكاة المابتعرفوها دفعناكم فيها دم قلبكم لمن خليناكم انتوا زاتكم محتاجين ليها، وعلمناكم فريضة الاستغفار (الواحد فيكم يومه كله استغفار يستغفر بعد ما يفوت منو بتاع الضرائب وبعده بتاع النفاية وبعده الرخص ووراه العتب وبعده المحلية) وعلمناكم فريضة الصيام ، وجبة واحدة في اليوم وفي النص سندة والعشاء تموهو بالنوم. ومنها فائدة صحية لا سكري لا قاوت لا كوليسترول وامراض قلب وغيرو.
نحن جينا البلد دي وانتو شحادين وخليناكم هسي لاجئين وشتان ما بين اللاجئ والشحاد ، يعني اللاجئ اخونا بتاع ياسر طيفور داك القاعد في هولندا ما ممكن تقارنوا باي وسخان شحاد فيكم في ايام عهد الانقاذ.
(ياسر طيفور)
عليك الله وخارج نطاق السياق وريني الزول دا مشى لاجئ سياسي كيف ولاجئ من منو؟
ارعو بقيدكم وخشوا في علبكم زي ما قال لكم لافض فوه وضربتنا واحدة ما بنتنيها.
قبل كم يوم شفت عمر البشير بيتكلم عن المخمورين والعلمانية وما ادراك امام حشد من البشر ، كنت متمني واحد فيهم بس يقول له انت هسي لماني ولا اسلامي وحكومتك دي علمانية ولا اسلامية ودستورك العملتوا قريب دا علماني ولا اسلامي؟
خلينا من الهزار يا ابو الحسين عتابي الجد جد ليك، الصور دي ما بنزلوها كدا، يوم بتقتل ليها زول ارجوك رجاء اخوي تاني لما تجي تعمل بوست زي دا فيهو صور مفروض تكتب تحذير
اديك مثال ، مثلاً السيد محمد عثمان مشى الشمالية، يكون العنوان على الشكل التالي
بالصور : زيارة السيد محمد عثمان للشمالية ( توجد صور مريعة، يفضل عدم دخول ذوي القلوب المريضة).
او اعمل لهن تصنيف زي تصنيف ناس الشوتايم وبعد داك كل كوز وحالته النفسية والصحية بقدر يحدد يخش البوست ولا ما بيقدر. الناس ديل لايوق لو واحد جاته حاجة يوم القيامة الله اعلم تنفك منهم، الامة عايشة على الوهم الكتبتوا ليك فوق تجي انت بصورتين او تلات تهد كل دا؟
تحياتي يا ابو الحسين والى الامام وعاش حزب الحركة الوطنية وقائده والتحية لاهلنا في حجر العسل والبسابير وما جاورها ولعمدتها الناظر ود بليلو ولجماهير الحزب الاتحادي ولاخونا ود السميري الظاهر في الصورة.
| |
|
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: ود محجوب)
|
الاخ ود محجوب
ما ياهو دا الحارقنا، ناس اصبعهم في خشمكم وانتوا تعضوا فيهو!!!! اكتب اليك وانا اتذكر عطر سيرتهم الطيبة من ايام القرود والحور والسحاب فيترقرق الدمع في عيني الله الله .
يا لكم من جاحدين (بالمناسبة الجاحد دا الجنة بعينو ما بشوفها) وزي ما قلت دا علموهو الشحدة سبق على الابواب ( مع الاعتذار لابو الحسين) الزول هو ومعاه باقي الشعب السوداني كانوا شحادين شحادين جينا ونضفناكم وعلمناكم وقريناكم والاهم من دا كله دخلناكم الاسلام (هدا الليل والنهار نجلد فيكم ) يبقى جزانا جنس البتسوا فيهو دا؟
غايتو ما عارفين نقول ليكم شنو لكن زي ما قال المثل
الخيل تجقلب زي الشرا في القندول.
| |
|
|
|
|
|
|
|
|
 Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: محمد عمر الفكي)
|
Quote: الاخ ابو الحسين
يا اخوي بكل احترام انت ماك نصيح؟ مالك ومال الفارغة؟ احزابكم دي انتهت ، زمانها فات وغنايا مات!!! ، ميرغني شنو وصادق شنو وكلام فاضي شنو؟ كدي جيب اي ولد ثانوي من الشارع قوله بتعرف الميرغني ولا الصادق؟ قطع شك بيقول لك لا؟ لكن لو سالته قلت له بتعرف البشير بيقولك بعرفو. |
ود الفكي يا صديقي الجميل... سلامات وتحايا نواضر...
تعرف أنا أقرأ في كلامك دا... واقول يا ربي ود الفكي دا دِخِل!!!
فالحمد لله نزلت لا تحت لقيت دا...
| Quote: تحياتي يا ابو الحسين والى الامام وعاش حزب الحركة الوطنية وقائده والتحية لاهلنا في حجر العسل والبسابير وما جاورها ولعمدتها الناظر ود بليلو ولجماهير الحزب الاتحادي ولاخونا ود السميري الظاهر في الصورة. |
فالتحية ليك يا أخي الفاضل... ولي كل أهلنا بحجر العسل وولاية نهر النيل...
Quote: اديك مثال ، مثلاً السيد محمد عثمان مشى الشمالية، يكون العنوان على الشكل التالي
بالصور : زيارة السيد محمد عثمان للشمالية ( توجد صور مريعة، يفضل عدم دخول ذوي القلوب المريضة). |
وأبشرك يا الحبيب قد علمت أن مولانا الميرغني سيواصل جولاته إلى الجزيرة وشمال كردفان وجوبا ويختتمها بالشمالية... وزي ما قال أخونا ود الشيخ الغريق قدام...
وتابعوا معانا تدشين حملة شيخنا عبد الحكم ود أبراهيم في دائرة مروي ضد صلاح قوش!!!
موعدنا الخميس القادم بدائرة السيد علي الميرغني أمام استاد كريمة...
خليك قريب يا صاحبي...
| |
|
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: MOHAMMED ELSHEIKH)
|
| Quote: عينهم على التغيير إلى الافضل... |
شفت يا بو الحسين
الناس الـ في الصورة الأخيرة دي كلهـم أقـل من (25) سـنـة شباب يعني شباب,
كلهـم سمعوا الرائد يونس ويوسف عبد الفاتح وأحمد ابراهيم الامام وأكيد سمعوا خطابات الرئيس البشير وشاهدوا رقصاته
كلهم خدموا في الإلزامية ودفعوا الجبايات وخضعوا لبرامج التأصيل والتغيير وإعادة صياغة الإنسان السوداني
واليوم يحتشـد كل هؤلاء في ركاب حزب الحركة الوطنية السودانيـة ممثل الجماهير السودانية المتعددة في هذا السيـل الديمقراطي العرمرم
والويل للكذابين وآكلي السحت من التغيير السلمي الديمقراطي
الويل لهـم من ساعة الحقيقة ومن صناديق الإقتراع
أحمد الشايقي
| |
|
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: MOHAMMED ELSHEIKH)
|
Quote: غايتو حا يفوتكم الكتير يا جمال
انا مسافر السودان الأسبوع الجايي
وماني جايي الا بعد التصويت يبدأ
و بالله يا ناس رغيم وانعام تلفوناتكم رسلوها لي
دا كلام ما بينفع ... نقعد تجينا الأخبار بالسمع. |
الخير فيك يا عزيزي وفي أهلنا بولاية نهر النيل...
وحقيقي هذه المرحلة مهمة جداً التواجد فيها بالسودان...
وقد سبقك ابن العم عثمان رغيم والآن في طريقه إلى مروي حيث بداية إنطلاقة الحزب الإتحادي الديمقراطي... وسنتابع معهم بالصور... كيف سيقولها أهلنا بمروي مثلما قالوها أهلنا بحجر العسل...
تليفونات رغيم وإنعام ستكون بإيميلك الآن...
| |
|
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: أبو الحسين)
|
Quote: يا أخوانا عايز احكى ليكم الحكاية دى والله على ما أقول شهيد صحيحة 100% وكانت محضورة فى جمع عام.
على كرتى من اولاد مناطقنا وبيننا المجاملات العادية كعادة كل السودانيين بس هو للاسف بشتغل فى السلك الدبلوماسى ويفتقر لدبلوماسية الحديث.
الراجل دا فى مرة من المرات قدمت له دعوة فى منطقة نفوذ للمؤتمر الوطنى فى ريفنا حتة اسمها ( الزُرُقْ ) بعد واجب الضيافة بدأ الإحتفال فى ميدان عام ومن محتوى كلمة المنطقة والشباب فهم انه الناس ديل بقولوا ليه التنظيم مقصر معانا
طلع المنصة وهو فى حالة غضب من كلمتهم عشان شكوا حالهم قاليهم نحنا قصرنا فى شنو الناقصكم شنو جيعانين مرضانين مالكم ؟ قالوا ليهو اولادنا اتخرجوا وما لاقين شغل
اتخيلو رده قاليهم شنو؟ وليته سكت , بالظبط إنطبق عليه القول سكت دهراً ونطق كفرأً
بكل استعلاء و تهكم قاليهم كل الناس لازم يشتغلوا فى الحكومة يعنى؟ يمشوا إتفكوا فى الخرطوم وأى واحد يقطع ليهو باقة ويشيل ليهو فوطة ويغسلو عربات
اقسم بعظمة جلال الله دا رد الدبلوماسى للموالين ليهو فى الوقت اهله وأولاده مش كدا
|
غايتو انا شاهد على كلام ابو حوة ده ..
سلمت يداك
| |
|
|
|
|
|
|
|
|
 Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: محمد عمر الفكي)
|
| Quote: عليك الله وخارج نطاق السياق وريني الزول دا مشى لاجئ سياسي كيف ولاجئ من منو؟ |
يا ود عمر سلامات يا شقيق،
اللجوء ذاتو خشم بيوت، ولجوء أخينا في اللجوء على -مع مراعات- الفوارق، لاجيء درجة أولى في مصاف سلمان رشدي، شفت كيف، يا قول الجماعة؟ لجوء فكري، حيث اللاجيء يطلب حماية من المجتمّع بأكمله، لأن حياته معرضة للخطر في أي لحظة، ومن قبل أي شيء، إنسان، حيوان، أو حتى جماد، فإحتمال إنو الحجر ذاتو يقول: ياهو ده علي -الكافر- متضاري تحتي..
أها أخونا علي -الكافر- لم يسوِّق "حالته" التسويق اللازم، حيث يضع بعض الهالة -الهيلمانة- على نفسه، فعامله الهولنديون كعامة الناس، بعد أن تبيّن لهم ما تحت القبة، وهو ذاتو لما عرف إنو موضوعو ده ما أكتر من -حالة إنسانية- دخلت البلاد دون تمحيص، والبلاد بغيره مليئة بمثل هكذا حالات..
___
وبعد أن قنط علي من رحمة الهولنديين، بدأ العمل في مشروع الهجرة العكسية، "فوقعت" له الجنائية في عِبِه، فطفق يدافع عن البشير حتى ظن إنه سيورثه، وتمدّد الأمر وأصبح علي مدافعاً عن النظام فرداً فرداً، ولسان حاله يقول: يا جماعة شوفوني..
| |
|
|
|
|
|
|
|
|
|
Re: بالصُور... جماهير حجر العسل تعلن وقوفها خلف الإتحادي الأصل وتراهن على إسقاط علي كرتي ونافع. (Re: أبو الحسين)
|
هكذا يتحدث الاتحاديون :ـ
ينظر الحزب الاتحادي الديمقراطي الى العملية الانتخابية باعتبارها عنوان نضج وحضارة وايضا بحسابانها احدى ادوات التداول السلمي للسلطة وهي ايضا تعبر عن سيادة الشعب، ولذلك حرصنا على ان تكون الانتخابات في صلب الاتفاقيات التي وقعت مع الحكومة في المرحلة السابقة لاننا في الاتحادي لم نصل للسلطة على مر التاريخ الا عبر الانتخابات ولذلك كنا اكثر حرصا على توفير كل اساليب وضمانات الحرية واجراء انتخابات حرة ونزيهة حقيقية تتقبل القوى السياسية نتائجها.
وقد حرص حزبنا وقيادتنا مولانا محمد عثمان الميرغني رئيس الحزب الاتحادي الديمقراطي الاصل على اهمية اجراء الانتخابات الحرة والنزيهة والتوافق والاجماع من كل القوى السياسية على تدابير العملية الانتخابية النزيهة حتى تؤدي الانتخابات الى مزيد من الاستقرار والتغيير وليس الى الاحتراب لان الانتخابات في عدد من الدول المجاورة للسودان افضت لنتائج سلبية وهذا ما يجعلنا نعمل لتكون انتخابات حرة ونزيهة لنجنب البلاد والشعب الكريم أي نوع من انواع المضايقات الخاصة بالعملية الانتخابية. بل نريدها باباً ومدخلاً لاحداث التغيير المنشود وتحكيم ارادة الجماهير ليختاروا وينتخبوا بمحض ارادتهم وحريتهم الكاملة من يمثلونهم في هذه المرحلة المليئة بالتحديات، ولذلك دفعنا بكوادر وقيادات حزبنا رجالاً ونساءاً لخوض معركة الانتخابات ونحن على ثقة بان جماهير الشعب السوداني ستختار الحزب الاتحادي الديمقراطي الاصل بقيادة مولانا الميرغني وستختار مرشحي الحزب الاتحادي ولقد اعددنا واكملنا كافة الاستعدادات الخاصة لهذه المنافسة بامل ان تكون منافسة نظيفة وشريفة وبعيدة عن الاساليب الفاسدة والتجاوزات الخاصة بقانوني الاحزاب والانتخابات ونتمنى ان تكون ممارسة ديمقراطية حقيقية تعيد للسودان وزنه ووضعه واعتباره التاريخي لان السودان دولة عريقة وقديمة في الممارسة الديمقراطية.
وصحيح ان الانظمة الشمولية والديكتاتورية قد حرمت الشعب السوداني من الحرية والديمقراطية والتنافس الديمقراطي، وواجبنا نحن مع الاجهزة الاعلامية جعل الحراك السياسي والحزبي والتنافسي التعددي بين الجميع سبيلاً للتغيير الى الافضل باذن الله تعالى.
بعض ملامح البرنامج الانتخابي لقد وضعنا برنامج طموح وواعد وتمت صياغته واعداده على ضوء الواقع السوداني الحالي وعلى ضوء التطورات الاقليمية والدولية ولذلك استهدفنا في الدرجة الاولى مخاطبة احتياجات المواطن السوداني لان الاستطلاعات والحقائق الحالية تؤكد ان المواطن السوداني يعاني وانه يركز بدرجة تتراوح ما بين (70 – 80%) على احتياجاته ومعيشته والخدمات اكثر من التركيز على القضايا الاخرى، لذلك جاء برنامجنا في ملامحه الرئيسة مشتملاً على معايش ومصالح المواطنين. وفي جزء اخر ركز برنامجنا على الحقوق المدنية والحريات السياسية وفي هذا الصدد اشتمل البرنامج على اكثر من (34) محوراً غطت كافة مناحي الحياة والقضايا المهمة والمصيرية التي يتطلع اليها الشعب السوداني وقد راعينا ان يكون هذا البرنامج برنامجاً موضوعياً يمكن تنفيذه بعيدا عن البرامج التي تعتمد العناوين والاثارة وكسب اصوات الناخبين بصورة غير واقعية، فنحن في الاتحادي وضعنا برنامجنا عمليا قابل للتنفيذ طموحاً يلبي تطلعات جماهير الشعب السوداني وسنطرحه ليكون في متناول يد الجميع، سنقدمه لكل اسرة وكل فرد حتى يعرف الشعب السوداني كيف يفكر الحزب الاتحادي الديمقراطي وماذا يريد من الانتخابات القادمة. ويواصل حاتم السر : المهم بالنسبة لنا آليات تنفيذ البرنامج لان كل القوى السياسية السودانية الان لم تختلف بطريقة مباشرة أو غير مباشرة في عملية وضع البرامج الاحزاب لم تختلف في وضع البرنامج ولكن المحك الرئيسي يكمن في قدرة المرشح سواء لرئاسة الجمهورية ومرشحي المجالس التشريعية وولاة والولايات على ابتكار آليات ووسائل ناجحة ونافذة لتنفيذ البرامج والخطط.
رمزنا العصا ويؤكد حاتم ان الحزب الاتحادي الديمقراطي اختار العصا رمزا له في الانتخابات وللعصا رمزية معروفة (عصا سيدنا موسى) ولكننا لا نعد الشعب السوداني باننا نملك وصفة سحرية لكننا اجتهدنا في حدود ما نستطيع لوضع برنامج طموح يلبي كافة تطلعات الشعب السوداني في الحياة الكريمة الصحة والتعليم والعلاج والاستقرار والأمن، والتنمية المتوازنة بالاضافة للحقوق المدنية والسياسية وفي هذا الجانب معروف ان الاتحادي حزب عريق هو حزب التحرير والتعمير، نحن الحزب الذي اطلع بمهمة الاستقلال وتوحيد السودان والحفاظ على وحدته بعد التحديات التي صاحبت مرحلة الحركة الوطنية. والآن السودان يمر بتحديات خطيرة وصعبة وبصفة خاصة فيما يتعلق بوحدة السودان وباستقلاله وسيادته، وفي هذا الاطار انتهزنا هذه الفرصة الخاصة بالانتخابات كمدخل لنعود من جديد ويعود الاتحادي الديمقراطي ليتحمل مسؤوليته التاريخية لانه الحزب الوحيد الذي لم يساوم اطلاقا في قضية وحدة السودان ارضاً وشعباً ولم يسع لفرضها بالقوة والقمع والقهر وانما بالتراضي وعبر الممارسات الديمقراطية وفي مقدمتها حق تقرير المصير لشعب جنوب السودان ولدينا رصيد ثر وكبير من التعاون والثقة مع الاخوة في جنوب السودان وخاصة الحركة الشعبية لتحرير السودان ولذلك نعول على المواطن السوداني اذا ما اختار الحزب الاتحادي الديمقراطي الاصل ومرشحيه ستكون هناك فرصة حقيقية للحفاظ على وحدة السودان وتجنيبه الانفصال والتشتت والتمزق، ونحن نعول على ثقة المواطن السوداني فينا وسنسخر هذه الثقة باذن الله سبحانه وتعالى للحفاظ على وحدة السودان في ما تبقى من الزمن وهو قليل ولكن سنعمل وبالاصرار وقبول التحدي وعزيمة الرجال والنساء نحن في الاتحادي مع بقية الاحزاب التي تؤمن بوحدة السودان سنعمل ليس لجعلها جاذبة بل لجعل الوحدة امرا واقعا في ما تبقى من الزمن ونعتبر هذه مسؤولية وطنية كبرى لا تقبل المساومة ولا المزايدة ولا التكتيك ولا المناورات.
الاصلاحات العاجلة ويكشف حاتم السر عن اصلاحات عاجلة وضرورية يتضمنها برنامج الحزب الذي سيملك للشعب السوداني ويدشن خلال الايام القادمة، علاج لكل قضايا الواقع الراهن بالبلاد بمختلف جوانبه ومناحيه وقد وضع الحزب خطط واستراتيجيات مقرونة بمواقيت وجدول زمني للتفنيذ وهذه الاستراتيجية تشمل قصير ومتوسط وطويل المدى بجانب الخطط الاسعافية العاجلة لان الاوضاع بالبلاد وصلت مرحلة من التردي والتدهور المريع الذي يتطلب خطط عاجلة واصلاحية اساسية، وقد وضعنا في سلم اولوياتنا الجانب الاقتصادي وفي هذا الجانب ركزنا على التنمية الشاملة المتوازنة واكدنا على اهمية وجود تخصيص للمناطق التي تأثرت بالحرب في السودان مثل الشرق ودارفور والجنوب وكل المناطق التي تأثرت بالحرب تحتاج لخطط عاجلة واسعافية. ايضا من ضمن القضايا العاجلة في برنامجنا اكمال عملية السالم لان السلام الان منقوص ومجروح لان اتفاقيات السلام الوقعة حاليا لم يتم تنفيذها، من ضمنها اتفاقية القاهرة بين التجمع الوطني الديمقراطي والحكومة واتفاقية نيفاشا واتفاقية ابوجا، كل هذه الاتفاقيات ترواح مكانها من حيث التنفيذ ولذلك نريد تنفيذ هذه الاتفاقيات واستكمال الحل الشامل العادل لازمة دارفور التي أرقت ضمير الانسانية. ويؤكد حاتم ان الحزب الاتحادي الاصل يستطيع ان يقول بكل ثقة ان اهل دارفور وشعب دارفور ينظرون الى الحزب الاتحادي الاصل نظرة مختلفة عن بقية الاحزاب الاخرى التي تنافسنا في السباق الانتخابي ولدينا رصيد كبير ايضا من الثقة مع اهل دارفور ولدينا ايضا علاقات وطيدة وكبيرة مع الفصائل الدرافورية جميعها ولدينا رصيد كبير من التواصل مع المجتمع الدولي والاقليمي ونستطيع ان نوظف علاقاتنا وتواصلنا من اجل حل مشكلة دارفور ليعود الاقليم في اسرع واعجل ما يمكن لتعود دارفور سيرتها الاولى ولذلك هذه من القضايا التي ستتخد فيها قرارات فورية ونحن لن نتحفظ في هذا وسنتبنى ونعمل ونسعى لتطبيق وتنفيذ كل المطالب العادلة والمشروعة لاهل دارفور والمتمثلة في الاقليم الواحد والتعويضات الفردية والجماعية وفي انهاء السلاح وتجريد الجنجويد كل هذه الاشياء سنعمل من الضربة الاولى في تنفيذها حتى تستقر الاوضاع ويصبح الانسان امنا في وطنه وبيته ومكتبه وفي كل مكان بالبلاد.
ايضا هناك من الاولويات الضرورية التي سنوليها اهتماما بقرارات عاجلة وخطط عاجلة موضوع الصحة فالوضع الصحي متدهور جدا وذلك بسبب ضعف المبلغ المخصص للصحة في الميزانية العامة لكن نحن في الاتحادي سنتخذ قرار عاجل بتخصيص جزء كبير من الميزانية لبند الخدمات الصحية لتكون في متناول يد المواطن وكذلك الدواء الذي ارتفعت اسعاره وازدادت تكلفة انتاجه في المصانع بسبب الرسوم والضرائب وسنسعى في الاتحادي لجعل العلاج في متناول اليد وتمكين رجال الاعمال من انتاج وتوريد الادوية المنقذة للحياة لتكون في اليد والدولة ينبغي ان تدعم العلاج وفي مجال التعليم وضعنا خطة لاعادة تأهيل التعليم وتحسين بيئة التعليم وتطويره من حيث المناهج والاهتمام بالمعلمين والمعلمات ومعالجة مشاكلهم ونعمل ليكون للمعلم ولطبيب وكل القطاعات الشعبية وضعية خاصة في المجتمع من حيث التدريب والمخصصات ولقد وضعنا خطط وبرامج طموحة تؤدي الي تأهيل هذه القطاعات باعتبارها قطاعات منتجة وان الدولة لا يمكن ان تكون دولة ناهضة وقوية وحديثة في ظل عدم وجود سياسة وبيئة تعليمية صحيحة وفي غياب بيئة صحية جيدة لان الانسان لا يمكن ان يكون منتج ومفيد للمجتع ولن تتحقق تنمية في ظل غياب البيئة المناسبة. ويتضمن برنامجنا الاصلاحي الاسعافي الاصلاح الاقتصادي بالغاء الجبايات والرسوم التي ارهقت المواطنين وعطلت عملية التنمية وكذلك تتجه الى عدم زيادة اي ضرائب جديدة في الموازنة الجديدة حتى تكون الحياة الاقتصادية مستقرة والمناخ الاقتصادي مواف للانطلاق بما يحقق تطلعات الشعب السوداني في التنمية والرخاء والازدهار.
عاش ابو هاشم
عاش ابو هاشم
| |
|
|
|
|
|
|
| |
أبو الحسين
نيازي مصطفى
فاروق أبوحوه
شكرى سليمان ماطوس
محمد عمر الفكي
أحمد الشايقي
حبيب نورة
معاذ حسن
هاشم نوريت
ود محجوب
MOHAMMED ELSHEIKH
رغيم عثمان رغيم الحسن
Yassir Tayfour
elsharief
عثمان حسن المتعارض
Adil Osman
معاوية عوض الكريم
Amani Al Ajab
BAKTASH
فيس بوك
تويتر
انستقرام
يوتيوب
بنتيريست