|
|
 Re: هل توقفت نجلاء سيد أحمد .. (Re: محمد الشيخ أرباب)
|
كان المرحوم الأستاذ مصطفى سيد أحمد (بمناسبة نجلاء سيد أحمد)
اذا شاف زول عمل حاجة غلط وانحرج آآآوي
ووشو حمّر وقام زاغ ولا بحاول يزوغ
براحة يقول :
(الحممممممد لله دا ما أنا)
دحين في متل حالة ملاسي صاحبي دي
فإني اقول ما قال مصطفى 
ـــــــــ
كي كي ووهبة وحاة الخوة خلاص
| |
  
|
|
|
|
|
|
|
|
Re: هل توقفت نجلاء سيد أحمد .. (Re: معتز القريش)
|
| Quote: كي كي ووهبة وحاة الخوة خلاص |
أخ كريم وابن اخ كريم
ودعوتك لا ترد !!
لكن برضو حننتظر للمغرب كان ملاسي ماعمل تصريح جديد
بنضطر نرفع الفراش
__________________
كيكي ارمي قدام ورا مؤمن
نجيبو حي
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
ود البشرى يا عمك ..سلامات ..
أنت عاودك الحنين لأيام المتصفح والفيسبوك ولا شنو؟
Quote: الهكر اب بزاغ الحايم اليومين ديل قد يشكل مخرج آني لو جا و عولق البوست لا اعتقد ملاسي سيطلب ارجاعو مرة تانية
لكن في المنبر اللايوق الما بنسى حاجة دا حتظل حكاية" لوموني" دي في الأذهان لفترة طويلة |
يا عمك راجع معلوماتك ..الهكر قال البزاغ من عندكم ..ما عندو زمن عشان يضيعوا في البزيغ ..
| |
|
|
|
|
|
|
|
|
|
Re: هل توقفت نجلاء سيد أحمد .. (Re: Nader Abu Kadouk)
|
| Quote: هل توقف سحس عن الرد |
لا ادري يا رجل
ولكن منحني اللغة عنده صار كالتالي..
لوموني وقالها منططا وفرحا وقابضا قبضة لم يحسبها سراب بقيع
وعندما تبينت سرابية بقيع قبضته قال سحسا..
ماذنبي
والكيرف ده يا ابوكدوك لو (ختيناهو) في جهاز(قاوس الاسفيري) قاوس طوالي حيكورك و يقول
هنا يوجد مؤشرات اعراض | Quote: عملية (إزدراد) live. |
او كما قال ابو صلاح..
______________________
صلاح عبدالله ازدراد ولا ازدان بتاعتك دي بالله جانص فيها نفسحها مداخلة مداخلتين
ونرجعها ليك سليمة ومعافية
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
والله الليلة ملاسي الا تقعد تغني غنية خواطر فيل بس:
جابوني ليه ليه ليه...جابوني ليه عايزيني اعمل ايه انا
قبضوني زي زي زي مجرم خطير................
المرة دييييييييييييييييييييييي دي الموضوع خطير في حياتي مثلو انا ما رأيت....ترااااارااارالم
...
وهبة و كيكي اخليكم تتمو باقي الغنية ما حافظا
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
Quote: ظهورك بالملابس المدنية في بوست ود عوج الدرب ممكن يجعل منك
هدف سهل للقناصة والرصاصات الطائشة ... لازم ظهورك اليومين دي يكون بلبس خمسة
ولابس الخوذة بتاعة الحديد طوالي لانو المرجف دا عندو بصاصين حايمين اعمل حسابك |
غايتو نعمل شنوو ياخي مع عوج الدرب الدائما مفرنب وقادي الشغل لووووول..
ولكن يا عمك وبعد قبضة (ماذنبي ) الثمينة تلك فان الاوان قد ان لبعض الاسترخاء
ولو علي عجالة وممارسة بعض المهام المدنية كالتجدع بالازياء الافريقية وغيره..
ولكن طبعا لبس خمسة قاااعد هناك تحت تلك الملابس الافريقية التي يمكن ان تجدع في اي لحظة
ان دارت الحرب وعاد اخونا (ماذنبي) مرة اخري..
في اي زول جا (التمنة دي عشان يعمل ضمانة يا وهبة في اثناء غيابنا ده ياربي
ولا مافي ضامن لماذنبي ده لحدي حسع) 
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالكريم الامين احمد)
|
Quote: في اي زول جا (التمنة دي عشان يعمل ضمانة يا وهبة في اثناء غيابنا ده ياربي
ولا مافي ضامن لماذنبي ده لحدي حسع) |
كيكي
انا طالع الليلة عندنا كيتة
المهم لو جا المرجف او اي واحد داير يضمنو
قول ليهو المتحري مافي وقعدو في كنبة الانتظار التحت دي لمن اجي
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
Quote: قول ليهو المتحري مافي وقعدو في كنبة الانتظار التحت دي لمن اجي
|
معلوم..!!
والقول ما قاله المتحري وهبة
والكنبة ماقالها برضو المتحري وهبة...!!
واونسو ليك يا وهبة واقدم ليهو شامبيون كمان...
بس المهم يتكشكر ويجي (التمنة) قبل ساعة الصفر...!!
ولو جاء ضامن وعمل كركبة برضو يقعد ينتظر في الكنبة ...
لانو المتحري مااافي مشي عندهم كيتة
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالكريم الامين احمد)
|
وااااضح سعادتك
عُلِم وينفذ فورا
_____
تم قفل البوست في ساعته وتاريخو
وتعلق كل اعمال الزرزرة والتحريات
مالم تظهر اي فرنبات ويطلق سراح المتهم بضمان محل اقامته .
مالم يكن مطلوب في قضية اخرى .
التوقيع : عبدالوهاب علي الحاج
ع/عبدالكريم الامين احمد الشهير بكيكي
القائد الميداني للاراضي المحررة بالمنبر العام 
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
الموضوع: مرافعة إلتماس إسفيرية.
من بعد البسملة والحوقلة من أي كرت أحمر من شاكلة (مش شغلك) أو (نحو ذلك)..
يرفعه الزميل المسكوك ملاسي في وجهي..
وبعد تأمين سلامة كافة نفاجات الزوغان ..
في حالة لجؤ كل من عبد الوهاب الملقب (بوهبة) ..
وعبد الكريم الملقب ( بكيكي) ..
لهجوم مباغت عملا بالحكمة القائلة ( الحجاز ليه عكاز)..
أتقدم بالتماس بالرأفة ..
شديد اللهجة..
تحت المادة التوحيدية ( جل من لا يسهو ) من قانون الإيمان المطلق..
الي السيدين الاسفيرين المبجلين المحترمين الموقرين....الخ الخ
عبد الوهاب الملقب (بوهبة).
وعبد الكريم الملقب (بكيكي)..
بعد تقديم واجب الإحترام والتقدير والذي منو ..
لقد تابعت بروح ملؤها الأسى ..
للعترة الغير محسوبة ولا أقول السقطة ..
للأستاذ العلم ملاسي..
وكما تعلمان كلنا معرضون لمثلها..
لقد تصديتم بكل مسؤولية (وإن خالطها بعض التشفي مع سبق الإصرار والترصد)..
لمحاسبة الأستاذ العلم ملاسي على تلك الهفوة..
وقمتم بالواجب كما تقتضيه المروءة ..
وبما أن صاحب البوست لم يعد معنيا بالدفاع عن رأية..
رغم (خربشاتكم وطولة لسانكم) ..
أطلب منكم شاكرا ..
أن ترفعوا أيديكم (وتلمو لسانكم وتفكو رجلينه فورا)..
فالرجل رغم طبظاته وسخريته الحامضة أحيانا ..
إلا أنه صاحب مدرسة أسفيرية متفرده تميزت بسطرها الجامع الفريد..
فضلا عن روحه( السلبة ) في عدم المبالاة..
(بخرخرة) الآخرين مما يكتبه..
لكل ما جاء أعلاه ومالم يجيء أكرر إلتماسي بالرأفة..
وإن أبيتم وتماديتم في غيكم وعكلتتكم..
رميناكم...
..
ولا بلامش..
مالنا ومال الكتابة أم دق.
التوقيع:
(مدافع كان على كنبة الإحتياطي ودخل الملعب حسع)
| |
|
|
|
|
|
|
|
|
|
Re: هل توقفت نجلاء سيد أحمد .. (Re: محمد على طه الملك)
|
هلا يا محمد..
والكويس انو الالتماس بتاعك ده جاء بعد رفعنا التقرير النهائي للتحري الاسفيري وهبة في انتظار توقيعه عليه..
ولو جاء قبل هذا التقرير كنا قد نتلبط فيه ونعتبر بعض ما جاء في حثيثاته ملامح كركبة
ولكن الان يبدو ان السفن في هذه الدرشة قد شارف الوصول الي بعض الشواطي وبامان
واقتراحي باطلاق السراح في انتظار لمسات التحري وهبة
بعدها باذن الله اكيد سياتيك خطابنا عبر الهدهد الاسفيري وهو الكلك
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالكريم الامين احمد)
|
Quote: تم قفل البوست في ساعته وتاريخو
وتعلق كل اعمال الزرزرة والتحريات
مالم تظهر اي فرنبات ويطلق سراح المتهم بضمان محل اقامته .
مالم يكن مطلوب في قضية اخرى .
التوقيع : عبدالوهاب علي الحاج
ع/عبدالكريم الامين احمد الشهير بكيكي
القائد الميداني للاراضي المحررة بالمنبر العام |
..
GOOD GAME
يا عمك
وكدي الواحد ممكن يفرتق الي كراكير وخجانين اخري علي امل اللقاء في استحقاق اسفيري جديد
ومقابلات اسفيرية 0(علي قولة التوانسة ) جديدة..
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالكريم الامين احمد)
|
تحياتنا للاخ الملكـ
وتكبده المشاق ونطمنو ان الالتماس اعلاه
محل تقديرنا واهتمامنا
وشكرا لكل من مرّ من هنا
والشكر موصول ومبذول
للقائد كيكي
___
ونهدي المتهم هذه الهدية البسيطة
ونتمنى ان يواظب على استخدامها حتى نهاية هذا الربع
| |
|
|
|
|
|
|
|
|
|
Re: هل توقفت نجلاء سيد أحمد .. (Re: أمين محمد سليمان)
|
Quote: تم قفل البوست في ساعته وتاريخو
|
الراجل مزنوق في قروش و الفلس حاصل ، قال لصحبو ( أنا بنتظر لباكر ، كان الله فرجها ، فرجها ! و كان ما فرجها ببيع حمارتي دي و افرجها علي روحي ) !!
دحين يا وهبه و كريم ، يا تفتحو لي البتاع ده من أوك و جديد ، يا كمان أفتح لي بوست براي و افرجها علي رقبتي !!
| |
|
|
|
|
|
|
|
|
|
Re: هل توقفت نجلاء سيد أحمد .. (Re: محمد على طه الملك)
|
محمد علي Quote: يا عبد الوهاب..
ياخي إنت زول مفتح ما تصدق أمين..
الزول دا شوف عيني قبال يومين بس..
ركبنا الطرورة وخلانا نساسق وراه بالليل والنهار..
قال أيه..
كان متغدي معاه توت..( خت لينا وش ياخي).
|
شكلك ما جاي لحوار أصلو !!
ياخي أنا بتكلم مع وهبه في التلفون و عمك توت نائم (كما الأطفال) قدامي !!
و كدي خلي وهبه يجي ينكر !!
| |
|
|
|
|
|
|
|
|
|
Re: هل توقفت نجلاء سيد أحمد .. (Re: MAHJOOP ALI)
|
سلام ياجماعة ودبايوا..
وشايف يا وهبة في استئناف ومطالبة باستمرار المكسيكو ده..
وطبعا الاستئناف حق مشروع واصيل ... وحتي ملاسي زاااتو له حق الاستئناف لوووول
وانا بس يا امين ح اقلل ابنصاتي شوية لانو الليلة زااتو خاشي كراكير القراية ام دق مرة اخري
ولكن ح اتاوق واشوف مسارات العمل المكسيكي ده ماشي كيف.. ..!!
وممكن بريكات القراية تكون في البوست ده لو القصة ولعت تاني
وتحياتي للجميع
ويا ود الملك لك التقدير والتجلة وهبة كفي ووفي بالعهد
| |
|
|
|
|
|
|
|
|
|
Re: هل توقفت نجلاء سيد أحمد .. (Re: عبدالوهاب علي الحاج)
|
وهبه وكيكى الرائعان شكرا على البوست الممتع وده ردى لعفراء
Quote: سلام نجلاء كيفك والحاجة والعيال
أنا برضة عندي سؤال و اذا ارتأيت عدم الرد فهو لك
ما هو موقفك أنت وزملايك في الحزب الذين يؤيدون ياسر عرمان من ترشيح مرشح الحزب الاستاذ نقد وحملته الانتخابية
لك الود
عفراء
عفراء تحياتى واشواقى والحاجة تمام
لك ذلك انا قدمت استقالتى من الحزب الشيوعى من اربعة اشهر يعنى لايوجد التزام حزبى
اما دعمى لياسر عرمان لانه يمثل وحدة السودان وهو الأمل القادم لذا ادعم عرمان ووجدت عرمان فى كل الساحات ... ضد قانون النظام العام......... ضد حجر حرية التعبير......... ضد ختان النساء
وسمعت خطابه فى معظم الحملات التى دشن فيها حملتةالانتخابية لذا فى رائى الشخصى عرمان ويييييييييي
سودان جديد ويييييييييييييييييييييي
رغم انتمائى التنظيمى امر يخصنى بس احترمك جدا و حتى لايتضرر الحزب الشيوعى من وقفتى مع عرمان اوضح ذلك |
| |
|
|
|
|
|
|
|
|
|
Re: هل توقفت نجلاء سيد أحمد .. (Re: نجلاء سيد أحمد)
|
الباسلة نجلاء Quote: Quote: سلام نجلاء كيفك والحاجة والعيال
أنا برضة عندي سؤال و اذا ارتأيت عدم الرد فهو لك
ما هو موقفك أنت وزملايك في الحزب الذين يؤيدون ياسر عرمان من ترشيح مرشح الحزب الاستاذ نقد وحملته الانتخابية
لك الود
عفراء |
عفراء تحياتى واشواقى والحاجة تمام
لك ذلك انا قدمت استقالتى من الحزب الشيوعى من اربعة اشهر يعنى لايوجد التزام حزبى
اما دعمى لياسر عرمان لانه يمثل وحدة السودان وهو الأمل القادم لذا ادعم عرمان ووجدت عرمان فى كل الساحات ... ضد قانون النظام العام......... ضد حجر حرية التعبير......... ضد ختان النساء
وسمعت خطابه فى معظم الحملات التى دشن فيها حملتةالانتخابية لذا فى رائى الشخصى عرمان ويييييييييي
سودان جديد ويييييييييييييييييييييي
رغم انتمائى التنظيمى امر يخصنى بس احترمك جدا و حتى لايتضرر الحزب الشيوعى من وقفتى مع عرمان اوضح ذلك |
شكرا لوضوحـك
في زمن اصبح رجاله يتدرجون في الرمادي
وادمنوا الهبوط .. مصابون بفوبيا الاماكن العالية
ووحدك سيدتي تفهمين سر الصعود والنخيل
وقال الراوي :
ماتبقي رقراق
ابقي ياضل
ياشمس
| |
|
|
|
|
|
|
| |
معتز القريش
عبدالوهاب علي الحاج
بشير جبريل علي
Nader Abu Kadouk
زياد جعفر عبدالله
عبدالكريم الامين احمد
Kostawi
محمد على طه الملك
أمين محمد سليمان
حواء سليمان ابراهيم
MAHJOOP ALI
عمر عشاري
محمد البشرى الخضر
محمد عبد الماجد الصايم
Osama Mirghani
نجلاء سيد أحمد
فيس بوك
تويتر
انستقرام
يوتيوب
بنتيريست