|
|
|
 Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
شكرا على الرد يا علاء.... انا ما كتبته ليك كلامي ده استعجال، لكن انا زولة جادة.. وبفتكر انه طرحي الجاد أفيد لي وليك في قضايانا.. في محاولة فهمي لتأييدك للإنقاذ، وفي وصف تبريراتك للحاجه دي.... وما تتصور أبداً إني عايزه أقلل من قدرك بنقاشي، ولا اني بتهمك بي شي... ويظل الاحترام سيد الحوار... فشكرا على الرد، وعلى الوقت، واعفي لي انك صحيت بدري عشان ترد على كتابتي....
طيب اسمح لي اعلّق على كلامك... لأنه انت ما رديت على نقاط محدده أنا أثرتها، عايزه أكّد عليها...
| Quote: نحن بنتكلّم عن مليون ميل مُربّع في عشرين سنّة كانت فيها الطرُق صِفر كبير ، عشرين سنة كان فيها 15 سنة حرب مُتواصِلة في الجنوب سمّوها أطول حرب في أفريقيا و بعدها خمس سنوات إستنزاف دولي للسودان بسبب دارفور و مٌحاصرة إقتصادِيّة طالت حتى وقود الطائرات و إسبيراتها مدة العشرين سنة. |
انت بتتكلم عن حرب الجنوب يا علاء باعتبار انها حرب ناس الانقاذ ما ليهم دور في اشتعالها، الانقاذ عبّات البلد كلها ودخّلتهم في قضية خاسرة، وفي النهاية اتنازلت بعد ما ماتوا ناس من الطرفين.... وبعد ما بقى في جيل كامل مدرّب عسكرياً (بالغصب)... وبعد ده، انا ما بتكلم عن مليون ميل مربّع، انا بتكلم عن الخرطوم، رفاعة ديك خليها (شارعها ياهو زاتو مما الله خلقني)... انا بتكلم عن العاصمة فقط، باقي البلد ده خليه حسي... بتكلم عن عاصمة الدولة، العندها موارد، العرب ديل كلهم مجتمعين ما عندهم... طريق الخرطوم مدني، الماتو لي فيها، اعداد مافي داعي نذكرها، ولازال على حاله! وبرضه انا ما بتكلم عن رصف طرق لدولة (بترولية)!! مفروض الزفت يكون فائض حاجه بالنسبة ليها... انا بتكلم عن النظافة العادية دي، الاكياس الفي الشوراع، الزبالة الانت جايب صورتها دي.... الكوشه العشوائية...
انا ما بعرف انت ساكن وين، لكن انا اهلي ساكنين في المغتربين بحري... الساحة القدام بيتنا، حسي قفلوها كلها مباني... (ده التخطيط البتتكلم عنه)... الساحة الكنت بلعب فيها وانا طفله، بقت بيوت، الكوشه حقتنا بتشبه الكوشه الفيها أي حي درجة دشليون... ما حصل شفته لي عامل نظافة بنظّم، انا عشته في السودان، ما تفتكر اني بتكلم كلام ناس شهادة عربية...أهل نادر ساكنين المهندسين في ام درمان، نفس الكوشه دي موجوده!!!
| Quote: شوفي لمن كُنّا في عهد الطائفية البائدة كان لمن يقولوا ليك فلان دة خريج جامعة (1-2-3-4) اللي هُم بالعدد ، زي التقول خرّجوهو بي درجة دكتوراة في اربعة سنة ، و هسي بحمد الله مافي بيت ما فيهو أكتر من جامعي لو ما كُلّهم حتى ناس الأرياف ، شوفي كان في كم داخِلِيّة و زمان يمكن غير البركس و حسيب مافي. |
أولا يا علاء، في فهم غلط انه اي زول في الدنيا دي مفروض يكون خريج جامعة... وده فهم غلط جداً، لانه الناس عقولهم ما واحد... في ناس الله اداه مهارات مهنية ممكن يطوّرها ويعيش بيها أحسن من انه يقرا الجامعة، قراية كلفته، ويعيش على هامش الحياة، لانه ما قادر يأدي أداء كويس ... لانه دي ما حدوده.. الانقاذ جات انتهت من التعليم المهني تماماً، ونفّرت الناس منّه، ده خلا انه الناس كلها عايزه تدخل جامعة... معظم الناس البدخلوه ما بكونوا قادرين عليها... وبدخلوا بمعدلات ضعيفة، في تخصصات ما مناسبة... دولة أنهكتها الحرب زي ما بتقول، ما بتقدر انها تدعم تلاتين جامعة، بي مدرسين وبي معامل وبي كتب، ونبقى في الشحده الحاصله الايام دي! قطر ترسل لينا كتب!!! ونجمع للجامعات عشان يشتروا كتب... الاربعة جامعات البتتكلم عنهم ديل كانوا بطلعوا ناس مؤهلين ومتعلمين تعليم ممتاز... والتعليم كان محايد يا علاء، لو ما كده، ما كان والدي الإتولد في عائلة بسيطه في رفاعة، والده موظف في المستشفى، وامه يادوب بتقرا وتكتب، ما كان مشى حضّر ماجستير ودكتوراه في بريطانيا وعلى نفقة حكومة السودان... واهله ديل لا كانوا من ناس سيدي ولا شي... والمشوا معاه تعرف منو؟ مصطفى عثمان اسماعيل (زولكم)... وصاحبه (شيوعي للطيش)!... يعني المسألة بالكفاءة ما بالمحاباة!!! صاحبه الشيوعي ده حسي مستشار قانوني لمنظمة العمل الدولية! طفش من السودان بسبب السوته الانقاذ فيه...
تعرف يا علاء، لما والدي جاه تعاقد سنة 87 من جامعة الامارات، زملائه في جامعة الخرطوم كانوا بضحكوا عليه، يقولوا ليه ماشي الصحراء دي تعمل شنو... ! بعد الانقاذ، كلهم طلعوا سابوا البلد... لأنهم حاربوهم في معايشهم وفي حياتهم، وحوّلوا الحياة لجهنم لا تطاق...
| Quote: زمان كُنّا حبوب الكلوروكين و الكينين ما لاقِنّها و المُستشفيات على عدد أصابع اليد و لمن الواحد يشوف ليهو عربية إسعاف زي الشاف النبي في المنام هسي عربات الإسعاف لو زول كحّة ساي بقو يطلبوها ليهو و يجن جاريات تلاتة زي الركشات. |
انت بتتكلم عن علاج الأثر! ليه بلد زي السودان لحدي حسي يكون فيه ملاريا!!!! توفّر الدواء ده فيه تجاره كبيرة يا علاء، مسألة توفّره دي منوطه بشركات الدواء... وده business زي ما انت عارف، انا كنت بخجل لما كنت أرجع من الامارات اجازه، اني باخد تطعيم عشان امشي، شي تايفويد وشي ملاريا... وصاحبتي السورية، ترجع سمينة وبيضاء أكتر مما كانت... احنا ابونا برجعنا قبل اسبوع من بداية المدرسة، يقول لينا عشان تتبلبلوا شوية ما تفضحوني! المستشفيات الكتيرة البتتكلم عنها دي، اغلبها خاصة، بعد ما فشلت المستشفيات الحكومية في انها توفر العناية الصحية للناس... المستشفيات كل يوم بنسمع منها مآسي، المات بسبب انه مافي اكسجين! والبرسلوهم يجيبوا ادوات العناية الطبية! المفرق الحكيت ليك عنها ديك، المقطّعة... مستشفاها احسن من مستشفى سوبا، وانظف منها!وما تقولي لي ما تقارني بي البلاد البرّه... الاردن ده بلد مافي شي... انت متخيل كيف انه مافيه شي!!! وفي اتعس مكان في العالم، كل البلاد الحوله فيها كوارث!
قصة الجامعات السودانية الحكيت ليك عنها، اوضّحها شويه.. الجامعات السودانية بتعلن... وانهم بياخدوا الطلاب بنظام التجسير بقولوا.. يعني الزول يفضل في الاردن ويقرا.. طبعا دي طريقة ممكنه، وهي التعليم عن بُعد، الكارثه انه مافي متابعة عشان يراقبوا جودة الناس البقروا ديل... وفي ناس، لا بقروا لا الله قال، وبتخرجوا وياخدوا شهادات من جامعات زي دي.. وبالاسماء دي.. في اكتر من حادثه لأردنيين قالوا انهم اشتروا الشهادات، لدرجة انه وزارة التعليم العالي، حددت الجامعات السودانية البتقبل منها شهادات! وكل الكرور داك اتشال، ومافي غير الخرطوم، والسودان، وام درمان الاسلامية، والجزيرة، وواحده خامسة ما متذكراها...
السعودية دي ما تجيبها مقياس لي إنه الشهادات ما بتتقبل... الشغل خشم بيوت، يعني زول متخرج من الخرطوم، لو قدم لوظيفة سمحه، مافي زول بتردد، لكن زول من كاب الجداد، مافي زول بشغّل فيها، بشتغل في وظيفة اقل منها بكتير... ! غير كده، السعودية دي غيرنا احنا الجاريين من بلدنا مافي زول برضى بيها... ناس الامارات وقطر عندهم قوائم برضه للجامعات المعترف بيها... ولو ما انت عندك خبرة زاتو بتبقى في جهجهه... انا كنت شغاله في كلية، كانت بتجيب استاذات بماجستير من السودان بالكوم، لما تمشي الاردن بتحنس الاردنيات، وبتديهم عروض خرافية، وبرضو ما بجوا! السودانية يدوها عرض اي كلام عشان دايره المرقه بأي طريقة...
| Quote: ان أي طالب (بعد الإنقاذ) عربي اللسان إجباري سنة إنجليزي قبل الجامعة إلا السودانيين (في جامعة بونا) الجامعة اللي معظم خريجي الهند مِنّها. |
انا بفتكر انه جامعة بونا حقوا تراجع اجراءات القبول بتاعها، لانه الشعب السوداني لغته الانجليزية بقت في الارض، إلا من رحم ربي!
ما علّقته لي على حته العزه والكرامة، والخروقات الامنية الخارجية، الحرامية الجوّه هينين! طبعا بقى في حراميين بالنهار، ناس بالليل وقّفوا شغلهم... عندي زميل دراسة، عمل شركة في السودان، بعد سنتين صفّاها وساب البلد، وكان محسوب على ناسكم ديل زاتهم، قال انه الناس ديل لو ما سرقته زيهم ما بتقدر تعيش... الاختلاس المعترفين بيه يا علاء ده تقول عنّه شنو؟! قروش المغتربين بتمشي وين؟ الحرب وقفت ليها عشرة سنين... لا البلد اتصلّحت، لا حال الناس اتصلّح... الناس المروّقين وشغالين كويس، شغالين في شركات اجنبية بتاعت البترول، وشركات إغاثة!! عليك الله احنا بلد يغيثوه!!!
مشكلة دارفور دي بالمناسبة، انا معاك في حته انه الثقل الاعلامي فيها تقيل، ناس دارفور ياهو ده حالهم من الله خلقهم! ما حنتناقش في موضوع القتل ده، خليه عشان ما نختلف... خلينا نتكلم عن متطلبات الحياة الكريمة لإنسان في القرن الواحد والعشرين...
مبروك عليك البيت، حسي انا عندي جنسية، عايزه اقدّم لبيت مماثل، أعمل شنو؟ وريني الخطوات ... لانه لو اصلا المسألة كده، ليه اتعب وادفع دم قلبي في قطعة ارض ممكن احوش حقها خمسين سنة، وبعد ده ما اقدر ابنيها...
شكرا لسعة صدرك.... واتمنى تتحمّل... انا ما حأسيب الموضوع ده لو ما طلعت بنتيجة حاسمه اقدر افهم بيها دوافعك لدعم البشير....
ويظل السؤال القائم، إذا انت ضد الطائفية، في مرشحين ما طائفيين... مالهم ديل؟ وعرمان ده طائفي ولا خائن مع الجنوبيين ولا مشكلته شنو؟
بنت الحسين
| |
  
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: مريم بنت الحسين)
|
| Quote: مبروك عليك البيت، حسي انا عندي جنسية، عايزه اقدّم لبيت مماثل، أعمل شنو؟ وريني الخطوات ... لانه لو اصلا المسألة كده، ليه اتعب وادفع دم قلبي في قطعة ارض ممكن احوش حقها خمسين سنة، وبعد ده ما اقدر ابنيها... |
حأرُد ليك على دي هسي
و الباقي متى ما تيسر
بس تأكدي برجع ليك ..
مبروك عليك البيت، حسي انا عندي جنسية، عايزه اقدّم لبيت مماثل، أعمل شنو؟ وريني الخطوات ... لانه لو اصلا المسألة كده، ليه اتعب وادفع دم قلبي في قطعة ارض ممكن احوش حقها خمسين سنة، وبعد ده ما اقدر ابنيها...
تمشي صندوق الإسكان و التعمير تقاطُع أبو سِن مع الجامعة في الركن الجنوبي الشرقي للقصر الجمهوري ، تلقي جوة تلاتة مكاتِب (شعبي – إقتصادي – فاخِر)
الشعبي تقديم خُطّة بالنقاط بتدفعي فيهو تلاتة مليون و تستلمي البيت و الباقي أقساط و قيمة البيت كامل أقل من عشرين ألف جنيه.
الإقتصادي دة بجنسية بس تثبِتي هويتِك و تدفعي 18 ألف تستلمي البيت و الباقي أقساط 240 جنيه في الشهر و القمية الكُلِّيّة 26 ألف. (هي نفس بيوت الشعبي و ممكن يكون جارِك شعبي و إنتِ إقتصادي)
الفاخر مع نفس البيوت بس شكل البناء زي الفيلا على أصغر مع سطوح يشيل طابق فيهو غرفتين و حمّام داخلي و مطبخ و هول و حوش صغير قيمتو الكُلِّية 60 ألف جنيه بس مُقدّمو كم ما عارِف.
مافي أي واسطة بتنفع في المكان دة و مافي أي زول ممكن يتونس معاك ولو ربع ساعة لأنو شغّالين زي النحل و أي زول يخش للإقتصادي و الفاخِر مُستحِق بس الشعبي بالنقاط زي ما قُلت ليك.
بجيك كان الله هوّن للباقي ...
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
علاء يا صاحب ..
كيفك وكيف الأولاد والأهل كلهم ..
والله أنا قريت كلام بنت الحسين لمن إتكيفت شكراً يا مريم ..
عارف يا علاء الواحد لمن يجي ينتقد الإنقاذ عشان الحاجات البتصيب اللحم الحي ..
واللحم الحي (الميت) دا ياهو أهلنا ياهم البتعبوا من ظلم الساسة والسياسة ..
أهلنا ديل عايزين أولادهم يتعالجوا ويتعلموا ويتوظفوا ودا كلو مافي ..
ومصيبتنا نحن كلها في الخرطوم دي ياها البقت السودان قسموهو والباقي أدوهو لي أهله ..
الخرطوم يا علاء الحكت ليك عليها مريم دي فيها كل بلاوي الدنيا بداية بي برميل الزبالة دا ونهاية بجمار صاحبنا علاء شاموق بالمناسبة دي خلينا نسلم عليهو ونقول ليهو ليك وحشة يا صاحب والله زمااان ..
ودا حالتو يا علاء لسه ما طلعنا بيك على طريق الخرطوم مدني لمن تصل للقلقالة بكون قلبك مقبوض وخايف من الطريق ولما تصل هناك ممكن عادي تلقى الكهرباء قاطعة ومويه مافي ولو جيت في الخريف زي ما إنت شفت وحكيت ممكن تتحبس تلاتة يوم ما تتطلع ودا لسه ما مشينا بيك لي وراء محل الإذاعة ما بتصل ..
يا علاء أيه يفيد لو إتبنت عمارة سمحة زي برج الفاتح ومستشفى الخرطوم تعاني زيها وزي المرضى ..
أيه يفيد لو وصلو شارع ظلط لبيت الترابي ومدارسنا الحكومية كتب وأدراج ما فيها ..
الـ30 جامعة دي يا علاء ما شفنا فيها واحد إتوظف ليهو في وظيفة كلهم مشردين الآن وحالهم بائيس وما أكثر البطالة في السودان ما عايز أحكي ليك عن الخريج ومستواهو الأكاديمي لأنو دا موضوع طويل ..
الكلام سمح والشعارات مدفوع عليها 20 سنة ونحن نسمع في الكذب ويجي البشير يقول ليك نحن ما بنكذب ياخي الكذب دا دافعين فيهو قروش ما هي كل الآلة الإعلامية مسخرة ليهو ..
يا علاء أنا ما ضد إنتماءات البني آدم وقناعاتو ولكن ربنا دا خلق لينا عقل نميز بيهو ولنا قلوب ترى قبل الأعين وما أكثر المآسي التي رأتها عيوننا في الـ20 سنة الماضية ..
طبعاً مسألة الديمقراطية دي بقت فرمالة أي واحد يجي يحكي عنها ممكن يطلّع منها روايات ..
لكن نحن في الديمقراطية الحضرناها دي ما كنا بدرجة الوعي الفيها نحن الآن زي ناس كثر عاشوها ..
نحن الآن بنعائش وبنشوف وشاهدي عصر يعني بنتكلم بوعي لأن كل الحاجات قدامنا ..
الديمقراطية دي طريق طويل وليها ثمن لازم ندفعه ونتعلمه عشان بلدنا تمشي لي قدام ..
الديمقراطية دي معناها حقوق وواجبات وأي فرد في المجتمع عارف هو بعمل في شنو وفق دستور يرتضيهو كل أهل البلاد تتساوى فيه الحقوق ويتساوى فيه الجميع ..
صراحة عجبني البوست وعجبني الحوار الهادي وهذا ما نفتقده هنا ..
ليس المهم أن تغلبني وأغلبك ورأيي هو الصاح وتبقى المسألة رجالة وعنتريات ..
وفي النهاية لا يصح إلا الصحيح ..
والوطن للجميع ..
كان لقيت الوقت بجيك راجع ..
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: معتصم دفع الله)
|
تلأخ معتصم
أتمنى أن يسهم حديثك
هذا فى عودة السكينة
والهدوء للأخ علاء الدين
Quote: علاء يا صاحب ..
كيفك وكيف الأولاد والأهل كلهم ..
والله أنا قريت كلام بنت الحسين لمن إتكيفت شكراً يا مريم ..
عارف يا علاء الواحد لمن يجي ينتقد الإنقاذ عشان الحاجات البتصيب اللحم الحي ..
واللحم الحي (الميت) دا ياهو أهلنا ياهم البتعبوا من ظلم الساسة والسياسة ..
أهلنا ديل عايزين أولادهم يتعالجوا ويتعلموا ويتوظفوا ودا كلو مافي ..
ومصيبتنا نحن كلها في الخرطوم دي ياها البقت السودان قسموهو والباقي أدوهو لي أهله ..
الخرطوم يا علاء الحكت ليك عليها مريم دي فيها كل بلاوي الدنيا بداية بي برميل الزبالة دا ونهاية بجمار صاحبنا علاء شاموق بالمناسبة دي خلينا نسلم عليهو ونقول ليهو ليك وحشة يا صاحب والله زمااان ..
ودا حالتو يا علاء لسه ما طلعنا بيك على طريق الخرطوم مدني لمن تصل للقلقالة بكون قلبك مقبوض وخايف من الطريق ولما تصل هناك ممكن عادي تلقى الكهرباء قاطعة ومويه مافي ولو جيت في الخريف زي ما إنت شفت وحكيت ممكن تتحبس تلاتة يوم ما تتطلع ودا لسه ما مشينا بيك لي وراء محل الإذاعة ما بتصل ..
يا علاء أيه يفيد لو إتبنت عمارة سمحة زي برج الفاتح ومستشفى الخرطوم تعاني زيها وزي المرضى ..
أيه يفيد لو وصلو شارع ظلط لبيت الترابي ومدارسنا الحكومية كتب وأدراج ما فيها ..
الـ30 جامعة دي يا علاء ما شفنا فيها واحد إتوظف ليهو في وظيفة كلهم مشردين الآن وحالهم بائيس وما أكثر البطالة في السودان ما عايز أحكي ليك عن الخريج ومستواهو الأكاديمي لأنو دا موضوع طويل ..
الكلام سمح والشعارات مدفوع عليها 20 سنة ونحن نسمع في الكذب ويجي البشير يقول ليك نحن ما بنكذب ياخي الكذب دا دافعين فيهو قروش ما هي كل الآلة الإعلامية مسخرة ليهو ..
يا علاء أنا ما ضد إنتماءات البني آدم وقناعاتو ولكن ربنا دا خلق لينا عقل نميز بيهو ولنا قلوب ترى قبل الأعين وما أكثر المآسي التي رأتها عيوننا في الـ20 سنة الماضية ..
طبعاً مسألة الديمقراطية دي بقت فرمالة أي واحد يجي يحكي عنها ممكن يطلّع منها روايات ..
لكن نحن في الديمقراطية الحضرناها دي ما كنا بدرجة الوعي الفيها نحن الآن زي ناس كثر عاشوها ..
نحن الآن بنعائش وبنشوف وشاهدي عصر يعني بنتكلم بوعي لأن كل الحاجات قدامنا ..
الديمقراطية دي طريق طويل وليها ثمن لازم ندفعه ونتعلمه عشان بلدنا تمشي لي قدام ..
الديمقراطية دي معناها حقوق وواجبات وأي فرد في المجتمع عارف هو بعمل في شنو وفق دستور يرتضيهو كل أهل البلاد تتساوى فيه الحقوق ويتساوى فيه الجميع ..
صراحة عجبني البوست وعجبني الحوار الهادي وهذا ما نفتقده هنا ..
ليس المهم أن تغلبني وأغلبك ورأيي هو الصاح وتبقى المسألة رجالة وعنتريات ..
وفي النهاية لا يصح إلا الصحيح ..
والوطن للجميع ..
كان لقيت الوقت بجيك راجع .. |
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: معتصم دفع الله)
|
Quote: عندي سؤال معذبني شديد ..
هل مشكلة السودان كلها في عرمان والحركة ولا تداعيات لما يحدث هنا في البورد من ردة فعل ..
أم البشير والإنقاذ كويسين شدييييد عشان كده الناس تقيف معاهم والباقي في ستين ..
يا ريت ألقى إجابة .. |
انا عندي نفس السؤال ده يا معتصم... والله كتير بفكّر انه ناس الانقاذ الفي البورد، هل هم مقتنعين انه الانقاذ كويسه، ولا عايزين يكاووا الناس الضد الانقاذ!
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: مريم بنت الحسين)
|
انا طبعا بتجيني اسئلة كتيرة... ما قصدي ازحمك يا علاء، لكن لقيت الفيديو ده... قلت اخته عشان نجي نتكلم فيه برواقه ... وان شاء الله تفضي، انا متأكده انك حتقدر تلقى وقت
الهكر الله يديه العافية خلا بكري يعطّل الاكواد...
لكن معليش، اختف كراعك لحدي الYouTube وشوف الفيديو ده... وتحديداً الدقيقة 2:18... وده شي الانقاذ طبعا اعترفت بيه....
http://www.youtube.com/watch?v=lEXoSYOgs0M
وده برضه، لأنه ليه علاقة بالموضوع.....
http://www.youtube.com/watch?v=TRf35HRE35c
طبعا الحاصل للناس الكسلانين من المشيه للYouTube .. الفيديو الاول هو الفيديو الخاص بالمؤتمر الصحفي الذي أجراه حسني مبارك بعد حادثة الاغتيال التي اتهم فيها صراحة عناصر سودانية بتنفيذها... الفيديو الثاني هو لخبر منقول عن قناة mbc، عن القتال بين مصر والسودان من اجل مثلث حلايب... الذي احتلته مصر بعد محاولة الاغتيال...
عايزين نناقش المسألة دي .. باعتبارها جزء اساسي من تاريخ الانقاذ...
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: مريم بنت الحسين)
|
دي قصة حكاها الاستاذ الشفيع ابراهيم في بوست مجاور... رأيت انها تناسب نقاشنا...
Quote: تحياتي الأخ محمد
سمعت برسوم نقالة ؟؟؟
الصيف الفات في مدني توفت إمراة جارتنا بالمستشفى ، أخذنا الجثمان على نقالة وطالعين على العربية ، اعترضنا واحد قال مافي نقالة بتطلع بره من هنا ... شيل دق تحانيس واسطات قال هاتو (50) ألف ولمن ترجعوها تأخذوا المبلغ ، لا نملك سوى الدفع ، والله لو شفت النقالة ما تشتريها ب 5 ج ، مواسير متهالكة وحبال مهترية ... أها كمان زيادة في الرسوم ( رسوم مغادرة) للمرضى بالمستشفى الحكومي بمدني ، يعني قبل ما تخرج تمر على ناس الحسابات تصفي معاهم ، وفي الباب يمنع منعا باتا خروج المريض إلا بعد إبراز سند سداد كافة الرسوم ...
وعاشت حكومتنا اللا رشيدة
الشفيع |
المصدر: بوست خاص لتعديد الرسوم والجبايات السودانية لكى يعلك من لا يعلم
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: مريم بنت الحسين)
|
Quote: انت ده المشيت وين يا علاء وخليت البوست داك...
طيب شوف، انا عندي اقتراح... انت عشان كل مره بكون عندك breaking news وعايز تتابعه، انا برحّل ليك النقاش محل ما تكون active، رأيك شنو؟
لو موافق، حأنقل آخر مداخلات لي بي جاي.. ونواصل هنا، لو جاتك خبرية جديدة وعايز تنزّلها... نرحل ليها...
أنصار عرمان يُدشِّنون حملته الإنتخابِيّة من مكب نفايات بالسوق العربي (صورة)
وريني! |
مريم بنت الحسين الأسلوب دة ما بشبهك يا أختنا
رديت عليك قبل كدة و عادي برد عليك تاني
و لأنو اليوم زحمة ما بقدر أقعد أصنقر ليك و أحك راسي و أرد ليك بتفصيل
برد ردود مختصرة قدر زمني
و كنت ناوي أفضى ليك و أجيك بي روقة
لكن ..
أسلوبك يوحي بأنك ما عايزة نقاش عايزة حاجة تانية
لو نقاش قلت ليك بجيك
لو حاجة تانية
صدقيني ما صعب أتبع نفس أسلوبك
خلي الإحترام بينا أحسن
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: مريم بنت الحسين)
|
دة بوست مفتوح
و بقعد لحدي نهاية الربُع دة
و ممكن أنقلو للربع البعدو
يعني ممكن النِقاش يتواصل متى ما تيسّر
و دة القلتو ليك لأنُّو عارِف ظروفي الضاغطة اليومين ديل
ممكن أرُد عليك العشرين سطُر بي سطُر وااااااااااااحد بتقبلي؟
شان كدة قلت ليك خليني أجيك بي روقة
زي ما أمِس صحيت ليك من صلاة الصُبُح أطقطِق ليك في الكيبورد و الناسُ نيام
و ردّيت عليك برد مُطوّل
و تاني و تلات و رابِع ممكن كان أرُد عليك
و ممكن ما أرُد
و الحركة العملتيها بتاعت وراي في أي بوست بأسئلتِك دي ما شبهِك ولا شبه نِقاش لأنُّو أنا ما حصل غلبني أرُد على زول
و في النِهاية لا طالباني لا طالبِك
غير الإحترام
سلام
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
(ايه الاشكال ان تكون الدعاية من براميل الكوش ، طالما عصابة الحركة الاسلامية نهبت البلد ، باسم الدين عذب ، فصلت ، شردت و اعدمت باسم الدين، ااعلموا هذه البراميل مصيركم سوف تذهبون اليها غير مأسوف عليكم،ولو فاكرين سوف تدوم ليكم ، كان دامت لغيركم، اليشوف حديثكم عن الانتخابات والديمقراطية يفتكر انكم جيتوامنتخبين عبر الديمقراطية ، ماجابتكم الدبابات وياريت لو دبابات الجيش السودانى .
ناس ماتختشى جلد تخين)
هذه هى اخلاقكم...
حملة مقاطعة الكيزان تجاريا
13 يناير, 2010
فى بداية التسعينات اوقف الكيزان كل الصحف و عملوا جريدتين واحدة اسمها السودان الحديث و التانية اسمها الانقاذ و بداوا ينشروا فى سمومهم عبرهن...الشعب لاحظ ان الجريدتين كضابات وبصورة عفوية قاطعهم الاتنين...فكسدن و بقى كل يوم راجع الجريدتين فى ارتفاع...و كانت النتيجة انه فى 95-96 الكيزان دمجوا الجريدتين تحت اسم الانقاذ لانهن كانوا خسرانات...و برضه الشعب رفض الجريدة و رفض يشتريها...بالرغم من محاولات الحكومة المستميتة شان تنقذ الجريدة...لكنهم فشلوا فى مواجهة المقاطعة الشعبية تماما....لحد السيد امين حسن عمر قام صفى كل اعمال الجريدة و قفلهن للابد...بعد شوية حسوا انه المسالة ما فى المصلحة ولازم يكون فى بوق اعلامى...ففتح السيد امين جريدة الانباء و اللى الشعب كان مقاطعها من البداية و نسبة لتراكم خسائر الجريدة اضطروا يقفلوها مرة تانية...بالرغم من انه الجرائد هم ما دافعين فيها حاجة من جيبهم الا انه الخسائر المادية اضطررتهم يقفلوها...و اليوم بكرروا فى نفس التجربة الفاشلة مع جريدة الرائد...و حاليا جريدة الرائد بتترنح تحت وطاة المقاطعة الشعبية...
يلا مقاطعة صحف الكيزان كانت حاجة عفوية فام بها الشعب...يلا لو نحنا ساعدنا الشعب لانه يعرف يقاطع ياتو منتجات و يشترى ياتها...كده بنكون خلينا المواطن يستغل امكاناته الاقتصادية فى محاربتهم......و اسقاط المؤتمر الوطنى ممكن يشمل كل الجبهات بما فيها الجبهة الاقتصادية....
ممكن عن طريق تبادل معلومات بسيط بين الناس فيه معلومات عن الشركات بتاعتهم واللى يجب مقاطعتها ما حيضر بشئ........مجرد تثقيف للناس بحقوقها و كيف يمكن استخدام اموالها كمستهلكين فى حملة مكافحة المؤتمر الوطنى......و المقاطعة ممكن تكون موقف فردى... و ممكن تتطور و تبقى موقف جماعى....ممكن فى ونسة او بوست او فى اى مناسبة تمرر معلومة عن الشركة الكيزانية الفلانية و انه الناس افضل تقاطعها...
بعتمد الكيزان فى نشاطهم التجارى بالاضافة لموارد الخزينة العامة على مصادر دخل سرية و اللى لازم تتكشف و تتعرف للناس عشان نشجع على مقاطعتها و الاستفادة من معلوماتنا عنها لاغراض المحاسبة فى المستقبل... يمكن تقسيم المصادر الى ثلاثة انواع:
1/ الشركات السرية التي بتديرها شخصيات كبيرة من حزب المؤتمر الوطني الحاكم وهي مسجلة كشركات خاصة بأسماء ناس ممكن تكون مغمورة او بعض الاقارب او بعض الجبهجية (جوكيه) و ذلك بغرض التضليل...
2/ الشركات التى يديرها جهاز الامن الوطني وتعرف باسم الشركات الامنية...
3/ ما يعرف بـ(الشركات الخيرية) المرتبطة بمؤسسات خيرية اسلامية ولكن يسيطر عليها الاسلاميون داخل النظام وهي تدعم انشطة (غير خيرية).
الشركات دى بتتاجر باموالنا و تطلع منها ارباح بالمليارات...تزيد لينا فى الاسعار و تولع لينا السوق نار...تحتكر السلع على عينك يا حكومة و نحن نتعذب ....و هى تضحك كلما المليارات اتوردت فى حساباتها...
نقاطعهم عشان ما يمشوا يكنزوا قروشنا فى ماليزيا و بنوك العالم..
نقاطعهم شان ما يذلونا و يفقرونا..
نقاطعهم شان مستقبلنا و مستقبل بلدنا..
نقاطعهم شان نحرمهم من المال اللى قاعدين بيه فوق روسيننا...
نقاطعهم ...شان ما يمصوا دمنا...خلاس قرفنا...
انا جهزت اللستة دى بشركاتهم...لكنها ما شاملة و عاوزة اراء الناس و داير مراجعة و مساعدة شان تتنشر عل اوسع نطاق....
الصحف:
1/ الرائد
2/ الراى العام
3/ اخر لحظة
4/ الانتباهة
5/ اخبار اليوم
6/ العاصمة
7/ الوفاق
8/ الحرة
9/ التيار
10/ Sudan Vision
11/ الخرطوم
12/ المساء
13/ راى الشعب
القنوات:
1/ الشروق
2/ قناة طيبة
3/ ساهور
4/ الكوثر
5/ كل القنوات الارضية
امين حسن عمر:
1/ مراكز كامبردج
2/ جريدة العاصمة
عبدالله و على حسن البشير اخوان عمر البشير وعبدالعزيز عثمان و عبدالباسط حمزة و غادة ساتى و مندور المهدى و اخرون:
1/ مجموعة زوايا
2/ عفراء مول
3/ Tot Care لمستلزمات الاطفال
4/ فندق روتانا السلام
5/ مصنع زوايا للطوب
6/ مصنع الروابى للالبان و العصائر
7/ مجمع رهف السكنى
8/ زوايا للمعلومات و تقنية الاتصالات
9/ زوايا الهندسية
10/ زوايا للخدمات
11/ زوايا للصناعات الغذائية
12/ زوايا للخدمات الطبية و البيطرية
13/ نهر شارى
14/ شركة لارى كوم
15/ سودابل
16/ شركة النيل للاسمنت
شركات منظمة الدعوة الاسلامية (سجل البشير بيان الانقلاب 1989 بمكاتبها):
1/ شركة دانفوديو
2/ شركة دانفوديو للمقاولات و الطرق
3/ شركة طيبة الهندسية
4/ شركة سوريبا
5/ شركة دانفوديو التجارية
6/ شركة دانفوديو لخدمات البترول
7/ مركز الدراسات التقنية و الهندسية
8/ شركة عابرة للنقل
9/ شركة جمدا للسيارات و المعدات
10/ سالكا للنقل
11/ مصنع الغازات الصناعية
12/ شركة الكنار للادوية
13/ شريك بمصنع الوصيد للالمنيوم
14/ ورشة الاوتولاند لصيانة العربات الصغيرة – ايسوزو
15/ ورشة المكلا
16/هاير Heir للمعدات الكهربائية و اللاكترونية- شارع الحرية
مجموعة سريال AIRBA
1/ سريال للطرق و الجسور
2/ سريال للتجارة
3/ سريال ليموزين
مجمع ساريا الصناعى - جهاز الامن
الصندوق القومى لتطوير الخدمات الطبية (دمغة الجريح):
1/ صيدليات علياء و عددها 23 صيدلية
2/ مركز علياء الطبى التخصصى- الخرطوم 3
3/ شركة افاميد للصناعات الطبية
4/ معامل وفرة للادوية
احمد العاص:
مزارع العاص
شركات جهاز المغتربين:
1/ شركة المهاجر للخدمات المالية
2/ المهاجر العالمية للاستثمار
3/ المهاجر ليموزين
عاديات:
1/ شركة عاديات – الوكيل الحصرى لشركة يونيليفر
2/ شركة عاديات للتجارة – وكيل زيوت بترومين الاماراتية
على و عبدالله حسن البشير اخوان الرئيس:
مجموعة شركات هاى تك:
1/ هاى تك للبترول
2/ هاى تك كيمكال
3/ هاى تك للخدمات الهندسية المتقدمة
4/ مجموعة التقنية المتطورة – العمارات شارع 31
5/ هاى كوم
6/ هاى كونسلت
7/ شركة السودان للسكك الحديدية الحديثة
8/ شركة بشائر – اريبا و تحولت الآن لـ MTN
9/ شركة الفاركيم للصناعات الدوائية
10/ شركة التعدين المتقدم
11/ شركة الاعمال التجارية و الكيماويات المتقدمة
12/ مدينة جياد الصناعية
13/ شركة جياد لانتاج السيارات والمركبات الثقيلة
14/ شركة جياد الصناعية – الخرطوم عمارة بشير محمد سعيد
15/ شركة كابلات جياد
16/ شركة جياد للحديد
17/ شركة جياد للشاحنات
18/شركة جياد للالمنيوم
19/ شركة جياد لخدمة السيارات
20/ شركة بتروهلب للنفط – الرياض
21/ شركة رام للطاقة – الرياض شارع المشتل
22/ شركة اتكوكو لصناعة الجوالات البلاستيكية
23/ مصنع ابن حيان للصودا الكاوية – الباقير
24/ اتكوكو لصناعة الاسمنت
25/ شركة اتكوكو لاعمال السكة حديد
26/ اسهم بشركة كنار تل
27/ مجموعة المسرة
وداد يعقوب ابراهيم - زوجة الكوز جمال عثمان القاضى:
1/ مجموعة شركات النحلة
2/ شركة النحلة للبترول
3/ مصنع لنحلة للاسمنت
4/ شركة النحلة للتشييد ( شقق تمليك)
5/ شركة النحلة لوقود الطائرات
6/ شركة حديد التقنية – عبيد ختم
7/ شركة حديد موتورز – عبيد ختم
8/ الوكيل الحصرى لشركة Great Wall الصينية
عبدالحليم المتعافى:
1/ دواجن ميكو – شرق النيل
2/ شركة المتعافى التجارية – وكيل شركة لاس الايطالية للاثاث
3/ شركة مام للطرق و الجسور
4/ شركة مام للمقاولات و الانشاءات المحدودة
5/ شركة دار للطرق و الجسور
6/ شركة مام للتنمية و الاستثمار المحدودة
7/ شركة مام للحفريات المحدودة
8/ شركة مام لخدمات البترول المحدودة
9/ شركة مام للاسمنت المحدودة
10/ مام ليموزين
11/ مام للنقل
12/ شركة فورمن للمقاولات والانشاءات المحدودة
13/ مام للطيران
14/ مام للطاقة و الكهرباء
15/ مام الزراعية المتطورة
16/ شركة مام للتعدين المحدودة
17/ مام لصناعة السكر
جمال الوالى:
1/ شركة اشراف
2/ افراس للنقل
3/ افراس ليموزين
4/ شركة افراس للحفريات و الطرق و الجسور
5/ افراس للشاحنات
6/ ششركة افراس العالمية المحدودة
7/ شركة سوبا للمياه المعدنية و المرطبات المحدودة
8/ قناة الشروق
9/ شركة سين للغلال
صلاح ادريس:
1/ النيلين هولدينغ كومبانى
2/ مجمع ساريا الصناعى
3/ سابحات للنقل البرى
4/ سابحات ليموزين
5/ ترانس ارابيان
6/ شركة غناوة لتجارة اللحوم
7/ شركة غناوة المحدودة
8/ شركة الاسوة للمحاصيل و الاستثمار
9/ شركة العرب الدولية للتجارة
10/ 75% من اسهم نفط الخليج
11/ 30% بنك الثروة الحيوانية-
12/ مجموعة بيطار
13/ الاشيجة للطباعة
14/ شركة بى اس للسيارات
15/ شركة مصانع جميرة شندى
15/ شركة مطاحن شندى
16/ شركة المحجوب للبلاستيك
17/ شركة النيل لاستثمارات المياه
18/ شركة الارباب للتجارة الدولية
19/ شركة الهدى للغزل و النسيج
20/ شركة تكنولوجيا النظم
21/ شركة تملك النيلين
22/ شركة ودمدنى للغزل و النسيج
23 شركة البحر احمر للغزل
24/ شركة النيل الازرق للغزل
25/ مطاحن ودمدنى
شركات بنك فيصل:
1/ شركة التنمية العقارية
2/ شركة الفيصل العقارية
3/ مصنع بلسم للادوية
4/ مصنع الوصيد للالمنيوم
5/ شركة صناعة استايركس المحدودة (لصناعة المواد العازلة)
6/ اعمال سواعد لخدمات المقاولين
شركات بنك تنمية الصادرات:
1/ شركة فوردان العالمية للتجارة و الخدمات المحدودة
2/ بنك الثروة الحيوانية
3/ الشركة الوطنية للبترول
4/ شركة التنمية الاسلامية
5/ الشركة الاسلامية للتكافل و اعادة التكافل
6/ شركة بلسم للادوية (شراكة مع بنك فيصل)
7/ الشركة العربية للاستثمار
8/ شركة الخدمات المصرفية الالكترونية EBS
9/ الوكالة الوطنية لتامين و تمويل الصادرات
10/ شركة السودان للتنمية
جلال يوسف الدقير:
1/ حديد الاسعد
2/ بليلة هاوس
3/ الدولى للحديد الصلب
الحاج عطا المنان:
1/ مجموعة شركات شريان الشمال
2/ شركة شريان الشمال للطاقة و التعدين
3/ شركة شريان الشمال للطرق و السدود المحدودة
4/ الشركة الوطنية القابضة
5/ شركة رداح للتجارة و الاستثمار
6/ مسبك البيان التقنى
عصام الخواض:
1/ مدينة دريم لاند
2/ دريم لاند بلازا
3/ مزارع بمناطق متفرقة
على عثمان محمد طه
فندق سنديان
بدرالدين حمدى:
1/ شركة الدار الاستشارية
2/ شركة حمدى الاستشارية
3/ الاذاعة الاقتصادية
4/ شركة الرواد للخدمات المصرفية
جهاز الامن:
1/ شركة قصر اللؤلؤ للتجارة و المقاولات
2/ الاولى للانشاءات و المقاولات
3/ بشائر للطرق و الجسور
4/ شركة الهدف للخدمات الامنية
5/ شركة راسخات للاستشارات الهندسية
6/ شركة منقاش للدلالات العالمية
7/ مجمع اليرموك الصناعى
8/ مجمع الزرقاء
9/ مستشفى امبريال
عوض الجاز
1/ هجليج
2/ اسهم فى العديد من شركات البترول
الهئية القومية لدعم القوات المسلحة:
1/ شركة عزة للنقل المحدودة
2/ بنك امدرمان الوطنى
3/ شركة شيكان للتامين
4/ شركة الخرطوم للتجارة و الملاحة المحدودة
5/ الخرطوم للتجارة و الملاحة
6/ ام سيسكو العالمية المحدودة
7/ النصر للطباعة و النشر
8/ شركة النصر للتمليك العقارى
9/ شركة النصر للبناء و التشييد
10/ الوطنية للبترول
الشرطة:
1/ مستشفى ساهرون
2/ جامعة الرباط
3/ شركة اواب للخدمات الامنية
متفرقات:
شركة بان الماليزية –اعمال الشبكات و التقنية الصيرفية –سامى صابر محمد الحسن
شركة وثبة للطرق و الجسور- عبدالقادر الزين همت
دايموند –ابن ابراهيم احمد عمر و عبدالقادر محمد زين منسق الخدمة الالزامية
فندق كانون
فندق البصائر
روان للانتاج الاعلامى
مؤسسة معارج الخيرية – محمد حسن احمد البشير
سودان ماستر تكنولوجى
شركة دار الجماهير للصحافة و النشر
شركة الرواسى الخيرية
توب ويف (الرواسى)
شركة القارص للانتاج الزراعى و الحيوانى المحدودة
دواجن القارص
بيت البرمجيات
شركة الكمبيوتر و الاتصالات
الشركة الاسلامية للتجارة و الخدمات
المركز الاسلامى العالمى للترجمة
شركة فلاتكو
شركة ساس فلاتكو
مجموعة نيوتك- محمد الحسن عبدالرحمن
مجموعة الصحابة
مؤسسة الخرطوم للتعليم الخاص- مدارس القبس
المجلس الافريقى للتعليم الخاص
شركة الراقى للطرق و الجسور
مستشفى مهيرة
شركة بروج لخدمات الصناعة و الانشاءات الاستشارية المحدودة
شركة بروج الهندسية
بروج للسيارات
شركة انجاز الهندسية
شركة الامين الهندسية
الشركة الوطنية لتصنيع معدات المياه
شركة كونكريت
منظمة السقيا الخيرية
منظمة سبيل الرشاد الخيرية
منظمة سلام العزة
منظمة الشهيد الزبير
منظمة الشهيد مجذوب الخليفة
منظمة المبرة
البر الدولية
منظمة الدعوة الاسلامية
ام المؤمنين
منظمة سلسبيل الخيرية
منظمة انا السودان
منظمة رعاية الطلاب الوافدين
شركة وادى السندس للنقل
شركة وادى السندس للبترول
شركة قادرة للبترول
شركة انهار للانتاج التلفزيونى
شركة سيدكو العالمية وكيل تلفونات الثريا
شركة العريفى
العريفى لانداسكيب
شركة زادنا العالمية للاستثمار
شركة زادنا للطرق و الجسور
شركة كريتفلى لاعمال الكهرباء
شركة الجرماك
شركة قلوبال تك
مجموعة اويا التجارية
شركة اويا للتجهيزات الطبية
الشركة الوطنية للحديد
شركة شواهق
المصنع السودانى الماليزى
مصنع ميتال
مجمع كنار لمنتجات الالمنيوم
شركة العكدابى
شركة ماس للحفريات
الشركة الوطنية لتصنيع معدات المياه
اعمال عمر ابوالقاسم
شركة البنيان المحدودة
شركة السنط للتنمية
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
نحن مقامنا ممكن تكون هذه البراميل بكل فخر، وممكن يكون اسوء من هذا لاننا فقراء ولانخجل من ذلك ، اما اخلاقكم
بدأت خرق الدستور، كذب .. كذب ..كذب، حتى يقال هذا كوز، عذبتم الشرفاء ، قتلتم فى بيوت الاشباح ، وفى الشوارع ، وفى معسكرات الخدمة الالزامية، جمدتم اموال الشعب ، لتدمير الوطنين اقتصاديا ، قتلتم مجدى وجرجس ، فى شنو فى دولارتم ، دمرتم التعليم ،كانت المدارس مدارس ،فى سلم تعليمى فى العالم 11 سنة، الجلد تخين مابحس، والانتهازى مابشع، وكلب الامن ماببطل النبيح، نحن نقول هذا على سبيل المثال.
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: Nazar Yousif)
|
Quote: و الحركة العملتيها بتاعت وراي في أي بوست بأسئلتِك دي ما شبهِك ولا شبه نِقاش لأنُّو أنا ما حصل غلبني أرُد على زول
و في النِهاية لا طالباني لا طالبِك
غير الإحترام |
اليسمعك يا علاء، يقول انا ساكاك من بوست لبوست، ما مدياك النفس... وطبعا انا اقتراحي كان جادّي، ما اقتراح مهاتره أو إغراق بوستات زي ما فهمته... بس خليها كده
على أي حال... انا كتبته العندي.... لو لقيت وقت ترد، فيها خير لينا وليك... ولو ما لقيت وقت ترد... مافي شي بلزمك....
وشكرا
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: عبد المنعم ابراهيم الحاج)
|
Quote: لعزيز abdelrahim abayazid
إنها كبد الحقيقة نحن نعاني ما نعانيه منذ أمد بعيد و نعايش فقراً و قحلاً و ما نجنيه تقاسمنا فيه
الحكومة لدرجة كما أوردت في مقالي أن الأهل هناك يقولون لك أن محصول العام
"نص للطير و نص للزبير" أيام ما كان الزبير فذهب الزبير و بقيت سياساته
و أذكر أن أدب المعارضة و المخالفة للرأي قد تجلى بوضوح حينما زار المذكور
الزبير مناطقنا فقوبل بكلاب ذبحت و علقت على الأشجار و كان ذلك بعد مذبحة ال 28 ضابط
و لم يخرج أي أحد لإستقابله فعاد أدراجه بخفي حنين |
دي مشاركتك ولا حقت زول تاني ؟
إنشاء الله تكون اتقشقشت بيها قبال ما تدخل ..الم أقل لك أنت لاعق ولحاّاس
صحيح كليب الريس ..ما بتخجل أصلك..
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: عبد المنعم ابراهيم الحاج)
|
يا علم الدين في الأهرام الجديدة:
السقطات الإعلانية أم السقطات الصحفية؟ من الواضح أن اللقطة مفبركة وتنم عن حقد دفين ممن قاموا بإلصاق ملصقات صور عرمان على حاوية المكب ومن بعد تصويرها.أما الصحفي الهمام فبدلاً من أن يتقصى ويبحث عن الذين ألصقوا الصور ، وهم دون شك خصوم المرشح الرئاسي السيد ياسر عرمان ؛ وهم دون شك الخائفون منه ومن منافسته لمرشح المؤتمر الوطني ، نراه يلصق الفعلة بالقائمين بدعاية عرمان الانتخابية.فهل هؤلاء العاملون مجانين؟ولم يقومون بالدعاية من أساسه إذا كانوا بمثل هذا الحقد على مرشحهم؟هل نحن أطفال؟
هذا بوست للمهاترة .
وأطلب من كل المتداخلين الذين اكتشفوا من أول وهلة الفبركة الخروج منه.
لقد شهدنا في هذا المنبر بوستات تصور بعض رموز المؤتمر الوطني في أوضاع مشينة وقمنا بإدانة تلك البوستات.فهل نصدق إن تم تصوير رمز للمؤتمر الوطني وهو شبه عار أو في جسد كلب ؟لا طبعاّ. مثل هذه الأعمال صبيانية .وأرجو من علاء الدين ومشايعيه أن يكبروا عليها وبالعدم فالرجاء من كل الذين اكتشفوا الفرية الخروج من هذا البوست وترك أصحابه يحاورون سقطتهم الاعلامية لوحدهم.
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: عبد المنعم ابراهيم الحاج)
|
الكدروك الرخيص من بلدو زاغ طوّالي
باع للشرف شان خشمو يصبح حالي
للحال العليك شغلة شرف عتّالي
يتمايع يجينا لابسلو كعباً عالي
الكدروك هذه المُداخلة كتبتها أنا حينما لم أكُن قدر رأيت بعد من هُم في قذارتك من المُتحدِّثين باسم المُعارضة
و من يُمثِّلونها ليُمثِّلوا بِنا من أجل حِفنة دولارات يسترون خلفها سوءتهم المُتعفِّنة.
فعُدت إلى رُشدي سريعاً بحمد الله و تركتكم في طغيانكم تعمهون.
فهل فهِمت يا كدروك؟
لن تجدني يوماً أستحي من كلِمةٍ كتبتها يا كدروك
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
الأستاذ بشرى الفاضل
وصلت الرسالة مع تقديرى .
Quote: يا علم الدين في الأهرام الجديدة:
السقطات الإعلانية أم السقطات الصحفية؟ من الواضح أن اللقطة مفبركة وتنم عن حقد دفين ممن قاموا بإلصاق ملصقات صور عرمان على حاوية المكب ومن بعد تصويرها.أما الصحفي الهمام فبدلاً من أن يتقصى ويبحث عن الذين ألصقوا الصور ، وهم دون شك خصوم المرشح الرئاسي السيد ياسر عرمان ؛ وهم دون شك الخائفون منه ومن منافسته لمرشح المؤتمر الوطني ، نراه يلصق الفعلة بالقائمين بدعاية عرمان الانتخابية.فهل هؤلاء العاملون مجانين؟ولم يقومون بالدعاية من أساسه إذا كانوا بمثل هذا الحقد على مرشحهم؟هل نحن أطفال؟
هذا بوست للمهاترة .
وأطلب من كل المتداخلين الذين اكتشفوا من أول وهلة الفبركة الخروج منه.
لقد شهدنا في هذا المنبر بوستات تصور بعض رموز المؤتمر الوطني في أوضاع مشينة وقمنا بإدانة تلك البوستات.فهل نصدق إن تم تصوير رمز للمؤتمر الوطني وهو شبه عار أو في جسد كلب ؟لا طبعاّ. مثل هذه الأعمال صبيانية .وأرجو من علاء الدين ومشايعيه أن يكبروا عليها وبالعدم فالرجاء من كل الذين اكتشفوا الفرية الخروج من هذا البوست وترك أصحابه يحاورون سقطتهم الاعلامية لوحدهم. |
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: علاء الدين يوسف علي محمد)
|
Quote: لن تجدني يوماً أستحي من كلِمةٍ كتبتها يا كدروك
|
بلدوق أب صنان كلب الرويس الهوّا
مخصي وهان عقير لا برة عاد لا جوه
حارس ليك عضيم يرميه ليك أب عوّا
أو فشفاش سخيل لا مشوي لا بالطوه
كلب الريس
تستحي على شنو ؟ ..
هو بعد تمسحك دا فضل ليك شي تستحي منو ..
وبعدين منو الجايب خبرك ..وأنت منو ذاتك
كلك على بعضين لا تسوي دنان حنة مكسورة
كراعو ومحشور فوقها شوكة سنط وراس الشوكة
التانية مطعون في قصبة ..وإنت تدنن ولافي حول
نفسك ..أصلك مامشيت بعيد ..فدحين
أرعى رعيتك ساكت ..
لانك أصنج وفهمك مبلول ..طوالي جريت فسراع
وعايز تلكك وتتهم ..وتطلع نفسك براءة ..
ليك تلاتة أسابيع ولسانك ينتهك في عرضي وفي
بيتي ..ولو ماك عارف كلمة "ديوث" في نظرك
إساءة بتقيف لا عندي بس ..ولا بتشمل طرف تاني؟
أصلك ما عندك حق تتظلم ولا تشتكي ..قال
مابشتكي ..الشكية التنجهك من العالمين..شوف ياأركز
وهوهو هوهيوك ..زيك زي أي كلب أجرب ..وبطل
نياصتك البتسوي فيها دي ..حذرناك ولم ترعوي ..
إتماديت الفورة الي ماشاء الله ..جراب النبذ مابيكمل أصلو
بعد طعنك في شرفي وشرفي أسرتي تاني باقيلك شنو..تخنق
تفطس ؟ دي مابتقدر عليها كلو كلو .. لأنك باطل .
| |
|
|
|
|
|
|
| |
Faisal Al Zubeir
علاء الدين يوسف علي محمد
Nazar Yousif
مريم بنت الحسين
معتصم دفع الله
امبدويات
Bushra Elfadil
فيس بوك
تويتر
انستقرام
يوتيوب
بنتيريست