|
|
|
 أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
يلا يا أبو النِّيز تابِع معانا مكبّات القُمامة الجاية دي
و عليك الله ألزم الجابرة و شيل الصبُر و سيب النِطّيط و خلِّينا من حركاتك العاضة دي بتاعت (حرف البوستات عن مسارها) بإدراج صور ليست ذات صِلة لأنُّو بردُمك صور في بوستاتك لمن تآمِن ذاتو 
و أعرِف إنُّو أنا ما عندي حاجة داسيها أو بخجل مِنّها ، لكن إنت قريييييييييب دة ياما حتطاطي راسك و تندم و يمكن ما نشوفك أون لاين ذاتو.
و خُت في بالك إنو المعارِك تُكسب قبل خوضها
| |
  
|
|
|
|
|
|
|
|
Re: Bad publicity is a good publicity (Re: Al-Shaygi)
|
مااااااااااا أظِنّهم يكونوا فاضين للزي دة
الشماعة دي فترت شوفوا غيرة
و بكرة حنكتِب ليكم عن كوابل الأعمدة الإعلانية الكهربائية التي سُرِقت من شارِع عبيد ختم حيث يُعلن في لافتتها عن برنامج البشير
التخريب دة عندو ناسو
| |
|
|
|
|
|
|
|
|
|
Re: Bad publicity is a good publicity (Re: علاء الدين يوسف علي محمد)
|
مقال للدكتور زاهد زايد....موجه للسيد الرئيس
Wed, 3 Mar 2010
سيدي الرئيس
عاتبني بعض مؤيديك ـ هدانا الله وإياهم ـ على ما كتبتُه عن
انجازاتكم وغالى البعض منهم وخرج عن أدب الحوار لأنني قلتُ إن كتاب انجازاتك
لا يرقى لقامة الوطن ولا يُعد إلا كغثاء السيل مقارنة بحجم إخفاقاتكم التي
جعلتْ البلد يتصدر دول العالم كافة في الفساد وانتهاك حقوق الإنسان والعجز عن
الايفاء بأبسط متطلبات المواطن في التعليم والصحة وكافة الخدمات ناهيك عن
الحرية والديمقراطية . و يحزنني أن يتعامى البعض عن كل هذا ويتكلمون عن توفر
الخبز والبترول فأرجو أن أسأل سؤالا بسيطا : لمَنْ توفرهذا الخبز والبترول ؟
وماذا غيَّر هذا في حياة الفقراء منا ؟ وهل نتمتع كلنا بالتساوي بهذه الوفرة ؟
وهل هذا هو طموحنا وغاية المُنى؟ ثم ماهو الثمن الذي دفعناه ولازلنا ندفعة في
المقابل ؟ أدعوهم دعوة صدق لمن هو معك سيدي الرئيس ولمن هو ضدك, أن نقرأ معا
كتاب إخفاقاتكم وأن نقارن ذلك بإنجازاتكم قبل نحكم لك أو عليك.
سيدي الرئيس لقد رفعتم يد الدولة عن الصحة وكل مشرعاتكم في التأمين الصحي
والدواء الدائري والصيدليات الشعبية لم تقدم سوى المزيد من فرص الثراء غير
المشروع لأكثرالقائمين على أمرها والدليل لجؤ المواطن للمستشفيات الخاصة
والتي تحولت بسبب تهاون مسئوليكم إلي تجارة تمتص دم المرضى دون ان تقدم لهم
العلاج اللازم ,وهل منكم ومن محسوبيكم من يتعالج فيها ناهيك عن الزيارة مجرد
الزيارة لمستشفيات الحكومة ؟ لِمَ لا تقوم سيادتك بزيارة لمستشفي الخرطوم ليلا
وتسأل عن الأخصائيين الذين يمرون مر الكرام إن مروا ليستقروا في عياداتهم
الخاصة يجنون الملايين في شهور معدودات هل هذا مما يرضي الله؟ لم لا تسأل
أخاك أو زوجته وهما طبيبان عن المستشفيات في السعودية ولِمَ لَمْ يطبقا نصف بل
ربع ما عرفاه هناك؟ الم تولهما أرفع المناصب وتلحقهما بالمؤسسة الطبية
العسكرية بعد أن منحتهما أرفع الرتب؟ أم أنهما نسيا المساكين وفقراء المرضى
وانشغلا بحياة المترفين والسفر سياحة في مصايف الدنيا الجميلة بعيدا عن هَمِّ
المساكين وامراضهم ؟ ألا تعلم ان الله سائلك يا عمر لم وليتهم هذه المناصب
هل مسألة (وجاهات) أم حقوقا تُؤدى وندامة في يوم القيامة ؟ألم تسمع بـ
(راؤول) الشيوعي أخ كاسترو ؟ ألم تسمع بما يفعل مع مرضي الفقراء من أهل كوبا
؟ لم كانت شيوعيته رحمة على أهله وإسلامكم محسوبية ومناصب وتفاخر وسفر وقصور
وسيارات فارهة وتمتع في الدنيا الزائلة ؟
الم تسأل نفسك يوما ماذا يفعل المريض الفقير؟ ألم تقرأ خبر العجوز الذي وُجِد
ميتا في شوارع الخرطوم وفي جيبه الخاوي تذكرة طبية لدواء الملاريا لم يستطع
شراءها؟ ألا تخاف أن يأتي هذا يوم القيامة متعلقا برقبتك ـ ومثله كثيرـ
يسألك لِمَ لمْ توفر له الدواء؟ لِمَ أطلقتم سوق الدواء وجعلتموه تجارة حرة
للجشعين والمتاجرين بصحة الناس؟ سيدي الرئيس نحن لم نطالبك أن تفعل في شأن
الصحة ما فعله الشيوعي جافيز , ولا زميله في الشيوعية كاسترو . كما لا
نطالبك بما يقوم به رئيس الشيطان الأكبرـ في نظركم ـ أوباماـ في الضمان
الصحي فقط مطلب بسيط أن تعيد للمواطن حقه الذي سلبته حكومتكم في التداوي
بالمجان للفقراء والمساكين علما بأن أكثر من80% من الشعب هم من للفقراء
والمساكين وأن تشرف وزارتكم للصحة على المستشفيات الخاصة . وتخلصها من قبضة
المتاجرين بأرواح الناس. فهل فعلت شيئا من هذا؟ أما علمت بأمر من باعوا كل
ما يملكون حتى بيوتهم المتواضعة التي لا يملكون غيرها وذهبوا بحثا عن العلاج
في الأردن وهي ما هي , لا دولة بترولية ولا يغني ملكها بأنه يطبق شرع الله؟
فلمَ تقدمت علينا مع منهجكم الإسلامي وإلتزامكم بأنها لله؟ ؟ وهي مملكة لا
تدعي أنها وريثة الله في أرضه ؟
سيدي الرئيس ماذا فعلتم بالتعليم ؟ هل دخلتَ يوما وخلسة أى مدرسة حكومية من
مدارس الأساس ليس في دارفور الحبيبة ولكن في الحاج يوسف أو حلة كوكو التي لا
تبعد كثيرا عن قصوركم في كافوري ورأيت ما فيها؟ ثم هل رأيت مدرسة خاصة في أي
حي من أحيائكم الجديدة؟هل سألت نفسك لوأنك وإخوتك وفيهم الطبيب والمهندس
نشأتم في هذا الزمان هل كان والدك عليه الرحمة قادراعلى تعليمكم بنفس ما
حصلتم عليه في زمان غير زمانكم العجيب هذا؟ ألا يحق لأولادِ الفقراء
المزارعين والموظفين والعمال أن يتعلموا بمثلما تعلمتَ أنت وأخوتك في مدارس
الحكومة؟ لِمَ حرمتم النابهين بالفطرة من التفوق والانطلاق وفتحتم الباب على
مصراعية لأولاد الأغنياء الأغبياء للدراسة ؟ أ لم تعلم أن من صنع المجتمع
المتمدين الحديث في البلد هم أبناء الطبقة الوسطي التي كنتم منها وخرجتم
منها بعد أن سويتموها بالأرض؟ وألحقتم أهلكم ومحسوبيكم بطبقة الأغنياء من
غير حق ورثتموه ولا كان يحلم برُبعِه أجدادكم ولا حتى آبآؤكم الأقربون ؟
سيدي الرئيس علام ننتخبك ؟ ماذا فعلتم في مشروع الجزيرة؟ وما مصير مشروع
سندس الزراعي؟ سلمتم الأول للضياع حتى هجره المزارع وهاجر أبناؤه مشردين في
العاصمة يبيعون الأقلام وسم الفئران وفرش الآسنان ؟ أما الثاني فقد سلمتموه
لواحد من محسوبيكم (حلو لسان وقليل إحسان) لم ينبت شجرة ولم يحصد ثمرة إلا
بالكلام وأضاع حقوق كثيرين , وأخذ حقوقا( حُمْرة عين) وأهلها لا يجدون مناصرا
ولا شفيعا وأنت رئيسهم ورئيسه ؟ أين ذهبت عرائضهم لك ؟ أين ذهبت شكاويهم؟
ألا تعلم أن دعوات المظلومين ليس بينها وبين الله حجاب ؟
سيدي الرئيس علام ننتخبك؟وأنت لم تعرف و لا تريد ان تعرف, ماذا حدث
للمتأثرين بسد مروي ؟ هل يتطلب إنشاء السد قتل أهلنا العُزل؟ ألا تعلم تقاليد
أهلك في الشمال وتمسكهم بالأرض ؟ لم لم تذهب إليهم وتجلس معهم على الأرض
وتقنعهم ؟ لم لم ترسل لهم الوزاء والعماء ليقنعوهم بدلا من جحافل العسكريين
. ليحصدهم السلاح حصدا؟ أين ستجد من يقول لك نعم؟ أينما توجهت في السودان
الواسع ستجد مظلمة وحربا وتشردا
سيدي الرئيس علام ننتخبك ؟ ورصيدكم في الخدمات صفر كبير وليتكم اكتفيتم
ببعدكم عن خدمة المواطن لا بل اطلقتكم جباة الضرائب والعوائد والنفايات
يجوبون الأحياء مهددين ومتوعدين لمن تسول له نفسه بالمحاكمة الفورية وببيع
ممتلكاته ايفاء لحق دولة لا تفتح مجاري الأمطارالتي تغرق الناس كل عام ولا
تجمع النفايات من الشواع التي حولت المدينة لمسودع كبير للقمامة . سيدي
الرئيس إنه لما يحزن المرء أن مواطنا (زاهر جبريل ) أثقلته وضيقتْ عليه
محليته بسبب إهمالها لخدماتهم لم يجد غير قلمي يستجير به ويرجوني رجاء
اليائس أن أكتب ليس لسيادتكم بل لرئيس محليته "محلية جبل أولياء " لتزيل
> النفايات عن وجه منطقتهم فتيح العقليين السياحية أو كما قال . هذا مثال
لواحد من رعاياك سيدي الرئيس ومن الذين ستعمد عليهم في التصويت لكم فهل من
يفقد أبسط الخدمات تتوقع منه التأييد؟ كم وكم من منطقة مثل فتيح العقليين ؟
وكم كم ممن هم في معانات الأخ زاهر جبريل لا يجدون حتى من يشكون له سؤ
الخدمات التي رفعت حكومتكم يدها عنها وظلت بلا خجل ولا حياء تطلب الضرائب
والعوائد , فبأي حق تطلب منا أن ننتخبك؟
سيدي الرئيس إذا كان ابن الخطاب المبشر بالجنة وصاحب رسول الله والشهيد يخاف
من حساب الله له إن غفل أو قصرـ وحاشاه أن يفعل ـ في حق الناس فما بالك أنت
؟ أضمنتَ الجنة أم أمنتَ محاسبة الله؟ ألم تسمع بقول الخطاب "والله لو كانت
إحدي رجلي في الجنة والأخرى خارجها ما ضمنتُ مكر الله!" ألا حسبتها بميزان
حساب الله ؟ أم تنتظر حساب البشر؟
سيدي الرئيس إن كتاب اخفاقاتكم طويل لا نهاية له وإن كنت اليوم قد بدأته بما
قدمت في التعليم والصحة والخدمات , فإن ما يبكي قادمٌ في مقالاتي الآتية حول
الصفحات الدامية من كتاب اخفاقاتكم في دارفور, وكبت الحريات, ومحاربة الناس
في أرزاقهم ,وتخريب علاقة البلد بالجيران وغير الجيران حتى غدا السوداني
ارهابيا ومكروها -بسببكم وبسبب تأييدكم الساذج لصدام- في دول الخليج
والسعودية ومشبوها في بلاد لم تعرفنا إلا أعزة كراما
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: مريم بنت الحسين)
|
بِنت الحُسين
لمن أقول أحزابكم
أعني من تُراهِنون عليهم من تجمُّعات طائفِيّة مُختلِفة (أمّة إتحادي شيوعي غيرو ...)
كُلّهم نسوا حتى قياداتهم و أصبحوا كما يقول ملاّسي (عضوية مُتفلِّتة)
و ركضوا خلف من يُمكِن أن يُسقِط لهم البشير
لكن فليعلموا ..
أن البشير قد قال شعبه (شعب السودان أجمع)
(و البسقط بِقع بيناتنا بنسِندوا و الحارة بنخوضا)
بنت الحسين يا غالية
خليك قريبة و شوفيني خايف كيف و حأخاف كيف أكتر الأيام الجاية دي
(هذا إن كان الخوف يعني إماطة اللِّثام عن حقيقة من تُراهِنون عليهم و حقيقة وضعِهم و حقيقة نظرة الناس إليهم)
الجاي أتقل لمزيد من الإطمئنان
مع الإحترام الذي تعلمين
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
Quote: بِنت الحُسين
لمن أقول أحزابكم
أعني من تُراهِنون عليهم من تجمُّعات طائفِيّة مُختلِفة (أمّة إتحادي شيوعي غيرو ...)
كُلّهم نسوا حتى قياداتهم و أصبحوا كما يقول ملاّسي (عضوية مُتفلِّتة)
و ركضوا خلف من يُمكِن أن يُسقِط لهم البشير
لكن فليعلموا ..
|
وانت رأيك انه الناس يستمروا مع قيادات أصبحت لا تخدم أغراضهم؟ ولا يمشوا ورا من سيحقق لهم أهدافهم.... طبعا الشاهد، إن اجتماع الناس على عرمان من جميع الاحزاب الاخرى، يعتبر أحد الحاجات المخلياك تفتش في اخبار عرمان وين ما كان....
بالمناسبة... انا ما بهمني انك خايف ولا لأ... انا بقرأ في الاحداث تماماً زيّك... وأظل دوما مستغربة، هل ما تفعله ناتج عن عمى بصر أم بصيره... معليش أسمح لي... ما قصدي أبداً اقلل من شأنك، بقدر ما اوصف فكرتي عنّك... واتمنى جاده، ترد علي بنفس الجدّية... هل أنت مع البشير لأنه يُعتبر في تصوّرك أحسن شخص يمكن أنه يحكم السودان، أو انه بالنسبة إليك أفضل المتاح....
وشكرا
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: مريم بنت الحسين)
|
بشكل لآخر، انا عايزاك تقنعني.... صدقني، ما حأجي بأفكار مسبقة ولا عايزه اهاتر، ولا انا بتاعت مهاترات، ولا حاكمه عليك، واعتقد في بينا احترام وزمالة مهنة..... انا بالجد مستغربة، شنو البخليك تعتقد انه البشير الخيار الامثل.... مثلا في ناس نازلين الانتخابات دي، صفحتهم بيضاء، ما عندهم ماضي زي عرمان (ده طبعا بحسب فهمك انت لعرمان)، ليه ما واحد من ديل.... ليه ما ندي شخص آخر فرصة، يمكن يكون احسن؟؟
| |
|
|
|
|
|
|
|
|
|
|
Re: تدشين حملة ... الأمل والتغيير .... في لندن (صور) (Re: محمد فرح)
|
محمد فرح يا حبيب سلامات
أبو النِّيز دة أنا بتعامل معاهو على أساس إنُو زول مريض نفسي و كدة
مرّة يجي يعمل فيها قارئة فنجان
و مرّة كف
و مرّة يعمل فيها عجوبة الخربت سوبا
و مرّة ياهو لمن يتعصِر في الجماعة الهو باقي ليهم ضِنيب بيقعد يعمل في خرابيطو دي
فما عليك مِنّو و من كلامو
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: السيد المسلمي)
|
Quote: شوف ياعلاء لازم ترحلوا البراميل دي من السوق العربي وتودوها في ستين داهية !!
ياخ معقولة هسي تسيبو البراميل دي عشان الشفع يلصقوا فيها صور ياسر عرمان ؟؟!
البراميل ياعلاء للنفايات وليست للدعاية والإعلان !!
إنه قصور واضح من حكومتكم التي لم تستطيع حماية براميلها |
عرمان لمن يبقى مسئول عن نضافة البلد حأبقى أسألو، هسـع دي مسئوليتكم، عارف زمان كتبت لي مقال اسمو "قاطع الجمار" حقو تطلع عليهو لأنو بالضبط بوصف حالتك دي، الما قدر تفهم انا قاعد اتكلم عن شنو.
Quote: قاطع الجمار
علاء الدين شاموق
كتب أحدهم قبل فترة في أحد مواقع الانترنت السودانية عن جدوى الصرف الصحي، وأهميته، وحتميته، وإهمال الدولة لهذه البنية التحتية الرئيسية التي ينبغي توفرها في أي دولة محترمة ومتحضرة، وقال كاتب المقال بمرارة في آخره : أنّى لمن عاش عمره يقطع الجمار في الفيافي أن يدرك أهمية الصرف الصحي ؟
توقفت عند العبارة الأخيرة ملياً، فهذه العبارة تحمل من البلاغة الكثير، عقلية قاطع الجمار هذه – وهذه العبارة ليست عبارة كوميدية بل هي عبارةٌ استطاعت أن تصف الحالة بدقة بالغة – لم تكن حكراً على من يرفضون أو يماطلون في تأسيس شبكة للصرف الصحي، بل إن هذه العقلية تتمدد لتشمل كل المتحكمين في شأن تطوير مرافق البلاد وبنيتها التحتية.
فمن عاش حياته معتمداً على حمار أو عربة كارو في تنقلاته حتى بلغ من الكبر عتياً لن يعلم مهماً بذلنا من جهد معنى ان يكون لدينا نظام مواصلات محترم، نظيف، وآدمي، يمكن الاعتماد عليه، ناهيك أن يدرك معنى ان يكون لدينا شبكة مترو أنفاق متطورة في عاصمتنا كغيرها من عواصم الدنيا.
ومن عاش عمراً مديداً داخل هذه البلاد التي تحكمها قوانين العصر الحجري فحتماً لن يدرك معنى كلمة (High Way) الذي لم يره في حياته التي أمضاها دون أن يعلم أنه يعيش حالة من البؤس والفاقة الحضارية، وسيظن ان شارعاً مثل شارع الشهيد عبيد ختم هو قمة التطور العالمي في مجال صناعة الطرق وتعبيدها، وربما رأي جسر الإنقاذ على النيل الأبيض فأيقن اننا صرنا في مصاف الدول الصناعية العظمى، وهذا كله هراء رخيص.
أما النظافة، فهي كارثة لا تحتاج إلى وصف، وقاطع الجمار يريد أن يقنعنا أنه ليس بالإمكان أنظف مما كان، رغم ان شوارعنا، مدراسنا، جوامعنا، مصانعنا، مكاتبنا، ترزح تحت أكوام القمامة والأوساخ، دون أن يطرف جفن لمسئول في هذه الدولة.
هذا في الصيف، أما في الخريف فإن نقيق الضفادع وكمنجات الجنادب وطنين الناموس، كلها تشكل بانوراما موسيقية رائعة لا يطيب لقاطع الجمار أن ينام دون أن يستمع إليها كل مساء، أما متلازمات هذه الموسيقى من ملاريا وتايفويد ودسنتاريا وإسهال مائي (وهذه من أجل الرقيب)، فكلها أقدار الله وليس للنظافة علاقة بها.
التعليم، الصحة، الضرائب، الزكاة، المياه، الكهرباء، الهاتف، الدفاع، الأمن، إلخ، كلها باتت تدار بعقلية قاطع الجمار، ذلك الشخص الذي لا يملك سوى الحد الأدنى، ولا يريد سوى الحد الأدنى، ولا يعلم ان هناك غير هذا الحد الأدنى، ولا يدرك بشاعة الحد الأدنى، ولا يظن أن غيره من الناس لا يقبلون بهذا الحد الأدنى، ولو خيّر بين الحد الأدنى والأعلى لختار – لفساد ذوقه – الحد الأدنى، والأسوأ من كل ما سبق : انه يظن أن الحد الأدنى هو الحد الأعلى !
قاطع الجمار هو ذلك الشخص الذي يحطم معايير الجودة ولا يؤمن بها، ولا يميز بين الجودة وعدمها، ولا يرفض الجودة لارتفاع تكلفتها، لا، أبداً، - فهو يدفع الكثير مقابل ألا جودة - بل هو يرفضها لأسباب أخرى من بينها : التعود على الرداءة، وعدم الرغبة في التجديد، والخوف من المجهول، الكسل وعدم الرغبة في العمل، وأخيراً الجهل المقيم.
أما أسوأ ما في الأمر هو اللامبالاة، فلو أن قاطع الجمار ادرك ان هناك خطأ ما فربما – أقول ربما والله أعلم – حاول إصلاحه، وهذا حسن ظنٍ مني، إلا أن الكارثة تكمن في أنه فقد حتى القدرة على الرؤية والإدراك السليم، فما نراه قمامةً يراه صاحبي رياضاً خضراء، وما نراه شوارع ترابية بائسة يظنه طرقاً بالغة الكمال، إلخ.
أقترح على قاطع الجمار أن يخرج في إجازة طويلة، ولتكن ثلاثة أعوام مثلاً، يجوب فيها أنحاء العالم - على حسابي وحساب بقية دافعي الضرائب - وينظر إلى أي مدى من الرقي والحضارة وصل العالم ونحن في غيابة الجب نائمون، ويرى بعينيه أن العالم لا ينفق معشار ما ننفقه من ثروات للحصول على خدمات وسلع هي أفضل مما لدينا بمراحل.
حكمة اليوم : إن الجَاموسَ إذا كَبُرَ في السِّنِ ثخُنَ جِلدُهُ فباتَ لا يُدمِيهِ جَرُّ الشَوكِ ولا ضَربُ السِياطْ. |
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
اذا حولتم ربع الشعب لشماسه وربعهم لآكلي الكلاب من الجوع
مندهشين ليه انه تتلصق الدعايه الانتخابيه هنا؟؟؟
يفترض ناخبين عرمان يأكلون من هنا وهذا ليس عيب بحقهم
بل عيب بحق الحكومه الحولت ربع شعبها لجوعى وشحاتين ومنقبين في مكبات النفايات.
هؤلاء زائري الكوش يفترض من سيقلبون الطاوله فوق رؤسكم لا تستهتروا بهم
انهم كثر للاسف وموطنين وقتها من يعتقد بانه (ود بلد ويقعد ويقوم على كيفه) و
المحسوب مجرد شماسي امام صناديق الاقتراع كلهم واحد ولهم صوت واحد
ولكن دولتهم المقلوبة الحال ميزت بينهم.
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: السيد المسلمي)
|
| Quote: وبالتالي أنا هنا متضامن معاك للطيش في الموضوع دا ! |
لا خلاص كان كدا يا السيد المسلمي ، حقك علينا ، بس المرة الجاية وضح موقفك ، عشان النيران الصديقة ما تقوم ترشك قال معاكم قال ، والمعاهم منو كان كدي؟ والله أنا لو محل رئيسكم في المؤتمر الوطني أسلم كل واحد فيكم عدد واحد مقشاشة جديدة ، والسوق العربي عـدل، ياخي المؤتمر الوطني دافع دم قلبو رشاوي ومجازفات عشان يدس الصور الزي دي، تجو بي كل سذاجة تنشروها كدا على الملأ، وعاملين فيها انتقمتوا من عرمان ، هسع يمكن ناس عرمان عاملين القصة دي مخصوص عشان تجو تصوروا وتوروا العالم شكل المشروع الحضاري عامل كيف من جوه . الجماعة دقّسوكم .
| |
|
|
|
|
|
|
|
|
|
We will use and you will loose it (Re: ود الباوقة)
|
الأخ علاء الدين يوسف
شكرا لك على هذه الدعاية المجانية
والتى اندفعت لها بدافع النيل من
مرشحنا كومريت ياسر عرمان . لأنك
تندفع فى كل الأحيان لمناصرة الانقاذ
رغم عدم اعترافك بأنك من مناصيريها.
عموما نتمنى أن تستفيد من كل من زارك
فى هذا البوست حتى تنجح فى تفكيك تنطعك
الغير مؤسس ، فبالرغم من مسارعة البعض
لدعمك فى " حملة عبد القيوم " (راجع
حكاية البنت التى طارت عصافيرها ) برغم
هذه الهبة الا أن شرفاء وشريفات بلادى
قد أفلحوا فى كسب هذه الجولة . فشكرا لك
فعبر تنطعك هذا تعرف الأغلبية الصامتة الكثير
المثير عن هوس وتنطع أهل الانقاذ ومناصيريها .
We will use and you will loose it
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
الأخ علاء الدين يوسف
شكرا لك على هذه الدعاية المجانية
والتى اندفعت لها بدافع النيل من
مرشحنا كومريت ياسر عرمان . لأنك
تندفع فى كل الأحيان لمناصرة الانقاذ
رغم عدم اعترافك بأنك من مناصيريها.
عموما نتمنى أن تستفيد من كل من زارك
فى هذا البوست حتى تنجح فى تفكيك تنطعك
الغير مؤسس ، فبالرغم من مسارعة البعض
لدعمك فى " حملة عبد القيوم " (راجع
حكاية البنت التى طارت عصافيرها ) برغم
هذه الهبة الا أن شرفاء وشريفات بلادى
قد أفلحوا فى كسب هذه الجولة . فشكرا لك
فعبر تنطعك هذا تعرف الأغلبية الصامتة الكثير
المثير عن هوس وتنطع أهل الانقاذ ومناصريها .
We will use and you will loose it
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
بسم الله نبدا ليك يا بِنت الحُسين
Quote: لو عايز توريني كلام، انا مواطنة ما عايزه كلام.. انا عايزه بلد نظيف، تعليم كويس، صحة وتأمين اجتماعي، وظائف... وأمن!
|
طيِّب
نِتكلّم عن النظافة
و النظافة لمن نبدأ نِتكلّم عنّها ما تقيسي لي بالبلد الإنتِ قاعدة فوقة و كنت أنا في عاصمتها لخمس سنوات ، النظافة مبنِيّة على البِنية التحتِيّة من شوارع و أسفلت و رصف طرُق (رئيسية و فرعِيّة)
نحن بنتكلّم عن مليون ميل مُربّع في عشرين سنّة كانت فيها الطرُق صِفر كبير ، عشرين سنة كان فيها 15 سنة حرب مُتواصِلة في الجنوب سمّوها أطول حرب في أفريقيا و بعدها خمس سنوات إستنزاف دولي للسودان بسبب دارفور و مٌحاصرة إقتصادِيّة طالت حتى وقود الطائرات و إسبيراتها مدة العشرين سنة.
فما تمّ من رصف للطرُق و سفلتة في هذه المُدّة رُغم المعاناة المُرافِقة أنا راضٍ عنه كُل الرِّضا و كذالك السواد الأعظم (القاعِد معانا جوة البلد) و يكفي إنو عُمّال التظافة هسي أنا بكتِب ليك أربعة صباحاً هُم شغّالين في الشوارِع كنِس و نظافة و بالمناسبة عندنا العربات أم ريش التحت داك البتنظِّف و ترُش و تجلي الزلط زي السعودية.
يعني بصراحة ما تم في ظل هذه الظروف القاسية بقدر أقول فيهو إنُّو الناس ديل عملوا من الفسيخ شربات ، الفسيخ العملوهوا مِنّنا ناس سيدي و أولاد سيدي الله لا عادُم للحُكم مرّة تانية (و لن يعودوا)
لو عايزة إحصاءات عن الطُرُق – الكباري قولي بجيب ليك.
تعليم كويِّس ...
شوفي لمن كُنّا في عهد الطائفية البائدة كان لمن يقولوا ليك فلان دة خريج جامعة (1-2-3-4) اللي هُم بالعدد ، زي التقول خرّجوهو بي درجة دكتوراة في اربعة سنة ، و هسي بحمد الله مافي بيت ما فيهو أكتر من جامعي لو ما كُلّهم حتى ناس الأرياف ، شوفي كان في كم داخِلِيّة و زمان يمكن غير البركس و حسيب مافي.
لو عايزة إحصاءات أخونا بدر الدين إسحق أحمد عندو بوست جاهز بجيبو ليك.
بالنسبة للصحّة ...
زمان كُنّا حبوب الكلوروكين و الكينين ما لاقِنّها و المُستشفيات على عدد أصابع اليد و لمن الواحد يشوف ليهو عربية إسعاف زي الشاف النبي في المنام هسي عربات الإسعاف لو زول كحّة ساي بقو يطلبوها ليهو
و يجن جاريات تلاتة زي الركشات.
و بطاقة التأمين الصحي اللي في جيب أي مواطن و الدواء المُتوفِّر في صيدلِيّات التأمين بربع القيمة و المُقابلة المجّانِيّة لكبار الأطِبّاء الإختصاصيين مجااااااااااااااااااااااناً لا قرِش لا تعريفة
وييييييييييييييين دة كان ؟ وين؟
بالنسبة للأمن ...
زمان ما تقدري بعد تسعة بالليل تحومي في شوارِع السوق العربي خليك من الأحياء و أطراف العاصِمة ، هسي أنا بصحى كُل كم يوم الساعة تلاتة صباحاً و أفتح باب بيتنا و عربيتي واقفة برّة الشارِع أدوِّر و أمشي مطار الخرطوم و أمشي الميناء البري و أمشي أي حِتّة و أنا مُطمئِن ، زمان ما تفتحي باب الشارِع و إلا معاك تلاتة من أولاد الجيران يكونوا نايمين معانا شان بالجلالة واحِد يطلِّع راسو و فيها راسو يرجع سليم أو مفلوق من طوبة حرامي.
هسي كدي تحصل حاجة في مكان ما و إتصلي بأي رقم من أرقام الشُرطة المجّانِيّة وشوفي النتيجة و دونِك بوست كتبتو أنا في هذا الربُع عن الحادث الحصل قدامي مع الوزير السابق المرضي و بتاع أمجاد إتصل بالنجدة جات ساقت ليك الوزير زي الترتيب للقسم.
بالنسبة للوظائف ما بقول ليك في كفاية مية المية و دي في أي دولة ماف حتى عندك في السعودية و أنا شاهد عليها ، مافي دولة في العالم قادرة توظِّف كل الناس عندها و أنا واحد من الناس ديل ما إنتظرت الحكومة توظِّفني في يوم من الأيام و بديت أعمالي الخاصة من بدري و الحمد لله.
لكن تعالي قولي لي منو الكان بيقدر يشتغل في بنك أو وزارة أو هيئة زمان لو ما كان من أولاد سيدي أو أتباع أولاد سيدي؟
هسي قولي لي في بيت مافيهو زول عادي موظّف في شركة كبيرة أو وزارة أو هيئة أو غيرو؟
ما معيار كونوا يكون في عطالة لأنو أمريكا فيها عطالة يا مريم
لكن ممكن تقارني بين زمن الأحزاب اللعينة و بين هسي
هسي في حاجة مفتوحة لكل الشباب إسمها التمويل الأصغر ديل لِمن لم يتم استيعابهم في الوظائف الحكومِيّة و الما قدروا يكابسوا في سوق عمل القطاع الخاص المفتووووووووووووووح و اللي فيهم شيء من عدم عزيمة ، تمويل حده الأدنى عشرة ألف جنيه لبداية مشروع تجاري خاص.
وين كان في كلام زي دة زمان من ناس سيدي ؟
التأمين الإجتماعي...
دة أصلاً معروف مبني على شنو في كُل العالم .. إستقطاع من الرواتِب ليوم المعاش أو يوم حاجة عند توقُّف إضطراري عن العمل و موجود عندنا في السودان حتى في المحلات الصغيرة لو فيها تلاتة أنفار بس كعاملين مجبورين يسجِّلوا في خدمات التأمين الإجتماعي.
Quote: شهدت إعلانات المكاتب التي تبيع الشهادات السودانية في الأردن، لدرجة جعلت وزارة التعليم العالي الآردني تصدر إعلاناً سنوياً بقائمة الجامعات السودانية المعترف بها، وهي (ابشّرك) لا تتعدى خمسة جامعات... إذا كنت بتتكلم عن بناء بنية تحتية، ما كانت موجوده، فكيف نعتبر انه في بنية تحتية مع حقيقة انهيار التعليم!
|
طيِّب أول حاجة كلامِك الفوق دة ما موزون!!
بيع شهادات سودانِيّة
و جامعات مُعترف بيها لا تتعدى الخمس؟
نقول الشهادة بزوِّروها في الأردن .. لي شنو؟ للعمل أم للقراية؟
لو للقراية إيه علاقة الجامعات السودانية المعترف بيها هِناك؟
لو للعمل؟
إيه اللمّة الشهادة السودانِيّة مع جامعات معترف بيها أم لا؟
هو ماشي يشتغل ولا ماشي يقرأ؟ و الجامعات السودانية دي في عمان ولا في الخرطوم؟
خربطتي لي راسي
لكن ناخد المعلومة إجمالاً ..
عليك الله يا مريم ما لقيتي تضربي لي مثال إلا بالأردُن؟
من متين كانت قِبلة للتوظيف أو الدراسة للسواد الأعظم ؟
معروف البلدان اللي بيتّجِه ليها أولادنا كلميني عنّها و عن حال شهاداتنا هِناك
للدراسة
مصر – الهند – ماليزيا – أوروبا
للعمل
الخليج – و أوروبا – أمريكا
أها أنا حأتكلّم معاك عن الكنت فيهم
الهند مثالاً :
كان أي طالب (بعد الإنقاذ) عربي اللسان إجباري سنة إنجليزي قبل الجامعة إلا السودانيين (في جامعة بونا) الجامعة اللي معظم خريجي الهند مِنّها.
بالنسبة للعمل السعودية القاعدة فيها هسي دي وريني جهة رفضت تعيِّن سوداني بشهادة من أي جامعة؟
بالنسبة للداخِل هِنا على مُستواي الشخصي بعرِف لي ما أقل من مية ميتين من جامعات زي كسلا و الأزهري و التقانة و و و و و من الجامعات التي قامت في عهد الإنقاذ فيهم الأطباء في مختلف المستشفيات و فيهم الإداريين في مجالات تسويق و مبيعات و مشتريات و إدارة تنفيذية و في درجات وظيفية في وزارات و هيئات حكومِيّة و بدون واسطات و بدون ما يكونوا من أولاد ناس سيدي.
منو زمان الما من ناس سيدي أو أتباعهم كان بحلم بأنُّو يكون أكتر من عسكري في الجيش أو كُمساري في حافلة أو بعد تزكِية سوّاق حافلة.
بالنسبة للبيوت و السراميك و غيرو ..
شوفي يا مريم أنا زول بحمد الله شاب .. و شاب زمان في عهد الطائفية من الأسر العادية الزيّنا كضّاب يكون عندو واطة ناهيك عن بيت
لو من أولاد سيدي ممكن يكون عندك قصر و عِزبة كمان
يا مريم أنا ما كنت بحلم في يوم يكون عندي قطعة أرض هسي عندي بيت !!!
أيوة بيت
نعم هو لا في الرياض ولا في الطائف ولا في المهندسين لكن بيت
بيت في مدينة الأسفلت داخل لحدي جوّاها مبني بلوك أوضة و مطبخ و السقف صبّة 300 متر مدينة مُخطّطة تخطيط ما عادي لا يشبه تخطيط مُدُنّا القديمة بأي حال بين كل أربعة خمسة بيوت فسحة – عدد من المدارِس – قسم شرطة كبير – تشجير كامل لكل الشوارِع الرئيسية و الفرعِيّة كهرباء مدعومة في التوصيل الأوّل و موية (كلّهم واصلات في البيوت)
دي حاجة إسمها السكن الشعبي أو الإقتصادي و ما فيها وساطة في أم درمان و بحري و الخرطوم.
الشعبي زي الخُطّة الإسكانية تقديم و نقاط لو رست عليك تدفعي تلاتة ألف بس و تستلمي البيت و الباقي أقساط بمقدار مِيّة و حاجة جنيه للشهر و جملة المبلغ الإجمالي للبيت لا تتعدى عشرون ألف جنيه.
أنا أخدت إقتصادي بعت فيهو عربيتي العاجباني و دفعت فقط 18 ألف جنيه دون أي محسوبِيّة أو عِرفة و بجنسية فقط تثبت إني سوداني مشيت معاي قريبي اللي إشترى قبالي وهو عضو معانا في المنبر هِنا و أنا ما مصدِّقو لقيت الموظف قاعد الساعة تسعة صباحاً ما بيعرف عن الزول القدامو دة غير إنو سوداني شايل مبلغ قيمة البيت وواقف قدامو وراني الخرطة إخترت لي بيت فاتح في فسحة قال لي لو جيت بعد ساعة يمكن ما تلقاهو قلت ليهو أمشي أعاين البيت على الطبيعة أرجع و قد كان مشيت و جيت أداني إذن دفِع شلتو و مشيت الخزنة دفعت و جيتو راجِع سلّمني إذن إستلام شلتو و مشيت مكاتبم في المدينة المعنِيّة و قبل الساعة إتنين ضهر أنا كنت أمتلِك بيت هسي كل جمعة أمشي بيتي أفتحو و أسقي الشدر و أعاين ليهو و أرجع نظام الولد بي بيتو و كِدة.
و بدفع في أقساط 240 جنيه شهري لحدي ما يصل المبلغ الكامل للبيت اللي هو 26 ألف جنيه.
و تقولي لي ليه بأيِّد الإنقاذ؟
سيدي البشير دي تسحبيها يا مريم
لأنُّو شتّان ما بين سيِّدي (بالتشكيل)
و سيدي القديمة ديك
فلمن نقل سيِّيدي الرئيس نقولها لأدب الخطاب العادي
لكن عادي بقول البشير و بقول عُمر البشر و بقول أخونا عُمر
ولو سِمِعة مِنِّي عادي جداً
لكن كدي واحد يتجرّا ما يقول سيدي الميرغني أو السيِّد الصادِق أو أو أو ...
و ديلك بيتبِعوها بيان بالعمل بوس للأيدي و إنحناء رخيص و هِبات لسيدهم و و و و
نحن زولنا يقيفوا قداموا ناسوا رافعين راسهم في راسو و عينُم في عينو لأنّه مِنهم و إليهم
عرفتي الفرِق؟
زول بسيط كان ساكن في حي شعبي في كوبر
ما ود قصور ولا عِزب
أغبش مِنّنا
يمكن أجيك راجِع تاني مع إنِّك فتّرتيني في الكلام
هذا و مع الإحترام
| |
|
|
|
|
|
|
|
|
|
Re: أنصار عرمان يُدشِّنون حملته الإنتخابِيّة من مكب نفايات بالسوق العربي (صورة) (Re: علاء الدين يوسف علي محمد)
|
تاني قمت لي لغاويسك دي ..
عارفك بلدوق رخيس ..
الكوش دي مابتقدر تفوتها أصلك ..
أها زي نياصتك دي ..يقولو عليها شنو؟
تصدق قدر ما أقول
أشيل حكاية الفيديو ديك من راسي
فنترب تتلب لي تاني..
وقدر ماأشوف لي
بلدوق في الشارع هنا
إتذكرك طوالي ..
الخالق الناطق ..ياعلاء
بس ماتتحسس..
على مزابلها تقع الكلاب ..
الله يسالني مافي اي غل جواتي ..
أو شخصي ..لكن الطاقي دي
إنت فتحتها على نفسك ..
وبتذكرني زول عندنا
في البلد إسمو السر ود الفخة ..دايما يعملوا حاجة
تصدلو راجعة وما يعرف يتفكا منها..
هسة الناس المن غادي للعربات ديل
متهيبين كدا مالم ..مع وجود الكاميرات الماتتسمى
تفتكرن أول مرة يشوفولن زول يصور ؟
المشكلة إنو خيالك حتى في تزوير الحقائق
فطير بي لبن..زي صورة الجزارة ديك ..
دايما ماعندك إحساس بتوابع المشهد.
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: Nazar Yousif)
|
Quote: نعومي
أو خيوبة اللابِس توبة
إنت لِسّع عايش يا كدروك
النت دة بِفِكُّو ليك بالدرِب ولاّ شِنو يا مُرتزق با رخيص
|
عاد ياكلب الريس ..بلدوق.. انا البدفع لي منو
عشان أصاقر النت ..!!؟
غايتو من حظك نقول شنو..
المهم الويكند الفي وشينا دا
بكون مؤجز ..
إستعد ساكت .. برجاك جمب الشدرة رمزك
دي تذكرها في شارع واحد ..
غايتو لو قلعتوها هي كمان تكونوا إتلومتو مع الرمز
ههههههه
| |
|
|
|
|
|
|
|
|
|
Re: أنصا الرئيس رياسر عرمان يُدشِّنون حملته الإنتخابِيّة (Re: Nazar Yousif)
|
| Quote: و الغريب شنو ما الموتمر الوطني بحكم البلد وهو مكب قمامة |
بالظبط كده واكيد المقصود انه مكب الزباله لازم يتشال بياسر مع الاخذ في الاعتبار انه المهمشين والمشردين وابناء الشوارع ياكلون قوتهم الرئيسي من مكب الزباله وياسر احد اهدافه دعم هولاء المشردين
ده لو افترضنا انه تم الصاق هذه الملصقات من قبل انصاره فما هو الغريب بان يكون المؤتمر الوطني هو الذي قام بالصاقها قصدا منه وعلي سبيل المثال( فتح مثل هذا البوست )فالموتمر الوطني ليس غريبا عليه مثل هذا التصرف فالخصومه الفاجره هي احدي صفاتهم البغيضه
| |
|
|
|
|
|
|
|
علاء الدين يوسف علي محمد
علي الكرار هاشم
omer osman
بشير أحمد
جعفر محي الدين
بدر الدين اسحاق احمد
Hussein Mallasi
Nazar Yousif
Afraa Sanad
ذواليد سليمان مصطفى
mayada kamal
almogira alemam
Al-Shaygi
مريم بنت الحسين
نيازي عبدالله مرحوم احمد
عبد اللطيف السيدح
محمد فرح
abuguta
فايزودالقاضي
ود شاموق
Tragie Mustafa
Faisal Al Zubeir
Manal Awad Khugali
فيس بوك
تويتر
انستقرام
يوتيوب
بنتيريست