|
مبروك صالح تبلدينا "ماجستير إدارة الأعمال"
|
حصل الشاب المثابر والإعلامي المثقف والبوردابي المشاكس صالح عبدالرحمن صالح المشهور بـ (تبلدينا) ، على ماجستير إدارة الأعمال MBA في مجال التسويق وذلك من أكاديمية - إتصالات / الأمارات بالخرطوم. فقد تمكن الشاب الألمعي رغم ظروف عمله المجهدة ومسؤولياته الجمة وعلاقاته الإجتماعية الثرة ومشاركاته الثقافية ، أن يتمكن من الحصول على درجة الماجستير بتفوق محرزاً درجة جيد جداً. والجدير بالذكر ان الأخ صالح تبلدينا حاصل على شهادة بكالوريوس الإعلام وماجستير في العلاقات العامة . ولقد حصل مؤخراً على شهادة القيد الصحفي من اتحاد الصحفيين السودانيين . وكان من المتوقع ان يغادرنا الأخ صالح إلى مدينة ليون بفرنسا لتلقي كورسات ودورات متقدمة ومتطورة في التسويق العالمي International Business Marketing وإستراتيجية إدارة الأعمال Business Strategy لولا ظروف وفاة والده - عليه الرحمة - التي أسهمت في تأجيل هذا البرنامج إلى أجل غير مسمى . نتمنى للأخ صالح تبلدينا التوفيق في مسيرته الأكاديمية والعلمية ..ومزيداً من التقدم والنجاحات..
|
|
|
|
|
|
|
|
Re: مبروك صالح تبلدينا "ماجستير إدارة الأعمال" (Re: محمد عمر جبريل)
|
تبلدينا يا رائع .. ألف مبرووووووووووك الـMBA وعقبال الدكتوراة ان شاء الله . غايتو المنبر ده يجيب ليك التهاني والكلام الجميل وفي نفس الوقت يجيب ليك الهوا بالواضح كده أنا مزنوق في الـOrganisational Behaviour وياني الجاييك تب ان شاء الله .
________________ وهبة يا عمك الف شكر على البوست وتراهو العوض جهز الخروف ، يعني بالواضح كده ما تاكلونا حنك
| |
|
|
|
|
|
|
Re: مبروك صالح تبلدينا "ماجستير إدارة الأعمال" (Re: سيف الدولة كامل)
|
يعنى يا تبلدينا الا يكلمنا موسى عيسى !!!!! بتبالغ والله !!
والغريبة لقطة عديل كدا .. ماجستير ،، وتلاته حوادث حركة . وهملة بالقاهرة سنينا عددا . وبلا مسئوليات بسبب وفاة الناس البتحبهم .. بالله دا تبلدينا ؟؟ ما لقطة عديييل كدا ؟
ــــــــــــ لا تستغرب ان ارووس مداخلاتى الجاية بتبلدينا صاحبى وفى جماعة كدا انشالله صحبتى ما تنفعهم ..
| |
|
|
|
|
|
|
Re: مبروك صالح تبلدينا "ماجستير إدارة الأعمال" (Re: Tabaldina)
|
.. . ود الصايم
Quote: بس مشكلتكـ بقت كبيرة خلاس تكتب أيي حاجة بعد دا حنقيف ليكـ في حلقكـ (باللاي دا كلام زول بتاع ماجستير |
تتصور اول هفوة .. اسمك سقط سهوا .. شوف المعضلة دى ..!! اها شايف مشكلتك الكلام حيبقى كبار معضلة ..وفاتازيا وكاريزما شد حيلك جيب ليك معجم مثقفاتية
----------
والله بقت علينا ثلاث .. قيد .. وماجستير وبرضو يتيم الواحد الا يعتزل تانى ..
| |
|
|
|
|
|
|
Re: مبروك صالح تبلدينا "ماجستير إدارة الأعمال" (Re: Dalal Ezzaldin)
|
.. .'
Quote: يا تبلدينا لو لا وفاة الوالد رحمه الله كنت قلت ليك دي من احسن سنين حياتك انجازات ساي مبرووووك الماستر.. قود جوب |
مش كدا بالله .. والله يا دلال لولا قدرالمولى تعالى وان الاجال بيد الله والله كنت حتهججى عديل ..
--------
عقبالك كدا .. فى حاجات كتيرة
| |
|
|
|
|
|
|
Re: مبروك صالح تبلدينا "ماجستير إدارة الأعمال" (Re: عبدالله ابوشوارب)
|
الشاب اللطيف وظريف وبشوش ... اخونا الغالي صالح ... والله فرحتنا ايما فرح ... وفتحت نفسنا للحياه ... مليارات التهاني والتبريكات بكل النجاحات التي حققتها في الزمن الصعب ... ربنا اعطاك نعم كثيره اكبرها حب الناس ليك ... انت بتستاهل كل الخير لانك انت الخير لكل الناس ... ربنا يحفظك واتمنى لك التوفيق في كل المجالات ...
| |
|
|
|
|
|
|
|