|
Re: الشدرة (Re: isam elzein)
|
شايف المِنبر كُلللللللللللللو بِقى بوستات شجر وهذا دليل عافية لحملة الشجرة الإنتخابِيّة و مُؤشِّر جيِّد لنجاح هذا الرمز و أنّه رسخ في أذهان الناس
| |
|
|
|
|
|
|
Re: الشدرة (Re: Kostawi)
|
Quote: شايف المِنبر كُلللللللللللللو بِقى بوستات شجر |
طبعا ....ما سفيتوه كلو حتى الشدر المسكين دا عايزين تقرضوه.
مش كان أحسن ليكم تختاروا الكلاكنشوف كشعار...
| |
|
|
|
|
|
|
Re: الشدرة (Re: Kostawi)
|
Quote: شجرة المؤتمر ضل البعيد والجار راكزتن عروقها تشقق الحجار صوتك امانة ماتساومبو في التجار والوطن العزيز ماتبيعوا لى الفجار |
| |
|
|
|
|
|
|
Re: الشدرة (Re: Kostawi)
|
ياطالع الشجرة جيب لي معاك ثمرة أطفالنا نور العين الغيمة ....والمطرة **** جيب لي لعبة تكون في ذاتها مبتكرة جيب لي أجمل لون لي لوحة منتظرة ومصحة جمب البيت والسكة مختصرااا ياطالع الشجرة جيب لي معاك كتاب أطفالنا تقراه جيب لي معاك علاج لو درنا نلقــــاه وحليب كتير بالحيل موجود وبي وفرة يا طالع الشجرة
| |
|
|
|
|
|
|
Re: الشدرة (Re: Basheer abusalif)
|
العزيز ابو سالغ هذه الشجرة يجب ان تقرا مع رائعة
ود المجذوب ( طعن الشجرة )
طعن الشجرة
جات الشجرة تقدم طعن
رافعة عريضة عليك تحتجّ
قالت ليك شن ليك بي اسمي
وفي محاربتي غبارك عجّ
إنت الخضرة قطعت أسبابه
وقافل بابه
وجوعك صابه
حرقت الغابة
وبالكوراك ماليها الفجة
لا راعيت في أعضاي الذمة
ولا آويت الزارع ضُمّة
وما ضوّيت لي ليلو الدجّ
وشوم أفكارك للغيط سمّ
حتى صغاري شفطت حليبهم
صبحوا يتامى وطيبهم هجّ
أصبح كلّ القادر يبلع
يقلع يخلع يشلع
ساسي إرتجّ
دُستََ الولد البرحم ضعفي
ومن أوراقي يشكل غابة
ويملأ الفجة
والأولاد الكانو ضنايا
صبحو ضحايا ومن غير حجة
×××
أوّل من ضحيتبو كبيري
ولدي العاجب زادي وخيري
اسمو القطن أب خيراً بادي
ده الما كان محبوب لي غيري
وكان الدخري العامر ونادي
وكم من غادر أمّن ونجّى
والربّاي الدايما حاضنو
إنت ضبحتو شرطت وريدو
وأب عشرين العامر بيدو
دمّو اتصفّى
شال القفّة وباع أمشاط
وبالتمويل مسجون وانزجّ
حتى الحوش الماهل كان
حاضن بيضي
وناهل فيضي
في بركات أصبح في كان
زي عجزان قنعان من ينجى
أما الزين ود بطني التانية
كان مبرور
وهنايا وطربي
وكان سمّيتو الصمغ العربي
من سيطانك فارق وهجّ
حتى المنقة البت الفالحة
كانت نور لي صدري وشارحة
فخر إنتاجي
وجوهر تاجي
وصوتي الوجّ
كانت آملة وليك بتناجي
جبت بديلة طفل أنبوبة
ومسك الفجة
وجاء التفاح
طعمو بطاطة ودارك جاطة
وداخل بيتك دون مفتاح
×××
والأحفاد الفول وسماسم
قام ساطورك
ليهم حاسم
ألف جباية
ولي روسينهم ضربك شجّ
مرّة قبانة
ومرّة ضريبة
ومرّة زكاتن قبل نصيبة
وبعد الشنّة وصوت الرنّة
صبحن ماضي
والأطفال بيهم تتحجّ
×××
أنا يا غافل رمز الخضرة
كيف ترميزي يكون لي كُدرة
أنا قاهراها الصحرا الزاحفة
وأنا عطاية وشاية وتاية
كيفن أصبح رمز اللاغفة
أنا تاريخ والسيرة عميقة
كيفن أرمز للتسطيح
ضاربة جذوري مهاوي سحيقة
ماني لوينة معاها الريح
مرّة تشيلني رياح بن لادن
ومرّة تجيبني رياح أمريكا
مرّة رياح الجنة الشادن
ومرّة رياح الدنيا وشيكا
أنا يا ظالم نبض الشارع
ومن إيديّا بحبّ الويكة
ضد الجاني القطّع قلبي
وباع أشلايا وقسّم كيكا
يا القطّعت فروعي العامرة
ومن أعضاي سوّيتا عصيكا
وتضرب تضرب بيها فروعي
كل البرفع راسو عليكا
ضدّك كل مظالمي أحيكا
وارفع طعن تشوفو الأمة
حقو تكون رمز الجمجمة
أو تختار رمز الفرار
أو يا ضار
رمز الجيب
أو رمز الكرشة
محمد صالح مجذوب
| |
|
|
|
|
|
|
|