يا امين الرياضة لا تعرف حدود .. بدلا ان نتقوقع داخل ثقافتنا المحلية علينا ان ننفتح على الشعوب وفهم ثقافاتهم واهتماماتهم (ورياضاتهم) وهى فى اغلب الاحيان ممتعة جدا جدا
انا ممكن اقعد ليك مع اجعص خواجة واتونس ليك معاهو فى موضوع ... حتى حاجاتهم الخاصة بثقافتهم برضو ممكن ادلى فيها ..
انا بتابع كل انواع الرياضة وبدون استثناء بما فيها القولف..
Quote: برضو يا امين ..افرض انت كنت قاعد مع امريكان فى غرفة وبدو يتونسو بكاس السوبر بووول .. تقعد تتبلم ؟
اهم شئ فى غربتنا دى نفهم الناس القاعدين معاهم ديل بفكرو كيف وبهتموا بشنو... وبتونسو بشنو عند water cooler فى المكتب ..
اعتبرهم عدو يا اخوى واتعامل معاهم على هذا الاساس ...
ده كلام سليم يا النصري أنا متابع كل الرياضات هنا ، و لمن كنت في منسوتا سنتين كان عندي ال season tickets بتاعت ال Vikings و هسي بدفع دم قلبي عشان أجيب ال NFL Ticket و أشوف كور الVikings .... القولف بتابع بس لمن تايجر يكون لاعب ... مشكلتي معاك يا النصري في الهوكي !
-------- ما بعرف كندا ، لكن في أمريكا الشقيقه دي : لو إنت أسود و بتحب الهوكي ممكن يبلغو عليك البوليس !
الرياضة الوحيده الغلبنى افهمها بعد كثير من المحاولات هى لعبة الكافتيرا والمقشاشة(الاسم من عندى) واسمها بالانجليزى Curling ودى صورة منها ...
اللاعب بدردق الكفتيرة فى التلج ..اتنين من زملاءه بقشوا الارضية امام الكفتيرة (يسمونها stone) ..عملية القش تتم حسب سرعة الكافتيرة لو الكفتيرة جارية ببطء بقشو قدامها شديد والعكس .. دى قدرتى وفهمى فى اللعبة دى ..لو فى زول عنده اضافه نكون حامدين وشاكرين
نرجع للهوكى .. اربعة فرق صعدت لدورى الاربعة كندا بعد انتصارها على روسيا .. واسلوفاكيا بعد انتصارها المفاجى على البطل السابق السويد سيلتقى الفريقين يوم الجمعة
من المجموعة الثانية امريكا ضد فلندا التى فاجات تسوكلفاكيا وهزمتها بفضل حارس الفريق الذى يلعب لفريق كالقرى Flames سكبارشوف
مباراة الكاس ستكون يوم السبت ويتوقع ان تكون بين كندا وامريكا (مالم تحدث مفاجات) وهى مباراة فى قمة الاثارة .ستشل الحركة فى كندا بسبب حساسيتها ترقبوها و شاهدوها ولن تندموا ...
بالله عليكم مش شى يحير انو رياضى يقضى اربعة سنوات كاملة تحت التدريب المستمر القاسى والشاق .. اربع سنوات من الحياة المبرمجة فى اكله وشرابه ومنامه .. اربع سنوات من الانتظار والتهيب .. عشان منافسة زمنها 25 ثانية ...
25 ثانية فقط هى طول المسابقة ..بعدها على الرياضى ان ينتظر اربع سنين اخرى من اجل 25 ثانية اخرى وفرصة اخيرة قبل ان يضمحل جسده ويفشل فى مقابلة الالتزامات والشروط القاسية التى تتطلبها المسابقة...
هل يستحق هؤلاء الرياضيين(ايا كانت جنسياتهم) ان ننمحهم 25 ثانية ؟
نطعم البوست بتنا العلى اليمين دى Shelley-Ann Brown فازت بميدالية برونزية فى سباق Bobsleigh مع رفيقتها بجوارها ..
انا شاهدت السباق ده مباشرة ..مع انى ماكنت فاهم المذيع بقول فى شنو لكن من ما شفت بتنا فرحانة وبتنطط عرفت انو فى حاجة كويسة حصلت .. الميدالية الذهبية فازو بيها فتاتين من كالقرى (شمال الصورة)...
بالرغم من انو الالومبيات شتوية وكل الالعاب فى التلج الا ان ذلك لم يمنع دول افريقية ولاتينية من المشاركة الدول الافريقية الجزائر اثيوبيا غانا المغرب السنغال جنوب افريقيا
ومن جنوب امريكا البرازيل الارجنتين تشيلى بيرو فنزويلا كولومبيا
ومن اسيا اسرائيل باكستان لبنان تركيا ايران نيبال وغيرها
فاتتنى كورة مهمة جدا ..انتهت قبل حوالى ساعتين .. كندا تحرز الميدالية الذهبية فى الهوكى(نساء) للمرة التالته على التوالى .. المسئوليين فى الالومبيات يفكرون الان فى الغاء هذه المنافسه بسبب المنافسة الضعيفة وشبه المعدومة من باقى الدول .. وضع يشبه حال فريق الهلال السودانى وفوزه بكل الكوؤس المحلية بسبب عدم وجود المنافسة ..
بهذه الميدالية يرتفع رصيد كندا الى 16 ميدالية(رقم قياسى) منهم 8 ذهبية وفى الطريق ميداليات شبه مضمونه فى الهوكى رجال ولعبة الكفتيرة والمقشاشه (رجال ونساء)
صدقت توقاعتنا ..كان العنوان الرئيسى لجريدة كالقرى صن as good as gold بجانب صورة للولمبية الفائزة بالبرونزية روشيت .. ما اشتريت الجريدة ..بس عاينت للعنوان من الصندوق ...
اليوم وفى الساعة السابعة ونص بتوقيت كالقرى المباراة المصيرية فى الهوكى بين كندا و اسلوفاكيا .... اتمنى من الجميع مشاهدتها او حتى مشاهدة جزء منها .... غالبا تكون فى معظم قنوات الفضائيات خاصة الرياضية منها ...
معظم لاعبى اسلوفاكيا يلعبون فى فرق كندية وامريكية فى الدورى الموحد national Hockey league or NHL
اما انا فاكون glued للتلفزيون وسانقل احداث المباراة اول باول
لكن هناك خبر اخر يحتل مساحة كبيرة من الاعلام .. بعد فوز منتخب كندا للنساء بالميدالية الذهبية ..تسربت صور لهن وهم يحتلفون بالنصر يحتسون الخمر ويدخنون السيجار ... هذه بعض الصور
بعد انتهاء المباراة باكثر من ساعتين وبعد خروج كل المشجعين والاعلاميين نزلت اللاعبات الى حلقة الملعب ليحتلفن بطريقتهن بالانتصار الكبير على المنافس الامريكى العنيد ..
انقسمت الاراء وردود الفعل .. البعض يقول ان ذلك من حقهن ولو كانو رجال لما كان هناك اعتراض .. من الطرف الاخر يقول المحافظين ان اللاعبات اسان لكندا بطريقة احتفالهن خاصة وانهن بالباس القومى (uniform) . ايضا هناك بعض اللاعبات تحت سن القانونية لتعاطى الكحول ...
سلام امين معليش للتاخير.. انا متاكد لعبة الكفتيرة مسلية جدا والدليل التنشنة الظاهرة على وجوه اللاعبين .. صدقنى مصيرى افهمها واتابعها فترة .. والنشوف اخرتها شنو....
فى لعبة زمان كنا بنلعبها ونحن شفع.. بحاول اتزكرها لى فترة بس الاسم راح لى ... حاجة زى القرطاس من الحديد ..الواحد برميها فى الواطة ..تكون مدورة فترة الزول بحاول يقلبها وهى مدورة ..لو وقعت على بطنها الزول بفوز.. العقاب انو الخسران ينضرب على ضهر يده ضربات مؤلمة ربما تنزف دم .... لعبة شرسة جدا .. راح لى اسم القرطاس الحديدى الحاد الزوايا قلووز ولا شنو ماعارف..
Quote: راح لى اسم القرطاس الحديدى الحاد الزوايا قلووز ولا شنو ماعارف
Quote: القرقور ياخى النصرى سلام ياخى الكيرلينق دى (الكفتيرا والمقشاشة) ابطالها من كالقرى على ما اعتقد,, الهوكى رياضة راقية جدا يا النصرى وفيها فنيات عالية عالية عالية لكن مكلفة جدا عشان كدة نحن قاعدين (نشحت فى المنظمات ) علشان يساعدونا وهم والله ما مقصرين .. براك شفت اليوم داك حينما قامت الجالية باقامة حفل عشاء على شرف من ساعدوا ابناءنا فى (شراء الملابس الخاصة باللعبة) لان ملابس الطفل الواحد تكلف الف دولار.. هذا غير الاشتراك فى الارينة زى ما عارف
رغم التكاليف هذه فالهوكى هو اللعبة الشعبية الاولى فى كندا وحينما تمت المقارنة بين منتخبى كندا للنساء والمنتخب التشيكى فى المباراة التى جمعت بينهما، اتضح ان الليق الكندى يضم اكثر من ثمانين الف لاعبة فى مقابل ثلاثمائة لاعبة تشيكية فقط يضمهم الليق التشيكى!!!
النتجة النهائية كندا 3 وسلوفاكيا 2 لكن اخر خمسة دقائق ..كندا كلها قلبها قرب يقيف .. ياخى ديل لواييييييييق لياقة.. ليهم حق يبعدو البطل السابق السويد ....
اتمنى ان اتمكن من تغطية المباراة التاريخية التى ستبدا بعد قليل..
هذه المباراة من اهم المباريات فى تاريخ الكندى الحديث.. الاثارة والتشوق وصلت السقف ...
احد مهاجمى فريق الولايات المتحدة صرح للصحف انه لا يمانع فى وجود لوانقو حارس المرمى الكندى..وانه لا يجد اى صعوبة فى هز شباكه.. هذا التصريح كان بداية ال trash talk بين الفريقين ...
المباراة على قناة ال CTV وكثير من القنوات الفضائية الرياضية..
سلام يا طلعت .. صاحبك متوعك شوية ..لم استطع الذهاب للعمل اليوم.. بكره ان شاء الله حارجع للساقية ...
موضوع تكلفة لعب الهوكى موضوع طويل ومعقد ..لكن البداية كانت سليمة جدا لمن الجالية بالمدينة اتدخلت واستطاعت تجهيز بعض ال equipment للعيال ....
كدى نحضر الكورة ونرجع للموضوع تانى
Go Canada go
اخبار متفرقة.. فريق غانا حقق هدفه فى الالومبياد وذلك بعدم حصوله على المركز الاخير فى التزحلق على الجليد للمسافات الطويلة الف مبروك واول السيل قطرة ..
معليش يا امين عصبية رياضية وكندا... المسمار التانى خلانى انطط زى المجنون .. خلاص up up usa
انتهاء الشوط التانى(المباراة من ثلاث اشواط 20 دقيقة كل شوط) بنتيجة 2 كندا 1 امريكا ... الشوط كان مثير للحد البعيد ولو الزول عندو مشاكل فى القلب ممكن يازى روحو.....
معلومات اولية عن رياضة الهوكى تغيير اللاعبين يتم دون توقيف لللعب .. لانها رياضة شاقة جدا يتم التغيير كل بضع دقائق وغالبا 2 او 3 لاعبين مع بعض ..
Power Play هى عقوبة لاى لاعب يرتكب مخالفة مثل tripping او slashing معظم العقوبات ان يلعب الفريق ناقص لمدة دقيقتين احيانا 4 دقائق لو كانت المخالفة من الكبائر ....
النصرى سلامتك ياخى ومبروك ثانى وميروك للود جيروم منتظرين الحفل الختامى للاولمبياد بعد ساعة من الان بالمناسبة عدد ميداليات التى حصل عليها الكنديين مقارنة بعدد سكان كندا (قدر عدد سكان السودان تقريبا) يعتبر نجاح منقطع النظير
عقب ذلك الهدف الاسطورى من الود Sid the kid دخلت فى حالة من الفرح لم استطع عندها كتابة حرف واحد فى هذا البوست
هذا الهدف يعتبر اهم نقطة تحول فى تاريخ كندا ..وسيظل فى مخيلة الملاييين لسنوات طوال ... الهوكى بالنسبة للكنديين هى كل شئ ..هى البداية ..والنهاية..
مباراة اليوم والومبياد فانكوفر امنت ان الشعب الكندى امة واحدة متحدة رغم الاختلافات الاثنية والثقافية .... الجميع يعشق اللون الاحمر مع الابيض ووسطهم ورقة شجر Maple Leaf
كم انا فخور ان اكون جزء من هذه الدولة العظيمة .. ولكم اتمنى ان يكون السودان فى طريقه ان يكون مثل كندا .. شعب لطيف ..مهذب..وكريم ....
لاول مرة فى تاريخ الالمبياد تحصل دولة على 14 ميدالية ذهبية... بالرغم ان كندا نظمت الومبياد مونتريال فى السبيعينيات والومبياد كالقرى فى 1988 الا انها فى كلتا المنافستين لم تحصل على ذهبية واحدة.. الان لديها 14 ميدالية ...
صاحب الهدف سدنى كروسبى كابتن فريق بتسبرج بنقوين اصغر كابتن لفريق فى الليق يفوز بكاس الدورى 2009 وعمره 22 عام .. هذا اللاعب يعتبر معجزة واسطورة تحصل كل مائة عام ... من مواليد ولاية نوفاسكوشيا فى الساحل الشرقى ..
الهدف جاء نتيجة لتمريرة من جيروم اقلنا كابتن فريق كالقرى فليمز... وهو كما قلت فى مكان اخر من مواليد ادمنتون البرتا من اب نيجيرى وام كندية بيضاء.. هو اول لاعب فى الدورى يلعب اكثر من 1000 مباراة مع نفس الفريق ..
جيروم اقلنا كان بطل اولمبياد سالت ليك ستى 2002 ..عندما سجل هدفين فى مرمى امريكا لتفوز كندا بالميدالية الذهبية لاول مرة لاكثر من 50 عام ...
يعود جيروم ويكون السبب فى حصول كندا على ميدالية 2010
>
03-01-2010, 07:20 AM
علاء الدين حيموره
علاء الدين حيموره
تاريخ التسجيل: 08-08-2006
مجموع المشاركات: 5689
الجماعه فازو لان فريقهم deep شديد... الجمهور والارض كان ليهم دور كبير برضو.. حارس مرمى الولايات المتحدة فسر الهدف القاتل بان المهاجم الذى احرز الهدف رفع راسه وشات اسرع مما كان متوقع .. يعنى فرق بتاع 001. من الثانية...
03-01-2010, 08:45 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
لا حولاااااااااااااا يا النصري ياخي والله إستمتاعكـ بالحاجات العجيبة يمتع أنا ما محيراني لعبة زي حيرتي في لعبة أم الحفر دي ( القولف ) .. عرج لينا عليها إن ربكـ يسر
03-02-2010, 00:49 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: لا حولاااااااااااااا يا النصري ياخي والله إستمتاعكـ بالحاجات العجيبة يمتع أنا ما محيراني لعبة زي حيرتي في لعبة أم الحفر دي ( القولف ) .. عرج لينا عليها إن ربكـ يسر
تعرف يا عمران (أم الحفر ) دي من أجمل اللعبات الممكن تتابعها : مشكلتي كلها إنو بتفرج فيها بس لمن تايجر يكون لاعب . قبل سته ولا سبعه سنين إضطرو يلعبو يوم الإثنين (مباريات الجولف تبدا الخميس و تنتهي الأحد ) نسبة لدخول الظلام يوم الأحد ، اخدت إجازه من الشغل عشان أشوف النهائي الإتنين الصباح !! تايجر مرضنا مرض : عملها كلها نسوان و مشاكل و موقف لعب لاجل غير مسمي . بالنسبه للشرح : ما معقده لكن يا تجينا هنا نشرح ليك و لا نجيك هناك : بالكتابه قصه طويله ، لكن عمك النصري ممكن يجضمها ليك !
سلام يا عمران .... عارف السر وين؟ فى الفضول .... لمن القى زول بيعشق حاجة معينة بحاول اخت نفسه فى مكانه واحاول افهم سر اهتمامه بالشئ المعنى .... ولمن يكون كل الناس الحولك بهتموا وبحبو وبتابعوا نفس الشئ بكون الدافع اكبر لمعرفة سرهم ... انا متاكد انى لو كنت عايش فى الهند كنت عشقت لعبة الكريكيت.. ولو كنت اعيش فى بعض مناطق جبال النوبة كنت حاكون مدمن بتاع مصارعة... ال Buzz البتولد حول اللعبة ليهو دور كبير فى انو الواحد يسعى يفهمها...
بالنسبة للقولف هى ليست من ضمن العابى ..فانى اعشق البسبول (سكت بكج) وهى لعبتى المفضلة وكثيرا ما اذهب لحضورها حية فى الاستاد.. لعبتى الثانية الهوكى .. الثالثة كرة القدم الامريكية الرابعة كرة السلة والتى اشاهدها فقط لو كان احدى فرقى المفضلة تلعب فى التصفيات النهائية ..غير ذلك لا اشاهدها.. بالنسبة لكرة القدم فهى بالنسبة لى هلال مريخ فقط ولا يهمنى دورى انجليزى ولا برازيلى ولا غيره هلال مريخ فقط ماعدا ذلك يفتح الله ..
القولف لعبة مسلية ولا تخلو من اثارة خاصة بعد ظهور تايقر ووودس.. مشكلتها انها بطيئة جدا جدا وكلها مشى وده المزهجنى منها... تضرب الكرة الصغيرة وتمشى 50 كيلومتر عشان تضربها تانى.. اظن انها 18 حفرة والفائز من يستطيع تحقيقها باقل ضربات ممكنة... عندى صاحبى زول مروق وعدنى انه ياخدنى العبها فى الصيف مشكلتى الجزمة والفانيلة وعدة اللعب .. دى قد تصل لبضع مئات من الدولارات ...
نسيت احكى ليك حاجة فى 1995 او 1994 كان فى كاس عالم ما متزكر كان وين!! كنت اسكن مع احد الاصدقاء.. وعندنا تلفزيون واحد فى الشقة.. المشكلة كانت اننى كنت ارغب فى مشاهدة تصفيات البيسبول وهو مصر يشاهد كاس العالم ...كان بقول لى انت جنيت وما طبيعى ,, جنون ..لكن لزيزة لزازة الهووم رن والقراند اسلام ...
تعرف يا عمران امنيتى شنو؟ اكون زول غنيان جدا واعمل ملعب للكرة الطائرة مجهز بالشبكات وملاعب كرة سلة فى كل حى من احياء السودان ...
انشغال الشباب بالرياضة يساعد فى تطور البلد ونهضتها .....
Quote: عارف السر وين؟ فى الفضول .... لمن القى زول بيعشق حاجة معينة بحاول اخت نفسه فى مكانه واحاول افهم سر اهتمامه بالشئ المعنى ....
يا النصري ياخي الله يرحم والديك !! قول آمين أنا متابع رياضة الخواجات دي كلها و كتير بمشي الاستادات بالذات لمن كنت في منيسوتا ، الشركه الكنته شغال فيها بيجيبو لينا تذاكر مخفضه جدا . الشباب دايما بيسألوني من سر متابعتي للرياضات دي شنو ، و عادة ما بلقي رد لانو أنا ذاتي ما كنت عارف ليه !! الليله بعد السنين دي كلها إنت وريتني بالظبط السبب شنو !!! فعلا الموضوع بيبدا بفضول و تلقي رقبتك hooked بعد داك ما تقدر تتخارج من المرضه ذاتها !!
03-02-2010, 06:28 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
Quote: تعرف يا عمران امنيتى شنو؟ اكون زول غنيان جدا واعمل ملعب للكرة الطائرة مجهز بالشبكات وملاعب كرة سلة فى كل حى من احياء السودان ... انشغال الشباب بالرياضة يساعد فى تطور البلد ونهضتها .....
أعضي ليكـ اصبعي الوسطاني وارسلو ليكـ في صوره يا النصري شباب ورياضه في كل أحياء السودان ؟؟ ده حلم رومانسي جداً
03-02-2010, 07:09 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: فعلا الموضوع بيبدا بفضول و تلقي رقبتك hooked بعد داك ما تقدر تتخارج من المرضه ذاتها !!
وده بالظبط الحصل لى يا امين.. بقيت مدمن لمعظم هذه الرياضات وملم بكل تفاصيلها وقوانينها وتواريخها.. احيانا بكون راجع البيت وسايق العربية زى المجنون عشان احصل ال ining الاخير فى البيسبول ...
الشغلانة ما زى معظم قراء البوست ده بيفتكروا زول رومانسى او او غير موضوعى ...
الموضوع كلو انك خطوة او خطوتين ahead من الباقين علشان كده بفتكروك زول غريب او اشتر ..
مع انهم لو مرو بنفس تجربتك لوصلو لنفس القناعة الوصلت ليها انت قبلهم ..
القصة exploration او استكشاف ونحن السودانيين وبصورة عامة ما عندنا الخاصية دى
كمثال شوف اكلنا .. معظمنا بيخاف يجرب اى اكل جديد .. ياخى انا نفسى لحسى بخاف من ال shrimp ال crap و غيرها من الاكلات الغريبة على مجتمعنا ..
الكنديين من الجهة الاخرى بيعشقو يجربو اى اكل فى الدنيا
03-02-2010, 11:27 PM
طلعت الطيب
طلعت الطيب
تاريخ التسجيل: 12-22-2005
مجموع المشاركات: 5826
العزيز النصرى انشاء الله بقيت كويس الرابط ادناه بتاع اللجنة الاولمبية الكندية به معلومات قيمة لمن يرغب حول اولمبياد فانكوفر الشتوية يمكن ايضا الاطّلاع على الكلمة النهائية الرائعة لرئيس اللجنة فى اليوم الختامى وهى هدية لللجنة الاولمبية السودانية وبابا الفاتيكان القاعد فيها مما اتأسست داك !!!
سلام يا طلعت الحمدلله ..اليوم احسن كتير وان شاء الله اعاود الشغل بكرة...
قلت لى اللجنة الاولمبية السودانية .. ياخى ديل عالم منتهية.. هم نفسهم محتاجين للبث فيهم الروح ..
بقولو لو عاوز تعرف اناقة الرجل انظر لحذائه.. ولو داير تعرف تقدم الدول رياضيا فانظر للجنتهم الالمبية...
حرم يسلموها لى اعمل جنس عمائل .. من غير تنظير وكلام كتير..
شوف اثيوبيا ..اهم دولة بتخرج عدائين مسافات طويلة فى العالم... فرقنا منهم شنو؟ نفس الظروف الاقتصادية نفس المناخ والارض نفس البشر.. مافى اى سبب سوى انو النجاح ده وراءه رجال همهم الوحيد تقدم الرياضة واذدهارها .. ناس قلبهم على الرياضيين موش على مناصبهم وامتيازاتهم..
03-07-2010, 06:11 AM
طلعت الطيب
طلعت الطيب
تاريخ التسجيل: 12-22-2005
مجموع المشاركات: 5826
كويس انك نزلت شغل سأحاول انشاء الله عمل ترجمة للخطاب الذى قدمه رئيس اللجنة الاولمبية الكندية فى الحفل الختامى لاهميتها البالغة فيما تحمله من مضامين ولغة
03-20-2010, 08:32 AM
Ashraf el-Halabi
Ashraf el-Halabi
تاريخ التسجيل: 10-08-2006
مجموع المشاركات: 5508
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة