مرحبــاً بكم ،، في قنــــــاة الارزقيــة الفضائية

Quote: سلام يا نجلاء غايتو ديل الفي الصورة الفوق دي تمانية روسين إتنين مِنّهم حقّات شُفّع يعني باقي سِتّة عموماً الشعب السوداني ببساطتِه و حُبّه لِمعرِفة ما في جُعبة الطارِح لو وِقِف في نُصّهُم زول مجنون و قعد يكورك بيتلمّ فوقو السوق كُلو التجمُّعات البِعملوا فيها الجماعة ديل غريبة بالنسبة لي و شُغُل عشوائي و ما مقياس أبداً لأنو دافع الفضول حيخلِّي أي زول شاف ليهو ناس وِقفوا فجأة و طلّعوا من شِنطم المعلّقة في الضهر يافطات و فردوها في نُص السوق و بدوا يهتفوا أي زول حيقيف بعد شوية اليافطة القُماشِية ترجع الشنطة تاني و الشباب يروحوا في وسط الزحمة دة شُغُل عشوائي كدي خليهم يعملوا لينا شُغُل مرتّب ودة ما صعب أهو عملوهو قبل كِدة في دار حِزب الأُمّة مافي زول قال ليهم تِلت التلاتة كم زي دي ممكن ناخدة كقياس لمدى تأثيرهم في الشارِع العام لكن وقفات ناس كانوا ماشين فجأ و قُماش يِتفرِد و هُتاف دة ما شُغل يودي لي قِدّام