|
اولاد البــورد :)
|
من فتره وأنا في خاطري كتابة البوست ده عن اولاد البورد لأني كارهم شديد ..
بالجد اولاد يكرهوا العيشة ..
من الكتابه في البورد كرهتهم وكرهت يومهم وكرهت النقاش معاهم ومواضيعهم البيض, مرات بحس بيهم يفرضوا نفسهم وسط البورد والبوستات المفيدة والحوار الجاد , لكن ظني دائما بيخيب لما أشوفهم في بوستاتهم بيتنجضوا في مواضيعهم تمام, وأسلوبهم كلو سخافة ولطاعة.. وشتارة كمان اذا لزم الأمر ..
لما صاحبتهم في الفيس بوك قربت منّهم وشفت صور قبيحة للماشفتهم منّهم,
قابلت بعضهم واحتكيت بيهم وما بتمني ألاقي الباقين حتي ولو في ابعد فرصه ..
في البوست ده عايز أسجل احباط غير محدود بيكم يا اولاد ..
قباحة و شنا , لا خلقه ولا أخلاق,
عدم ذوق وقلة لطافه وتجاهل للأصحاب,
جهلة ومنغلقين وعديمي خبرة حقيقي بالدنيا,
غير واعين بكل اللي بيهّم صحتكم وأسركم ووطنكم,
كسالى في التفاعل مع قضايانا والتعبير عنها..
اولاد شوارع من الطراز الفريد ..
بتاعين فارغة وبوستات ود الصايم والبشري وابتفة يشهدوا ..
فاشلين في حياتكم العمليه ومقبلين علي الحياه بقلب واهن ..
ماعندكم فكره قدر شنو مستعر بيكم, وتعيس بمعرفتكم, حقيقي البورد لامّي مجموعه من الاولاد خاملي السيرة والذكر, واللي صعب الواحد ما يلاقي زيكم بالكوم
حيدر الزين .. ود البشري .. ود الصايم .. تمبس .. فيصل الرشيد .. عمر الفاروق .. حميدة .. فيصل نوبي..والمسلميين هشام ادم (رغم اختلافي معاه لكن بكرهووبكره خلقته) :) لوي .. عمران .. خليل .. معتصم .. دكين .. بوب.. طارق جبريل .. وخدر.. ودينا خالد ..
وكللللل البقيه الوهم..
بكرهكم وشاميكم شديد يا اولاد ..
أمّا خيلان البورد كما يحبوا (حقا مستحقا ) أن يطلقوا علي أنفسهم ..
وهبة .. حسين ملاسي .. العوض المسلمي ..المسافر.. والبقيه ..
فديل ناس وهم .. بيحملوا كل صفات المخرفين من عصبية وتوتر .. وراي فاسد وعقل غير مدرك.. وعدم خبره وعدم حكمه وقلة علم ..
..
|
|
|
|
|
|
|
|
Re: اولاد البــورد :) (Re: اساسي)
|
إنت كمان ما تبقي محبط .. اولاد البورط دا فيهو كورنجية على مستوي عالي.. وبيعرفوا يشجعوا كورة ويتفاعلوا معاها ( آآآي برضهم شينين لكن كتابتهم طاعمة )
بعدين صراحة كدة انا بشوف انه عمر الفاروق دا يتخت مع الخيلان.. أو مع الغيلان كمان :)
Quote: دكين .. بوب.. طارق جبريل .. وخدر.. ودينا خالد ..
|
| |
|
|
|
|
|
|
Re: اولاد البــورد :) (Re: خالد عبد الله محمود)
|
Quote: وهبة .. حسين ملاسي .. ..
فديل ناس وهم .. بيحملوا كل صفات المخرفين من عصبية وتوتر .. وراي فاسد وعقل غير مدرك.. وعدم خبره وعدم حكمه وقلة علم .. |
رغم حزني برسل سلامي بصوت محمد احمد عوض يا اساسي لكين مبسوطه منك بشكل خرافي معليش عدلت في الكوت عشان انا بس عايزه وهبه وحسين ديل علي انفراد
| |
|
|
|
|
|
|
Re: اولاد البــورد :) (Re: Sana Khalid)
|
كتب خيدر الزين ببراءه
Quote: ................................................................................................................................................................. |
فرد عليه صاحب البوست
Quote: ............................................................................................................ |
ـــــــــــــ تخريمة ....................
| |
|
|
|
|
|
|
Re: اولاد البــورد :) (Re: عزاز شامي)
|
غايتو حركات الاولاد دي اصلو ما بتخلوها يا اساسي..
ـــــــــــــــــــــــــــــــــــــــــــــ
تخريمة : ودالعم بعدين خمسة حتات فاضية بعد داك اب تفة بعدها زي 742 حتة فاضية بعد داك عمر الفاروقعمر الفاروق نكف بيك العين عشان ما كمان أسويها ظاااهرة يعني)
| |
|
|
|
|
|
|
Re: اولاد البــورد :) (Re: سارة علي)
|
Quote: ودالعم بعدين خمسة حتات فاضية بعد داك اب تفة بعدها زي 742 حتة فاضية بعد داك عمر الفاروقعمر الفاروق نكف بيك العين عشان ما كمان أسويها ظاااهرة يعني) |
لكن ماااااااااااااااااااا فشيتي غبينتكـ ... وريحتي أماني في كنكوجه
| |
|
|
|
|
|
|
Re: اولاد البــورد :) (Re: عمران حسن صالح)
|
والله انتو ناس عسل واللي يقول غير كدا حاقد (وجندرى وجلابى) والاوصاف العجيبة ديك
انا بصراحة حبيت بوستكم دا اكتر من بنات البورد عشان كلو حاجات جديدة وناس حلوين بالذات ملاسي
ومن غير طوب وصناديق ببسي انا مصاقراكم كل يوم اسكت ارفع في بوستكم دا يا ,,,, ويا غتس حجرى
د:سلافا العاقب
| |
|
|
|
|
|
|
Re: اولاد البــورد :) (Re: سارة علي)
|
Quote: عماد عبد الله شابكني الأخ تيسير .. يا ود يا تايسا لمن سقط حجري .. |
الاخ المفدى تيسير قدس الله سره
يا اخ بالله حركاتك دي ما تعملنا لينا في البوست دا قايلنا ما عارفنك وللا ما عارفنك
ثم اما بعد
كان من الاجدى والافيد لاسدنا العجوز ان يعنون خيطه المفخخ هذا
بــ اولاد البـــورد ( توجد كراهية)
ونجي هنا ندق الكيتا ونتكاره لمن الله يغفر لينا ونجيب اي هالك كاره لذاتو يدقا هنا لامن يكرهنا حياتنا
والسلام عليكم ورحمة الله
| |
|
|
|
|
|
|
Re: اولاد البــورد :) (Re: الخير محمد عوض)
|
Quote: ثم اما بعد كان من الاجدى والافيد لاسدنا العجوز ان يعنون خيطه المفخخ هذا بــ اولاد البـــورد ( توجد كراهية) ونجي هنا ندق الكيتا ونتكاره لمن الله يغفر لينا ونجيب اي هالك كاره لذاتو يدقا هنا لامن يكرهنا حياتنا
|
الخير أخوي أقرأ اساسي تاني صدقني ما بتلقى غير المحبه .. صدقني
| |
|
|
|
|
|
|
Re: اولاد البــورد :) (Re: عمران حسن صالح)
|
Quote: أقرأ اساسي تاني صدقني ما بتلقى غير المحبه |
الاخ عمران تحياتي يا رجل
كما وارجو ان تعيد قراءة مداخلتي هذه وسوف لن تجد الا كل الحب القابع بين السطور
للاسد العجوز ..
| |
|
|
|
|
|
|
Re: اولاد البــورد :) (Re: عمران حسن صالح)
|
اساسى سلامات لوووووووووووووووووووول والله من اظرف ما قرأت فى هذا العام اضحكك الله سنك يا اساسى عندك تقليعات بتبحتها كويس ذكرتنى البوست الجميل الله يطرا اهلو بالخير جورج بنيوتى دى كفك ولا غيمه ومجاراة نفس البوست لى دكين الحنين دكين دى كفك ولا حيطة ؟ لووول كلكم سمحين والله***
Quote: عماد عبد الله شابكني الأخ تيسير .. يا ود يا تايسا لمن سقط حجري .. |
لووووووووووووووووووووووووووووووووول تيسير سلامات ضحكت كما لم اضحك من قبل ياخ تسلموا جعلتوا يومنا مبتسم
| |
|
|
|
|
|
|
Re: اولاد البــورد :) (Re: soma)
|
الفار طالع في رأس البيت يتحاوم في الحافة حقتو (السكينة للناطقين بغير الحنكشة) وتحت في ضل الأوضة في كديس رااااقد .. اها الفار نظام ضااامن روحو فوق والحببة ما بتجيهو قام يعمل في حركات ويطلع لسانو للكديس والكديس المسكين اصلا ما كان شغال بيهو راقد فيييييي ضلو .. اها قوووووووووومي كده يا كراع الفار إتزلقي وقووووم كده يا الفار وررررردلوب اقع للكديس فيييي حتتو .. اها الفار لمن لقا روحو تحت كرعين الكديس بقا يكورك ويرررررررررررجف ويتنفض ويكووورك .. الكديس بقا يطبطب ليهو في صدرو وبيقول ليهو : قول بسم الله ..قول بسم الله .. الفار قال ليهو: إنت بس فكني إن شاء الله أجن زااااااااتو ..
نجي للجد .. ما أسة بجيهو بعدين الجد ده ..
تخريمة : ارجو إضافة الأخوان محمد عادل وشمايل النور للقائمة ..
| |
|
|
|
|
|
|
Re: اولاد البــورد :) (Re: عمر الفاروق)
|
Quote: الفار طالع في رأس البيت يتحاوم في الحافة حقتو (السكينة للناطقين بغير الحنكشة) وتحت في ضل الأوضة في كديس رااااقد .. اها الفار نظام ضااامن روحو فوق والحببة ما بتجيهو قام يعمل في حركات ويطلع لسانو للكديس والكديس المسكين اصلا ما كان شغال بيهو راقد فيييييي ضلو .. اها قوووووووووومي كده يا كراع الفار إتزلقي وقووووم كده يا الفار وررررردلوب اقع للكديس فيييي حتتو .. اها الفار لمن لقا روحو تحت كرعين الكديس بقا يكورك ويرررررررررررجف ويتنفض ويكووورك .. الكديس بقا يطبطب ليهو في صدرو وبيقول ليهو : قول بسم الله ..قول بسم الله .. الفار قال ليهو: إنت بس فكني إن شاء الله أجن زااااااااتو .. |
لوووووووووووووووول والله انت الجن زاتو يا ابو عمير عارف انت داير ليك بوست براك اسمو ود البورد عمر الفاورق انا غايتو متبرعه افتحو ليك لكن دايراك تشيلوا معاى لانه ما بقدر ارص زى جنس جنك ده ولا نكلف اساسى مره مره يديه زيارة
| |
|
|
|
|
|
|
Re: اولاد البــورد :) (Re: وجن)
|
Quote: لكن ظني دائما بيخيب لما أشوفهم في بوستاتهم بيتنجضوا في مواضيعهم تمام, وأسلوبهم كلو سخافة ولطاعة.. وشتارة كمان اذا لزم الأمر .. |
واحد حرف من حروف اسمه الأول ( ر) غياظ و عامل فيها انه المنبر ده حقه براهو
| |
|
|
|
|
|
|
Re: اولاد البــورد :) (Re: د.محمد حسن)
|
Quote: [Quote: قدر ما فتشت إسمي ضمن بنات البورد ما لقيتو قلت أجي يمكن ألقاهو هنا |
....واضف يا اساسى...برايين ونجاضين ووهمه كبيره....وفاكنها ف روحم....وعاملين خترين وهم قمة التسطيحه....
...ومن باب المثال لا الحصر...أمجد فريد وحمور زياده....!!
| |
|
|
|
|
|
|
Re: اولاد البــورد :) (Re: Shiraz Abdelhai)
|
أساسي: هل كنيتي مدرجة ؟؟؟ بلى بلى .. ويييييييييحك ..* ****************************************************** الخنساء بنت أبي قرنفلة : ما هذا الذي تكررونه في كل حين "تصرفات غلمان تصرفات غلمان " بين كل فقرةوأخرى .. خبريني بالله عليك أين وجدتي مثل هؤلاء الغلمان ؟ وأيم الله كل غلمان هذه الفناء لا يوجد بينهم من يتصرف مثل هذه التصرفات . خبريني بالله عليك ما الذي تودين ان تخبرينا به من خلال ثرثرتك هذه؟ أن العنقاء غاضبة من زليخة بنت جابر؟(لا تسألوني لماذا ذكر إسم العنقاء وحيداً بينما جاء إسم زليخة مقرون بأبيها! فالإجابة ببطن الشاعر) - هل ترين ذلك ؟ أنها وضعتها لها؟ إذن بالله عليك خبريني ما نسمي مثل تصرفاتك الان ؟تصرفات صبيان ؟وانتي ترين انك تتصرفين هذه التصرفات مع العنقاء- نحن نعرفها زليخة بنت جابر وضعتها لها فهل وضعتها لك أيضاً؟ما دهاك مع العنقاء؟ وضعتها لك؟ حقيقة لا أدري ماذا ألم بك (واستدرك قول الشاعر الجاهلي قال لي لي عندي حمى وبيية صداع ألممم) سأتصرف معك نفس التصرفات وأخبرك - هل تدرين يا الخنساء أن عقلك "بعض الشئ " مناسب..قد تكونين ساخرة بيد أنك يبدو عليك مدركة لهذا الموضوع ..أو ربما تعتقدين أنك أذكى وأسخر(جاء الإسم هنا على زن أفعل مع التقاء ساكنين فأصبحت أسخر وهي من فعاال مفعاال فعوول فهو فعل وعليه يمكن ان نقول سخااار ومسخاار وسخووور فهو سخر) وهذا ما نسميه شجار "ليس بهو " بنيتي :سأكتب وصيتي الأخير فناوليني الحبر والريشة ودوني عندك : إلى حاكم طشقند .. أما بعد .. فقد بلغني أن جنودكم قد استخدموا المنجنيق في حربهم ضد المسلمين ونحن والله ما جئنا إلا بكتاب الله وسنة نبييه فإن دفعتم الجزية تكونو ما قصرتو ولو كمان عايزين تسلمو حبااابك الف ابقوا داخلين ساي.. رجاءً أخضوا استخدام السهام .. ستخبريني بأن تصرفاتي تصرفات غلمان ؟؟ عيييبي لي الغلمان في كلمتين .. لن أترك تصرفات الغلمان لأجل تصرفات النساء..أستغفر الله العظيم .. بلى انا أدافع عن العنقاء لأنها من قرت معاي في معهد صلاح .. ـــــــــــــــــــــــــــــــــــــ (النصييييحة الخط ده ما عرفتو بي العربي ترجمتو شنو فعملت واحد زيو )
* كما قالها النابغة الذبياني لمن جا يرثى أخاه صخراً
| |
|
|
|
|
|
|
Re: اولاد البــورد :) (Re: عمر الفاروق)
|
Quote: واحد حرف من حروف اسمه الأول ( ر) غياظ و عامل فيها انه المنبر ده حقه براهو |
فيييييييصل نوووووووووووووبي.. وقااامت كده شالت الدلوكة وقعدت تغني: صلااااااااح يا صلاااااااااااااح يا حرف ال N
ثم حكى موقف حصل ليهو لمن عايز يرفع كشف الممتحنات للشهادة وقال ليهم أيييييي زول بيبدا بي حرف الألف يقيف.. وبدا بيها وقال ليها أيوة إسمك منو ؟ قالت ليهو : " أواتف" ..
وقامت تاااااااااااني شالت الدلوكة وقعدت تغني S.M.Y خلاني براااي .. المسااافر جدة خلاااني براي.. الأخدر اااااااااااااالليموني خلاني براي.. بشيلو فيييييييييي عيوني خلاني براااي..
لتتوقف العروس عن الرقيص وتنشغل بتصليح الفركة بينما قسمة منهمكة في قراية الورقة الفيها الاغنية الجاية والحضور يطنطن ما بين ماشاء الله وعيني باااردة وأعصااااااابك يا عريييس بينما كان العريس مشغولاً بمتابعة الحضور وأنواع الموبايلات من النوع أبو كاميرا ولا لأ ..
تخريمة : قال ليهو يا ابوي الانسان ده جا كيف؟ رد الأب: خلق الله ادم وحواء عرسوا بعض فخرجت ذرية بعد ذرية لحدي ما جيتو انتو .. سأل أمو قال ليها الانسان ده جا من وين ؟ قالت ليهو اصلاً الإنسان ده كان قرد ومع مرور الزمن وتغيرات المناخ والطبيعة اتحول القرد لي إنسان .. رجع الولد لي ابوهو وقال ليهو : أووووووووووووو حيرتونا انت تقول لي ادم وحواء وأمي تقول لي كان قرد أصدق منو ؟ قال ليهو : يا ولدي أي زول وصف ليك خليقة الانسان حسب أهلو ..
| |
|
|
|
|
|
|
Re: اولاد البــورد :) (Re: العوض المسلمي)
|
اساسي ... موبااااااااااالغه ..
دخلته اشوف القبح .. واللؤم ... والسخف .. والحاجات الكتيره البايخه .. . . . . لقيتها .. طاعمة ... وجميله .. ومستساقه .. وإبداااااع وروووووعه ..
كل الذكرتهم هنا ... بكركهم لدرجة عجييييييييبه من الحب ....
غايتو انا ما حاجزه في الصفوف الاولى ...
لكن تلقاني في المشلعيب ..
مزرووووووعه هنا ..
| |
|
|
|
|
|
|
Re: اولاد البــورد :) (Re: عفاف الصادق بابكر)
|
Quote: اساسي يا حبيبو
ما عصرت علينا
واين احمد التجاني
موقعه من الاعراب |
يا ابوالقوق لسة جاى تسال وين احمد التجانى ياخ !!! احبطتنى والله كنت احسب نفسى فى مكان ما
الزول اساسى دة اساله منى برة البورد بجيب خبرى لكن جوة البورد دة مابنتعارف
_____________________________ اساسى قام بيك السمك اظنه
| |
|
|
|
|
|
|
Re: اولاد البــورد :) (Re: Hala Hassan)
|
بوست
Quote: حيدر الزين .. ود البشري .. ود الصايم .. تمبس .. فيصل الرشيد .. عمر الفاروق .. حميدة .. فيصل نوبي..والمسلميين هشام ادم (رغم اختلافي معاه لكن بكرهووبكره خلقته) :) لوي .. عمران .. خليل .. معتصم .. دكين .. بوب.. طارق جبريل .. وخدر.. ودينا خالد .. |
يا هو الموجود في كنتين بكري .. يا اساسي وكوم البصل ده عااااااااا جبنا ومكيفنا للطيش
| |
|
|
|
|
|
|
Re: اولاد البــورد :) (Re: عبدالله كع)
|
يعني اسع دايرني اقوم ارد عليكم كووووولكم ؟ بصراحة بقيتو كتار عشان كدا مافي رودود ولا حاجة اي زول يقول قوله ويطلب الله لو عندي حاجة زيادة بكتبها ولو ما عندي انا ذاتي مطلب الله
| |
|
|
|
|
|
|
Re: اولاد البــورد :) (Re: عزاز شامي)
|
والله يا أساسي لو كنت جيت رديت كان عرفتك زول بتاع مجاملات ساي .. لأنو بوست زي ده الا تجي تشبكهم شاكر لمرورك وسعيد بطلتك وتسلمي يا راقية .. أصلاً اي زول فتح بوست ما شرط يجي يرد على الناس واحد واحد .. تخريمة : عزاز شامي إنتي تفتيييحة وماسكا مفاتيييحا.. اقول ليك حاجة ؟ دينا خالد بعدين اربعة حتات فاضية بعدين انتي ..:)
| |
|
|
|
|
|
|
Re: اولاد البــورد :) (Re: عمر الفاروق)
|
Quote: الفار طالع في رأس البيت يتحاوم في الحافة حقتو (السكينة للناطقين بغير الحنكشة) وتحت في ضل الأوضة في كديس رااااقد .. اها الفار نظام ضااامن روحو فوق والحببة ما بتجيهو قام يعمل في حركات ويطلع لسانو للكديس والكديس المسكين اصلا ما كان شغال بيهو راقد فيييييي ضلو .. اها قوووووووووومي كده يا كراع الفار إتزلقي وقووووم كده يا الفار وررررردلوب اقع للكديس فيييي حتتو .. اها الفار لمن لقا روحو تحت كرعين الكديس بقا يكورك ويرررررررررررجف ويتنفض ويكووورك .. الكديس بقا يطبطب ليهو في صدرو وبيقول ليهو : قول بسم الله ..قول بسم الله .. الفار قال ليهو: إنت بس فكني إن شاء الله أجن زااااااااتو ..
|
والله يا الفاروق بالغت لكن اساسى خاتيك مع الخيلان تجى تحكى لينا حلقه من توم اند جيرى !!
| |
|
|
|
|
|
|
|