|
|
|
 Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
| Quote: تقدم المواطن أحمد موسي عمر "المحامي" بطعن قانوني للمحكمة القومية العليا ضد مرشح الحزب الإتحادي الديمقراطي الأصل لمنصب والي ولاية الجزيرة عثمان عمر الشريف، مبيناً ان طعنه يستند على مخالفة المطعون فيه لقواعد وشروط الترشح خاصة المتعلقة بضرورة ألا يكون المرشح قد سبق إدانته في جريمة مخلة بالأمانة والشرف، وقال عمر خلال طعنه الذي حصلت (السوداني) على نسخة منه أن عثمان عمر الشريف سبق وان ادانته محكمة قضائية مختصة لمخالفات تتعلق بأداء مهامه إبان توليه مسئولية وزارة الإسكان مما يجعله مخالفاً لمقتضيات شرط عدم الإدانة المسبقة مما يدعو لاستبعاد ترشيحه وشطب اسمه من قائمة المرشحين. |
المصدر
السوداني 7 فبراير 2010
| |
 
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
Quote: سلم الحزب الاتحادي الديمقراطي (الأصل ) بولاية الجزيرة أمس لجنة الانتخابات مستندات ترشح منسوبيه للمنافسة على منصب والي الجزيرة و الدوائر الجغرافية للمجلس التشريعي القومي، و كشف الحزب عن ملامح برنامجه للانتخابات المقبلة و في مقدمتها محاسبة المتورطين في تدمير مشروع الجزيرة .
وقال مرشح الحزب لمنصب الوالي عثمان عمر الشريف لـ ( أجراس الحرية) أمس أنهم سلموا المفوضية أوراق الترشح لمنصب الوالي و الدوائر الجغرافية للمجلس الوطني و قائمة المرأة، و أوضح أنهم سيسلمون قائمة مرشحيهم للتمثيل النسبي يوم غدٍ. و حول المرشحين للمجلس التشريعي بالولاية أشار إلى أنه سيتم إعادة النظر في توزيع الدوائر الجغرافية. وأضاف الشريف أنّ في مقدمة ملامح برنامجه الانتخابي إعادة مشروع الجزيرة لسيرته الأولى و محاكمة من وصفهم بالمجرمين الذين تسببوا في انهيار المشروع و الالتزام بتمويل الزراعة، و إيجاد علاقات إنتاج جديدة تحسّن أوضاع المزارعين، إضافة إلى إثبات بطلان الفصل التعسفي بكافة مسمياته و الذي تمّ لمصلحة الحزب الشمولي، و اعتبره جريمة في حق الشعب السوداني لنهب ثرواته. و تابع المرشح الاتحادي أن برنامجه يتضمن إيجاد فرص عمل للمحرومين عن العمل، و شدد على أنه سيتم إخراج الذين دخلوا للخدمة بالمحسوبية و عن طريق التزوير و تقديم من اشترك في تلك الجريمة للمحاكمة، بجانب معالجة أوضاع المعاشيين و إزالة الفوارق بين صندوقي التأمين الاجتماعي و المعاشات مع الاهتمام بالبحث العلمي و الجامعات، و إعادة التعليم لسيرته الأولى. |
اجراس الحرية 26 يناير 2010
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: HAIDER ALZAIN)
|
Quote: سلامات يا ابوحميد...
بغض النظر عن مقدم الطعن هل زميلنا احمد موسي ام لا ..
لكن لو ثبت فعلاً انه تمت ادانة المرشح عثمان عمر الشريف سابقاً بهذه التهمة
يبقي يفضي الساحة طوالي لمن هو اجدر منه ..!! |
حيدر سلام الانقاذ فى بدايتا كان عندها محاكم عسكرية اشبه بمحاكم التفتيش ما بتسمح للمتهم حتى بتوكيل محامى للدفاع عن نفسه
وانا متأكد انو كان اتقدم لى وحدة من المحاكم دى بى تهمة عقوبتا الاعدام على ما اذكر
لكن ما متأكد انو المحكمة وصلت لحدى الادانة والحكم بالاعدام وافرج عنه بعداك بى "عفو "او غيروا
ولا المحكمة حكمت بى برائته وافرجت عنه
ولا افرج عنه بدون إكمال المحاكمة
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
| Quote: مثل هذا المحامي يعتبر الحكم الذي قضى باعدام مجدي محجوب و الطيار جرجس وغيرهم احكام قضائية لا غبار عليها !!!!!!!!!!!!!!!! |
أولاً :
نعم انا من تنقدمت بطعن ضد ترشيح الأستاذ عثمان عمر الشريف ...
ثانياً :
لقد تقدمت بهذا الطعن إستناداً لقانون تم وضعه بواسطة هيئة تشريعية ممثل فيها المطعون فيه بشكل أو بآخر
ثالثاً :
نص المادة 41 /1/هـ قررت أن من شروط المرشح لمنصب الوالي (ألا يكون قد أُدين في جريمة تتعلق بالامانة أو الفساد الأخلاقي)
رابعاً :
الأستاذ عثمان عمر الشريف أدانته محكمة مختصة عن مخالفات إبّان توليه منصب وزير الإسكان
خامساً :
هذه المحكمة أياً كانت المآخذ عليها هي محكمة مختصة وأن يكون لي رأي فيها سالب أو موجب فهذا لا يغير فيها شئ
فنحن نتحدث في سياق قانوني وليس سياسي ...
هذا مالزم توضيحه ...
ملحوظة :
أظن لو قررت الدائرؤة أن تلك المحاكمات غير مُعترف بها فهذا يكون (تقدم) في إثبات بعض الحقائق ...
طمئنة :
لقد تقدمت بالطعن وأنا أعلم مسبقاً أن حظه من القبول هو أدنى من حظ مرشحين كُثُر بالفوز ... ليس لعدم قناعتي ولكن لحسابات أخرى ستبين في حينها ...!!!!
| |
|
|
|
|
|
|
|
 Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
Quote: رابعاً :
الأستاذ عثمان عمر الشريف أدانته محكمة مختصة عن مخالفات إبّان توليه منصب وزير الإسكان
خامساً :
هذه المحكمة أياً كانت المآخذ عليها هي محكمة مختصة وأن يكون لي رأي فيها سالب أو موجب فهذا لا يغير فيها شئ
فنحن نتحدث في سياق قانوني وليس سياسي |
الأخ احمد موسى
هل كتبت هذا وانت فى كامل وعيك.؟؟؟
وانت فى قرارة نفسك تعلم انها محكمة سياسية كمحاكمة
المرحوم د. احمد السيد حمد وغيره. والادانة والحكم مقرران قبل تشكيل المحكمة.
فهل ترضى لنفسك هذا الموقف الانتهازى والمتعارض مع ابسط اخلاقيات مهنتك؟؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
| Quote: ومنهم تأكيداً قانونيين ... السؤال : لماذا سمحوا بإجازة مثل هذا القانون إن كان قانوناً معيباً ... |
تبريراتك معيبة يا احمد
كيف كان بامكانهم منعه؟؟؟
ــــــــــــــــــــــ
ياخى دون تطويل لهذا الحديث
اما انك وبخبرتك القانونية تجزم ان هذه المحكمة
مستوفية لشروط العدالة والنزاهة وفى هذه الحالة سير فى
دعواك بكل قوة .
واما انها غير مستوفية لهذه الشروط وفى هذه الحالة
يكون ما اقدمت عليه عمل جبان وانتهازى ومخالف لأخلاق مهنتك.
اما التحجج بكيف اجازوا ولماذا اجازوهو دا كلام انت قبل تملك اجابته
فهذا الحدث قريب غير بعيد.
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
Quote:
وهل أنتم تودون دخول الإنتخابات وأنتم بكامل وعيكم ؟؟؟
إذا كنت تعيب هذا النظام فلماذا تدخل الإنتخابات بظله ؟؟؟؟ |
حجج اوهى من بيت العنكبوت .
كل حزب يدخل انتخابات وهو يعيب النظام القائم والا فلن يدخلها.
وحتى اذا أخطأنا بدخول الانتخابات فى ظل نظام معيب نحن ضحاياهو
فيا صاحب المهنة الشريفة مهنة القضاء الواقف اتريد نصرة الظالم على المظلوم؟
هل هذا ما تعلمته من مهنتك ؟؟؟ هل هذا ما تمارسه فى مكتبك ومع زبائنك؟؟
عقاب المظلوم ونصرة الظالم؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
سلام احمد موسى
حنمشي مع نقاطك هذه واحدة واحدة
اولا
لمصلحة من يطعن احمد موسى وهو على ما اعتقد من مواطني الخرطوم ومواليد بورتسودان (صححني اذا كانت معلوماتي خطا) في مرشح لولاية الجزيرة
ام اخترته من بين كل المرشحين لخصومة شخصية معه او مع التيار الذي يمثله
ثانيا وثالثا : حقائق ولن اجادل فيهما
رابعا
| Quote: الأستاذ عثمان عمر الشريف أدانته محكمة مختصة عن مخالفات إبّان توليه منصب وزير الإسكان |
ما هي هذه المحكمة المختصة التي ادانت عثمان عمر الشريف وهل هناك فرق بينها وبين المحاكم التي ادنت مجدي محجوب وجرجس وشهداء رمضان
وهل حققت هذه المحكمة شروط العدالة ولانصاف في رايك كمحامي وهل حوكم عثمان عمر الشريف امام قاضيه الطبيعي واتيحت له كل فرص الدفاع عن نفسه وتوكيل محامي يدافع عنه وجلب شهود دفاعه ؟
Quote: هذه المحكمة أياً كانت المآخذ عليها هي محكمة مختصة وأن يكون لي رأي فيها سالب أو موجب فهذا لا يغير فيها شئ
فنحن نتحدث في سياق قانوني وليس سياسي ...
هذا مالزم توضيحه ...
|
كيف تقول اي كانت عليها المآخذ وانت رجل قانوني واجبك ودورك حماية القانون والدفاع عنه لا تطويع القانون لمصلحة سياسية
هذه المحاكم شهد عليها العالم كله وادانتها جميع المنظمات المهتمة بحقوق الانسان ولا زلت اذكر وبشرف اصدقائنا المحامين وهم يمدوننا بتقارير امنستي انترناشونال والتي ترصد انتهاكات حقوق الانسان في اوائل التسعينات ويثقفوننا ويخاطرون بحياتهم ومصادر رزقهم لتصل مثل هذه المعلومات الى طلاب الجامعات واحسب انك كنت منهم فما قراته لك في هذا البورد كان ينبئ عن ذلك وانا متاكد من ان رايك كان في وقتها مثل راي هذا
فماذا تسمى موقفك هذا مع رايك في هذه المحكمة والحكم الذي اصدرته والقانون الذي حاكمت به ولكنك ستستغل حكمها المعيب هذا
لماذا لم تتقدم بطعن ضد المرشح لرئاسة الجمهورية عمر حسن احمد البشير وهو مطلوب القبض عليه في اكثر من مائة دولة في تهم اكبر واخطر من هذه ؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
Quote: اولا
لمصلحة من يطعن احمد موسى وهو على ما اعتقد من مواطني الخرطوم ومواليد بورتسودان (صححني اذا كانت معلوماتي خطا) في مرشح لولاية الجزيرة
ام اخترته من بين كل المرشحين لخصومة شخصية معه او مع التيار الذي يمثله
|
بازول أنا من مواليد الخرطوم ومواطني الخرطوم ...بعدين قبول أو رد الطعن ماعنده علاقة بالميلاد ولا الموطن ليس من شروط الطعن أن تكون من مواليد المنطقة
أها نجي لمشكلة شخصية ... ليس بيني وبين الأستاذ عثمان عمر الشريف أي خصومة شخصية بل هو محل إحترامنا الكامل والدائم ...
أما لمصلحة من فلماذا يكون أي فعل نفعله لمصلحة شخص أو جهة ؟؟؟ عموماً ليس لمصلحة شخص أو جهة ... ولعلمك إن منت تقصد المؤتمر الوطني
فالمؤتمر الوطني يرغب في ترشيح عثمان عمر الشريف أكثر من عدم ترشيحه لأن ترشيحه سيعمل على (تشتيت) أصوات القُوى التي هي (ضد) المؤتمر
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
الاخ احمد موسى
دبايوا
Quote: نص المادة 41 /1/هـ قررت أن من شروط المرشح لمنصب الوالي (ألا يكون قد أُدين في جريمة تتعلق بالامانة أو الفساد الأخلاقي)
|
قانون شنو مادة شنو فى ناس ممشيه حياتهم بفاتحة "سيدى" فلذلك لا يؤمنون بمواد القانون غير فاتحة
سيدى فلا تحاول اقناع البعض هداهم الله وايضا هنالك مفارقه حيث البعض يريد اخذ جزء من الدستور
وترك الباقى فمثلا يدخولون الانتخابات فى ظل الدستور الانقالى لسنة وفى نفس الوقت يقولون انهم ضد
قوانين الانقاذ يفكوها ازاى الشربكة دى
فى الحقيقة كلامك واضح وصريح ولك كل الحق كمواطن ان تطعن فى مرشح فى اى مكان فى السودان لان المواطن
للسودان كله وليس مواطن خرطومى ولكن ناس سيدى قال ديل ماتتعب فيهم ولو تريدهم فهم ما تقول اطلب
من سيدى قوله فهم يتقبلونه ويرونه قرانا ولا يرون فيه اى ضرر طالما جاء من سيدى
الله يهديهم
| Quote: والله لو ماعندكم (قنابير) ما مبارين ليكم (سيد) خمسين سنة ...!!!! |
هههههههههههههههههههههههههه
الله يديك العافية وبراحه على الجماعة برضو وجودهم مهم للتوازن البيئى
الله هونينى
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: أبو الحسين)
|
| Quote: لكن منو البيقول البغلة في الإبريق يا منعم يا اخوي؟؟؟!!! |
يلا أنا (مواطن) ... إقتنعت بوجود طعن في مرشح طعنت ...
أها إنتو (حزب) ... يعني مؤسسات ... ليه ما طعنتوا في عمر البشير ؟؟؟
ولا( سيدي) ما أذن ...؟؟؟؟
ياخوانا نحن بنتكلم في سياق (قانوني) ... يلا وريني أنا جاهل عمر البشير الطعن فيه شنو؟؟؟
ماتقول لي كلام سياسة ... لأن القانون قال (قد إّدين) ... ماقال (متهم) ...
أها أنا قانوني أمشي أقول ياخوانا الزول ده (متهم) بكدة وكدة وكدة ؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
| Quote: ...بعدين قبول أو رد الطعن ماعنده علاقة بالميلاد ولا الموطن ليس من شروط الطعن أن تكون من مواليد المنطقة |
انا ما بقول القانون بقول انو عندو علاقة بس انا مثلا ما في سبب بخليني امشي اطعن في مرشح ولاية اعالى النيل ولا البحر الاحمر
نسيب الكلام عن المصلحة نسميها هدف TARGET او نقطة تريد اثباتها ما هي وما هو هدفك ؟ لا يمكن لشخص ان ان يقدم على مثل هذه الخطوة من دون ان يكون لديه هدف معين من حقك اذا اردت ان تحتفظ به لنفسك ولكن ايضا من حقنا ان نسأل ونحلل فلكي لا نتهمك رجما بالغيب يمكنك ان تشركنا في رايك هذا
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
| Quote: انا ما بقول القانون بقول انو عندو علاقة بس انا مثلا ما في سبب بخليني امشي اطعن في مرشح ولاية اعالى النيل ولا البحر الاحمر |
ليه ؟؟؟
القانون بديك الحق ده ؟؟؟
بعدين هل تعتقد أن البيحصل في أعلي النيل أو البحر الاحمر لا يمسك ؟؟؟
مسائل الحكم في السودان مرتبطة ببعض وإلا فلماذا نناقش ترشيحات الجزيرة ودارفور وخلافة ؟؟؟
ماكان الاولى أن يكتفي كل فرد بمناقشة ترشيحات ولايته ...!!!!
أنا يا محمد علي ملاحظ حاجتين في المنبر ده
الأُولى تقول رأي في فلان كدة يقولوا ليك طيب رأيك في فرتكان شنو ؟؟؟
التانية تقول رأيي كدة يخلوا رأيك ويجروا وراء نيتك شنو ؟؟؟
مافي زول بناقش الموضوع زاتو زي ماهو
يعني السؤال الهام : هل تمت إدانة الاستاذ عثمان عمر الشريف ؟؟؟
الإجابة بسحب كلامكم (نعم)
تبقى المحكمة صاح المحكمة غلط في النهاية هو حكم
السؤال البعده : هل كان يعلم الأستاذ عثمان عمر الشريف يعلم بتلك الغدانة حين تقدم بترشيحه ؟؟؟
الإجابة المؤكدة أن (نعم) ... إذن فلم ترشح ؟؟؟
وزي ماقال حيدر الزين سبيك من قصة ده أحمد موسى زميلك ولا عدوك وسبيك (دي من عندي) نيتي أحدم الفريق ده ولا أضره
وجاوب لي هل هو (مُدان) ؟؟؟؟ وهل سيُقبل الطعن أم لا فذلك ما سيتحدد غداً وعليه سنعرف الكثير المثير الخطر ....
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
| Quote: ويبقي استغلالك لما تسميه حكم معيب ليس عملا قانونيا(لا اقصد مخالف للقانون) بل عملا سياسيا وبذا نرجع لمسمانا الاول ما هي المصلحة ومن المستفيد ؟ |
طيب يا محمد نتكلم بدارجي الله والرسول ...
ناس (مولانا) ديل مرقوا ... معاي ؟؟؟ قالوا دايرين نسقط حجر الإنقاذ ... تتذكر؟؟؟
أها تاني جوا قالوا خلاص نخش ونسقط حجرها من جوة ... معاي؟؟؟ ...
أها ناس الإنقاذ قالوا دايرين نعمل قوانين
قالوا (حلو) نعمل القوانين وبعدين نسقط حجرها بالقوانين ... متابع ؟؟؟
طيب جوا عملوا مجموعة قوانين والله أنا المحامي اليافع ده مابعملها
.. قالو يلا أرحكم نسقط حجر الإنقاذ ...
أها في القوانين دي هم مع ناس الإنقاذ قالوا أي زول ادانوه ما يترشح ...
وزي (دقسوا) وما ختوا إستثناءات زي حقت المجلس التشريعي
أها هسع الغلطان منو ؟؟؟ الخت القانون ولا الإستخدموا ؟؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
| Quote: أها أنا قانوني أمشي أقول ياخوانا الزول ده (متهم) بكدة وكدة وكدة ؟؟؟ |
يا حضرت المحامى
يا ريت تفهم بس
انت بتطعن بترشيح الاستاذ عثمان عمر وانت عارف المحكمه عسكريه
وفى نفس الوقت بترفض الطعن فى ترشيح عمر البشير لانه متهم وليس مدان
بس فات عليك أن عمر البشير أصبح هارب ومطالب دولياً بمعنى لم يعطى نفسه
ولا المحكمه فرصه الادانه أو أن يبرأ من التهم
أذاً من يستحق الطعن يا حضرت المحامى ،،، شخص ادين بمحكمه وقوانين معيبه
ولا شخص هارب من العداله ؟ قال محامى قال ،،، أنت كنت بتمتحن امتحانات
مجاهدين !!!
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
الاخ احمد موسى
دبايوا
Quote: نص المادة 41 /1/هـ قررت أن من شروط المرشح لمنصب الوالي (ألا يكون قد أُدين في جريمة تتعلق بالامانة أو الفساد الأخلاقي)
قانون شنو مادة شنو فى ناس ممشيه حياتهم بفاتحة "سيدى" فلذلك لا يؤمنون بمواد القانون غير فاتحة
سيدى فلا تحاول اقناع البعض هداهم الله وايضا هنالك مفارقه حيث البعض يريد اخذ جزء من الدستور
وترك الباقى فمثلا يدخولون الانتخابات فى ظل الدستور الانقالى لسنة وفى نفس الوقت يقولون انهم ضد
قوانين الانقاذ يفكوها ازاى الشربكة دى
فى الحقيقة كلامك واضح وصريح ولك كل الحق كمواطن ان تطعن فى مرشح فى اى مكان فى السودان لان المواطن
للسودان كله وليس مواطن خرطومى ولكن ناس سيدى قال ديل ماتتعب فيهم ولو تريدهم فهم ما تقول اطلب
من سيدى قوله فهم يتقبلونه ويرونه قرانا ولا يرون فيه اى ضرر طالما جاء من سيدى
الله يهديهم
Quote: والله لو ماعندكم (قنابير) ما مبارين ليكم (سيد) خمسين سنة ...!!!!
هههههههههههههههههههههههههه
الله يديك العافية وبراحه على الجماعة برضو وجودهم مهم للتوازن البيئى
فعلا سؤال منطقى هل الاستاذ احمد هو المواطن الوحيد فى السودان ام انتم يا اتباع سيدى مواطنين
عليكم ان تقدموا طعنا فى عمر البشير لدى محاكم الاختصاص وعندها ستعلموا اذا كان احمد محامى ولا بياع
طماطم الرجل يحدثكم بالقانون وانتم تحدثونه عن رغباتكم الشخصية او تتحدثون سياسيا وهنالك فرق
شاسع بين الاختصاص والسلبطة
الله هونينى
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: هاشم نوريت)
|
أستاذنا هاشم نوريت
دبايوا
والله أنا إحترت في أخوانا (أتباع) الطريقة الإتحادية ديل
تقول ليهم (القانون) قال كدة ...يقولوا ليك لا (القانون) خلّي إنت رأيك شنو ؟؟؟
هو رأي أنا بنفع ؟؟؟ لو بنفع رأي الاحزاب كلها لو عندها شجاعة بقلب واحد تقاطع الإنتخابات
لكن والله ده بس عشم إبليس في الجنة
أها هم طاعنين في السجل
وطاعنين في الدوائر وطاعنين في السن ...!!!!
وبرضك خاشين الإنتخابات ... موش حاجة تجنن ؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: هاشم نوريت)
|
| Quote: وراجين أحمد موسى هو اليطعن ليكم ؟؟؟ |
يا محامى زمن الانقاذ ،،
الحزب الاتحادى غير محتاج لكى يلجأ الى الطعون أو أرهاب الخصوم
الحزب الاتحادى سيهزم عمر البشير وحزبه الفاسد ،، بصندوق الاقتراع
ان جرى تفاعل المكون الديمقراطى كما يجب ان يكون
لكن! نحن تساؤلنا لك ،، عن مدى أستغرابنا بطعنك فى شخص مترشح لحكم ولايه
ولا تطعن فى شخص مترشح لكى يرأس جمهوريه السودان ،،
لكن حد الدهشه يتوقف ونحن نعلم لماذا هاجر المحامين الشرفاء ،، وتركوا
دوله اللاقانون لمثلكم تروا بعيون نظام الانقاذ الفاشل الفاسد
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: هاشم نوريت)
|
Quote:
قانون شنو مادة شنو فى ناس ممشيه حياتهم بفاتحة "سيدى" فلذلك لا يؤمنون بمواد القانون غير فاتحة
سيدى فلا تحاول اقناع البعض هداهم الله وايضا هنالك مفارقه حيث البعض يريد اخذ جزء من الدستور
وترك الباقى فمثلا يدخولون الانتخابات فى ظل الدستور الانقالى لسنة وفى نفس الوقت يقولون انهم ضد
قوانين الانقاذ يفكوها ازاى الشربكة دى
فى الحقيقة كلامك واضح وصريح ولك كل الحق كمواطن ان تطعن فى مرشح فى اى مكان فى السودان لان المواطن
للسودان كله وليس مواطن خرطومى ولكن ناس سيدى قال ديل ماتتعب فيهم ولو تريدهم فهم ما تقول اطلب
من سيدى قوله فهم يتقبلونه ويرونه قرانا ولا يرون فيه اى ضرر طالما جاء من سيدى
الله يهديهم
Quote: والله لو ماعندكم (قنابير) ما مبارين ليكم (سيد) خمسين سنة ...!!!!
هههههههههههههههههههههههههه
|
لو كان المطعون فيه غير اتحادى لكن رايك عكس هذا.
لا فهم ولا رأى مثال حى للجهل الذى يمشى على رجليين.
انك مثير للإشمئزاز ليس الا.
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
أتذكر جيدآ محاكمة د عثمان عمر الشريف و عقدت محكمة أخرى لنفس الأسباب ضد السيد/إدريس البنا..
وتهمة الدكتور عثمان عمر الشريف تصديقه لقطعتي أرض - وهي من صميم إختصاصاته كوزير للأسكان آنذاك ـ واحدة لأرملة توفي و أبنائها توفي زوجها في معسكرات جيش الجبهة الوطنية بليبيا وكان معارضآ وقتها لنظام مايو.
والقطعة الثانية كانت لأحد الذين فقدوا أموالهم و ممتلكاتهم من قبل نظام مايو آنذاك . ولقد حكمت المحكمة عليه بخمس سنوات سجن.. إطلق سراحه بعد عام بعد إستئناف تقدم به أشهر خمسة محامين أذكر منهم عديلي المرحوم عبده على محمد.. ومن حيثيات القضية أتضح أن الوزير قد مارس سلطاته وفق ما تتطلب منه مهنته ذلك .. ثانيا لم تجد تهمة لرشوة أو أنه قبض أموالا في مقابل التصديق الذي منحه بتلك الأراضي !
الدكتور عثمان عمر الشريف طيلة عمره السياسي و المهني عرف بالنزاهة و نظافة اليد ومناضلا لا يشق له غبار .. أما إذا كان مافعله د عثمان عمر الشريف يعتبر فسادآ فيا ما هنالك بلاوي تنتظر شرف الدين بانقا و غيره وهي تهمآ ربما تطال معظم شاغلي مناصب جهاز الدولة الحالي.
ولكم تحياتي و مودتي ..
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
انت عارف يااحمد منطق ليه ماتطعن فى البشير هو نفس منطق البعض عندما تقول محاكمة مرتكبى الفظائع
فى دارفور يقولوا ليك اولا حاكموا الاسرائليين هذا هو نفس المنطق المعوج لا يحسبون الامرين منفصلين
لان هذه قضية وتلك قضية وبالبداويت كدا حد ضربت عربية حد وشخص اخر قل جرح شقيق صاحبة العربة
وعندما يتقدم صحابة العربة شاكيا من هشم عربته يقال له اولا عليك باخذ حقك القانونى من من اعتدى
على شقيقك والا تكون انت متحامل على من هشم عربتك
المهم خليك من اتباع سيدى زى ماقلت ليك ديل لو ماجاء القول والكلام من سيدى ما بفهموه ولا ياخدو بيه
ولكن ان جاء من سيدى مهما كانت درجة تناقضه يرونه قرانا منزل
الله هونينى
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: عادل نجيلة)
|
Quote: تذكر جيدآ محاكمة د عثمان عمر الشريف و عقدت محكمة أخرى لنفس الأسباب ضد السيد/إدريس البنا..
وتهمة الدكتور عثمان عمر الشريف تصديقه لقطعتي أرض - وهي من صميم إختصاصاته كوزير للأسكان آنذاك ـ واحدة لأرملة توفي و أبنائها توفي زوجها في معسكرات جيش الجبهة الوطنية بليبيا وكان معارضآ وقتها لنظام مايو.
والقطعة الثانية كانت لأحد الذين فقدوا أموالهم و ممتلكاتهم من قبل نظام مايو آنذاك . ولقد حكمت المحكمة عليه بخمس سنوات سجن.. إطلق سراحه بعد عام بعد إستئناف تقدم به أشهر خمسة محامين أذكر منهم عديلي المرحوم عبده على محمد.. ومن حيثيات القضية أتضح أن الوزير قد مارس سلطاته وفق ما تتطلب منه مهنته ذلك .. ثانيا لم تجد تهمة لرشوة أو أنه قبض أموالا في مقابل التصديق الذي منحه بتلك الأراضي !
الدكتور عثمان عمر الشريف طيلة عمره السياسي و المهني عرف بالنزاهة و نظافة اليد ومناضلا لا يشق له غبار .. أما إذا كان مافعله د عثمان عمر الشريف يعتبر فسادآ فيا ما هنالك بلاوي تنتظر شرف الدين بانقا و غيره وهي تهمآ ربما تطال معظم شاغلي مناصب جهاز الدولة الحالي.
ولكم تحياتي و مودتي |
استاذ عادل سلام
هل لديك معلومة اذا كان الاستئناف قد اسقط الادانه ام لا؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
Quote: لمخالفة هي من النظام العام ... والمسائل التي تتعلق بالنظام العام يحق لأي شخص الطعن فيها
وهذا المبدأ هو الذي خوّل لجميع الطاعنين تقديم طعونهم ... |
ممكن تدينى المادة الاعتمدتا عليها فى المعلومة دى
او تنقل لى نص النظام العام البنيت عليهو كلامك دا
******************
رغم انى رجعت لى قانون الانتخابات وما لقيت فيهو مستند اسموا النظام العام الا اذ كنت بتقصد النظم الانتخابية الفصل الخامس
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: رغيم عثمان رغيم الحسن)
|
السؤال الأول : الحق في الطعن:
المادة 45 - (1) تقوم المفوضية بعد قفل باب الترشيح ,بنشر كشف بأسماء الأشخاص الذين تقدموا بطلباتهم كمرشحين للإنتخابات
وفقاً لاحكام المادة 43 (1) وأسماء الذين رشحوهم وإسم الحزب السياسي الذي ينتمون إليه وما إذا كانو مرشحين مستقلين ,
ويجب أن يكون هذها الكشف معلناً لجميع الأشخاص والأحزاب السياسية المذكورة في الكشف لمراجعتها وإبداء أي ملاحظات
أو إعتراضات عليها ...
(2) تحدد المفوضية مواعيد عمليات النشر والإعتراضات المشار إليها في البند (1) وكيفية الفصل في تلك الإعتراضات
بالسرعة المطلوبة .
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
Quote: يجب أن يكون هذها الكشف معلناً لجميع الأشخاص والأحزاب السياسية المذكورة في الكشف لمراجعتها وإبداء أي ملاحظات
أو إعتراضات عليها .. |
برضو ابداء الملاحظات بتكون للاشخاص او الاحزاب السياسية فى الكشف
بإفتراض انك قدمتا اعتراض او ملاحظة
هل انت ممثل لحزب او شخص من المرشحين لمنصب والى الجزيرة
لانو المادة دى حددت حق الاعتراض بس للموجودين فى الكشف الانتخابى
ولو لاحظت سؤالى من البداية مبنى على معلومة انت قلتها هنا
انك قدمت الطعن بصفتك ناخب سودانى
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Yassir Tayfour)
|
عمليات الفصل التعسفى والإعتقال والمحاكمات الصورية فى عهد الإنقاذ لم تكن لتأمين النظام كما ظن العسكريون (حسب رواية صلاح كرار) انما تصفبة لأحقاد شخصية، بعضها يرجع الى زمن الدراسة.
من عملوا فى ديوان النائب العام يذكرون المشادة الكلامية التى حدثت بين الأستاذ عثمان عمر الشريف و حسن الترابى بعد خروج الأخير وتولى الأستاذ عثمان منصب النائب العام فى آخر حكومة للصادق المهدى أتمنى أن يورد أحد الأعضاء تفاصيل ذلك الحدث الذى جعل الترابى يضمر كعادته الحقد ويسعى للكيد والتشفى لاحقا. القصة سمعتها من المرحوم القاضى الكماندور عبدالباسط العدنانى. (الرواية التى عندى تخالف لائحة المنبر).
.
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Yassir Tayfour)
|
Quote: الأخ أحمد موسى سلامات،
هل أنت -كمواطن صالح يهمه الأمر، حتى تقدم بطعن- مقتنع بأن القضية التي أدين فيها عثمان عمر الشريف عادلة وتوفرت فيها للمطعون كل وسائل الدفاع الصحيحة؟
___
ولك جزيل الشكر مقدماً.. |
أنا كمواطن صالح أعرف أن الأستاذ المرشح قد خالف صحيح نص المادة 41/1/هـ وصحيح نص المادة 94/أ من قانون الإنتخابات لسنة2008م
وأنا كمواطن قانوني تبقى الأحكام ملزمة وواجبة الإتباع عندي طالما وصلت مرحلة الحكم النهائي
فرأيي في كثير من الأحكام لا يمنع حقيقة وجودها وإلزاميتها لي وللغير ومنهم الاستاذ عثمان عمر علي نفسه
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: رغيم عثمان رغيم الحسن)
|
Quote: برضو ابداء الملاحظات بتكون للاشخاص او الاحزاب السياسية فى الكشف
بإفتراض انك قدمتا اعتراض او ملاحظة |
القواعد الىمرة يا (استاذنا) هي كل مادة واجبة النفاذ
يعني ما ممكن أراجع القانون كله وأستخرج ليك منه القواعد الآمرة
بعدين رجوعاً لسؤال هل أعتقد أن المفوضية قامت بواجبها كاملاً فأجبت ليك أنني لا أستطيع أيراد إجابة قاطعة
ولست ملزم بإجابة (نعم أولا)
فمثلاً بعض المرشحين ملزمون بتقديم إقرار ذمة
فهل لو قدم أحدهم إقرار ذمة وإتضح لاحقاً أن الإقرار غير صحيح
تكون المفوضية أخطأت ؟؟؟ بمعني هل المفوضية ملزمة بتتبع أي معلومة والتحقق منها بإفتراض عدم صحتها إبتداءاً ؟؟؟
أم أنها تقبل المعلومة وتفترض صحتها ما لم يثبت خطأها ؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
أول حاجة نقول شهادة في حق عثمان عمر فقد زاملته في معتقل سجن كوبر في عام 1980، وهو قائد وطني ومثقف ومناضل يستحق الإحترام
ثاني حاجة : داير واحد (ويا حبذا لو كان قانوني) بشرح لي: أن تستولي جماعة أو حزب علي السلطة في إنقلاب (وهو بالضرورة عمل غير قانوني) وتقوم تقدم القادة المنتخبين ديمقراطيا للمحاكم العسكرية الإيجازية ويكون عملها دا سليم من ناحية قانونية؟؟؟؟ يعني يحاكمني أنا المنتخب قانونيا زول تاني سارق سلطة والحكاية دي قانونية ومقبولة ومبلوعة.؟؟؟؟؟؟ هل سرقة السلطة عمل مقبول قانونيا؟؟؟؟ وأخلاقيا؟؟؟ وممكن يحاكموا الناس ويكتلوهم كما فعلوا مع محدي وجرجس والحكاية سليمة من ناحية قانونية؟؟؟ (يعني بالنسبة لناس أحمد موسي ديل مجدي دا مجرم عديل كدا؟؟؟؟)
لحدي هسع أنا مجرد متساءل ومندهش وما وصلت مرحلة الإستنكار
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
لنصر و للعامة
نفرق بين (رأينا) في الحكم أي حكم ومدى إلزامية هذا الحكم للتنفيذ
مثلاً محاكمة (مجدي) أو محاكمة (محمود محمد طه) كلها محاكمات تمت وفق ظروف خاصة
وثار حولها لغط ولكن حكم كحكم (مجدي) مثلاً مازال قائماً برغم تغيير شكل النظام نسبياً
سياسياً حتى لا نكيل بمكيالين إذا إفترضنا أن إدانة الأستاذ عثمان عمر الشريف معيبة لا يجوز التعاطي معها
فإن هذا النظام برمته نظام (معيب) جاء على ظهر دبابة ولكنكم تأخذون ما يعطيه لكم من حقوق على قلتها
بل أحياناً تلهثون وراء تلك العطايا ... فكيف لنظام معيب يعطيك حق فتأخذه وأنا قانون معيب يعطيني حق لا آخذه
تأخذون المعيب (كله) وتعيبون علي أخذ (جزء يسير منه) تسببتم أنتم في وجوده ... فأنتم من وضع القانون الذي إستخدمته
هل كنتم تظنون أنه سيُطبق على أُناس غيركم ...؟؟؟ وهو قانون ملئ بالثقوب والعيوب ولكنكم هرولتم للمفوضيات عبره وصولاً للكراسي
ـــــــــ
نصر : هل تركتم ترشيح عرمان (ضد) نقد وأصبحتم تبحثون عن أسانيد لترشيح عثمان الشريف ؟؟؟
السياسة السودانية تصيب دوماً بالجلطة الدماغية ... تقوم على المصلحة وليس المبادئ ...أو هكذا أظن ..!!!
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
قال أحمد موسي
"هل تركتم ترشيح عرمان (ضد) نقد وأصبحتم تبحثون عن أسانيد لترشيح عثمان الشريف ؟؟؟
السياسة السودانية تصيب دوماً بالجلطة الدماغية ... تقوم على المصلحة وليس المبادئ ...أو هكذا أظن ..!!!"
أنا ما عارف الضمير في (تركتم) دا راجع لمنو، وما داير أعرف ودا ما الموضوع، دي مجرد زوغة حريفة.....
ورأي في الإنتخابات هو المقاطعة لأنها لن تكون إنتخاباتت حرة نزيهة.
وليس لي دخل من قريب ولا بعيد بترشيح عثمان عمر الشريف ، لا أنتمي لحزبه ومع ذلك أحترمه ، ولو بسمع نصيحتي ما يترشح لأنو الإنتخابات دي مزورة مزورة
وقال أيضا
"فإن هذا النظام برمته نظام (معيب) جاء على ظهر دبابة ولكنكم تأخذون ما يعطيه لكم من حقوق على قلتها
بل أحياناً تلهثون وراء تلك العطايا ... فكيف لنظام معيب يعطيك حق فتأخذه وأنا قانون معيب يعطيني حق لا آخذه"
أكرر وأقول أنا ما بتاع قانون لكن المنطق السليم يقول أنو لو المجرم السارق أعطاني حقوقي وإستلمتها هذا لا يعيبني أنا مستلم حقوقي ولا يعني إعترافي بأحقية هذا المجرم السارق أن يكون في موقف إنو يديني حقوقي. الأصل هنا أنو الزول دا بقي في حتة إنو بيديني حقوقي سرقة وإغتصابا. فإستلام الحقوق منه لا يجعل منه صاحب حق لا ينفي جرم السرقة عنه. ولا كيف يا ناس القانون؟؟؟
ذكرتني مثل أورده في بوست آخر كمال الزين. قصة الزول اللقي ناس بيقتلوا في زول تاني فقام شارك معاهم في القتل بحجة أنه ميت ميت. (أوع يكون دي بقت زي الخيل تجقلب زي الشرا في القندول)
وبالمناسبة دي أنا فصلت من العمل قبل عشرون عاما وحتي الآن ما أدوني ولا مليم من حقوقي في المعاش. كدي تستشيرك كمحامي: ممكن أطالب بمعاشي ولو أدوني ليه أشيله ولا بتلوم بالحكاية دي؟؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Ahmed musa)
|
| Quote: لمصلحة من يطعن احمد موسى |
في محامي مصري إسمو مين كده ( الوحش )
جنو يقوم في شكاوي ما ليهو فيها أيد ولا كراع
كل يوم والتاني ناطي الفنان الفلاني ظهر بمظهر
غير لائق وده يسئ لمصر .. رافع ضده دعوى
وهكذا من شاكلة هذه القضايا.. والهدف الرئيس
الشهرة . . الشهرة ولا شئ غيرها
أها
شفتو أحمد موسى ده بس ده نفس هدفه ..
الزول ده يوم يعمل فيها حركة شعبية ( زول جايب خبرو مافي )
يوم يقول ليكم أنا بقيت مؤتمر وطني ( زول جايب خبرو مافي )
يوم يقول ليكم أنا بقيت مسؤول في حملة إنتخابية
لمرشح لمنصب والي الخرطوم ( زول جايب خبرو مافي )
لا إنتو هنا في البورد ولا الجماعة الرامي ليهم السنارة
الليلة إنتو هنا ماقصرتو معاهو تب .. أديتوهو الفي مراده
على الأقل من ناحيتكم ... الباقي الجماعة الطيبين
إن شاء الله المرة دي تصدق معاك
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: السيد أحمد إبراهيم)
|
إجتهدت وقريت كلام أحمد موسي دا كم مرة (نتعلم القانون كفاحا!!!!)
وفهمت الآتي:
أنه يقر أن نظام الإنقاذ معيب
وأن محاكمة عثمان عمر معيبة (وتحت تحت فهمت أنو معيب مصطلح قانوني...سنة يا أنا)
ولكنه سيأخذ بها كحق (إنو يقدم طعن في أهلية عثمان عمر بناء علي المحاكمة المعيبة)
ربما لأن الفعل المعيب الجاي من النظام المعيب حلال
أو لأن الكل هرول لأخذ حقوقه من هذا النظام المعيب.
فإذا هرول الكل لأخذ حقوق (كراسي ومفوضيات ومناصب وكدا) من نظام معيب
فلماذا تعيبون علي أخذ حقوق معيبة (الطعن في ترشيح عثمان عمر) من نظام معيب .
لحدي الآن تجنبت أن أصدر أي حكم علي أي طرف هنا.
كل الحاصل لحدي الآن تمرين لفهم أبعاد مختلفة (منها القانونية) في مسالة الطعن في ترشيح مرشح لإنتخاب الوالي
أها في حكاية الإنتخابات وكدا
لو عثمان عمر مرشح ضد ود يوسف فإنني سأنحاز لود يوسف (طبعا دا لو جرت إنتخابات حرة نزيهة) لمعرفتي بود يوسف ولعلمي أن إعادة الحياة لمشروع الجزيرة تحتاجه تماما . بالمصري كدا : هو أدها وأدود.
أرجع الميكرفون لأحمد موسي
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: Nasr)
|
| Quote: أرجع الميكرفون لأحمد موسي |
طيّب يا نصر وكت ماخدها واحدة واحدة وبالك طويل نمشي معاك لنهاية الخط ...
نقول في البداية أنا معاك لو عندي صوت في الجزيرة بديه لدكتور محمد يوسف لأسباب أكتر من الذمرتها إنت
ليس من بينها أنه (حركة)
أها نخلي دي ونمشي قادم شوية هنا النقاش كله حول أن محاكمة عثمان عمر الشريف معيبة
لكنها تبقى (محاكمة) ... والقرار الصادر فيها رتب آثار ومازل يرتب آثار
يعني كونها (معيبة) ما ألغت تلك الآثار
يلا نرجع للإنقاذ ... الإنقاذ جات بالدبابة ... ومازالت سايقة القوى السياسية كلها وراها ووراء الدبابة
طيب لو الحكم (المعيب) ما مفروض يرتب آثار فبالتالي كان يجب على أحزابنا البتشكي وتبكي كل يوم إنها تقاطع الإنتخابات
لكن ده عشم إبليس في الجنة ... لأنهم (بحبوا) السلطة أكتر من (حبهم) لتغيير نظام ... معاي ؟؟؟؟
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: السيد أحمد إبراهيم)
|
Quote: أها
شفتو أحمد موسى ده بس ده نفس هدفه ..
الزول ده يوم يعمل فيها حركة شعبية ( زول جايب خبرو مافي )
يوم يقول ليكم أنا بقيت مؤتمر وطني ( زول جايب خبرو مافي )
يوم يقول ليكم أنا بقيت مسؤول في حملة إنتخابية
لمرشح لمنصب والي الخرطوم ( زول جايب خبرو مافي )
لا إنتو هنا في البورد ولا الجماعة الرامي ليهم السنارة
الليلة إنتو هنا ماقصرتو معاهو تب .. أديتوهو الفي مراده
على الأقل من ناحيتكم ... الباقي الجماعة الطيبين
إن شاء الله المرة دي تصدق معاك |
1. وين قلت ليك أنا بقيت مؤتمر وطني ؟؟؟
2. ده حالتك ما جايب خبري ...؟؟؟؟ لو جايب خبري كان عملت شنو ؟؟؟؟ يازول ده سي في أنا ماعارفه ...!!!!
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: رغيم عثمان رغيم الحسن)
|
الأخ أحمد موسى
تعترف ببطلان النظام كله ، وتعطي نفسك الحق في الطعن في ترشيح عثمان الشريف ؟ كما ذكر الأخ ناصر ، وبعدين أي نظام عام هذا الذي يقره ويطبقة هؤلاء المجرمون؟ ألا ترى أنه من واجبك وأنت القانوني الضليع بدل الطعن في ترشيح عثمان الشريف أن تتطعن في بالجملة في منسوبي اللا وطني مجتمعين وعدم أحقيتهم للترشح ؟ ولماذا تترك هذا الحق أو العمل للغير (أنا أطعن في عثمان الشريف وأنتم أطعنوا الفيل) ؟؟ هل عثمان الشريف أخطر وأكثر إجراما من البشير وعلي عثمان و نافع مثلا أو عبد الرحيم حسين أو أسامة سدود أو عوض الجاز ، وسر الختم والي الجزيرة وبقية العقد الفريد؟؟ اللهم أرحم القانون ورجاله برحمتك يارب العالمين ..
مودتي
الشفيع إبراهيم
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
Quote: أصدرت دائرة الطعون بالمحكمة القومية العليا في جلسة مفتوحة اليوم قراراً بقبول ثلاث طعون اثنان منها لمنصب رئيس الجهورية وواحد لمنصب والي ولاية واراب فيما رفضت اثنان وعشرون طعنا شكلاً وموضوعاً .وقالت الدائرة في قرارها أنها قبلت الطعن المقدم من فاطمة عبد المحمود كمرشح لمنصب رئيس الجمهرية وطالبت المفوضية القومية للإنتخابات بإدراج اسمها في الكشف النهائي لمرشحي منصب رئيس الجمهورية وذكرت المحكمة أنها قبلت الطعن المقدم من منير شيخ الدين منير المرشح لمنصب رئيس الجمهورية وطالبت بإدراج اسمة ضمن الكشف النهائي لمرشحي منصب رئيس الجمهورية ، وقالت دائرة الطعون أنها قبلت الطعن المقدم من تريزا أوين دال المرشح لمنصب والي ولاية واراب وطالبت بإدراجها في الكشف النهائي لمرشحي منصب والي ولاية واراب. ورفضت الدائرة إثنان وعشرين طعناً قدم لها شكلاً وموضوعاً حسب نص القانون ، وذكرت المحكمة انها رفضت الطعن المقدم من لام أكول ضد سلفاكير ميارديت المرشح لمنصب رئيس حكومة الجنوب مشيرة الي أن ما ذكرة الطاعن بان المرشح سلفاكير ميارديت ما زال يتمتع بالصفة العسكرية مما يتنافي مع متطلبات الترشيح واكدت الدائرة أن ما ذكره الطاعن لم يرد في قانون الإنتخابات بينما ورد في قانون الأحزاب . الجدير بالذكر أن المفوضية القومية للإنتخابات سبق أن إعتمدت عشرة مرشحين لمنصب رئيس الجمهورية، بعد قرار دائرة الطعون أصبح عدد المعتمدين لمنصب لرئيس الجمهورية اثني عشر مرشحاً
|
موقع المفوضية العامة للانتخابات
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
كتب الأخ أحمد موسي
| Quote: لقد تقدمت بالطعن وأنا أعلم مسبقاً أن حظه من القبول هو أدنى من حظ مرشحين كُثُر بالفوز ... ليس لعدم قناعتي ولكن لحسابات أخرى ستبين في حينها ...!!!! |
وكتب
| Quote: فالمؤتمر الوطني يرغب في ترشيح عثمان عمر الشريف أكثر من عدم ترشيحه لأن ترشيحه سيعمل على (تشتيت) أصوات القُوى التي هي (ضد) المؤتمر |
وهذا الكلام يطعن في مصداقية دائرة الطعون بالمحكمة القومية العليا وفي مفوضية الإنتخابات ويشير وبصورة واضحة أن تلك الهئيات القومية والدوائر العدلية تحركها الأهواء والعصبيات والمصالح السياسية ونفتقر للنزاهة والحيدة .......مما يطعن في سلامة العملية الإنتخابيةمن أساسها!!
........... سؤال للاخ أحمد موسي: هل لديك صورة من الحكم الصادر ضد
الأستاذ عثمان عمر? وهل لديك فكرة عن أي إستئناف قد قدم في ذلك الحكم
وماهية مصير الإستئناف? وكيف تم إطلاق سراح الأستاذ عثمان عمر?
كمال
| |
|
|
|
|
|
|
|
|
|
Re: احمد موسى عمر المحامي يطعن في ترشيح عثمان عمر الشريف المرشح عن الاتحادي الاصل (Re: محمد إبراهيم علي)
|
شكرا يامحمد إبراهيم
لفتح هذا البوست الذى اعتبره اكثر بوست جدية
ومناقشة الموضوع بطريقة متقدمة وان جنح الاستاذ المحامى
احمد موسى لتعمد المناكفات والجدل البيزنطى والزوغان من
الاسئلة التى وجهت له وعندما زانقه الاخ رغيم فى بعض بنود
قانون الانتخابات او فقرات اشار هواليها من سياق رده عجز عن الرد
ومرات يقول صعب وتارة القوانين الآمرة صعب البحث فيها لإستخراج
المادة التى استند عليها فى طعنه سبحان الله
وايضا حتى اسئلتك إنت لم يرد عليها والله كنت اتمنى ان يلتقى
هذا المحامى اليافع كما وصف نفسه مع عثمان عمر الشريف
فى محكمة حتى يعرف من هو عثمان ويعرف هو حجمه الطبيعى حتى لايتمادى
بردوده الماسخة ومسخرته السمجة اما تهكمه عن السيد محمد عثمان دليل
يفعه وإفلاسه
| |
|
|
|
|
|
|
| |
محمد إبراهيم علي
HAIDER ALZAIN
رغيم عثمان رغيم الحسن
كمال مبارك
Ahmed musa
ود محجوب
هاشم نوريت
Moneim Malik
أبو الحسين
Hussein Mallasi
Yassir Tayfour
Hashim Badr Eldin
خالد العبيد
Nasr
osman righeem
السيد أحمد إبراهيم
كمال عباس
فيس بوك
تويتر
انستقرام
يوتيوب
بنتيريست