بئس القول ما قاله المتناقض "على كرتى" فى حق الاستاذ ياسر عرمان ... !!!!

Quote: الأخ الـحبيـب الحـبـوب، الطيب رحمه قريمان، تحياتي ومودتي، ***- تعرف ياأخ الطيب، انا مستغرب انك مستغرب من كلام وبذاة علي كرتي?!!، انت نسيت انو وزارة الخارجية تعتبر من افسد الوزارات في السودان?، مش دي وزارة علي عثمان وقصة ارساله اسلحة بالحقيبة الدبوماسية لاديس ابابا لتستخدم في اغتيال الرئيس المصري?، مش هي برضو الوزارة التي اشترت اجهزة الكترونية مسروقة من الصومال?، وماتنسي انو اغلب السفراء والدبلوماسيين تعييناتهم امنية او بواسطة الحزب الحاكم علي مبدأ ( الولاء قبل الكفاءة)!! ***- ليه بتستغرب من بذاءة علي الكرتي?، البشير بجلالة قدره (لسانه اعوج) وبهدد بضرب اميريكا وفرنسا وانجلترا بالجزمة...وبقطع رؤوس الموظفيين بادارة الكهرباء?!!،ويبلعوه ناشف!!!،وعن ناس حلفا انهم بوابيين وطباخيين?!!، ***- ليه بتستغرب من بذاءة علي الكرتي?، وعندك علي النافع صاحب اوسخ لسان في السلطة?!!،وعندك ابوالجاز الشتم المعارضة السودانية وقال عن اعضاءها انهم اولاد حرام?!!!،وعندك الدكتور مصطفي اسماعيل ووصفه لناس غرب السودان بالصراصيـر?!!، ***- علي الكرتي واحدآ من أهل السلطة،ولابد وان يساير الموضـة الماشة الايام دي في السودان وهي شتيمة المعارضة باقذع الالفاظ، وهو اسلوب يظهر عادة وبشدة مع اقتراب كل انتخابات?!! ***- عندي ياقريمان ملف كامل يحوي علي اغلب كلمات وتعابير الشتائم التي صدرت من بعض المسؤولين الكبار في السلطة، ومن قادة اسلاميين، وفي هذا الملف العجـب العجاب من شتائم وقبيح الكلام، ورغم ان هذا الملف محـبط للغاية الااننـي لااستغرب اطلاقآ مما فيه، لانه صـدر من اهـل الأنقاذ!! ***- ياراجل لاتـستغرب ولاحـاجة.... فكل اناء بما فيـه ينضـح!! ***- لك مودتي الطيب رحمه.