|
|
 Re: قلبي يا الشايل همومك لا معاك انا لا بلومك .. (Re: عمران حسن صالح)
|
Quote: السر شنو في شعبية الشباب ديل (وفقا لرواية اليوتيوب ) ؟ و شنو البيميزهم عن غيرهم
نوعية الاغاني البغنوها ولا الشِعر البغنوهو ولا المُلحنين ولا تنفيذالموسيقي ولا رغبة السودانيين في سماع خيط جديد ولا شنو بالضبط |
؟
انت عايزني اتكلم معاك من وجهة نظري الخاصة ورؤيتي لي تفكير الشباب الحالي ده ولا رأيي انا عن نفسي؟
مبدئياً بجاوبك على الاتنين :)
شعبية لاشباب ديل تشبه للحد البعيد شعبية عبد العزيز المبارك وقتها والناس بتسمع عثمان حسين وردي..
شعبية الشباب ديل بتشبه للحد البعيد شعبية عركي والناس وقتها مشغولة بي ابوداؤود..
شعبية الشباب ديل بتشبه شعبية مصطفى سيد احمد والناس بتغني لي وردي..
عارف يا خدر موضوع الاجيال ده موضوع حساس شديييد نحن مصرين وملحين إننا نحاول اي جيل يكبل البعدو في كل حاجاتو هو ..غنا لبس قراية تعليم فهم نقاش نضمي سلوك ..ايييييييييي شي لازم يكون بي فهمهم هم ..
أضان وائل اللي خلتو يستوعب الفنانين ديل ويجعلهم مميزين عن من هم قبلهم هي بتشبه للحد البعيييد أضان خدر اللي يستوعب ما يقدم ابو عركي في زمن الناس قالوا الزول ده جا يعولق الغنا (اوووعك تقارن لي بين عركي واحمد الصادق سمح ؟)
الجكس اللي بقا بيحب يسمع ناس طه وشكر الله عشان بريم الشعر وجلجلته (بي الجل يعني) بيشبه للحد البعيد الجكس الكان مكسر في وجاهة عبد العزيز المبارك ..
لو لاحظت فمعظم الناس اللي بتحب الشباب ديل حبتهم ما عشان اغغانيهم نوووو حبتهم وهم بيغنوا اغاني غيرهم وعليه فنوعية الغنا هي نوعية الغنا..
بلاقي نفسي مقتنع نوعا ما بي إنجذاب الجيل الحالي لي نوعية الموسيقى المقدمة حاليا مع الاورغن والبنقز والساكس طرب عالي ورقيص فوق مع استمتاع بي اصوات بعد الشباب اللي بقت اذن المستمع الشاب متعودة عليهم اكتر من اصوات بتشبه ناس زمان ..
ودي حاجة طبيعية مش يا خدر؟ يعني حتى الاصوات فيها البيذكرك انو ده جيل زمان وحاجات زمان ولو لاحظت لي صوت فيروز وام كلثوم وعبد الحليم والاطرش والكاشف فدي اصوات حقت زمااان مهما حاول شاب يقلدها بررضو بتكون حقت ناس زمان وعليه فالشباب الحالي عندو اصوات حقت ناس اسة وده سبب تاني يخليهم اكتر شعبية ..
بالنسبة للألقاب يا خدر فبكل صراحة الظاهرة الحالية ظاهرة مصطنعة سببها الاعلام والصحفيين المتسلقين إضافة لي ما يسمونه مدير الأعمال بتاع الفنان ..
زمان ظاهرة الالقاب عفوية وبتجي دون قصد ولاااا بيكون المعلق او المذيع أو الصحفي قاصد يقولا عشان يخالف ويشتهر ..
يعني لمن قال صلاح بن البادية ومشت ما كان قصدو يشهر نفسو ويقول انا سميتو لومن قالوا العندليب الأسمر زيدان ما كان عايز يطلع اللقب ولا كان همو يتلقب..
أسة يا خدر الاسماء دي بينجروها الشباب اللي حول الفنان اصحابو وشلتو وبيقولوا ليهو يا زول بنمشييها ليك في الناس بالتالي بيكون اللقب ده عنوووة وغصباً عن المستمع عشان كده صدقني مااا بيصل وحدو يطبعو في شريطو أو في ملصق لي حفلة لكن صدقني ما بيكون مشهور بيه..
عارف يا خدر أكتر فنان كان بيحتاج لقب في الزمن ده هو محمود عبد العزيز ورغماً عن كده ما اتوجد ليهو لقب لأنو كل زول حاول يعمل لقب منجور ..
فهمتني ..
تخريمة :
ياخ عايز اجرجر الحروف الله يرضى عليك ..
|
|
  
|
|
|
|
|
| العنوان |
الكاتب |
Date |
| قلبي يا الشايل همومك لا معاك انا لا بلومك .. | عمر الفاروق | 01-31-10, 12:00 PM |
| Re: قلبي يا الشايل همومك لا معاك انا لا بلومك .. | خدر | 01-31-10, 01:03 PM |
| Re: قلبي يا الشايل همومك لا معاك انا لا بلومك .. | Tabaldina | 01-31-10, 01:27 PM |
| Re: قلبي يا الشايل همومك لا معاك انا لا بلومك .. | البدري عبد الله | 01-31-10, 01:39 PM |
 Re: قلبي يا الشايل همومك لا معاك انا لا بلومك .. | Tabaldina | 01-31-10, 01:43 PM |
| Re: قلبي يا الشايل همومك لا معاك انا لا بلومك .. | البدري عبد الله | 01-31-10, 02:05 PM |
| Re: قلبي يا الشايل همومك لا معاك انا لا بلومك .. | دينا خالد | 01-31-10, 10:16 PM |
| Re: قلبي يا الشايل همومك لا معاك انا لا بلومك .. | عمر الفاروق | 02-01-10, 06:47 AM |
| Re: قلبي يا الشايل همومك لا معاك انا لا بلومك .. | الخير محمد عوض | 02-01-10, 10:07 AM |
| Re: قلبي يا الشايل همومك لا معاك انا لا بلومك .. | عمران حسن صالح | 02-01-10, 12:07 PM |
| Re: قلبي يا الشايل همومك لا معاك انا لا بلومك .. | عمر الفاروق | 02-01-10, 03:01 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست