|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: Tragie Mustafa)
|
Quote: ياسر جينا نقول مبروك
وتوكل لقيانك عاملها هظار وبتقول كنبة المهرجلين!!
كون جادي ووضح برنامجك شنو؟؟؟ونحن بندعمك لو كنت جادي
ومنحاز لقضايا الجماهير بصدق |
سلامات ياتراجي تعرفي ياتراجي والله انا جادي لكن كنبة المهرجلين دي علي سبيل الدعابة لكن ساعة الجد مافي هظار
اما بخصوص البرنامج الانتخابي فسوف افرد له بوست بمفردة بس عايز ااكد حاجة انا مش منحاز للجماهير وبس انا بالجد واحد من الجماهير وبرنامجي عامل لمعالجة مشاكلي وهي بالتأكيد مشاكل كل الشعب السوداني من فقر وصحة وتعليم وعمل وسكن واكل عيش وتهميش و و و و و ... الخ
وبالتأكيد محتاج دعم كل الشرفاء
خالص الود
| |
|
|
|
|
|
|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: النذير حجازي)
|
Quote: بالتوفيق يا أبو الياء
بس ما وريتنا حكاية براميل أبو حمد دي فيها شنو؟! الكيزان قالوا مليانة خرصانة لوول |
تسلم يا النزير ياخ
اما موضوع البراميل دي واضح انو اهلنا في السبعينات كان عندهم عادة غريبة خالص الواحد فيهم تقفل معاهو طوالي يقوم يملا ليهو برميل خرصانة ويمشي 100 كليو من المدينة يدفنو هناك ... عدم شغلة سااااااااكت
بالجد كدة الخرصانة مالا بودها الخلا
اما موضوع السرطانات القرضت اهلنا دي فدا قدر بس
غايتو حاجة غريبة خلاص هسه الكيزان ديل في زول سألهم ما قلنا النفايات دي دفنا نميري وللا هم دايرين يدارو كوارثم وكوارث غيرم
غايتو جنس محن
خالص الود
| |
|
|
|
|
|
|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: ياسر بيناوي)
|
Quote: اما موضوع البراميل دي واضح انو اهلنا في السبعينات كان عندهم عادة غريبة خالص الواحد فيهم تقفل معاهو طوالي يقوم يملا ليهو برميل خرصانة ويمشي 100 كليو من المدينة يدفنو هناك ... عدم شغلة سااااااااكت بالجد كدة الخرصانة مالا بودها الخلا اما موضوع السرطانات القرضت اهلنا دي فدا قدر بس غايتو حاجة غريبة خلاص هسه الكيزان ديل في زول سألهم ما قلنا النفايات دي دفنا نميري وللا هم دايرين يدارو كوارثم وكوارث غيرم غايتو جنس محن |
بالغت يا ياسر .. صحي رباطابي :) بعدين أي كلام غير كده شهادتك حقت الجامعه بينكروها, وبيطلّعوك تاجر موبايلات ساي لوووووول
----- بالتوفيق يا ياسر :)
| |
|
|
|
|
|
|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: Amany Elamin)
|
ياسر
ياخ انشاءلله عندك وظيفة في حملتك الانتخابية
العبدللة عندو خبرة كنت متطوع في حملة الحزب الديمقراطي في ولاية فرجينيا
وحملة اوباما في الولاية
فوزناه ضد هيلارى
ونجحنا في تحويل الولاية من جمهورية لديمقراطية
ما يهم برنامجك الانتخابي عيينا وتلقانا اكتر الؤمنيين بيهو
بنقبل شيكات لغاية بعد الانتخابات
خبرة في امريكا
يعني ممكن يكون عندك خبير امريكى بس اذا استعملت ده في حملتك
الفع بالدولار
وبلاغ الشيك الراجع حيكون مع اوكامبو
يعني انت والبشير حتكونو مطالبين من الجنائية
المهم تلفوني عندك اذا قررت تعينا
| |
|
|
|
|
|
|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: ياسر بيناوي)
|
Quote: العبدللة عندو خبرة كنت متطوع في حملة الحزب الديمقراطي في ولاية فرجينيا
وحملة اوباما في الولاية
فوزناه ضد هيلارى
ونجحنا في تحويل الولاية من جمهورية لديمقراطية
ما يهم برنامجك الانتخابي عيينا وتلقانا اكتر الؤمنيين بيهو
بنقبل شيكات لغاية بعد الانتخابات |
الاستاذ وليد والله عرضك مغري تماما ويازول حبابك الواحد يلقي ليهو مدير حملة انتخابية احسن منك وين
خالص الود
| |
|
|
|
|
|
|
Re: تحت شعار : ( التغيير يبدأ من هنا ) رسميا ياسربيناوي مرشحا مستقلا (Re: نورالدين صلاح الدين)
|
Quote: هوي يا بيناوي
ما تاكلنا حنك
أين هو البرنامج
أنا عندي ليك 3.5 مصوتين
لكن التلاتة نفر ومعاهم نص النفر التاني دا
ديل ما بيصوتوا بدون برنامج |
يانور الدين التلاتة ديل عرفناهم النص دا مالو اوع يكون قاعد ساي علي العموم البرنامج ما دايرلو لت وعجن قضايا المواطن والتي تخصه في سبل عيشة ليعيش حياة كريمة اهم هذه القضايا علي الاطلاق الصحة ومكافحة السرطان وما ادراك ما النفايات النووية والتعليم والزراعة وقفة الملاح
خالص الود
| |
|
|
|
|
|
|
|