Quote: إشتهرت الضباع بالشغب والفساد في الغابه فإنها حيوانات تتجول وتعيش بمجاميع ، تصدر تلك الاصوات الجنونيه وترعب بها الأعداء وهي قادره على أن ترعب وترهب ملوك الغابه فباتت تلك المشاحنات بين الاسود والضباع على مد القرون إلى يومنا هذا والتنافس في الصيد ، فالاسود تأكل ما تحتاجه ولكن الضباع تأكل وتسرق مالاتحتاجه أيضا فهي تتمتع بأكل الجيف والميته وتأكل كل حيوان ميت عدا أبناء جنسها الميتون فهي لا تأكلهم حتى في الضروف الصعبه.
01-27-2010, 02:48 PM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
قيل ان هناك قردا وقع فريسة لاضطهاد النمر نائب الملك الذي كلما يراه يسأله: القرد طاقيتي وينا؟.. فيرد القرد: ياتو طاقية! فيصرخ النمر ويضربه ضربا مبرحا وهو يردد قلت ليك اديني طاقيتي..
عندما كثرت الاعتداءات على القرد المسكين ذهب و أشتكي لملك الغابة.. فنادي الاسد النمر ولامه قائلا: ياخي قصة الطاقية دي شنو؟!! . انت لو عايز اصلا تدق القرد شوف ليك حاجة تانية لانه بالصورة دي الرعية حتعرف انك ظالم وكدا.. فسأله النمر" ماذا افعل؟ قال الاسد: ارسل القرد الى السوق لشراء موز فاذا احضره اخضر قل له لماذا اخضر او طويلا قل له لماذا طويلا وهكذا. فسمع القرد ما دار بين الاسد و النمر فعندما ارسله النمر لشراء الموز اشترى كل انواع الموز.. رأى النمر الموز فسأله لماذا يبدو طويلا؟ قال القرد: القصير تحت الطويل. نظر النمر وساله: لماذا القصير اخضر ؟ قال له القرد :الاصفر القصير تحت. ساله: لماذا الاصفر القصير قويا؟ قال له: الاصفر الرخو تحته. نظر اليه النمر وقال له:
القرد وينها طاقيتي...
وجد سجم القرد مع تحيات بيان..
01-27-2010, 10:42 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
يا محمد عمر ، البدري قاصد ديل : عبد الوهاب علي الحاج حيدر الزين حسن مكاوي فيصل الرشيد و أخرون أرجو من الضباع المذكوره الحضور السريع لمناقشة هذا الأمر و لهم الشكر الجزيل .......
01-27-2010, 06:13 PM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
ود الصايم حاشاهو من الضبعنه ! بعدين ياخي أنا كل العملتو إنو حددت أسماء الناس الفي راس أخونا البدري و علي اساسو كتب بوستيهو ده ، و أنا كمتحدث رسمي بما في راس البدري أؤكد ليك إنو ود الصايم ما كان في راس البدري لمن عمل بوستو ده عشان كده ما جبنا إسمو مع الضباع المذكوره .
01-27-2010, 10:33 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: يا محمد عمر ، البدري قاصد ديل : عبد الوهاب علي الحاج حيدر الزين حسن مكاوي فيصل الرشيد و أخرون أرجو من الضباع المذكوره الحضور السريع لمناقشة هذا الأمر و لهم الشكر الجزيل .......
إنت الله يخليك لي جنس دا بس ..
إن شاء الله الجزائـــر تترش بالتلاتة .. وتجي بت الشيخ واماني الامين وباقي المجموعة يتلحوك إنك جبت ليها النحس وليه ما شجعت مصر .. وغنها ما كان ممكن تنغلب إلا بتشجيعك المهبب ليها ووووووووو لغاية نهاية الارشفة
01-28-2010, 07:56 AM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
تعرف يا ودالزين الحمامة الجديدة انت ما تابعتو ايام سجل جديد .. المؤسف في بوست الترحيب بتاعو جاهو الريس شخصيا ورحب بيهو يلا تعال شوف بعد داك اول بوست فتحو لنعى حبوبتو افتكر كدا والناس الفايقة تعجبك عزوهو زيييين المهم كلما يخشو البوست زي 5 متداخلين كدا يقوم يفتح بوست جديد كالآتي : شكرا لكم ايها الشعب الكريم تعازيكم لنا ويشكر الخمسة يخشوا تاني تلاتة يقوم يفتح بوست جديد بنفس العنوان ويشكر التلاتة وهكذا .. وتانيا هو من الكتّاب المجيدين في بوست الشعبية .. تخيل يجي يلقى بوست الشعبية في الصفحة التانية يقوم يفتح بوست يابكري ياصديقي وين بورد الشعبية طلعو ياخ المهم يازول في اليوم بيفتح ليهو زي 15 بوست كلها معنونة لبكري ... اختفى فترة كدا انا افتكرت بكري وقفو .. لكن امس لمن شفتو فاتح بوست عرفت ليك البورد دا احسن مكان للاصابة بمرض السكري وامراض القلب والشرايين والمناطق الحارة والمسالك البولية ... الله يتوب علينا ياخ !!!
____ بفيدك بالروابط لاحقاً اذا ما جاتني ايا من الامراض المذكورة ضمن التخصصات اعلاه
01-28-2010, 09:33 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
صباح الخير ... وحمد الله على السلامة ... ويوم ضبعك ما يجى ... متابعين معاك البوست الدمه خفيف ده... لكن بس بوستيك شكله لما الضباع كلها هنا... وهاك يا عضعضة....وذى ما قلت ربك يستر... وتانى ما تهبش ضباع المنبر... شكلهم شرسين وخطيرين ...
تحية وافره،،
01-28-2010, 09:39 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
سلام للجميع ، بصفتي الناطق الرسمي بإسم صاحب البوست رجاء يا أخوانا ما تحرفو لينا البوست ده ، عندنا فيهو تصفية حسابات و مشاكل لا يعلم بها إلا الله ! و هبه و الطريفي ابقو راكزين البدري ده قاصدكم عديل !! بنجيكم بعد ما ننفش المصريين الوهم !
يعني بالواضح المنبر خالي من ( الضبعات) وفيهو ضباع ساي ( وش مستفسر ) !!
وبعدين وهبة دا قريبي عديل وود حلتي ياخ مالك ومالو؟ ( وش مضبعن) !
يا ناديه كلامك صاح ، البدري بآخرين دي قاصد أخريات لكن إنتي ما معاهم ، و عشان نبقي محددين هو قاصد (اخراياه) واحده بس ، رغم إنو أنا ما متفق معاهو لكن مسؤليتي الأخلاقيه بتحتم علي إنو أقول ليكم إنو قاصد بيها تراجي . بالنسبه لود حلتك عبدالوهاب علي الحاج : الاخ البدري ما خاتي عليهو كلو كلو لمن ختاهو في صدر قائمة الضباع ، الزول ده عامل كميه من الكركبه هنا ، لا يعلم بها إلا الله . قدر ما الناس ناشدت بكري لإيقافو بكري ما استجاب . التحيه للأخ البدري صاحب البوست و هو يذكر الأسماء كاملة ، يوقد النار شاملة حتي يستبين الناس من هم ضباع المنبر .
01-28-2010, 05:43 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: اخونا امين ...سلامات يا زول ماتقولني كلام انا ما قلتو .. .. عالم تحب المشاكل بشكل
البدري يا حبيبنا الكلام ده قولو لزول ما عندو حديده ! إنت قاصد الناس ديل عدييييييييل و لسه أنا ما دخلت علي آخرون ... عموما يا بدري يا أخوي عمليتك بتاعت إنك تذكر أسماء الناس دي ما لطيفه ، لانو مهما عملو فهم أخوان لنا و زملاء في المنبر نرجو لهم الهدايه و ليس التشفي و التشنيع ، و لو لقيت ليك عذر في أسماء الضباع دي كلها ، ما بلقى ليك عذر في وضع اسم فيصل الرشيد و هو موقف و ما بقدر يرد عليك . أرجو إنك تفتح بوست تاني تعتذر ليهو و تسحبو من القائمه ، كما و أرجو أنا تسحب اسم الاخت تراجي ، لانو والله ستهم دي كان جاتك هنا تخلي نصك جوه البورد ده و التاني في منبر السودان الجديد ، و العجب كان ما طلعت من دارفور !!
Quote: يعني بالواضح المنبر خالي من ( الضبعات) وفيهو ضباع ساي ( وش مستفسر ) !!
اختنا نادية
طلعتى زى البدرى صاحب البوست...ساقطين فى اللغة الآرامية... هو ما عارف الفرق بين الضبع والفهد وإنتى ما عارفة الفرق بين الضبع والعقرب.........كاااااااااااك
________________________
فرملة
أول أمس إفترستة سمكة وفول مع صلاح أخوى فى الدوحة
01-28-2010, 07:33 PM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
Quote: البدري يا حبيبنا الكلام ده قولو لزول ما عندو حديده ! إنت قاصد الناس ديل عدييييييييل و لسه أنا ما دخلت علي آخرون ... عموما يا بدري يا أخوي عمليتك بتاعت إنك تذكر أسماء الناس دي ما لطيفه ، لانو مهما عملو فهم أخوان لنا و زملاء في المنبر نرجو لهم الهدايه و ليس التشفي و التشنيع ، و لو لقيت ليك عذر في أسماء الضباع دي كلها ، ما بلقى ليك عذر في وضع اسم فيصل الرشيد و هو موقف و ما بقدر يرد عليك . أرجو إنك تفتح بوست تاني تعتذر ليهو و تسحبو من القائمه ، كما و أرجو أنا تسحب اسم الاخت تراجي ، لانو والله ستهم دي كان جاتك هنا تخلي نصك جوه البورد ده و التاني في منبر السودان الجديد ، و العجب كان ما طلعت من دارفور !!
------ عليك الله يا ناديه بصفتك إعلاميه و زوله مشهوره ، رسلي ماسنجر للبدري ده يعتذر للناس ديل يمكن يسمع كلامك ، الموضوع ده كل شويه بكبر و هو كل شويه بدخل أسماء ناس أنا متاكد تماما ما حا يكونو مبسوطين من الحاصل ده !
01-29-2010, 07:01 AM
BitAlhana BitAlhana
تاريخ التسجيل: 02-14-2002
مجموع المشاركات: 1083
Quote: ياخى برضو اتجاهل عدد من ضباع .. قصدى نمور الجبل كناذر وعلاء
يا تبلدينا الله يرضي عليك ما تزيد النار حطب و تدخل أسماء ناس تانيين ، ناذر و علاء ديل البدري ما جاب أسمائهم مخصوص لانو ما بدورهم كده لوجه الله . خليك محضر خير و ادفر معانا في إتجاه الحل و الاعتذار .
01-30-2010, 00:05 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ماقاصد افتن لكن قصدي اشرح ...(المجموعة دي ) اختنا هاجر قطع شك قاصدة بيها حيدر ووهبة والرشيد ..
إنت يا فايز هاجر دي عندها شنو مع ناس عمك وهبه و الطريفي ؟! غايتو حسب مداخلتها الفوق دي ، تشوف العمي و ما تشوفهم !!
------- و للمره التانيه بالله يا أخوانا - و أخواتنا في الحاله دي - ما تجيبو سيرة فيصل الرشيد ، الزول ده موقف و ما بقدر يرد ، و علي الأيمان لو عندو باسورد كان جا قلب البوست ده اجزخانه شعبيه .
ماملاحظ إنو سيد البوست وكل الفرائس ولت الأدبار وفرت من البوست ده وخلتو ليك وحدك ملكا للغابة ؟ (وش لوووول)
حتى وهبة الصنديد لاذ بالفرار عاجبك كدا ؟؟
سلام يا ناديه أنا رسول سلام و محبه في البوست ده ، ياخي البدري جاط الدنيا كلها و عمل مشاكل لا يعلم بها إلا الله ، كل البحاول اعملو هنا إنو أقرب بين وجهات النظر المختلفه و أرضي علي الناس الوصفهم بالضبعبه ديل . ياخي بالله رسلي ليهو ماسنجر كان هو ما عايز يعتذر من ذات نفسو ، يديني حق الاعتذار وأنا بعتذر بالنيابه عنو !
01-30-2010, 02:41 AM
الوليد عمر الوليد عمر
تاريخ التسجيل: 01-07-2010
مجموع المشاركات: 327
Quote: يا أمين ياخ كنَّا لابدين فى البوست عشان نعرف منو حاجة
جهجهتنا و خليت البدرى ذاتو ماتم حديسو لى يوم الليلة
أكان ما برلوم و ما داير أتشالق
أكان بديك وجهة نظر ..
البوست دا سمح و مِهِم
خسوسا للبرالمة و من هم على أبواب الإفتراس
يا وليد لو عاينت لتاريخ التسجيل بتلقي إنو أخونا البدري مسجل قبالي هنا ، المسألة ما مسألة منو سينير و منو برلوم ، البدري من حقو يكتب الدايرو و ينتقد أفعال و ممارسات أي مجموعه بيراها ، ألما من حقو إنو يذكر أسماء الناس دي و يخش معاها في صراعات إسفيريه قد تمتد لخارج هذا المكان ، خاصة إنو ذكر اسم أخونا فيصل الرشيد و رغم موافقتي التامه لإختيار البدري ليهو ضمن من أسماهم (ضباع المنبر) إلا إنو ما كان يذكر إسمو لحدي ما يرجع بإعتبار إنو موقف و ما بقدر يدافع عن نفسو .
01-30-2010, 07:25 AM
اساسي اساسي
تاريخ التسجيل: 07-20-2002
مجموع المشاركات: 16468
سلام يا ناس اول شي معليش للغياب المبرر عن البوست .. كنت قد اوكلت السيد امين (خال حمور) عشان يسوق البوست ده ويلقط لينا رزقنا .. قلنا اهو ..نحن نستفيد وبالمرّة هو يستفيد كمان.. لكن اتضح انو سواقين الزمن ده اصلو ما عندهم ضمان .. اول شي الزول ده سواقتو للبوست كانت بي اهمال شديد ..لمن قرب يلحقو امات طه .. وتاني شي الركاب بالكوم وهو متجدع في البوست ومعاه جماعة من اياهم وما عاوز يركب زول معاه من الواقفين في محطات الانتظار..وبدا يستغل البوست والايراد لي مصلحته الشخصية.. وكمان اتضح انو البوست بعد السواقة الغير رشيدة من الاخ امين محتاج لي عمرة (بفتح العين) كامله نسبة للخراب الشديد الذي اصابه .. واخيرا لا بد مما ليس منه بد ...وهو انهاء تكليف السيد امين (خال حمور) واعفائه من وظيفته كسائق لهذا البوست..
شكرا يا حسن مكاوي ، و ربنا يسلم الجميع البوست ده أنا رفعت يدي منو ، حاولت إنو أكون واسطة خير و أخلي أخونا البدري يعتذر للناس الذكرها بالإسم ديل و خاصة أخونا فيصل الرشيد ، لكنو راكب راسو و مواصل في إغتيال شخصية الناس بسبب إختلاف الاراء ، عموما حقوق الناس ما بتسقط بالتقادم و بكره فيصل برجع ، شخصيا ، ما بلومو علي أي تصرف مع الاخ البدري ...
01-31-2010, 10:01 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
والله يا امين القصة دي مافي زول بااااااااااااااالغة غيرك .. عموما اخدت لي خفسة على الفيس بوك وقمت بواجب العزاء .. للمعلومية الجماعة كلهم فارشين بي هناك
02-01-2010, 12:04 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
كدي ادينا مواصفات الضبع ده سريع ..عشان نقدر نحدد هو ياتو نوع من انواع الضباع الحايمة اليومين ديل ..والقصة دي مهمة جدا في تحديد انجع السبل الكفيلة بصيده واراحتك منه ..
02-01-2010, 02:50 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: المظهر والتكوين و هو من المملكة الحيوانية، من شعبة الحبليات شعيبة (تحت شعبة) الفقاريات، من طائفة الثدييات، رتبة اللواحم الأرضية، من العائلة الضبعية، والعشيرة الضبعية. ويتميز الضبع بجسم ممتلئ ورأس كبير وعنق غليظ وخطم قوي، وقائميه الأماميين أعلى من ساقيه الخلفيتين، ولذلك جسمه يتخذ شكلاً مائلاً. والظهر محدب والأقدام ذات أربعة أصابع، والأذن مستعرضة فوق القاعدة ومدببة الطرف يكسوها شعر خفيف، والعيون منحرفة الوضع وذات بريق مخيف. والضبع حيوان كريه ذو أثر سيئ في النفوس وهو في الحقيقة مظلوم في ذلك ولكن يرجع ذلك إلى العنق الغليظ الثابت والذنب المكسو بخصل من شعر قوي خشن. والفراء المكون من شعر طويل خشن أيضاً ولون الشعر الداكن وكل هذه الصفات الظاهرية تطبعه بطابع يبعث البغض له، ويثير الريبة فيه والاشمئزاز منه. والضباع حيوانات ليلية ذات أصوات مزعجة تشيع الضحك البشع، وهي أكولة نهمة وتنبعث منها رائحة كريهة، ومشيتها عرجاء تقريباً ليس فيها ما يعجب. ولهذه الحيوانات غدد لعابية كبيرة، وعلى اللسان نتوءات قرنية والمريء متسع كما أن لها غدداً على منطقة الشرج. والأنياب في الضباع غليظة قوية وكذلك الأضراس الأمامية، لتصلح لطحن العظام. وفي تكوين أسنان الضباع ما يمكنها من أكل بقايا الغذاء التي تتخلف عن حيوانات أخرى كالعظام وغيرها، وكذلك لها من قوة عضلات الفكين ما يجعلها أقوى فكاك الحيوانات طراً.
02-01-2010, 02:50 PM
اناهيد كمال اناهيد كمال
تاريخ التسجيل: 08-26-2009
مجموع المشاركات: 380
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
البدري عبد الله
عبدالكريم الامين احمد
محمد عمر جبريل
محمد كابيلا
على محمد على بشير
أمين محمد سليمان
Hassan Makkawi
طارق جبريل
HAIDER ALZAIN
فايزودالقاضي
عبدالوهاب علي الحاج
ماجد حسون
ياسر عبدالعزيز الطيب
رغيم عثمان رغيم الحسن
Sidgi mattar
محمد يوسف الزين
اساسي
حمزه بابكر الكوبي
أبو عبيدة البصاص
عادل عبدالعزيز عبد الرحيم
Hadeer Alzain
الوليد عمر
محمد عبد الماجد الصايم
Adam Mousa
اناهيد كمال
فيس بوك
تويتر
انستقرام
يوتيوب
بنتيريست