|
Re: مرحبا بالاستاذة اسماء الحسينى فى سودانيزاونلاين (Re: Tragie Mustafa)
|
أوه أوه مرحب بحبائبنا المصريين وشكراً يا بكري،
تعرفي يا أسماء كنتا عايز أنزل العلم المصري هنا لأني إنسان ليبرال وبؤمن بالمحبة والأخاء بين الشعوب، بس خوفتا بموضوع حلايب الناس تزعل وينحرف البوست وهذا الموقع فرصة جيدة للتعرف على السودانيين عن قرب ومعرفة همومنا السياسية والاجتماعية المشتركة، ومعرفة اللهجة السودانية، فهو أقصر الطرق لمعرفة السودان.
ومرحب بيك يا زولة يا عظيمة، وبنحبك بقدر حبك للسودان والسودانيين، وعندنا فى السودان الضيف بنكرمو بذبح الكبش الحنيذ له، ولولا تعذره هنا لذبحناه لك.
تقبلي فائق تقديري وكل احترامي وشكراً يا ريسنا السوداني الحبوب بكري أبو بكر
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: عبدالأله زمراوي)
|
حبابك عشرةبلا كشرة,,,,,,
حبابك الف ومنورة الحوش,,,,,,,,,,,,,
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
الريس بكري يبدو انه اصيب بالخرف ( لا ادري أهو مبكر أم اصابه في السن المناسبة ) .. لكن غالبا الخرف نحن السبب فيه هنا طبعا ( ده نوع من كسير التلج ارجو تحويل قيمته على المصرف المتحد84 ش القصر العيني )
اسماء الحسيني تشكرك يا بكري على قبول عضويتها .. لكن تقول ان الايميل الوصلا منك فاضي و ما فيو حاجة.
كما تشكر من رحبوا بها هنا و تتمنى التواصل معكم قريبا حين ينتبه بكري .
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: عبداللطيف محجوب)
|
الحبيبة جدا ثومه يوم جميل وسعيد الليله الجاب لينا وجودك بينا مشتاأأأاقين كتير حبيبه وياسلام عليك يابكرى الله يعدل عليك دنيا واخره كان فرحتنا بخبرك الجميل ده .. ثومه نورتى المنبر حبيبه كتير وبالتاكيد انتى اضافه حقيقة لينا تحياتى حبيبه ليك ... وتسلم بكرى يارب ويسلم منبرك ويحميه من شر المتربصين بيهو ...
تحياتى انور عارف مافى اى انسان قال ليك انتازل عن حقك لكن ممكن تورينى هسه اسماء دى دخلها شنو بحقك ده ... بقيت اصلو ماانور الزمان الحاصل شنو عليك ... تسلم يارب ....
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Dr.Saeed Zakarya Saeed)
|
يا انور بالله يدك معانا أول شي لتنبيه بكري ده انو لسه اسماء الحسيني الباسويرد ما وصلا ..
بعد داك يا اخوي تصدق ضحكت شديد لمن قريت كلامك .. لأنو حاجة زي كلامك ده كانت محور حديثينا انا و اسماء قبل شوية .. انو الناس تتعامل مع اسماء الحسيني باعتبارا جمهورية مصر العربية حكومة و شعبا. يا انور الزولة دي اسمها اسماء الحسيني و هي نائب رئيس قسم الشئون العربية بصحيفة الأهرام .. و ليست محمد حسني مبارك عشان تهجما بحلايب مصرية. اتمنى ان نتعامل مع اسماء الحسيني باعتبارها صحفية مصرية مهتمة بالشأن السوداني و تريد التواصل مع السودانيين .. لا على انها ممثلة مصر حكومة او شعبا .. يعني نجرد اسماء من اخطاء حكومتها او امجاد شعبها .. فلا هي محتلة حلايب و لا هي من سيهزم الجزائريين بعد كم يوم.
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
أنتا يا حمّور وقت هي صحبتك قدر ده...ما تقول ليها تكتب ليها مقال عن سودانية حلايب ياخي؟!
بعدين المضحك شنو في كلامي -وليس هجومي- بقول في حقيقة كما أراها واضحة للعيان...حلايب سودانية...
Quote: يا انور الزولة دي اسمها اسماء الحسيني و هي نائب رئيس قسم الشئون العربية بصحيفة الأهرام ..
|
لحدي هنا يكفيني جداً ما تمثله من رمزية في الإعلام المصري يا حمّور...وأعرف جيداً التفريق بين ما هو خاص -بين الأصدقاء- وما هو عام...بين الأفراد والمواقف التي تهم الدول ...
علاقات الأفراد مثل علاقات الدول تماماً...ولا يستقيم أن يكون في نفس قسم الشئون العربية في صحيفة الأهرام، يتكرر الإدعاء المصري بأنو حلايب أرض مصرية...ثم تفتكر أنو مجرد تكراري للحقيقة الواضحة: حلايب أرض سودانية، هو هجوم على أسماء!!!!
أرحب بالأخت أسماء الحسيني...وقبل هذا رحبت قبلياً بالصحفية الإسرائيلية نعومي .....لكن بكري لم يقدم لها باسويرد بعد...رغماً عن أنو إسرائيل مثلاً لا تحتل أي أراضي سودانية الآن!
أرجو أن يسرع العزيز بكري بالباسويرد بتاع الأخت أسماء...وكمان باسوريد الصحفية الإسرائيلية نعومي-الصديقة المحتملة- مستقبلاً...!
تحياتي أنور
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: طلال اسماعيل حسب الرسول)
|
يا انور صلي على البني ياخ .. اول شي انا قلت ليك هجمتها ما هاجمتها .. هجمتها يعني خلعتها .. يعني هسه الزولة دي تجي تعاين بوست الترحيب حقها تلقاك عاصرا بحلايب سودانية .. ليه ياخ ؟
بالنسبة لاني اطلب منها تكتب موضوع عن حلايب .. ما اظنك جادي .. ده موضوع بالطلب يا انور ؟ ده موضوع بالرغبة و المعلومة .. لو ما عندها رغبة تخوض في الموضوع او ما عندها معلومات عن الموضوع بياتو حق انا اطلب منها تكتب عنو ؟ عموما ذكرتني اني يوم اسألا عن رأيها في القصة دي .. تخيل ما حصل سألتها ؟
كون انها صحفية في الاهرام و الاعلام المصري بيقول حلايب مصرية ما معناها الا هي تناقش الكلام ده .. لأنها ببساطة ممكن ما تكون متفقة مع الراي ده لكن ما تقدر تعارضو.. فلحدي ما هي تكتب عن حلايب و تقول مصرية يبقى قولنا ليها بدون سبب حلايب مصرية نوع من جر الكلام ان لم يكن جر المشاكل.
براحة يا انور .. براحة اخوي.
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: طلال اسماعيل حسب الرسول)
|
Quote: بعد داك يا اخوي تصدق ضحكت شديد لمن قريت كلامك .. لأنو حاجة زي كلامك ده كانت محور حديثينا انا و اسماء قبل شوية .. انو الناس تتعامل مع اسماء الحسيني باعتبارا جمهورية مصر العربية حكومة و شعبا.
|
الأستاذ حمور، تحية طيبة
والله استغربت من كلامك، معقولة يا حمور بتقطعوا فى الضيوف؟! والناس اللي رحبو بيها؟! وبعدين خليت كلامك مُبهم، قلتا حاجة زي دي، لحد ماراجعت البوست كلو وما لقيت زول تكلم على إنو الأستاذة أسماء ممثلة حكومة مصر؟! أنا ما عارف إنت جبت الكلام دا من ويين؟! وبعدين أديت الناس انطباع سيء عنها بأنها تغتاب الذين رحبوا بها.
تحياتي
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
حمور سلامات وفى انتظار عودتك للسودان سالم انشاء الله
كان لى شرف لقاء بنت النيل الصحفية القديرة اسماء الحسينى
فى رحلة من القاهرة الى الخرطوم فى اول اسبوع من شهر 5 الماضى
وفى حديثى معها عرفت مدى اهتمامها بقضايا السودان وحبها لة وهالنى كم المعلومة
التى تعرفها عن السودان وعن الشخصية السودانية
اتمنى لها اقامة طيبة بيننا
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
النذير .. ياخ مالك عاوز تلبسني تهمة قطيعة ؟ الكلام الزي ده مقصود بيو مداخلة انور بتاعة حلايب سودانية.
لما كنت بتكلم مع اسماء ما كان في زول كتب حاجة. اسماء ضربت لي في موضوع و بعد خلصنا قلت ليها مبروك عضوية البورد. قالت بكري ما اداها باسويرد لسه و حكت لي كم تفصيله كده. المهم بعد داك قالت انها حتكون متهيبة الكتابة هنا رغم انها متابعة البورد كويس. و اتكلمنا عن انو مفروض الناس ما تعاملا باعتبارا ممثل لمصر الشعبية او الرسمية. و انا قلت ليها انو ده دورك انتي اي زول يتعامل معاك على انك امتداد لجهة اخرى انك توقفيو و تخلي الناس تعاملك كاسماء الحسيني. اخدت لي لفة و جيت لقيت انور بيقول ليها حلايب سودانية. فضحكت.
اها يا سيدي دي القطيعة الكانت عنكم. رايك فيها شنو ؟
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
الف مراحب بالاخت الصحافية المصرية المهتمة بالشأن السوداني اسماء الحسيني واتمنى لها حضورا فاعلا في هذا الفضاء للاسهام في حوارات مطلوبة بالذات في هذا الوقت الحاسم في راهن السودان والذي تلعب فيه الجارة مصرا دورا مهما وحيويا في حراك السودان السياسي وهو حوار غير رسمى مطلوب بالحاح بين مثقفي مصر والسودان للتفاكر حول كثير من الامور المتعلقة بمصلحة البلدين الجارين وهي لا زالت حبيسة حوارات رسمية متقطعة لم تحسم بشكل رسمي و ايضاشعبي.. وبمقدمك ارجو ان يكون بداية هذا الحوار الشعبي المطلوب لانك في الاساس صحافية مرموقة ومهتمة بالشان السودان في الصحافة المصرية!
ارجو لك طيب المقام بين اخواتك واخوتك في هذا المنبـــــر الكبير
مودتي واحترامي
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: النذير حجازي)
|
حبيبنا النذير .. يا راقي مافي حاجة للاعتذار .. انا اخدت كلامك في قالب المداعبة الاسفيرية بين الزملا .. زي طريقتي الاتكلمت بيها مع انور يعني. عشان كده حرصت اخت ليك الوش الاخدر البتكشم داك فوق. شكرا ليك يا عزيزي.
ـــــــــ
هشام امين .. اسماء الحسيني شخصية لطيفة و لها اهتمام معلوم لا يخفى بالشأن السوداني .. اهتمام عظيم و علاقات ممتدة لدرجة مرعبة. لدرجة اني ما التقيتها حرصت ان اسألها عن سبب و بداية غوصها في دوامات السودان. فتجارب الصحفيين المصريين مع السودان محبطة لهم غالبا .. و دوما امامهم مثال هيكل الذي "حرد" الكتابة عن السودان حين غضب السودانيين منه .. و لا ننسى طبعا ضرب نميري له في طائرة الرئاسة بحضرة عبد الناصر حين قال ان "ثورة مايو " ليست ثورة بل هي انقلاب.
ــــــــــ
لا يفوتني اني اذكر بكري بالباسويرد. زول لسه ما دخل المنبر نقول لبكري باسويردو فيو مشكلة. بداية تشفق.
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: د.يوسف محمد طاهر)
|
انور كنج شكرا لانك مصحصح دائم وواضح.... واكرر معك حلايب سودانيه.
يا حمور انور صادق وواضح...ومحزن انك تكون ما فتحت موضوع حلايب مع صحفيه مصيره وداقي معاها الحنك كل يوم؟؟؟وصدقني ده سبب عللنا كلها ليس نجاضة المصريين .....بقدر ماهي سذاجة بعضنا....وحسن الظن غير المبرر.
Quote: يا انور بالله يدك معانا أول شي لتنبيه بكري ده انو لسه اسماء الحسيني الباسويرد ما وصلا ..
بعد داك يا اخوي تصدق ضحكت شديد لمن قريت كلامك .. لأنو حاجة زي كلامك ده كانت محور حديثينا انا و اسماء قبل شوية .. انو الناس تتعامل مع اسماء الحسيني باعتبارا جمهورية مصر العربية حكومة و شعبا. يا انور الزولة دي اسمها اسماء الحسيني و هي نائب رئيس قسم الشئون العربية بصحيفة الأهرام .. و ليست محمد حسني مبارك عشان تهجما بحلايب مصرية. اتمنى ان نتعامل مع اسماء الحسيني باعتبارها صحفية مصرية مهتمة بالشأن السوداني و تريد التواصل مع السودانيين .. لا على انها ممثلة مصر حكومة او شعبا .. يعني نجرد اسماء من اخطاء حكومتها او امجاد شعبها .. فلا هي محتلة حلايب و لا هي من سيهزم الجزائريين بعد كم يوم. |
شوف يا حمور....ولافي الحلم لن تكتب امساء الحسيني يوما ان حلايب سودانيه. بل ستكتب دوما ان حلايب مصريه.وقع لك؟؟؟
وبعدين الموضع ما محتاج انه تكون حكومه ولا اهالي نحن حسه حكومه؟؟ لا طبعا لكننا محددين موقفنا...ولو دولتنا تجرأت يوما واحتلت اراضي مصريه ولجدت اقلامنا مسنونه نطالبها بالعوده للحق ورد الارض لاصحابها.
هؤلاء نحن وهذه اخلاقنا....ولكن انتو خليكم داقسين كده ودايبين في الكلام الحلوه ومصدقين للاوهام.
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Tragie Mustafa)
|
يعني يا تراجي مفروض "أستتيب " أي صحفي او مثقف مصري بعرفو في موضوع حلايب ده ؟ اعمل ليهم عملية تفتيش ضمير ؟ لو ما واحد فيهم قال حلايب مصرية اليخليني افتشو شنو و احقق معاو ؟ اها افرضي سألت اسماء الحسيني او غيرا و قامت قالت لي لأ حلايب مصرية .. تقترحي شنو ؟ اقاطعا مثلا وله اجي اشكيها هنا وله الحل شنو ؟ طبعا انا اسقطت الحل الاساسي بتاع اني اقنعا لسبب بسيط انو انا ما عندي في يدي وثائق اعرضا عليها عشان تغير رأيها. يعني حيكون هتاف ساي متبادل. المصري يقول لي حلايب مصرية و انا اقول ليو حلايب سودانية و حلفا حقتنا.
يا تراجي ده بيكون اسمو سك كلام و كواسة ليو ساي. الناس دي هنا عندها مشاكل تغنيها عن حلايب و شلاتين و اسوان زاتا.
و ازيدك من الشعر بيت .. المثقفة المصرية الوحيدة الاتكلمت معاها عن حلايب كان هي السألتني من موقف السودانيين "الغريب" حسب قولها من الحكومة المصرية في موضوع حلايب و قالت لي انتو ما تعرفوش ان حكومة البشير بتاعتكو وقعت تنازل عن حلايب ؟ و وعدتني انها تجيب لي وثائق عن الموضوع ده ولو جابتا حتلقي منشور كلو.
عودة لكلامك انو انور واضح .. انا ما قلت انور ما واضح او انور مفروض ينافق و يدس رايو .. انا استغربت في عرض الراي ده في ترحيبو باسماء الحسيني .. بس ما اكتر. لأنو لو كده يا تراجي يبقى اتوقعك في شوارع تورنتو كل ما تشوفي مصري حتهتفي ليو حلايب سودانية عشان تثبتي موقف و تكوني واضحة. و برضو مفروض كل ما تشوفي زول من ناس السفارة قبل تقولي ليو السلام عليكم تقولي ليو لاهاي راجياكم حتى تسلمي عليو. انا ما محتج في قناعة انور .. انا مستغرب بس انو يهجم ( يخلع ) بت الناس بحلايب و هي لسه ما اخدت باسويرد زاتو. يعني لو هي قناعتا انو حلايب مصرية ما حتجي زاتو بعد ما انور خلعا. ــــــــ للتوضيح : انا ما داقي الحنك مع اسماء الحسيني كل يوم.
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: حمور زيادة)
|
Quote: حلايب أرض سودانية....ولو نقلوا لها أبو الهول! |
أولا
ســــلام يا أنــور
ثـانــيـا:
أبو الـهول ذاتــو ســـودانى
بــلــغـة الــنوبيين أبو الهول يــعـنى " السيد الرابض على قيفة النهر"
فأذا ما أضــفت إلى ذلك أن القيسى (الجيزة)
فى اللـغـة الــنوبيـة هـــى "التشكيلات الهرمية كأكوام المحاصيل".
يـمـكن أن تـرى الـمفارقـة
ولك الــود.
وثالـثا:
مــرحــبا بالأســـتاذة أســماء الـحــســـينى
فــهى صـحـفـية تتـمــع وتــمـتـاز بالــعـمـق
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: بكري عباس علي)
|
.. . مرحب مجدا بالصديقة اسماء الحسينى بالمنبر الحر ونيابة عن الطلاب الدارسين بمصر وخريجى الزقازيق والمنصورة والقاهرة واسكندرية..
حمور
Quote: عموما ذكرتني اني يوم اسألا عن رأيها في القصة دي .. تخيل ما حصل سألتها ؟ |
لكن ما اتخيلت يا حمور .. وفى الشأن العربي اتناقشتو فى شنو !!؟؟
__________
موضوع حلايب دا غايتو او موضوع شان عربي عليك طرحه للنقاش .. والله يصبرك اما تتفقى معنا _ بالحق _ وتأكدى بأن حلايب سودانية او بنشيل باسيوردنا ..
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Tabaldina)
|
مرحب بالكاتبة المصرية أسماء الحسينى،
ولو ما حكومتك يا أسماء محتلة حلايب كان عزمناك فيها وضبحنا ليكى جمل من إبل البشاريين السودانيين المعلقين هناك. إنتى مواطنة والمواطنين المصريين على العين والرأس.. هم فيهم واحدين ما عارفين إسـم حلايب ذاتها.. واحد صديق مصرى سـألنى أيام الأزمـة الأولى قال: هى حلاليب دى فين؟
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Tabaldina)
|
أهلا وسهلا بالزميلة الأستاذة أسماء الحسيني..
وأهلا وسهلا بجارتي في السكن.. وأم باسل معنا في المنبر..
ـــ أعرف اسماء منذ أكثر من 10 اعوام.. أولا بحكم العمل وثانيا بحكم الجيرة والأصدقاء المشتركين.
من الناحية الشخصية. فهي إنسان مهذب ودمث الخلق وجميلة الدواخل وطيبة.
من الناحية المهنية. لدي رأيي وتحفظاتي. فهي كصحفية أو كاتبة أو مختصه في الشان السودان قديما والأفريقي حديثا. تنقصها الكثير من القراءات السليمة. خاصة وأن الأبواب مشرعة امامها للقاء اي سوداني من البشير وحتى أحدث غفير.
أتمنى أن تتمكن من خلال وجودها هنا الإفادة والإستفادة..
مرحبا مرة أخرى بأسماء الحسيني
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Hadeer Alzain)
|
Quote: لكن ما اتخيلت يا حمور .. وفى الشأن العربي اتناقشتو فى شنو !!؟؟ |
يا تبلدينا ياخ القال ليك منو اتناقشنا في الشأن العربي زاتو ؟ و الله لكن بقيتو صعبين يا ناس البورد.
Quote: وبعدين نورونا نسأل أسماء الحسيني تحديدا ولا أي مصري من طرف (ياريت تكون أسماء بس) عشان المصريين ديل كتار كترة |
و الله يا راوية سؤال مبالغة .. انا شخصيا حانزل هسه اسأل ام فتحي الساكنة تحتي من هوية حلايب ..
و الله يستر من اجابتا
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Rawia)
|
مرحباً بالإستاذة أسماء الحسينى زميلة منبر من شمال وادى النيل من يلد وشعب شقيق .. من مصر وجميل جداً ان يكون بالمنبر أعضاء من دول الجوار وخاصة من مصر التى تجمعها مع السودان وشعبه مصالح متعددة وأواصر وعلاقات أزلية
والأجمل أن الأستاذة أسماء صحفية ومهتمة بالشأن السودانى ، وهذا أمر مفيد فى عكس وجهات النظر ما دام هنالك حوار حضارى و ذهنيات متفتحة لتقبل الرأى والرأى الأخر بإحترام وعقلانية
نحن نعيش فى عصر التكنولوجيا و عصر الإنفتاح على العالم. ويكفى أن تواصلنا هنا كسودانيين يتم من بقاع مختلفة فى كل أنحاء العالم. بل وحتى الأوراق الرسمية للكثيرين وثائق لبلاد أخرى .. فالعالم أصبح قرية صغيرة سواء تنقلاً و إقامة أو إتصالاً عبر وسائل تكنولوجيا الإتصالات الحديثة ومنها هذا المجال. ولذلك مرحباً بأختنا أسماء فى وطنها الثانى إن لم يكن تعتبره الأول بحكم الجوار وأواصر العلاقات الأزلية!
حبابك عشرة بلا كشرة (الرجاء أن تفسر لنا أسماء هذه الجملة بدون الإستعانة بصديق!)
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: نادر الفضلى)
|
مرحب باسماء الحسين..
والله يقدرك علي البيحصل هنا...
اما فيما يخص حلايب.. فحلايب لا مصرية لا سودانية...
حلايب جزااااااااائرية..وتماشيا مع (جزائر) حتبقي جزارات وجزارين وسلخانات .. اها بتهبوا عليها بعد دة؟؟ السودان حكومة وشعبا متنازلة عنها للشعب الجزائري.. ولو في مفاوضات تبقي بين الجزائر ومصر..انحنا بررررررررررررررررة
* الكلام دة ما كلامي ..قالو اساسي الرومانسي..
مرحب بيك وحللت اهلا ونزلتي سهلا..وبلاي يا حمور ترجم لو في اي مفردة استعصت عليها
ــــــــــــــــــــــــــــــــــــــــــــ يا بكري بالمناسبة السعيدة دي ما دام بقيت تقبل عضوية غير سودانية فيا ريت تقبل لي عضوية صديقة امريكية مهتمة بالشأن السوداني..
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: AnwarKing)
|
Quote: بتجيب لي جلطة يوم يا أحمد موسى...ياخي صدام حسين علاقة السودان بيهو شنو؟ أحيّ يا أمي! |
الجلطة شنو ؟؟؟ (زولة) قدمت طلبت عضوية أو إقترحها شخص نقول ليها (جيبي) حلايب (نديك) باسوورد ؟؟؟ بعدين نفترض إنها قلت بسم الله بالباسوورد ده وفتحت بوست حول
للعلم فقط : حلايب مصرية
أها نجي نناقشها ونحاول نقنعها وتقنعنا بشكل ديمقراطي ومهذب ولا نطلع (ضدها) مظاهرة يا (أنور) الأستاذة (أسماء الحسيني) بعضويتها أصبحت (بوردابية) دي جنسيتها هنا وده وعيها هنا لكن البدايات المتحرشة هنا وهناك بتصنف المنبر كجسم من أجسام التمييز بأسبابه المختلفة دي فكرتي بس بدون تعقيدات كثيرة شكراً لك وحماك الله من الجلطة
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: Rawia)
|
. . . * انت الجابك شنو التسوي بي ايديك يغلب اجاويدك (مثل سوداني) -حمور ممكن تساعدنا بالترجمه - ...
* ان اهمية قلم الاستاذه اسماء الحسيني تاتي من انه مراقب جيد لما يدور في رقعة الشطرنج السودانية بكامل تفاعلاتها بمافيها هذا المنبر .. وانها وما تتمتع به من مهنية عاليه يمكنها تناول العديد من المواضيع من غير ما أعتدنا عليه هنا في هذا المنبر والمنابر الاخريات ( هلال مريخ ) ولن تكون (شكارته دلاكته) لكن من المنظور المحايد ستعطي الانطباع والتحليل المهني المحايد
ويا انور وتراجي
زي مابقولو مذيعين التلفزيون (فكرتكم وصلت) ام ادمنتم سماع صدى اصواتكم
مثلما انتم ليس من منظومة الانقاذ رغم سودانيتكم فلماذا تصرون على تجيير الاستاذه وتلوينها بلون النظام المصري هي فقط كاتبه صحافية مصرية مهتمه بالشأن السوداني
ان كتبت عنه حسناً قلنا لها احسنت وان نقلت الحقيقه رجونا منها الالتزام بحيد الحقيقه ويبقى دوما ميزانها وبوصلتها هو ميزان الصحفي المهني وكم انجبت مصر من الاعلام في عالم الصحافة
كما انه ليس هناك مبرر لتفريق كل مرارات تعامل النظام المصري لقلم ارتضى طوعاً ان يكون بينكم في منبر هو في الاصل للسودانيين وعندما ارادت ذلك لانها تحس انها بعض منكم او انها ذات مهنية عاليه لهذا تتحرى الدقة في معلوماتها عن السودان عبركم ومناقشتها معكم الستم من قلتم ان هذا المنبر بكم صار مرجعية لكل الشان السوداني ...
اسماء الحسيني
اتدرين انك تنطلقين من قاعدةتناول الشأن السوداني وهم سيطلقون من قاعدة مقاضاة الانظمة المصرية وأخطاء المثقفين المصريين عبرك نعم هنالك مرارات ومرارات بعضها حقيقي وبعضها تضخمه العاطفة ولا ادري كيف سيكون الالتقاء
لا اخفيك سراً لقد غسلت العلم الجزائري استعداداً لمسيرة الخميس التي ستجوب شوارع الخرطوم فرحاً لفوز الجزائر
لان الندبات في قلب العاطفة السودانية تجاه الشعب المصري اضحت اكبر من يكتمها الشعب السوداني ولتعلمي ان غضبات المحبين تكون دوماً قويه ومدمره فلمصر بذلنا كل الحب وما استبقينا شيئاً لكنها مصر كانت في كل الازمان والمواقع الا التي كنا نظنها تنتظرنا فيها فقلنا كفايه ورددنا مع ام كلثوم ( حب ايه الانت جاي تتكلم عليه )
لكن سيدتي اسماءالحسيني انت اليوم معنا فرد لا نظام فاتمنى ان تعاملي كفرد له اسهاماته لا نظام وشعب كامل له اخفاقاته فمرحباً بك يا أختنا في درب الحق والخير والجمال
البصاص
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: عكود عبد القادر عكود)
|
مراحب بالاخت و الكاتبة بنت النيل اسماء الحسينى
هنالك دور مهم بحكم حبك للسودان و السودانيين يجب ان يلعبه قلمك خصوصا المتعلق بجزء كبير من افراد الشعب المصرى ( واظن الشعب المصرى هو المهم > فالحكومات ذاهبه وان طال العمر ) والمتمثل فى تعريفه بالسودان واهله ليتمكنوا من التعامل مع الشعب السودانى بدون كبرياء + جهل + استفذاذ > وعندنا نمازج فقط نتركها فى حينها لمن تشرفينا وفى بوستات اخرى انشاء الله
مدخل وانت بتمرى على هذه المداخله ده قولى قولى ، مقص ، قلبى ، عبد العزيز بصوت عالى ده على سبيل المداعبة والتى تساوى مداعبات غالبية الشعب المصرى لتذعه( 9 ) و الكسل و نكاته والتى للاسف تحولت الى حقيقه عند بعضكم و كانت رساله اعلاميه من بعضكم لشعوب اخرى ، ولا ادرى هل مسالة الكسل ده من اجل سرق الرزق من افواه السودانين فى بلاد الخليج ( هكذا للاسف يفكر البعض والارزاق بيد الله سبحانه و تعالى ) اما تذعة - 9 - تحولت الى استفذاذ ( ونحن ليس بالشعب المعقد ولكن الشئ زاد شديد و اخذ منحنى آخر ) وده واحده من ملايين الحاجات
مدخل آخر القناعات التى داخل اغلبية الشعب المصرى والمتمثل فى ان مصر هى الكبيره مصر هى المتعلمه مصر الاخت الكبيره مصر افهم بلد فى الدنيا مصر تعبت و كفايه كده مصر تغلب اى فريق كرة قدم نعم لكن تتغلب لا و مليون لا مصر بها اعظم من غنى وتغنى و كتب وووووووووووووووووو > بتقال فى حضور كل الشعوب العربية الاخرى السؤال المحيرنى من يوم اتولدت لحدى اليوم شنو القدمته مصر للعالم العربى والبخلى غالبية الشعب المصرى يقول مصر فترت وخلاص كده الاخت الكبيره يعنى مثلا فى التحرير او فى العلم او فى الاقتصاد او فى الحلول السياسيه او فى الثقافة > ماذا قدمت بزياده من بقية خلق الله ( اللهم الا فى الدراما ) للاسف ده كلام السياسة ولكنه اثر كتير فى عقليات اغلبية الشعب المصرى
معليش اسماء الحسينى ده بوست ترحيب ونحن بلاشك سعيدين بذلك ولكن ده ممكن تكون مداخل لبعض الحوارات القادمه
اما حكاية حلايب و ما حلايب فسوداننا الحبيب اغلبه الآن معرض للتقسيم و البيع بفعل سياسات هذه الحكومة والتى ابتلانا بها المولى > يعنى حلايب شغل حيكومات بس برضو مفروض الشعب المصرى يعرف اين تقع حلايب جغرافيا على الاقل
اكيد وجودك هنا حيساعد قلمك فى الكتابه من اجل التقارب و الاحترام بين الشعبين المصرى و السودانى ونظل ننتظرك بكل التقدير وعلى احر من الجمر
احتراماتى بلا حدود
| |
|
|
|
|
|
|
Re: مرحبا بالاستاذة اسماء الحسينى فى سودانيزاونلاين (Re: بكرى ابوبكر)
|
مقتطف من مقالة للاستاذة اسماء الحسينى فى الانترنيت
Quote: تعود جذور الإدراك المصرى لأهمية السودان الإستراتيجية فى العصر الحديث إلى النصف الأول من القرن التاسع عشر منذ أن بدأ محمد على والى مصر فى بناء الدولة الحديثة ،وعلى إمتداد قرن ونصف (1820-1956) أنفق المصريون من الأموال فى السودان مالم ينفقوه فى أى مجال آخر .
وفى عام 1820تقدمت جيوش الدولة المصرية لأول مرة لتقوم بلملمة أطراف المناطق الواقعة جنوبها ،ممثلة فى سلطنات وممالك وقبائل السودان ،لتصنع من كل هذا كيانا إداريا وسياسيا واحدا ،وهو الذى اصطلح على تسميته بالسودان .
وبينما انصب العمل المصرى خلال العشرينيات من القرن التاسع عشر على توحيد السودان ،فإنه انطلق خلال ستينيات وسبعينيات القرن نفسه لتأمين هذا السودان ،سواء بالإندفاع جنوبا حتى وصل إلى أوغندا ،أوبالتقدم شرقا إلى الصومال وأريتريا والحبشة ،وهى المحاولة التى كلفت الحكومة المصرية عنتا ماليا شديدا .
وقد أدرك الساسة المصريون بشكل كبير أهمية السودان بالنسبة لمصر ،وعبر عن ذلك محمد شريف باشا رئيس وزراء مصر الذى فضل الإستقالة على تنفيذ سياسة تجاه السودان تعرض الأمن المصرى للأخطار بقوله «إن السودان ألزم لمصر من الإسكندرية « |
باقى المقالة هنا http://www.sudaneseonline.com/index.php?option=com_content&vi...8-06-16-10&Itemid=55
ارحب بالاستاذة اسماء الحسينى باحثة جادة فى الشئون السودانية. هل لدينا خبراء سودانيين فى الشئون المصرية؟
| |
|
|
|
|
|
|
|