|
عفوآ.. لمن هم فوق الخمسين فقط!!!!!!!!!!!!!
|
بعد ان يتعدى الرجل سن الخمسين وتكون الشعيرات البيضاء قد اندست بين ذلك الأسود الجميل وبعضآ من ملامح الشباب قد غشاها الزمن من هنا تبدآ القصة! العيال كبرت وربما منهم من تزوج يعني الموضوع بقى فيه( جدو) وام العيال تمارس ثقافة الأهمال...ياراجل خلاص نحن كبرنا على الحاجات دي الرد والاحراج ده كلو لو المسكين نفسو يرقص معاها انشاء الله حتى في حفلة نجاح بنتو ده كلام يامدامات ؟؟ يبقى الجقلبة والنقزي ليه.المسكين لو سلم علي صاحبة بتو الحساب يقع وهاك يا تحقيقات يا راجل دي قدر بتك ولحدي هسه حبل الصبر ممدود ياجماعة الرجل بعد الخمسين بتعرض للأهمال من زوجتة لأسباب كتيرة يطول ذكرها وهي السبب فيها0 وبعض النسوان الله ينورن لا يعلمن بأن عمر الخمسين عند الرجل هو عمر الشباب المتزن ويكون فيه احوج للأهتمام والمعاملة الحلوة وده برجعنا لموضوع اختنامنال عن لابد من الرومانسية حتى لا تصبح الواحدة مننا عند زوجها نسيآ منسيا
ارجو المعذرة والسماح من كل من ازعجها كلامي لكن دي الحقيقة ومن حق اي راجل اصابه الضرر واكتوى بنار الأهمال
من حقو أن يبحث عن التانية ياربي الليلة دى تعدي على خير وقال حكيم خبير في شئون الرجال لا يتزوج الرجل من ثانية الا لسببين ان يكون مولعآ بها اوان يكون خائفآ منها انتو رايكم شنو يا الرجال؟ ماتخزلوني وعارفين انو المعنيات بالموضوع اخواتى جاهزات موية ونور والحافظ الله
|
|
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
Quote: لمن هم فوق الخمسين فقط |
Quote: انتو رايكم شنو يا الرجال؟ |
ومتوقعة زول يدخل ليك ويجاوب على تساؤلك؟ رشا انتي جديدة ولا شنو؟؟ الرجال الهنا ديل كلهم عاملين فيهاجهولة أم سكاسك
والله ذكرتيني محمد المهدي المجذوب لما قال:
يا بنت عشرين و الايام مقبلة ماذا تريدين من موعود خمسين؟؟
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: ALGARADABI)
|
رشا الحبيبة تحياتى الحمد لله انى فوق الخمسين خالس لكين كلامك دا ما معاى لانى ام وحيدة اهو البت القضيت عمرى اربى فيها جاها ود الحلال وربنا يسعدهم الاتنين يارب
لكين بالجد المشكلة دى بعانى منها اصحابى الخمسينين بشدة السر شنو ياربى؟ مع انه فى ناس حياتهم بتبدا بعد الخمسين وامكن اكون منهم دعواتك
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
اخوي جردابي لا والله انا اتوقعت زحمة من ناس الخمسين وحكاية جهولة ام سكاسك دي مابتنطبق علي ناس الخمسين لأنهم لسه شباب وشباب مرتب كمان الا واحد مبشتن روحو براهو ويوم ما يفكر يرتب نفسه ويتميز هنا بلاقي الأستغراب والأستهجان وطولة اللسان من اختنا صاحبة الشأن على فكرة :أنا زولة قديمة هنا بس انقطعت لظروف مشكووور
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: doma)
|
رشا ازيك المشكله يارشا يختى مامشكلة خمسين ولا تلتين المشكله مرات الاهمال بحصل بعد كم سنه من الزواج وانا بلوم المرآة بالذات يعنى بعد ما تنتقل من خانة البنت الى خانة الزوجه تنسى كل حاجه حلوه فيها ابتداءا من زوجها وانتهاءا بنفسها حتى تتحول هى الى كائن اخر كل همه الطبيخ والغسيل والاولاد وتنسى زوجها تماما وانا لاحظت وعايشت الظاهره دى فى السودانيات الا عدد قليل منهم وطبعا الزوجين بحتاجو بعض فى كل المراحل العمريه واى زوجه زوجها يبحث عن غيرها تلوم نفسها سامعين ياحريم(وش صارى)
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: محمد عبد الماجد الصايم)
|
رشا سلام سؤال؟ 49 سنه و11 شهر و364 يوم ممكن اشارك والا اجى بكرة؟؟ طيب ياحبيبة كلامك ده واقعى ومعقول جدا لكن مفروض يكون سؤالك كالتالى: لمن هن فوق الخمسين والا متاكده واحده بتجيك بى جاى مافى غير الحبوبة سلمى سلامه؟ لوووووووووول ليس الموضوع طيارة عين من الرجال ولكنها سنوات الخبرة هى التى تترك الرجل ينظر بعين فاحصه للنساء ويحدد ماذا يريد من المراة وهو فى هذا العمر وانا بفتكر بكون من انجح الزيجات اذا اختار من تناسبه سنا وكانت اموره كلها على ما ينبغى،،،
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
Quote: عسل يا منولة بس ما شايفة في طناش حاصل تفتكري السبب شنو الله يكضب الشينة!! بالمناسبة اختي اسمها منال تسلمي يازوق |
برجع تانى يارشا واقول ليك بلوم المرآة (جاياكم يالرجال )
انا لاحظت يارشا انو مرات الوحده زوجها يكون غايب اليوم كلو
وما بتتصل عليهو تسآلو انت وين ولا بتعمل شنو
وكمان الوحده مابتتزكر الحنه والدخان الا تكون عندها مناسبه
وبرضو الوحده والسودانية بالذات مابتعرف تقدم نفسها لزوجها
راضية مختارة وتمارس ارق انواع انوثته ودايما بتنتظر يبدا هو
وفى النهاية هى محرومه من كل متع الدنيا ومشغوله بالحمل والولادة
والطبيخ والبيت و و و وحاجات تانيه حاميانى ,,,
عندى لفه ساعتين اتفقد الرعايا وارجع ليكم..
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: منال)
|
عندما تقوم الشراكة على الحب وتستمر عليه ، تتمدد المودة إلى ما لا نهاية . وتتراجع فكرة الأعمار حد التلاشي . ويظل كل من الزوجين متمسكا بالآخر ، ولو لم يحدث هذا فلاربد من الاقتناع أن الذي يجري ليس حبا ، ويجب البحث عن تعريفه وتسميته .. إليها في يوبيلنا الفضّي هذه دعوة لإعادة مطالعة ما كتبته لزوجتي بمناسبة يوبيلنا الفضي ، وكنت حينها قد تعديت الخمسين وهي كانت تقترب منها ..
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: Amira Elsheikh)
|
الأعزاء الخمسينييييين المعتقين عدا ود الصايم واختنا اميرة معليش للتاخير والسادة المعتقين هم/الأخوة /هاشم/حسين/صديق/صديق الموج ود قاسم اشكركم للمداخلة ولو انها شابها شي من التحفظ تخافوا بعد الخمسين!!!!!! وفي ناس معنيين بالموضوع عملوا فيها رايحين!!
وسؤال لي اخوي صديق الموج.. كبير انت ولا ود العوض؟
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
سلام يا رشا انا من ناس بداية الخمسينات ... والله النصيحة كلامك صاااااح وبدون ما أشعر بقيت احب الاستماع للغناء والطرب وخاصة هاشم ميرغنى وانتى طالعة لكن النصيحة اغانى الشباب ديل وناس المزازيك ديل ما بحبهم ومكجنهم ...ودايرة الجد هسى انا بتمنى لو من زمان وصلت الخمسين دى وفرملت فيها !! ياخى دى متعة الدنيا ... وهاكم الهدية دى
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
فرحت لسعادتك ياخمسيني وكدى ياداب الحياة ابتدت بس ماجبت سيرة للطرف التاني اوعى يكون كلام الاغنية بعبر عن الحاصل!
والله يا رشا الطرف الثانى شرحو وبالرغم من انه لم يصل الخمسينات ولسه شوية عليهو لكن احس بانه يادوب بقى يحس بمتعة الحياة
كسرة ... اديكم حاجة ولا كفاكم ... اصلو شايفكم مافى زول علق على الهدية الفاتت
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: د.محمد حسن)
|
تعرفى يارشا لما تجى سيرة الاعمار دى بعدها بتذكر إنى تعديت الخمسين تقومى تجى تقهمينا بى بوست زى ده؟؟؟؟
بعدين النسوان ديل عقدن حلف غير مقدس مع التكنولوجيا و أجبرن أصحاب الشركات العالمية إنتجوا حاجة إسمها الموبايل و كمان عملوا فيهو خدمة عجيبة تخنى فيها كل تلفوناتك مش كدة و بس كمان النصيبة الاسمو الموبايل ده بسجل ليك كل مكالماتك يعنى بى عفصة واحدة إديك إتصلت بى منو و ما بنسى زول و كمان بحب الشمارات يعنى كمان إتصلت مدة قدر شنو و إت المتصل ولا (هو/هى) المتصل ..... شفتوا الشغل ده كيف و الشطارة دى كيف ؟؟؟؟ بس كمان الجهاز ده منتهى الغباء و أعمل حسابك يعنى ما بفرز لو إنت العفصت ولا زول تانى العفص .. بس هى عفصة و هاك يا تبرع مجانى بالمعلومات .
بعدين كلامك صاح يا راجل البت دى ما قدر بتك يا راجل الولد ده ما قدر ولدك بس النصيحة لو عايز تطلع من الموضوع سليم و معافى رد و قول آى البت دى قدر بتنا لكن لو كنت ما حصيف وقلت آى البت دى قدر بتك الكترابة بتقوم
عرفتى الناس ما عايزة ترد عشان شنو؟؟؟ كدى ووب و كدى حى ووب
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
سلامات رشا بابكر
نخطو نحو الخمسين بحمد الله ولولا بعض تحفظ لذكرت لك ( أبناء الدفعة ) بعضهم ( يتنطط ) في هذا البوست
يعني ممكن نفهم أنو خلاصة القول في هذا البوست
أنو أى ( خمسيني ) لو شعر بأى بوادر ( تهميش ) - على قول أهل السياسة - يقوم على طول يمارس ( الكونفدرالية الزوجية ) * وبناء على ذلك فإن ( البعلة الأولى ) التي مارست التهميش الذي قاد لـ ( حق تقرير المصير ) أن تتحمل دون تذمر مآلات سياساتها
____________________
( الكونفدرالية الزوجية ) * ....... تعنى الجمع بين زوجتين
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
عاطف.... سلام اولأ مبروك دخولك الخمسين وزي مااتفقنا الوصول الى هذةالحقبة حلوة الحقبة دي الزمنية بحتاج برمجة حياتية لبلوغ سعادة باقي العمر....هو عمرنا فاضل منو كم وحرام نقضي ضياع وهم باكر سنينا تمر تفوت وما بنفع البكا والندم شفت يا عاطف!!!!!!!!!!!!!! بدون ترتيبات خليتني اقول اكتب شعر لك التحية
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
رشا إزيك انتي ومنال بعد دا تعملوا حزب وتتحالفوا وأناوجماعتي نجي نفرتكم ممكن أفتي في الموضوع دا نيابة عن أبوي الخمسيني وعمي الإتجاوز الخمسين وكمان متزوج خالتي أخت أمي يعني عشرتي معاهم زي عشرتي لامي وأبوي أها النساوين ديل اللي هم (أمي وخالتي ) تقولي رجالن ديل عاملين ليهم عمل حقيقة يارشا لو إتكلمت ليك عن مدى إهتمامن برجالن وبانفسهن لا يسعني المقام بعدين كل أهلنا وجيرانا الكبار بعملوا أكتر من كده ولك ان تتخيلي التقاصيل من بداية اليوم بكباية العصير الصباحي والفطور قبل الذهاب الى العمل وإتصالات ورسائل للإطمنان عن الحال أثناء العمل وتجهيز جك العصير بعد العوده من يوم شاق وتهيئة الحمام والبيت وأنفسهن لاستقبالهم أها يارشوية التفاصيل كتيره وكلها عبر ودروس لينا نحن المطرطشات ديل ياريت نتعلم من أماتنا ونطبق ونمنح أزواجناولو جزء صغير من المنحوه لابواتنا ولازالوا ربنا يديهم الصحة والعافية
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: وجن)
|
الأخت العضوة القديمة جداً معانا هنا رشا بابكر الموضوع ده أنا ما بيهمني في شئ . لأنو والله ناسي ما شاء الله عليهم مرات أنا ذاتي أشفق عليهم لامن أبكي وبكاي يكون في شكل هدايا وتقدير واحترام ومشاركة في عمل المنزل.. غسيل مكوة غسيل عدة المطبخ خاصة لما ألقى شريك حياتي متحنن مثلا.. غسيل العدة يطلع الحنة.. تقدير احترام مراعاة شعور.. وفي حاجات كتيرة ما بقدر أحكيها.. أخوك صديق منصوري
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: وجن)
|
صباح الفل,,وجن تعظيم سلام لي خالتك وأمك ده الكلام ولا بلاش اماموضوع نعمل حزب أنا ومنال ليه لا! طال ما انو عمل خير ويكون شعارنا: لا.....للتهميش ,لا للتطفيش لا للتفتيش (الجيوب وكدى) لا لسياسة قص الريش زوجتي الغالية خليني اعيش ده شعار حزبنانصرتآمنا لكل زوج طاله الآهمال ومن هنا ادعو كل من تريد الآنضمام لنصرة الآزواج المهملين.الأتصال بنا ووفق الله الجميع0
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: وجن)
|
رشا سلام لمن دخلت البوست إفتكرتك بتخاطبى الجنسين قلت النشوف مالنا لكين تقصدينا وتخليهم ما بنفع
كدى نناقش حكاية تهتمى بيه دى وقصة تحضرى العصير وتهتمى بى نفسك
مش المسالة متبادلة أصلا -- وهل المقصود المتزوجات فقط فى أرامل ومطلقات وبايرات
مهم جدا فى سن الخمسين وبداية العد التنازلى والأحساس بأن العمر المتبقى
أقل من الذى مضى أن نستمتع به ليس من أجل الطرف الآخر بل من أجل أنفسنا
وبالتالى يأتى دور الشريك والذى إن كان من نفس السن سوف يشارك فى مسألة
تجديد الحياة وعمل إنعاش يشمل التغيير فى الشكل وتجديد أساليب الترفية
الأولاد لمن يكبرو بدو الحياة لون جديد وأكيد برضو فراغ إتعودنا نملاه بالإهتمام بهم المزاكرة ومتابعة المدارس والأكل والتوجية ولمن تثمر
المجهودات --- من أجمل الأشياء الإستمتاع بذلك
مسألة الوسواس بتاع النسوان بأن الرجل سوف يتزوج بأخرى أو سوف ينظر
وقصة القدر بناته والاكبر هل جميع الرجال ممكن إتزوجو من أخرى
قلة من يفعلون ذلك ولخلل فيهم ليس فى النساء وبرضو قلة من النساء هى من
تدفع بزوجها لأخرى
المهم ليس الزوج أو الزوجة المهم هو نفسى الحياة فى بدايتها كانت
من أجل الآخرين ودى السن المفروض تكون للنفس منها الجزء الأكبر
وخاصة إذا عندك الإحساس بأنك قد أديتى أداء حسن فعليك أن تكافىء نفسك
بجميل الحياة
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
ازيك يا زينب اوعك حبيبتي تفتكري اني قالبة علي اخواتي وشغالة تحريش في الرجال لا والله المسألة واقع بنعيشوا في كل البيوت وصورة معلقة في كتير من البيوت ما كلها طبعآ ( بشتنة الحال واهمال الرجال) وانا بتحدى اي راجل الموضوع بخصو وتابع البوست ده يكون راجع حساباتو وحدد وين مكانو هل هو من الجماعة( الفي الرفوف والا من الشايلنهم في الكفوف) ياربي تسعد الجميع واولهم انتي.
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
Quote: رشا سلام سؤال؟ 49 سنه و11 شهر و364 يوم ممكن اشارك والا اجى بكرة؟؟ طيب ياحبيبة كلامك ده واقعى ومعقول جدا لكن مفروض يكون سؤالك كالتالى: لمن هن فوق الخمسين |
عليك الله يا رشا ود الموج الدخلو شنو انتى قلتى الخمسينات ناس الستينات ناس جدو الدخلهم شنو
الحمد لله باقى شوية وندخل الزون والامور مستقرة وكل شى متوفر فى السوق والخبز مجانا والخضروات من طرف البيت وان طلبت شى بجيك هوى ........... مساعدة عاجلة لناس الخمسينات لاقيت مانصلكم هههههههههههههه
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: Yousif A Abusinina)
|
ألأخت/رشا السلام عليكم...
على مشارف الخمسين..والحمدالله...ربنا يمتعنا ويمتعكم بالصحة والعافية..لم انتيه لبوستك الرائع هذا......
Quote: انتو رايكم شنو يا الرجال؟
|
العمر يقاس باللحظات الجميلة...كل ما تمر السنين بنا إلى ألأمام كلما نحتاج لمزيدآ من الفرح وألأهتمام...
الحمدالله امارس الخمسة تاءات..
تضحك..
تسمع..
تتكلم..
تلعب..
تلمس..
نمارس كل ألوان الفرح وبحمد الله مع ألأسرة....لك التقدير وألأحترام..........
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
اخي: اسماعيل شرآ لمرورك ومتعنا الله واياك بالعافية
والتاءات هذه هي مفاتيح السعادة بدون شك وبرسالة اخونا اسماعيل يتوقف ردي على مداخلاتكم واشكركم جميعآحريم ورجال واتمنى ليكم دوام العافية والسعادة بين اسركم وانتظروني بكرة القادم احلى قصيدة جديدة وانشا الله تسلموا
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: رشا بابكر)
|
سلام يا رشا وزوارها
يا دوما اهلاً أهلا بالحسم الثورى
Quote: ما عنده اي شوفه تانيه لووووووووووووول لو شاف شوفه تانيه كان الشافه ما ينشاف
|
قالو الفورتى هى النيو تونتى... وقياساً....تبقى الخمسين هى النيو تونى فايف... ومافى زول يسألنى من موقعى من الإعراب.... لكن يختى بهتمه بى روحى لى بت أم روحى دى.....
إقبال
| |
|
|
|
|
|
|
Re: عفوآ.. لمن هم فوق الخمسين فقط!!!!!!!!!!!!! (Re: Egbal Elmardi)
|
العزيزة رشا
لك التحية
والله ما عامل رايح لكن الليلة اول يوم اشوف البوست ده ، إمكن لعدم انتظامى فى الدخول ، وبكل صدق نقلك للصورة رائع جدا جدا وصادق جدا. فأنا من الذين تخطوا الخمسين بهدوء وغير راض عن غزو الابيض للأسود وهزيمته هزيمة نكراء حتى فى الشنب وفى الحواجب لمن واحد صاحبى قال لى ياخى انا شفت الناس بشيبو لكن ما شفت زول حواجبو بتشيب .. شفتى كيف .. يعنى أى فرص للبصبصة معدومة تماما لا سيما وان شكلك يجعل كل من يلاقيك يقول ليك يا عمو وعمو دى عدو أى محاولة للنظرة الثانية حتى ولو لا ذلك فلا أحد يشبع ابدا..
نعود لحكاية زوجات الخمسينيين زكرتينى حكاية الرجل الشبيه لنا وله زوجة كبيرة واخرى صغيرة فحينما يذهب للصغيرة تقوم بنزع الشعيرات البيضاء من لحيته حتى يكون شبابا وحينما يذهب للكبيرة تقوم بنزع الشعيرات السوداء حتى يصبح وقورا فقال بين حانا ومانا ضاعت لحانا..
ياخى الموضوع ذو شجون والله ولكن دعينى اركب معك مركبك وتحاملك على نساء الخمسينيين فقد ذهبت والدتى مع زوجتى مرة لحديقة قريبة تتجمع فيها صديقات ازواجهن خمسينيين فتركهن وآثرن رفقة بعضهن فسألت احداهن لماذا هى غير محننة فقال لها بأن زوجها كبير ولا يآبه للحنه ولا غيرها حقيقى الاهمال واضح فهن وضعن ازواجهن على الرف واستغنن عنهم بالصديقات فاصبح جل وقتهن مع صديقاتهن يتجمعن هنا وهناك فى بيوتهن او فى الحدائق تاركات الازواج لوحدهم فلماذا لا يفكر من يؤنس وحدته وهو متزوج ؟
قرأت مرة ان زوجة تشتكى وتتحدث باسم الزوجات بأن الرجال لا يسمعوهن من الكلام الجميل وان حياتهن معهم آلية جدا هل هذا هو السبب يا ترى؟؟؟
لست أدرى!
| |
|
|
|
|
|
|
|