|
|
 اذا سافرت زوجتك انقطع عملك الا من ثلاث!!
|
1/..............
2/............
3/............
والاعمال بالنيات اي واحد ممكن يملا الاماكن الشاغرة بالاعمال السوداء المهببة او الاعمال البيضاء الغير مهببة
وبس
زاتوووو
|
|
 
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: أيمن دياب)
|
Quote: [سلامات يا ذاتو.. أوع تقول لي لسه عززززابي..
مع البرد الشديد ده لازم المدام تكون معاك..
أقل حاجة العصايد والمدايد بالليل وكده.. |
ايمن ياحبيبنا
وين الغيبة
والله يامعلم البرد وانت عزابي بيجيك في السرير من جميع الجهات
عصايد ومدايد وين انا ليلي دون الناس كلها اهات كلو ويل
تجي من المطعم شايل عود اسنان تطفئ الانوار وترقد تنوم
مشتاقين والله
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: khaleel)
|
Quote: عمل الاكل
نظافة البيت
غسيل الهدوم
وبعد كدا ممكن تتلاقح الاخيلة
الزول زاتو مشتاقين |
خلي ياخلي
عمل الاكل ده ممكن تتجاوزو لو عندك جار صالح يدعوك للطعام
ونظافة البيت ممكن برضو تتجاوزها لحدي ماتجي المدام
وغسيل الهدوم دي الحاجة الوحيدة الممكن تقيف ليك في رقبتك لانو اخوك رافع الثقة من غسيل المغاسل
وطبعا هنا مافي واحده بتخش تغسل ليك الا معاها محرم لوووووووووووولز
تحياتي
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: ALZOLZATOO)
|
01/ مطعم ابوخليل بغبيرة
02/ استراحات 18 والشفا
03/ شيشة الجنا داك
.
.
.
في رابعة حارقاني لكن خايف من انحراف البوست
.
.
صاحبي مولانا في امان الله اشترى مني عربية كل ما تحصل فيها حاجة اتصل علي
مرة مؤشر الحرارة رفع فووووق وقف العربية واتصل علي
وريتو اشوف المروحة ولو شغالة اشوف موية اللديتر وعمل اللازم وجري على المؤشر
اها يا مولانا لقيتو كيف ؟
مولانا : عود عشر وانكسر .... ولا ساعدني بالالفاظ زي ما ساعدتك انا بيها
قلت ليهو يا مولانا ساعدنا بالالفاظ ياخي قال لي اساعدك كيف والمرة مسافرة
.
.
ذاتو ...... تحياتي
ودالبوش ... مرتو ميتة قبل عشرة شهور
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: عبدالله ود البوش)
|
عبدالله ود البوش
اول حاجة رحم الله زوجتك واسكنها فسيح جناته وربنا يعوضك ان شاء الله
بي مناسبة مولانا ده كان لازم مع العربية تديهو الشريحة مجانا
عندي صاحبي قال لي اصلو ماببيع عربية لي زول بعرفو لانو بعد عشرة سنة ممكن يقول ليك سير المروحه اتقطع لووووووولز غايتو دي تجربة كويسة عشان مؤشر مافي زول يقول ليك مؤشر الحرارة واقف لمبة والاشياء المشابهة لووووووووولز
تحياتي ياعبدالله
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: awadharoun)
|
زاتو سلامات
| Quote: اذا سافرت زوجتك انقطع عملك الا من ثلاث!! |
غايتو في حاجات بتقدر تعملها بمزاج زي
1/ انطلاقة جد تطلع وتجي زي ماعيز مافي زول بسالك وضيف حاجة مهمة كمان ( تضمن انه مافي زول بطلب منك الريموت عشان يحضر المسلسل وانت داير تحضر الفلم الراجيهو ليك زمن )
2/تقدر تساهر مع اصحابك القدام في الكوتشينة زي ماانت عاوز
3/ تقدر تتكلم مع زميلاتك ايام الجامعة بكل ارتياح وبدون خوف
وعيييييييييييييييييييييييييييييييييييييييييييييييييك
تحياتي
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: awadharoun)
|
Quote: الزول
كيفك والجاتك في مرتك سامحتك
يعني دي فرصة انك تقدر تتصل بالناس وتلقط الاشتراكات |
كبيرنا عوض هارون
عارف دائما جمع الاشتراكات ده فيهو محن وطرائف عندنا واحد مفوضنو يلم القروش لي اي مناسبة سعيدة او تعيسة ، اها الشباب كل مايجي ماري بي جنبهم يقولوا اعوذ بالله لوووووووووووولز
غايتو شيلتونا وش القباحة عندكم فرصة اسبوع لو مادفعتوا ح افضحكم على الملأ وح اعمل بوست اوريكم اي واحد من الاعضاء المادافعين بضيع قروشوا وين من A to Z حرف الاي ده مقصود بيهو انا والزي ده ماتفتكروا زياد 
بعدين الجو بتخيل لي جميل اليومين ديل لعمل مناسبة قبل مايجي البرد لانو عندنا ناس حالقين صلعة وكده لوووووووولز
حدد لينا يوم سريع للتلاقي
تحياتي
زاتوووو
| |
|
|
|
|
|
|
|
|
 Re: اذا سافرت زوجتك انقطع عملك الا من ثلاث!! (Re: ALZOLZATOO)
|
Quote:
اذا سافرت زوجتك انقطع عملك الا من ثلاث!! |
غايتو سفرة المدام خلّتك جنّنت صيد السّمك ذاتو يا ذاتو ياخي
بُكرة نمشي نجيب السّمك من القطيف ومن هناك للحفلة
أها عليك الله هسّع الحفلة دي كنت بتشوفها لو ما السّفرة دي ؟
وفي إنتظارك يا حبيبي
لطيف في الخط
| |
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: الشفيع محمد صادق)
|
زولنا ... سلام كتيير ...
غايتو بالنسبة لي ...المكتب ثم المكتب ثم المكتب ...
...
الظاهر البورد ده مقرؤ من زوجات الأعضاء ...
ريسنا عوض هارون ... عمل رايح وحول الموضوع لجمع الإشتراكات ...
أبواللول .. برضه عمل رايح ... وقلبها سمك وقطيف ...
...
مشتاقين ياشباب ... والله يبارك فيكم ... أي رجعوني بعد خصموا مني سنين الخدمة السابقة ..
وكمان اليوزر أي دي القديم ... لحقوني محمد صلاح لوووووووول
..
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: حاتم يوسف العبيد)
|
Quote: زولنا ... سلام كتيير ...
غايتو بالنسبة لي ...المكتب ثم المكتب ثم المكتب ...
...
الظاهر البورد ده مقرؤ من زوجات الأعضاء ...
ريسنا عوض هارون ... عمل رايح وحول الموضوع لجمع الإشتراكات ...
أبواللول .. برضه عمل رايح ... وقلبها سمك وقطيف ...
...
مشتاقين ياشباب ... والله يبارك فيكم ... أي رجعوني بعد خصموا مني سنين الخدمة السابقة ..
وكمان اليوزر أي دي القديم ... لحقوني محمد صلاح لوووووووول
.. |
الوجيه حاتم يوسف
الف حمد الله على ا لسلامة والجاتك في حقوق الخدمة سامحتك بعدين بختك 2010 دي تسجيلاتها كلها حاجة ماتخلص على الاقل يكون عندنا زول معاهم ونلاقي لينا مدخل .
عوض هارون اليومين ديل حالقين ليهو صلعة ماعارفو عمل شنو ابو اللول شدة مارايح الفنان مشى يتعشى وهو بيعزف في نور بيتنا الساعة تلاته ونص صباحا على حسب طلب ا لاخوة الحضور
ماتكتر الغيبة
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: لؤى)
|
اخونا لؤي
هواية الصيد دي ممتدة ليها ثلاثون عاما ماممكن نسمح للمدام بهدمهاهي والعلاقات الاجتماعة دي خطوط حمراء
لايمكن تجاوزها .
لكن مشية الحفلة دي كلامك سليم بس بنحتاج لي يومين نرقد ونحنس عشان الواحد يجي يفتح الباب وهو عينو قوية لافندك يزلقك ولا المراية تتملئ لصقات الخميس الجاي ده ماتشوف لينا واحدة خمة رماد وكده
السمك ان شاء الله يكون وصل كويس
تحياتي
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: لؤى)
|
غايتو يا الزول ذاتو
انصحكم بعد تحياتي ليكمـــ
إنت وقريبك دا !
كملوا كلوا ما تخلوا حاجه
بكرة لمن تجي النقه دا كلو بطير ليكم من راسكم
رموت --- صيد- حفلات - نوم - مطاعم
واكلات خارجية ( المنتجع و الخرطوم وقصر الدمام نموذجاً )
يعلم الله رجعت منكم لقيت النقه وش كدا مع فتح الباب ! وطلعت جـــلا !!
إنت داقي ليهم عشرة سنسن وتسعه شهور والا شنو ؟
ما أسرع الأيام بكره بجوك متلبين بي حبالهم وعــصيهـم )
تحياتي ليكم يا ( ميرغني المامون وأحمد حسن جمعة) الأيام دي بس ....
قبل ما يجوكم الجماعة
بي النقه والحــطــب !!
هشام
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: Hisham Ibrahim)
|
زاتووو يا حبيب
واحد صاحبنا وصل المدام المطار وإنتظر لحدي الطياره غادرت
اها دور في الموبايل و جمع كل الاحباب في البيت
كوتشينه وحاجات تانيه حامياني
اها الطياره حصل فيها عطل ورجعت لهيثرو
المدام اخدت تاكسي و جات البيت
لقت الجماعه مهيصين
المدام قالت ليهو كان تخلي الطياره تقوم
صاحبنا قال ليها والله شفتها بعيني دي
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: ياسر بيناوي)
|
Quote: قوية
سلامات يازاتوووووووووو
خالص الود |
ياسر بناوي
قوية ساكت دي اقوى من مباراة غانا وساحل العاج
بعدين ربنا مابيسلط عليك المدام الا بي ذنوبك لوووووووووولز
الشفقة مافي ليها داعي كان ينتظر لحدي مايدقوا ليها الدخول لووووووووولز
مشاقين يابناوي
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: Nader Abu Kadouk)
|
| Quote: تقدر تتكلم مع زميلاتك ايام الجامعة بكل ارتياح وبدون خوف |
هههههههههههههههههههه دي ضحكتني شديد من بكري.... وتضامني مع المدام، زميلات شنو يا بكري.. علينا برضه...
الزول زاتو، أضيفوا نادر للقائمة بالله، انا ومحمود مشتتين تهييصه في دبي لمدة شهر... وشايفاه الايام دي الابتسامة من مدوّره من الاضان للأضان...
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: مريم بنت الحسين)
|
Quote: هههههههههههههههههههه دي ضحكتني شديد من بكري.... وتضامني مع المدام، زميلات شنو يا بكري.. علينا برضه...
الزول زاتو، أضيفوا نادر للقائمة بالله، انا ومحمود مشتتين تهييصه في دبي لمدة شهر... وشايفاه الايام دي الابتسامة من مدوّره من الاضان للأضان... |
يابت الحسين يا اختي
نصحيه لله نحن بيناتنا شاي وبسكويت الراجل ده لو قال ليك السفرة دي انا ح استثمرها في الدراسة والنوم طيارتك دخنت ويعوضك صاحب العوض لانو بيني وبينك كده الزول ده سالني افتش ليهو شقة فيها خمسة غرف ومطبخين نرجو تاجيل الرحلة الى اجل غير مسمى عشان خاطر محمود بس لوووووولز
تحياتي
زاتوووو
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: Nader Abu Kadouk)
|
Quote: زاتووو يا حبيب
واحد صاحبنا وصل المدام المطار وإنتظر لحدي الطياره غادرت
اها دور في الموبايل و جمع كل الاحباب في البيت
كوتشينه وحاجات تانيه حامياني
اها الطياره حصل فيها عطل ورجعت لهيثرو
المدام اخدت تاكسي و جات البيت
لقت الجماعه مهيصين
المدام قالت ليهو كان تخلي الطياره تقوم
صاحبنا قال ليها والله شفتها بعيني دي |
نادر ابوكدوك ليك وحشة
طيب ده مش زاتو الفرق بين القضاء والقدر والمصيبة رجوع الطيارة ده قضاء وقدر وعودة زوجتو دي المصيبة زاته، لكن ماتشيل هم اخوك تفتيحه وماسك مفاتيحه اخوك بعد الطيارة تصل بيعمل اتصال انو الجماعة وصلوا ( بالسلامة ) بعد داك بيبدا في تنفيذ البرامج سهرة من الامس وكم وزن الحلاوة والاشياء المشابهة لوووووووووولز
تحياتي
زاتوووو
| |
|
|
|
|
|
|
|
|
 Re: اذا سافرت زوجتك انقطع عملك الا من ثلاث!! (Re: ALZOLZATOO)
|
Quote:
صاحبي الايام دي بيلفظ في انفاسو الاخيرة كلها شهر كده
بعدين الايام دي انا شغال معاهو في ازالة اثار مايو لووووووووووول يكه اسع بنتناقش في موضوع الالات الموسيقية انا اقترحت عليهو اخليها عندي في البيت عشان مايحصل ليهو زي تايغر وود يكسروا ليهو الجيتار في راسو
بعدين انت شكلك كده دخلت البيت وعايز تعمل حريف مافي زول يسمع فتحت الباب لكن تلقاها عند الغافل
كامل تضامنا معاك في خميسك المنصرم وانا مني ليك العسل امس في السوق واحد عرض علينا عسل قال بيرجعك 12 سنة لي وراء اها قلت لي لؤي اشتري علبتين ح ترجع للجنسية السودانية
خلاص اتفقنا ممنا العسل وعليهو العوض |
ذاتو
مساك كُحلي 
زي ما قال عصام الشّوالي أُمبارح
الحكم مفروض يدّيك بطاقة كَحلا 
صاحبك دا منو العندو آلات دا ؟
إنتَ ناوي تروق ولاّ نذيع ؟
صاحبك هشام عاوز يعمل حريف ويفتح الباب برّاااااااحة
زي صاحبك بتاع اللصقات 
يا حليل المِرايا
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: garjah)
|
الزوول
ربنا يرجع ليك الحبايب المسافرين وما يحرمك منهم
بس لكين كبيت الجرسه يا الزول يعني الشافك
كاتب في الشريط البيمر في التلفزيون عودي يا .......
باسم المدام ما كزب
يا ناس الزول دا مشا يصطاد عشان يلقى بت الحور
يرسلها لي المدام حتى يبثها لواعج قلبه (وش ملائكي )
ربنا ما حرمها منك ولا حرمك منها
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: مريم عبد الله)
|
| Quote: اذا سافرت زوجتك انقطع عملك الا من ثلاث!! |
ههههههههههايه
عشان كدهـ هو فضي لينا ... اشي ايميلات وايشي بوستات وايشي فعاليات سودانيز اون لاين فى الشرقية
لكن طلعت مجرم عديل كدهـ ... ذكرتي واحد من اصحابي سفر أولادهـ فسألته سؤال غتيت (نظام الود عايز يستفيد من الخبرات) مشتاق للأولاد ول لزوجتك ؟ فجاء ردهـ سريعاً " المرة يا الفاتح ... الاولاد ديل ما شماعة (وش ضاحك)
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: الفاتح شلبي)
|
.....
| Quote: مشتاق للأولاد ول لزوجتك |
هسع عليك الله دا مو سُعال ختا ؟
........
ياخى من شدة ما البيت بقى فضى على
لامن فكيتو و بعت العفش و مرقت على العزَّابة
ياخى عدم الونسة دى مشكلة كبيرة خلاص
صمَّة الخشم تتكتب على العدو الماصليح
الواحد يقعد مقابل خلقتو طول اليوم
نت ما يحلَّك .. تلفون ما يحلَّك .. و المرقة كل يوم مجهدة
مع الدوام الزى الطاحونة دا .
غايتو أخوكم من يوم سافر ( بكرى) و (أمُّو)
إنقطع عملو ... بما فيها الثلاث ،
و الأربع والخميس
ذاتو
......
| |
|
|
|
|
|
|
|
|
|
Re: اذا سافرت زوجتك انقطع عملك الا من ثلاث!! (Re: garjah)
|
Quote: يا زاتوووو
اثبت يا عمك ولم الاشتراكاكات على تعليمات الريس
يعني انقطع عملك
1/ من حوامة الاسواق
2/ اخبار صاحباتا
3/ سواقة حتى طلوع الفجر |
ياقرجة مشتاقين بالجد جد
ماشاء الله على الامورة ربنا يحفظها
والله اتذكرت صورتك لابس العراقي المقطع وشايل العكاز المضبب ولافي طول النهار
ايام الله لا عادتها لوووووووولز
تحياتي
زاتوووو
| |
|
|
|
|
|
|
| |
ALZOLZATOO
khaleel
عبدالله ود البوش
awadharoun
بكري عباس علي
لؤى
خالد عبد الله محمود
Hisham Ibrahim
Nader Abu Kadouk
ياسر بيناوي
مريم بنت الحسين
كمال علي الزين
محمد عبد الماجد الصايم
garjah
مريم عبد الله
الفاتح شلبي
الوليد عمر
فيس بوك
تويتر
انستقرام
يوتيوب
بنتيريست