أهل العوض احاحي ليهن رب العالمين

Quote: رد اهل العوض على محمد موسى من خيمة الحردلو رسالة بليغة من اهل العوض مخصوصـــة للابن الظريف ود المــــــــدن ود موســــى بدور رد السؤال لو باللغة المهموســـــــــة فينا نقيصة ولا الصورة جات معكوســــــة ما جبت الفتنة تعلن حرب بي جاسوســــــه والسبب الفنيلة القت في الوسخ مدوسوسة ونحن نفوسنا في بحر العفاف مغموســــــة مية غمسة لا عار لا دنس لا سوســـــــة نحن حقيقة اهل العوض والعزة ما بنكوسه اصحاب سمتة واصحاب فرستن موروسـة نحن نعامنا بتعاف ترتع المعفوســــــــــــــة نحن جدودنا عادي بضيــــعوا الجاموســـة ايانا اهل العوض واهل النحاس اب رنــــــة واهل البدرة والمهيــــوق واهل الشـــــــنة اهل عزة واهل سمتة وعروض ومحـــــــنة ناس البادية ناسن عشــــــــــرتم تتـــــمنى نحن اهل العوض وحافظين عهود ما خنــــا وللجار والعشير بالشــــــينة ما اتعجـــــلنا بيوتنا وسط ضيوفنا زمن العدم ما بخلـــــنا ما بصح الوليد في اعراضنا يتجاهلـــــــنا ونحن اهل العوض لا تغينا لا اتبدلـــــــــــــنا واثبين كالاسود من واجبــــة ما اتمـــــهلنا في البر في البحر تلقانا وين ما كنـــــــــــــــا في قمم الرجال كذب البمـــــس لحصـــــنا ونحن اهل العوض في الحال والفات كنـــــــا دج شرك الكلام في سيــــــــرنا ما تعطلـــنا بس بوعيك كان دقس في اصولنا متجاهلنـــا بنحسب في الجدود ستين ومن غـــــير ان ونحن ربونا الشياب فوق ماما ما اتعجـــــــنا حافظين لسانا حافظيـــن كرامة اهلــــــــنا اشبال من اسود في ضبعة ما اتهجنـــــــــــــا سايرين سير كرام لامن نلاقــــي اجلــــنا ونحن زاتو ياودموسى ما بواخزونا بي بنولد والما عندو راي حقــــو اتبع ويقـــــــلد لو ما مخك المخبول صحيح متبــــــــــــــلد جامعة موسكو ما جابت دكاتــرة تولــــــد ما راعيت شعور الناس شعورك فاــــــــــترة بتسيئ للعزاز اهل السـيوف الباتـــــــــــرة امانة تبخرك شطة ودمعتك قاطـــــــــــــــــرة ما سمع بالولادة الخصــصوله دكاتــــــرة نحن والله عرب اولاد عرب لينا الشرف والعز بنسرح بالرزق نحـلب نصـــر ونجــــــــز ويوم الحارة والعركة السلاحــــــــــــه برز ثابتين كالجــبال الشامــــــــخة ما بنـــــفز المخسوفة والمرقوعة يا ها لباســـــــــــنا المجلوبة والمقنـــــية من ميراثـــــــــــنا الجار والعشير من الكتف لي راســـــــنا في المال والعروض تخشى الملوك من باسنا ليه يا ود موسى بتذم الرجال بالعايلــــــة ما بعشو الضيوف تحت السحابة الشايــــــلة ما سمع في ام همج كاكوم عقيد الزايلــــة ما سمع بالنمر حرق الخديوي القايــــــل لا لكن لسانك فكة يا ابني اصلو ما بنستامـن تشحن في النفوس من الغبينة مــــــــدامن ديل سلالة المن مثالك في البحر اترامــن العربي ان رقص البل قرونــــن قامـــــــــن دحين رغم الغطرسة بالتمثيل وحبة كاشك تلقى اسفارنا اكبر من مســـاحة داشـــــــك شبعانين طحين من الفطير ودراشـــــــــك اخير تبعد بخاف من شوكنا يخرب شاشـــك ومهما زعمت من عزة ونفخ فشفاشـــــك اعلم طينا انصـــــح من تراب خشخاشـــــك شوف ليك ناس رخاس تاخد عليهم فاشــك اول غلطــــة كان تنيـــــــتا بلعن خاشــــــك دحين ياخي العرب والغير عرب كلهم اخوانك احذر وانـتبه شــــــــكل قوافي لســـــانك واللغو الفوق الجماعة الفي التعابير خانك في نص البحر بتـــــــــدور تقج صــــيوانك انحن نضافنا يا ود موسى ماهو صـابون ونحن نضافنا في عروضنا وشرف مصيون نحن نضاف ضراع بالدكري المســــنون طيبين عشــــــرة لكن للخــــــصم طاعـــون ونحنا سماحنا مو كريمات ولمــــعة لون نحن ولدنا عاشميق عــــــكس للعرجـــــون نحن وارثين اعراف وبحكمن قانـــــون سماحة الزول تفرج كربــــــة الممــــــحون ونحن دفعنا يا ود موسى ما جركـــــاني نحن ما بندفع الجـبنة وحليـــــــــب الكانــي نحن دفعنا في النوق امــات سنامن باني نحن ضربنا للعوق انفـــــجار بركانــــــــي وكان اتكلمنا بنقول الكلام حقـــــــــاني وكان غنينا بنخت الشـــــــعر في معانـــــــي عزيزين في النسب من زلة ما بنعانـــي بنحسب في الجدود ستين ومن غير عاني دحين غبار الكبرياء المن المعالم حاجــب احذر منو لا ينســــيك فعال الواجـــــــــــب ومن امثال تراثنا الفي العرف والواجــب مهما العين تطول ما بتعلى فوق الحاجـــب وعشان ما نغلط معاك ونشيل النقط من شينك اوعى تعضعض الناس البوضحوا شيـنك هسي وقعت في الحلة ووجب تكشيــــنك شن وداك لي شعرا البطانة تشـــــينك دحين الطامع في كتيرة الغير قليلتو تضــيع وسيد بــيت القــزاز ما ببدا بالجديــــع فولاذ الحديد القاســــــي في القطيــــع العربي ان حرن وسط النــــحاس ما بطيع ونحن والله لا بنخاف ولا بنعاف ولا بنتهـدد ولا بنكــــل ولا بنـــــمل ولا بنتــــــــــردد كمان الزول البخـون عشـــــرتنا ما بنتودد بنبـقالو الــبلا في كل فـــــــجة ممـــــدد