|
Re: رئاسة بورداب الخرطوم (Re: صديق الموج)
|
Quote: إعتزار للــ: - الأخ حاج العوض المسلمى عن قبول رئاسة البورداب للفترة الحالية (كنت قد قبلتها ولكن لظروف خاصة غاية الدقة اعتزر الآن). - الإخوة الذين معى في اللجنة الجديدة وأتمنى ان يختاروا من يرأسهم هذه الفترة حتى مجئ الأخ حاج العوض. - لكل من بارك لى رئاسة البورداب من الداخل والخارج (أعتزر لهم بشدة).
|
شخصياً اتفهم اعتذار الاخ شول .......
في مثل هذا النوع من التكاليف يجب ان لانضغط على الشخص لقبول التكليف وشول لو لم تكن هناك ظروف حقيقية تمنعه من الاستمرار لما اعتذر ..........
ومن جانبي ارشح الأخ وهبة بالانابة عن الاخ العوض المسلمي لحين عودته من السفر ......................................
| |
|
|
|
|
|
|
Re: رئاسة بورداب الخرطوم (Re: وليد محمد المبارك)
|
Quote: عذر غير مقبول هذا تكليف وليست تشريف اعتبرها رئاسة حكومه انتقاليه تجهز للانتخابات |
ده وجهة نظرك يا عجوز ولكن رغم عن كل هذا أعتزر.
يا شفت مافيها رجالة ونسونة ياخ ... أقبلوا إعتزارى وعوجة ما بتجيكم
| |
|
|
|
|
|
|
Re: رئاسة بورداب الخرطوم (Re: العوض المسلمي)
|
Quote: شول نطالب بتغير اسم البوست !!!
بعد يلولح بقه على ارض الواقع |
لوليح جد يا سارة خليكى قريب ... خلى المساندة جاااااااااااهزة كويس؟
Quote: اخي الريس شول كيفك ؟؟ اخي انا رجعت بحمد الله ولكن مازلت مصرا وكذلك الاخوة علي ان نكون جميعا خلفك وتحت رئاستك .. ويازول ما تسمع كلام التثبيط فكلنا يد واحدة كنا وما زلنا ... |
الحمدلله إنك رجعت يا حاج وكده خلاص التكليف منتهى ... أما حكاية الإصرار ده ما ظنيت يا العوض. كنا وما زلنا وسنظل يد واحدة إن شاء الله بس الله يرضى عليك بدون حكاية الرئاسة دى قبال ما أفتح راس زول بى ....
حمدلله على السلامة يا حاج
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
Quote: شخصياً اتفهم اعتذار الاخ شول .......
في مثل هذا النوع من التكاليف يجب ان لانضغط على الشخص لقبول التكليف وشول لو لم تكن هناك ظروف حقيقية تمنعه من الاستمرار لما اعتذر ..........
ومن جانبي ارشح الأخ وهبة بالانابة عن الاخ العوض المسلمي لحين عودته من السفر ...................................... |
يديك العافية يا جنابو على تفهم الوضع. اها العوض ذاتو رجع والحمدلله ... بس ترشيحك لوهبة ما يمر ساى أنا مثنى الترشيح ده.
شكراً يا عمر عثمان والله يديك العافية
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
شول شيل شيلتك ساكت بدون ململة .. البشيل فوق الدبر ما بميل قدل شيخي للرباعة مهيل أخونا العوض ما قصّر شال شيلتو وقدّم الكثير ، وقد سبقته بت حيمورة وشالت شيلتها .. وما زال الكل يقدم كل ما يستطيع .. تعرف أنني لا أتدخّل كثيرا في شأن بورداب الخرطوم ، لكن ياشول نريدك رئيسا ولن نتنازل عن ذلك .. والاعتذار مرفوض ..
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
ياشول انت الظاهر عليك زعلت شديييييد من كلام الزول الاسمو امادو داك .!! ياخى الناس ديل لومابيثـقوا فيك وبيحبوك ما كانوا رشحوك ياخ انسى وواصل مشوارك فى قيادة بورداب الخرطوم
| |
|
|
|
|
|
|
Re: رئاسة بورداب الخرطوم (Re: طارق جبريل)
|
- ود قاسم يا مان مافى طريقة أهو الإعتزار مكتوب أونلاين والموضوع منتهى تماماً على الأقل من ناحيتى. - امادو ده كان زعلت منو بمش ليهو محل قاعد وبعدداك يتصرف يخارج روحو ... بس الحكاية ما كده يا ود خيرى ... الحكاية إنى مآمن ومنهى رسمى وشعبى وما داير أتم الناقص. - ذو اليد ... شنو الجقولو ولا مشى عرجا؟؟؟!!! - ناذر الخليفة يا صديقى شكراً للتفهم. - ود جبرين حبابك إنت وود الموج ... تعالوا وبكرمك فى قصرى المتواضع برأس الشيطان.
| |
|
|
|
|
|
|
Re: رئاسة بورداب الخرطوم (Re: SHIBKA)
|
.. . بالله انت بقيت رئيس ولمن قدمت استقالتك شنو متين جبت الزيت ؟؟؟
____________
يازول انت ما عارف الرئيس الجديد بستلم البرادو من السابق .. استلم والامورك كلها بتنجز بالتقسيط
حححححححححى انا من الجرسة ..
| |
|
|
|
|
|
|
Re: رئاسة بورداب الخرطوم (Re: SHIBKA)
|
- داليا والله جبتى المفيد ياخ وإستخدامك للمثل موضوع القانون رائع ... وإتطمنى أخوكى زول بيقدر يضغطو سياسياً مافى (زول فلوتر ساى) - شبكة معليش بس الحكاية ما حساسية بقدر ما هى ظروف خاصة جداً كما ذكرت سلفاً.
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
.. . وكمان رافع لى شعار ( لا استسلام )
فرفر ياخ فرفر زى ( القعونجة ) الفى خشم اللقلق دى.. وما تستسلم ولا تتراجع ..
________
بالمناسبة بالله تانى ركز لينا فى الزى الافريقي ( قشرتك عينة فى عرس ناس سلمى سلامه )
عجييييييييييييب
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
Quote: داليا والله جبتى المفيد ياخ وإستخدامك للمثل موضوع القانون رائع ... وإتطمنى أخوكى زول بيقدر يضغطو سياسياً مافى (زول فلوتر ساى) |
والله المثل عاجبني من اليوم داك وما لقيت فرقة أستخدموا فده كان مزاح ،..لكن بشكل عام زول يعتذر
بالصورة القاطعة دي أكيد عندو أسباب قوية يمكن تفهمها ..لكن مراجعة الناس ليك من عشمهم وبرضو
مشروعة ..
| |
|
|
|
|
|
|
Re: رئاسة بورداب الخرطوم (Re: داليا حافظ)
|
مراجعة الناس لكلامى مشروعة جداً يا داليا ... بس انا بفضل اشتغل من بعيد أسهل لى وأريح لى لظروف كتيرة مارة على. الله يديكى العافية يا داليا وشكراً كتير على التفهم.
| |
|
|
|
|
|
|
Re: رئاسة بورداب الخرطوم (Re: داليا حافظ)
|
.. .
Quote: انا لو بستسلم عشان كلام الزول داك ما كنت قعدت هنا ولا يومين. |
دى النجيضة زاتها الوصلتنى قالو العارف عزو كلام الزول ما بهزو ..
_________
لعلمك انور التكينة وذو اليد بصور وبحمضوا وبنشروا ( إن زا سيم تايم )
تكنلوجيييييييييييا
| |
|
|
|
|
|
|
Re: رئاسة بورداب الخرطوم (Re: Tabaldina)
|
يا بوبا شايف المثل عجبك شديد يا عمك .. وينك يا مان؟ ده الكلام السليم يا تبلدى وعفارم عليك (قوية عفارم عليك دى)
____________ اها قلت شنو يا تبلدى ... تستلم؟
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
Quote: يا بوبا شايف المثل عجبك شديد يا عمك .. وينك يا مان؟ |
مثل شنو ياخ...ده ما الحاصل ذاتو موجودين يا شول بس الزنقة والقرفة تسلم ولو قفلت معاك اقفل البوستات دي ذاتها وارقد نوم مافي حاجة بتستاهل لانو شايف نفسك زي قايم شوية.
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
.. .
Quote: اها قلت شنو يا تبلدى ... تستلم؟ |
بالبرادو ولا بدون .. انت عارف العربات الصالون دى ما بتتحمل السبلوقه وجناين الكدرو .. ولا الخرفان يا بورداب العضة والاكل _ كما قيل _
_________
شوف الزعيم السابق لو بقايض ووندفع ليهو فرق بستلم منك.. يا شول جرسة
قرقر قرقر قرقر
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
Quote: بستلم البرادو من السابق .. استلم والامورك كلها بتنجز بالتقسيط
|
يا عمك نحنا لسه ما جينا الخرطوم كويس وانت داير تمشي ...
كلام تبلدينا ده ياهو النجيضة ... ((( الرئيس بدون حديدة زي وهبة لما ياكل مديدة ))) ..او كما قالت داليا ...
على بورداب الخرطوم( بحري ) تدبير امر الحديدة للريس ...
يا عمك .. سير ونحن من خلفك ..
| |
|
|
|
|
|
|
Re: رئاسة بورداب الخرطوم (Re: فادية اليمني)
|
- العزيز جعفر إسماعيل الف شكر للتفهم. - الصديقة فادية بت اليمنى والله قدمينك لا حارات ولّ حاجة بس انا الحالتى صعبة.
لا يفوتنى أن اعتزر بشدة للأخ العزيز كمال سالم للخزلان الحاصل منى فى هذا البوست تقبل إعتزارى أخى كمال سالم.
| |
|
|
|
|
|
|
Re: رئاسة بورداب الخرطوم (Re: doma)
|
شول يا صديقي
ممكن ترجع لي الهدية الجبتها ليك عشان إديها الريس الجديد؟
_____________ سبحان الله ... ناس تكنكش في الكراسي بي كل طفاسة وناس تزوغ من الرئاسة بي كل لطافة
شكراً يا راجل يا جميل
| |
|
|
|
|
|
|
Re: رئاسة بورداب الخرطوم (Re: PLAYER)
|
Quote: ومن جانبي ارشح الأخ وهبة بالانابة عن الاخ العوض المسلمي لحين عودته من السفر ...................................... |
بئس الترشيح . ترشيح من لا يملك لمن لا يستحق.
قرارك صائب يا شول.
| |
|
|
|
|
|
|
Re: رئاسة بورداب الخرطوم (Re: شول اشوانق دينق)
|
شنو يا شول ؟ تخذلنا بالسرعه دى ومن أول أسبوع غايتو مباركتنا ماعافيناها ليك أعمل ليها shift لنجاة على الأقل يكفي إنها متحمسة جدا للرئاسة أكثر منك.
---------------------------------- عزرك مقبول لعلمى التام بظروف عملك
لك الود
| |
|
|
|
|
|
|
Re: رئاسة بورداب الخرطوم (Re: ماضي ابو العزائم)
|
- ماما دومه انا البارح كنت بتكلم مع ولدك الجنقو ده ... أها إتفقنا امشى ليهو اليومين ديل. عليه، ما تزعلى الله يرضى عليكى. - يا أمير هديتك دى ما بتترجع (مخلفات رئاسة وكده) ... ولو مصر بسحب الإعتزار طوالى وأبقى ماشى ... موت موت حياة حياة - والله يا نجاة الشغلة دى عاملة كيف كيف ... غايتو تعالى وانا عامل شتات. - الله يخليك يا عادل بلير ... أخوك جارى وجارين وراهو (سكسك شديد) - الف شكر يا دينق على مساندة قرارى. - يديك العافية يا أريا ... نجاة دى لو منى تكون رئيسة الجمهورية (ما عندى مانع) إلا شكراً على تفهمك للوضع الراهن عند أخوك. - والله يا ماضى إنت زول جنك زرزرة بشكل خرافى ياخ... هسع الخيط الفاتحو داك والله عشان أجيك إلا أمشى زيارة أقلاها غرب النوير عشان أجيب الأكيدة... غايتو بحاول أجى هناك بقدر الإمكان.
تحياتى وإعتزازى بكم جميعاً
| |
|
|
|
|
|
|
|