|
|
|
 Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: الرفاعي عبدالعاطي حجر)
|
التحية للجميع :
بدأ اللقاء بآي الذكر الحكيم قرأ الشيخ عمر بخيت الاب الروحي لرابطة ابناء كسلا .
ثم كلمة لرابطة ابناء كسلا بمنطقة مكة المكرمة كانت من الاستاذ صديق الامين .
ثم كلمة لبورداب سودانييزاونلاين والتي كان من المفترض ان يلقها العميد يوسف محم يوسف
وبرغم انني كتمت على الامر اتفاقاً معه ان تكون مفاجأة لكن لم يأتي ولم يرد على التفون
عسى الامر خيراً ياريس وفاتتك ليلة وانت القادم من السودان .
فكلمة للعمدة آدم شحوتاي الزعيم الكسلاوي الرجل الذي يستحق ان يُحاط بحب الناس فهو اهل ذلك.
ثم تناولنا العشاء وقاد هذا العمل لجنة مكونة من الزول الهميم الارباب نورالدين الفحل
وصديق رحمة النور والسماني مبارك وكان في الاتصال مجدي عبدالرحيم .... .. ... وقد خرج
الحفل في ثوب بهي ورائع التحية للجميع الاسر والتي شرفت لقاؤنا والاخوة في رابطة كسلا
والاخوة في بورداب سودانييزاونلاين ... شكرا للذين احيوا تلك الليلة وهم محمد عبــــاس ,
ناصر عدلان ,عبدالمنعم اورفلي , محمود مصطفى محمود , وفي ناصية الكلم البديع كان حسين
يوسف ومجاهد عيسى الذي شنف الاذان بحلو الافكار وهي تنساب في اسى لشحذنا بالهم العام
ومعاناة الوطن ومشكلات اللا استقرار برغم 54 عاماً من الاستقلال ... التحية للجميع والوفاء
دوما رمزاً لمسيرة الاوفياء .
......................................................................حجر.
| |
  
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: بشير أحمد)
|
الاخوة والزملاء
كم كان الحفل جميلا
بهيجا مفرحا
بشفاء العمدة شحوتاي وزواج الزعيم حافظ العشا
وكم كانت فرحتنا بوجود البورداب الجدد تسجيلات 2009 وعلى راسهم الريس ميسرة سيد احمد
ولم يخلو المكان من ريحة الجبنة الكسلاوية
بوجود الرابطة الكسلاوية المعبرة عن تمازج سوداني اصيل
وعلى راسها المناضل صديق الامين واعضاء الرابطة الكرام
وربنا يديم الافراح :
تسلل :
يا بكري ابوبكر (سيد الحوش) يا تجييب لينا ناس الرابطة ديل هنا او نخلينا نمشي ليهم
وحبيت عشانك كسلا
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: بشير أحمد)
|
احتفاء بشفاء شيخ العرب العمدة ادم شحوتاى كانت اهازيج الحضور تترنم بالحمد والشكر على عودة القلب العليل شبابا الى سابق عهدة على يد النطاس السودانى البارع الدكتور مشعل غندور وعلى ابلال البوردابى المخضرم محمد حسن العوض من الام الغضروف وتماثلة للشفاء ومنا كانت لة الدعوات الصالحات ببلوغ الصحة والعافية والتهانى البازخات تمثلن حاضرات من كل البورداب والحضور للوجية حافظ العشا بمناسبة عقد قرانة الميمون كانت ليلة ولاكل الليالى تمازج فيها البورداب وابناء كسلا خمرا معتق مذاب ورشفوا ودا وحبا صهباء مدهشة المذاق شكرا لكل الاخوة الحضور من هنا ومن هناك ولاسرهم على تطريز الليلة بالتواصل والتوادد السودانى الاصيل شكرا لقبيلة الموسيقين الذين دوزنوا الليلة باللحن والنغم الاخاذ.
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: ادم شحوتاي)
|
Quote: أهلي وعشيرتي الكسلاوية أشقائي واصدقائي مجموعة بورداب سودانيز اون لاين بجدة
السلام عليكم ورحمة الله وبركاتة
تظل الكلمات عاجزة وقاصرة مهما تجاسرت على لغة الضاد لأتي بما هو متاح من مخزوني اللغوي المكتسب والشحيح أصلاً لذا المعذرة أخوتي لأنني يعز علي أن أوفي بما طوقت به من كرم ونبل أشقائي في كلمات أملكها احساساً ولكن يظل ميلادها متعسراً فأقبلوا مني الإحساس وتجاوزا عن قصر هامتي في عكسه بغالب جميل تستحقونه جميعاً .. شكراً شكراً شكراً ..
شكراً دكتور مشغل غندر الذي مدني بالأمل من جديد وجعل حضوري حفلكم ممكناً بعد الله .. شكراً كل من مارضني وإطمأن علي حضوراً بشخصه أو من هاتفني متضرعاً لله طالباً الشفاء لي شكراً لكل من خط بقلمه داعياً بالشفاء .. شكراً لرفيقة دربي أم عثمان الذي تتولي رعايتي وتمدني بالأمل في باكر .. |
لو تجاسرت قليلاً لنظمت درراً واناشيد من روائع الكلم
حالتو دا من غير تجاسر ها انت تكشف عن شح وتختبئ وراء
انك ليس من اهلها وهاانت ربيبها ... تحياتي شحوتاي
لك وللاسرة كافة ولكل ابناء كسلا الوريفة وسودانييزاونلاين.
.......................................................حجر.
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: مجاهد عيسى ادم)
|
مابنسى ليلة كنا تايهين فى سمر
فنانو الليلة كانوا نجوما فى فضائات المناسبة نجم الغد محمد عباس حلاوة الصوت وروعة الاداء امتدادا للفنان الذرى الراحل المقيم ابراهيم عوض خير خلف لخير سلف واعد يرتجى منة الكثير.الشاب ناصر عدلان ريحانة الليلة ابدع وتنقل فى ربوع الاغنية السودانية وكان لة من كل بستان زهرة يانعة ساهم بصوتة الاسر فى تحريك العواطف فأهتزت الدارة رقصا عم الحاضرين شيبا وشباب. وانعقدت الحواجب دهشة بالذهب المجمر عبدالرحيم اورفلى وخرجت المشاعر جياشة مسقطة اقنعة التحفظ مع نور العين بلغ الطرب القلوب والعقول ومع تعريشة العنبة تراقصت الخطوات كل تسابق الاخرى فى وسط الدارة وبلغ الحماس اشدة مع نشيد اليوم نرفع راية استقلالنا وكانت الحناجر كلها سودان. مسك الختام كان قوسنا وسيفنا البتار حادى قبيلتنا البوردابية الصوفى : مصطفى محمود ( ود سيد احمد الحلم الاخر ) تحلقنا كالحيران حولة دراويش فى محراب ابداعة وهو الشيخ وسط اتباعة انجذبنا فراشات نحو الضياء ارتحلنا مع الخازوق وترانيم مطر عز الحريق واتوهطنا فى حما ضلنا وارتحلنا مع الطيور المابتعرف ليها خرطة ولا فى ايدها جواز سفر الى سماوات شوق يحفها النور والامل للة درك يامحمود ياشدوا فوق الوصف والخيال.
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: Mahmoud Mustafa Mahmoud)
|
شكرا 0000 اهلي وعشيرتي 000 وابناء بلدي 000 ودفعه خلوتي 0000
ابن الشيوخ وخريج تربية الاهل الطيبين 00 اهل الذكر 00 واللوح والقران 000 خريج جلاس بلد العمد والشيوخ 00 وحكام الضفه الشرقيه من الولايه الشماليه الرفاعي بن عبدالعاطي حجر 000 اهل بيت الحجراب 00 البيت الذي خرج منه العمده والشيوخ والاساتذه 00 المهندسين 00 والاطباء والضباط وخرجت منه،، من النساء من ربانا علي طاعه والدينا 000
ابن العمده صديق الامين 000 المتلقي لكل محتاج لخدمة بمدينه بجدة 000 سوا كانت مرضيه او غير ذلك ابن الاصاله السودانية 000 صديق الامين الذي بدء المشي وهو مستند علي كراب العنقريب اشتد ساعده وقدمه لكل مواطن سوداني لجأ اليه من الغرب والجنوب والشمال والوسط 00 واحتضن اهله اهل الشرق وزعموهو رئيسا علي تلك البقعه الغاليه علي نفوسنا 00 شامخ شموخ توتيل وبجانبه عمدتنا ادم شحوتاي
اهل كسلا الافاضل 00
زملائي في سودانيز اون لاين
دكتورجمال الباقر
دكتور سيف النصر
الاخ العزيز مجدي فضل
والاخ اساسي
الاخوه فايز القاضي قيقرواي 0-00 اسامة ياسين ابن الشرق ( الشقي) وبقية العقد الفريد 0000
ضيوفي 00 شقيقي محمود حسن العوض 00 واسامة مكي 00 وفارس يعقوب
شكرا لكم علي احتفالكم 00 ووقفتكم معي في مرضي وشفاي 000 الشكر لكل من وقف وسال عني 00 والشكر اجزه لاخواني بكسلا00 التي لاتنسي ابنائها 000 ولا العاملين بها 00 فقد بدءت حياتي العمليه بها
واخيرا اقول شفاء الله كل مريض وعافاه00000 وتعجز الكلمات ان تنقل من الكيبورت
| |
|
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: فيصل محمد خليل)
|
الشباب الجميلين
ادم شحوتاي ، حافظ العشا ،محمد العوض ، الرفاعي ، اساسي ،جمال الباقر ، محمود مصطفى، فايز ود القاضي ، كنجال ,الريس ميسرة"ريس الزقازيق" ، عبد الدائم سيداحمد ، قيقراوي الانيق ،احمد التجاني ،صديق رحمة ،نصر الدين عثمان ،مجدي فضل ,الشفيع و كل الحاضرين لكم الشكر على الليلة الجميلة التي اتحتوا لنا قضاءها برفقتكم.
___________________________________________________
معليش يا جماعة نسينا البوردابيات منى يونس و عرفة محمد سعيد من اجدع ناس.
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: جمال الباقر)
|
الـــــيـــوم نــــرفـــــع رايــــــة
اســـتــقـــلالــنا
ويــســطــر الــتــاريــخ مــولــد شــعـــبــــــــنا
غــــــنـــــــوا لـــــنــــا غــــــنـــــــوا لـــــنــــا
يــا نــيـلـنـا ..
يــا أرضــنا الـخـضـتراء يا حـقـل الـسـنا
يـا مـهـد أجـدادي ويا كـنـزي العـزيـز المـقـتـنا
يـا إخـوتـي غـنـوا لـنـا الـيـوم
كـــــرري ..
كــرري تــحــدث عن رجـال كـلأسـود الـضـارية
خـاضـو اللـهـيـب وشـتـتـو كـتـل الـغـزاة الـباغـية
والـنـهـر يـطـفـح بالـضـحايـا بـالـدمتاء الـقـانـيـة
مـا لان فـرسـان لـنا بـل فـر جـمـع الـطـاغـيـة
يـــا إخــوتـي غـنـو لــنـا الـيـوم
ولـيذكـر الــتـاريخ أبـطـلا لــنا
عــبـد اللـطـيـف وصـحـبـهو
غـرسـو الـنـواة الـطاهـرة
ونـفـوسـهـم فـاضـت حـمـاسـا كـالـبـحـار الـزاخـرة
مـن أجـلـنا سـادو الـمـنـون
ولـمـثل هـذا الـيوم كـانـوا يـعـمـلون
غـنـو لـهـم يـا إخـوتـي ولـتـحيا ذكـرى الـتـاريـخ
يــا إخـوتـي غـنـو لـنـا الــيـوم
إنـي أنـا الـسـودان أرض الـسـؤدد هـذه يـدي
مـلأى بـألـوان الـورود قـطـفـتـها مـن مـعـبـدي
من قـلـب إفـريـقـيا الـتي داسـت حـصـون الـمـعـتـدي
خـطـت بـعـزم شـعـوبـها آفــاق فـجـر أوحـد
فـأنـا بـها وأنـا لـها
وسـأكـون أول مـقـتـدي
يـا إخـوتـي غـنـو لـنا الـيوم
فـداً لـعـيـني طـفـلـة غازلـت دمـوعـها حـديـقـة في الخـيـال ..
شمـسـك في راحـتـها
خـصـلـة طـويـلـة مـن زهـر الـبرتـقـال ..
والـنـيـل ثـوب أخـضـر
ربـما عـاكسـه الـخصــر
قليلاً فمال
يا شرفة التاريخ
يا راية منسوجة من شموخ النساء
وكبرياء الرجال
وكان اورفلي في غناء وطني عن الاستقلال وفي محراب العشق الابدي لوطن النجوم
ابدعت يا اورفلي
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: جمال الباقر)
|
الرفاعي شكراً علي البوست الجميل...
أحتقال أنيق يشبه جمال أهل كسلا و يليق بنضاره التاكا و توتيل..
حمد الله علي السلامة أدم شحوتاي...
أيامك أيام يا فائز تاني ما بترجع أبو خمسة والمربعات ليك وحشه والله..
وين صاحبك العريس خالد عبدالماجد ماباين في الاحتفال.؟؟.. قول ليهو ألف مبروك وبيت مال وعيال..
صديق رحمة..تحياتي ولفتة جميلة وحضور مشرف ..أولادنا فائز وخالد أبقي عليهم عشرة ما نوصيك خاصة من الكشات و سوق جدة وسلم لي سلام خاص علي الخال قرقا وصلاح الامين...Quote: صديق الامين ... من منا لايعرف صديق الامين السوداني الاصيل صاحب الدار المشرعة للسودانيين بمخنلف وجهاتهم وسحناتهم .. مكتبه مفتوح دائما لمساعدة السودانيين ... شخصية اجتماعية نشطة جدا
شكرا صديق على كل شيء |
يااااااه والله زمن يا خال...
الزول د خالي يا جمال..ونحن بناديهو الشفيع وأنا طبعاً شهادتي فيهو مجروحه ربنا يديهو الصحة والعافية بالله وصل ليهو سلامي وأشواقي الحاره..
تحايا خاصة لناس كسلا الجميلين وربنا يديم الافراح...
| |
|
|
|
|
|
|
|
|
|
Re: وفاءً وعرفاناً توأمة بين رابطة ابناء كسلا وبورداب سودانييزاونلاين جدة (صور بلا حدود) ... (Re: ميسرة سيد أحمد)
|
Quote:
جمال السنوسي عازف على آلة الأورغن ،،، ناس الهلال يسجلوا لاعب جديد في فرقة الموسيقى والمسرح |
الريس ميسرة
يازول
هي جنس مزيكة الجماعة ديل مزيكة
وكدي اسال الفنان ناصر عدلان عنهم
من الله خلقني ما شفتي لي عازف اورغ ما حافظ ميلودي لا بعرف سلالم
الدنيا ما معروفة
يمكن يوم ننزنق في حتة
ونعزف نشيد العلم
عشان كده الواحد بيتعلم كل حاجة
ويتدخل في الوقت المناسب
وبالذات لو كان ( اليوم نرفع راية إستقلالنا)
فما بالك في بكرة مع الوحدة الطوعية او الانفصال القسري
| |
|
|
|
|
|
|
|
| |
الرفاعي عبدالعاطي حجر
جمال الباقر
عبدالرازق الطيب يس
قيقراوي
نصر الدين عثمان
ادم شحوتاي
أمين محمد سليمان
عبد الدائم سيد أحمد
نورالدين الفحل
بشير أحمد
جمال السنوسي
كمال ادريس
أحمد طه
جعفر محي الدين
Sidig Rahama Elnour
فايزودالقاضي
مجاهد عيسى ادم
Mahmoud Mustafa Mahmoud
محمد العوض
فيصل محمد خليل
ميسرة سيد أحمد
تولوس
محمد الشابك
ايهاب اسماعيل
فيس بوك
تويتر
انستقرام
يوتيوب
بنتيريست