|
مصلح الفكي - ود الجزيرة أبا / عضو جديد لينج بحوش بكري - هل من مرحب
|
بركات الجميل بكري ابوبكر لاحت وبانت بظهور ولدنا الأنيق مصلح محمد
أحمد الفكي - فأهلا بك ابن الخال العزيز و الدار دارك أبقى لى قدام
اتفضل جوه من الراكوبة ، يا ناس البيت ودالفكي بسلم عليكم .
يا ولد جيبوا الشاي والقهوة و كلم اخوك خليه يجيب العتود من
الزربيه و كلم ناس عمك ود الرضي و عمك صديق آدمو عمك ياسر حران
و خالك عصام الهادي خليهم يجونا بجاي في الخلوة القدام و قول
للبتول تقشها و تفرشها وتخت البساطة الكبيرة بتاعك جدك ود ايدام؟
|
|
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: موسي عيسي)
|
ود الفكي سوف اكون اول المهنئين بالبوست وكذلك بالعام الجديد
نسأل الله ان يجعله عام خير و سعادة للجميع و للسودان عموما
ألا أيها الساري بليل يقول الشعر واشتاقت خطاه ألا بلغ كريما جاد دوما بكل الود وابتسمت شفاه بأن القلب يقرؤه سلاما يهنئه بعام قد أتاه ألا يا رب فامنحه قبولا وبدد حزنه وأجل عناه
و أيضا نقول : Words begin with A B C Nucber begin with 1 2 3 Music begin with Do Re Mi But true love begins wiht U and !!!Me "HAPPY NEW YEAR"
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: موسي عيسي)
|
Quote: الأخ محمد زكريا ود الغار (غار المهدي ) |
الاخ موسي شكرا علي الكلمات الطيبه انا ليس من الغار ولم اعيش في الجزيره ابا, لي اهل معارف ونسابات اهل في حي بني حسين والتمرين وود الرداع وجنوب السراي واذكر كنت في الاجازات نذهب الي النيل الابيض في الغار والجاسر.وناكل السمك عند صالح صبوره, وجنائن طيبه والمانجو الجزيره ابا جميله واهلها طيبون زرتها في عيد الاضحي وجدتها ليست كما كانت..... اكتب كثيرا عن الذكريات فيها شكرا علي الايميل ساراسلك
مع تحياتي
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: محمد زكريا)
|
يا محمد زكريا حيرتني قلبي ؟معاك زول بهذه المعلومات و اخص
بذلك انسان يعرف ترعة ود الرداع وحلة بني حسين دي مش
زيارات بس دا انت الظاهر صيدت السمك في الجاسر و شركت
الطير في جنوب الترعة و لعبت الكمبلت في قدام الجنينة
و شربت الشاي بالحليب في قهوة نوكدي وحضرت الكورة في الميدان الشرقي
و كل هذه الذكريات الحلوة بابا الطاهرة عموما مرحب بيك ان
كنت زائرا أو سيد بلد فموطني الجزيرة ابا يسع الكل و يعز
الجميع لانه متنوع يحوي ناس من نمولي لحلفا ؟
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: موسي عيسي)
|
أجمل ما يأتي بعد طول انتظار .. هو التقدير من الناس ..
كنت طيلت الثلاثة أو الأربعة سنوات الماضية متصفحا جيداً ومستمتعاً بهذا الصرح الجميل فالشكر والتقدير للمهندس بكري أبو بكر كما أنني فخور خالس بأن يأتيني التقدير من شخص تشرفني قرابتي به , أحرجني وأسعدني بهذا الكم الهائل من الكلمات الرائعة المعبرة وبأسلوبه الرقيق .. شكراً ود الخالة موسى عيسى .. وأرجو أن اتقدم بشكري الجزيل وأمتناني للاخ زهير الزناتي وكل ناس الزقازيق.. ثناء وشكر خاص جداً للأخ العزيز محمد زكريا ..
وين البقية الباقية
محبتي ... أخوكم / مصلح الفكي
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: الصادق خليفة)
|
لكل الكريمات و الكرام الذين شاطروني بالاستقبال والترحاب , اتقدم برساله شكر وحب وتقدير.
عبد السميع دفع الله ، عماد الدين عبد الله ، baha eassa ، د. يوسف محمد طاهر ، هدى عبد المنعم ، زهير الزناتي ، فضل الصادق ، الصادق خليفة
نحن اهل الفرحه جينا لاالمدامع وقفتنا ولاالحكايات الحزينه لما درب الرايحه جابنا جابنا في هادى المدينه ياولدى الدروب شقاقا بحر التيه ليك درب ولا دربين مساك الدروب ضهاب ليك قلب ولا بالين وسواى القلوب كضاب ليك ضهر ولاسرجين ركاب السروج وقاع شق ياولدى بحر التيه بتتدردر وتتودر ولامن يوم علي تايتنا ديك ترسي نعزك بالقبيل داخرنو ليك الشوق بحر ياولدى بحراً تيه قت ليك العليك ادرابو لا تنغش ولا ترضابو لاتنغش في الزمن الزميم والكي يسوقو خلاف عشان الني عليك الدور وتصريف الليالي بدور تشيل ما شلنا من الهم ولا من دمعه ترمي الدمعه فوق دربك روح يابا .. وابق قفاك لاتعاين ولاتعاين علي موطاك ولا تندم علي خطوا تملي مشيتو لى قدام وابقي العاتي زى سنطتنا زى صبرا نلوك فوق مرو زى الزاد لاشيتاً نزل في الجوف ولابرجع ولا بنزاد واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلما بجيب البر ولا حدود وان بليتا اختا الرمله ما تقع البكان الهش هي الممطوره مابتبالي من الرش النعمه بتعرف عاطيها والجمره بتحرق واطيها بالكيله عطانا و ما لقينا فوق جمر خطانا وما لقينا يوم الوعد... ياحليوه فيك الدنيا ما كانت شروق الا الارض متكشفه متبلمه مع انو من خير الخريف لافحالها شال منطرحه خضرا وفرحه دوب تتشابي لي عين الشمس من بت حليوه النفس بيضا كذا الحليب والروح مشحتفه في البلود الفيها ريحتك للبعود من فزعة الغربة البساسق فوكا مو راجع ولا بالحيل قريب الروح مشحتفه في الحبيب القلب بكر الدنيا ما شافت جديدو ولا الحزن دقالو باب وشفتي كيف يوم الوعد كيفنو مترامي الغمام والقمري زغرد للبلوم النسمه هبت مرتين يا حليوه يوم دقيت بارضك فاس خصيب والتانيه في يوم الوعد والايد تسالم في الايدين والام تقالد فوق جناها تشمو زين وحليوه صاحيه حليوة ضاحيه كذا النسيم والدنيا غيم وحليوة جد جد ياولد قول للبلد قايل غناوي الحزن ليش شايل مساديرك مجامر دمع ليش ليش يا بلد والناس تريد والدنيا كل ما نريد تزيد تملا الايدين تفرح تهش لو صحيح غنينا بالدمعه الحميمه ولو دموع الفرحه ما لاقت غنانا بكره نرجع تاني للكلمه الرحيمه شان هنانا شان منانا شان عيون اطفالنا ما تضوق الهزيمه
الشكر للشاعر محمد طه القدال
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: مصلح الفكي)
|
عبدالسميع اللميع تشكر على الترحيب و انشاء الله يكون المصلح
في مستوى المطلوب في ساحة الحوار - لك شكري !
الجميل ولدنا عماد الدين عبدالله نقدر مرورك و نرحب بيك و بنسأل
عن أرضيك فلك الشوق و عاطر التحايا.
الاستاذ / بهاء عيسى - لك تقديري يا ابن عيسى علي الترحاب بالمصلح
و مزيد من التعاون انشاء الله - لك ما تتمني بالعام الجديد ؟
د. يوسف محمد طاهر - أهلا بيك دكتورنا العزيز و ما عدمناك !
الاستاذه / هدى عبدالمنعم - كل عام و انت و جميع بنات حواء بألف
خير و نثمن مرورك و تهنئتك بابن الخال والخالة .
ود الزناتي أنت عزيز و كبير عندنا أوي أوي و كما قلنا سابقاأنت
فيض من جمال و شهامة فلك الشكر حتى ترضى !!!!!!
الكريم فضل الصادق عاجزين عن الشكر بترحيبك بأخي مصلح الفكي .
الصادق خليفة أيها الحبيب مشتاقون و لك المودة على المرور و أنت
أهلا للشكر .
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: الطيب رحمه قريمان)
|
على طريقة ابو كجنكي مسمار الزنكي
أنا لا أرحب بمصلح الفكي هنا لأنه يأثر على قلمه الفاعل بمنتديات النيل الأبيض مثلما إنزوى بعضهم (عبد العزيز عيسى، آدم صيام، الطيب قريمان الخ..). على سبيل الذكر لا الحصر.،
.. ..
أها يا مصلح.. مرحباً بك في حوش بكري قلماً فاعلاً ومتزناً. .. ..
قبل الخروج: موسى عيسى.. يا أخوي إنت منو.. باقي لي ناس الجزيرة ابا ديل أعرف فيهم كم شخص بإسم موسى عيسى.،
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: عبد الحفيظ عباس)
|
الاخ عبد الحفيظ عباس
يا أخي والله عقدتني عديل كدا ، تجيني عائم عشان ترحب بي والله دا شرف ما بعده
عموما تجي وتلقانا نحن يا نحن فارشين ليك الارض بالزهور ، وتستقبلك جموع أهل أبا بمدينة طيبة الجميلة ونقدم ليك طبق من صنوف الفواكه من انتاج جناين طيبة الوارفة ونسيرك في موكب ضخم حيث يقف على الشارع يهتفون مرحبين بك أهل طيبه ، الحلة الجديدة ، ابونكوم ، المناره ، تكسبون ، حلة نصر الحلة الجديدة ، دار السلام ، أرض الشفاء ، حلة زغاوة ، حي ميما ، حي فلاته ، وحي حمر ، و الصعدا ، والعقليين ومن ثم ندخلك جامع الكون تصلي العصر وتجلس في حلقة راتب الامام المهدي حتى قبيل الغروب بعد داك يبدأ البرنامج الليلي .....
أتمنى لك الصحة والعافية أخي عبد الحفيظ
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: مصلح الفكي)
|
نبدا بيك يالطيب اسما على مسمي و قرمانين ليك كتير يا ود القيقر
بلد اهلنا الطيبين والحلوين فانا من المتابعين و المعجبين ببوستكم
عن تلك المنظقة الطيبة وكل مناطق أهلنا المهمشين في بقاع السودان
الحبيب و اخص بذلك اهلي جنوب كوستى شرق و غرب النيل الابيض .
فلك التحية اخي الطيب و نامل تواصلك معنا من اجل عمل جبهة عريضة
لأهلنا الغلابة في المنظقة فنحن في انتظارك . و دمتم .
العزيز الهاشمي لك التحايا و تقبل جميع اهلنا بابا الطاهرة و حي
العقليين و انت معزوم عندنا وجبة سمك في حييكم عند( فحمكو) موعدنا
في اللفة منتظريين ؟ هل الاخ - اخينا الصادق محمد نور الهاشمي يقرب
ليك إن كان فبالله عنوانه لو امكن ؟
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: موسي عيسي)
|
الحبيب عبدالحفيظ عباس الشوق بحر و جناين لكن المسافات
هي التي تبعدنا عنك فلك التحية على المرور و الترحاب
و ازيدك من الشعر بيت مصلح الفكي شقيق حامد محمد احمد
الفكي خريج تجارة اسيوط و كذلك شقيق صلاح محمد احمد الفكي
خريج اقتصاد بنغازي .
و يا حبيب عارفك تمساح دميرة لكننا مدخرينك لحوبتا كبيرة
تسلم .
آدم محمد اسماعيل النور ( الهلباوي ) لك التحية على الترحيب
الحار بولدنا المصلح تشكر على ذلك و خلينا نشوفك حتى لو برنه
قول أحبك ؟ تقبل تحايا الحبيب حامد التجاني هنون ؟
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: الهادي محمد ابراهيم)
|
الاخ الكريم ، الهادي محمد ابراهيم
السلام عليكم ورحمة الله وبركاته
أولاً لا اخفيك أنني مشتاق لك كثيراً. وبالرغم من فرقت الايام لنا إلا أنني ظللت طيلت هذه الفترة أسال عنك وعن اخبارك من الشيخ الهادي عيسى سبحان الله الحي بلاقي وربنا يجمع بيننا ان شاء الله
أشكرك بتعطيرك هذا البوست الترحيبي بباقاتك الرائعة من الكلمات .. وإن شاء الله نفيد ونستفيد
لك مني أجمل المنى وأزكى التحيات والمحبة وسلامي الى اسرتك وجميع أهلي بشيكان وخاصة الاخ الدكتور النور
أخوك مصلح الفكي
| |
|
|
|
|
|
|
Re: مصلح الفكي - ود الجزيرة أبا / عضو جديد لينج بحوش بكري - هل من مرحب (Re: الهادي محمد ابراهيم)
|
Quote: اخوك الهادي ود شيكان... |
أخي العزيز أبو صائب قد اصبتني اللحظة في مقتل ! يا شقى
الحال وينك انت و وين اراضيك أغرب حاجة كنت الآن في مكالمة
مطولة مع دكتور شريف و كنا في سيرتك قبل اسبوعين هنا في الرياض
يحي العظام و هي رميم ؟.
عمي الهادي كيف حالك و ليك و حشة و الله لو ما التعريف الاخير التحت
بتاع شيكان دا ما كان عرفتك طبعا اخوك خلاص بقي جلك و الذاكرة
اكل منها الدهر و شرب و بعداك عرجت على البروفايل بتاعك و لقيت
اولاد ناصر والمرابيع و شفت صورة الشفت عرفت الشكل دا من إندنا!
فكيف الحال والاحوال فآمل التواصل عبر الايميل في المداخلة السابقة
و كمان والله بقينا شلة لا يستهان بها .
عموما مصلح الفكي دا ود خال يوسف عيسى صافي الدين ؟ ووالدته قمر
الحاج ايدام ؟ وهو بطرفنا بالرياض و تقبل تحايا الجميع .
رسل لي عنوانك بريدك الالكتروني لأني ما وجدته في البروفايل ؟
| |
|
|
|
|
|
|
|