|
دعوة لبورداب الخرطوم من الزميلة سلمى الشيخ سلامة
|
الزميلة والصديقة العزيزة سلمى الشيخ سلامة تحتفل مساء غدٍ الاثنين باكتمال مراسم عقد قران كريمتها عضوة البورد عزة جعفر (سوميتة) على الزميل البوردابي على طاهر وذلك بمنزلهم بأمبدة الجميعاب ألف مبروك
____ سأفيدكم لاحقا بالوصف الدقيق للمنزل
|
|
|
|
|
|
|
|
Re: دعوة لبورداب الخرطوم من الزميلة سلمى الشيخ سلامة (Re: نادية عثمان)
|
Quote: الزميلة والصديقة العزيزة سلمى الشيخ سلامة تحتفل مساء غدٍ الاثنين باكتمال مراسم عقد قران كريمتها عضوة البورد عزة جعفر (سوميتة) على الزميل البوردابي على طاهر وذلك بمنزلهم بأمبدة الجميعاب ألف مبروك |
Quote: الجدير بالذكر : ان عقد القران تمّ نهار الجمعة 1/1/2010 الف مبروك للعروسين وبيت مال وعيال |
Quote: بعمل في كروكي وبنزلو بعدين لمن يود الذهاب غدا والليلة الكبيرة يوم الاربعاء بإذن واحد أحد وربنا يتمم بخير |
عزوز صديقتى وعلى طاهر صديقى وحبوبه سلمى الف مبروك وبيت مال وعيال ربنا يهنى العرسان وياسلمى يحضرك عرس وليداتهم كمان.
وهبه يا اخوى تانى ماتكتب بعد تضرب الشامبيون ده!! هسه انت كتبت كل الكلام المكوت ده يعنى الناس كان مشت ودرعية وشالو الفاتحه مع سلمى والا قالو ليها طهور الاولاد مبروك والا حج مبرور مفروض ما تلومن هسه نمشى المسلميه؟ والا نمشى ام بده؟ والا الشكابه شاع الدين؟؟ ونمشى يوم الاتنين والا الجمعه والا الاربعاء؟؟ عبد الزهاب يا اخوى الله يصلحك صلح البوست دهـ،،،،
| |
|
|
|
|
|
|
Re: دعوة لبورداب الخرطوم من الزميلة سلمى الشيخ سلامة (Re: صديق الموج)
|
Quote: وذلك بمنزلهم بأمبدة الجميعاب |
ياودالموج لقيتك هجّاااام ورجّاااام ياخي كلامي واااااضح ولا لبس فيه يوم الاتنين في امبدة الجميعاب ودي حاجة كدا للبورداب والاصدقاء يعني بورداب وصحفيين وناس اذاعة وقدامى المحاربين وانا ذكرت الكلام دا في أول مداخلة ... أهاااا ياعمك يوم الاربعاء تاني في كركبة ودا الزفافبالنحوي كدا او الدخلة عشان تفهم انت وكوستاوي ومن لف لفكماوكان في سنكما وعند المصريين تسمى الليلة الكبيرة والكروكي هو الكروكي الواحد دا للوصف للداير يمشي بكرة الاتنين او يوم الاربعاء او الاثنين معاً خلعتني لاكيين
| |
|
|
|
|
|
|
Re: دعوة لبورداب الخرطوم من الزميلة سلمى الشيخ سلامة (Re: عبدالوهاب علي الحاج)
|
Quote: ياودالموج لقيتك هجّاااام ورجّاااام ياخي كلامي واااااضح ولا لبس فيه يوم الاتنين في امبدة الجميعاب ودي حاجة كدا للبورداب والاصدقاء يعني بورداب وصحفيين وناس اذاعة وقدامى المحاربين وانا ذكرت الكلام دا في أول مداخلة |
وهبه يا اخوى الله لاحضرنا خرفك يازول لاشرحت شى لا فى اول مداخله ولا فى اخر مخارجه انا مصر يا اخوى بالله قعد لينا الكلام ده وانا مالى ومالهم ان شاء الله يروحو بورداب الخرطوم ديل جنهن ملمات وحفلات ومهيصين على طول الله يجمعكم فى الخير,, طارق جبريل وين،،،
| |
|
|
|
|
|
|
Re: دعوة لبورداب الخرطوم من الزميلة سلمى الشيخ سلامة (Re: صديق الموج)
|
Quote: وهبه يا اخوى الله لاحضرنا خرفك يازول لاشرحت شى لا فى اول مداخله ولا فى اخر مخارجه انا مصر يا اخوى بالله قعد لينا الكلام ده |
ياود الموج يا اخوي يمين الخرف ما فاتك شبر كلامي دا من شدة ما واضح لمن انا ذاتي متحير كيف انا بوضح كدا دا كدي براحة وريني انت ما فاهم شنو وانا بوريك ودا ملخص تاني لو ما فهمت خلي دينق يشرح ليك : العقد كان يوم الجمعة الفاتت كويس معاك اهاااا بكرة الاتنين في احتفال صغير كدا للبورداب الخ يوم الاربعاء الحفلة الكبيرة اي الزفاف الما مفهوم هنا شنو ؟ حسبي الله ونعم الوكيل
باخ انت ذاتك ما بورداب خرطوم هسه انا في عرس بتك في الرياض قلت ليك وصف لي ... وتيب !!!
| |
|
|
|
|
|
|
|