|
|
 الراية البيضاء ....
|
ان تجلس على "بنبر" فى رحراحة و يضرب "رقراق" الشمس وجهك يمنة و شمالا ...
و على نافوخك التى يتصبب عرقا و يتنتقل الجميع من ظل الضحى الى ظل الظهر ...
و لا تستطيع البعض تحويل بنابرهم التى كانوا جلوسا عليها...
إلا بعد انات و اهات تخرج مثقلة من صدرهم و كروشهم التى ملئت تمامابالمربسة ...
و الذباب يأتيك من كل كوشة قد خلت من الفطاسي سويعات مضت ...
و بعد ذلك تاتيك " التومة" ست الانداية ...
و هى تتبختر فى تثاقل مقصود يدل على الفتونة و القدرة على ضرب و سحل كل هارب من دفع سعر العبار و هى ترتدى فستان مختلف الوانه , و على جانبيه جيبان كبيران لتضع فيهما ما تتحصله من قروش ... و يهمس أحد الجلوس ... هيييع عضات تبش ... !!!
و تنادى التومة بأعلى صوت لها لفتاة تعمل معها و ذلك لتقدم للزباين مزيدا من المريسة ...
او "المريسة بيضة"
او "العسلوب"
او "الكانجى مورو" الذى صنع من سمسم هذا الموسم ...
والناس من حول الانداية أفرادا و جماعات ...
فمنهم الصامت الذى لا يريد حديثا لانه استوى الى اخره...
و قد سكر حتى الثمالة و يريد من يتجرأ ليقول له كلمة ...
و على الطرف الاخر من الانداية مجموعة من الشباب الذى قدموا من حصاد السمسم لتوهم ...
فهم لا يكفون عن الكلام و الحكايات التى مرت بهم و هم فى "الكمبو" ...
و الكمبو هو القطاطى التى يسكنون فيها أثناء موسم الحصاد فى المشروع الزراعى ...
و الكلام يكون تارة خفية و من بعده تأتيك الضحكات الخبيثة ...
و فجاءة و بدون مقدمات و بكل جراءة يقف أحدى ليحكى نكات عن غفير المشروع الذى وثق فيهم فضحكوا عليه و اطعموه معهم لحم البعشوم تارة
و تارة اخرى لحم المرفعين
و من لحوم الطير المشوى شاركهم فى اكل لحوم...
الحبارى و الصقور و الغربان
و ينفجر الجميع ضاحكا حتى يقع البعض منهم على قفاه على الارض من شدة الضحك ...
فينهض شاب يعتمر عمامة و بيده عكاز مضبب ...
و ظن البعض انه سوف يحكى نكات مثل الذى سبقه ... !!!
فتخرج الكمات متلعثمة من فمه الذى لا يستطيع التحكم فيه ...
لا لسكر بين و لكن لغضب قد سيطر عليه ليقول ...
اتقو ا الله يا جماعة الخير كيف تأكلونى الحم الحرام ...
و أنا كنت امامكم وبصلى بيكم الفجر حاضر ... !!!
نواصل
|
|
 
|
|
|
|
|
|
|
 Re: الراية البيضاء .... (Re: الطيب رحمه قريمان)
|
و انبرى لهم واقفا فى خطبة عصماء تخللها كثير من آيى القرآن الكريم و الاحاديث ...
و الجميع فى صمت رهيب دون ان يحرك أحد منهم يدا وقدما او حتى يتنحنح جبرا او اختيارا ...
و قد اجهش الكثيرون فى بكاء عميق دون ان يسمع لهم صوت وقد تحولت عيونهم مثل عيون الديكة تماما لحمرتها و الذى زادها احمرارا السكر الذى بدا واضحا على بعض منهم ...
و مما قال :
يا أيها الناس من تاب تاب الله عليه و تعلمون ان خير الخطاؤون التوابون ...
فتوبوا الى ربكم فانه غفار ...
ثم صمت الخطيب برهة و قال لهم فى صوت رخيم بعد ان عدل عمامته و وضع عكازه جانبا :
يا أخونا بلبدى كده الله كبير و غفار و رحيم ...
ثم تلفت حوله فراى أحد البنابر و قد خلى ...
فجلس وأمسك يداه حول صدره و تحلق الناس من حوله فقال لهم :
الله كريم و رحيم و بعدين أنا ما زعلان منكم...
و أنتو عارفيم الكاتبا الله فى الحجر بتقوم...
و كل شيئ قسمة و نصيب ...
و الفات مات...
و ياالله جماعة الخير نبدأ صفحة جديد...
من هنا و لقدام من غشنا ليس منا
هسى الزول الفيكم الشبع صحى صحى منو ...؟
فلم يرد عليه أحد فواصل الخطيب كلامه ...
و تقدم اليه أحدهم و وسوس اليه فى اذنه :
يا مولانا حاجة التومة دى باين عليها حاتعمل عنكبة ...
فطأطأ راسه ثم نهض و نادى باعلى صوت :
يا حاجة التومة تعالى أنت و كل الناس المعاكى فى الراكوبة يجو برة هنا ...
و اسمعو كلامى و بعدين أحكموا عليه ...
فتقدمت حاجة التومة و من حولها عدد من الزباين الذين لم يعجبهم كلام مولانا ...
و يتمنون ان لو حاجة التومة فلعته فى راسه حتى يدمى ...
فقال احدهم بصوت عال:
عشان يجى البوليس ...
و تكون المحكمة يوم الاثنين الجاى ...
و ينجلد مولانا قدام كل الناس عشان يبطل دجل ...
فصمت صاحبنا فجاءة ... !!! لما رمقته حاجة التومة ...
فقال الذى بجواره : امك تانى تجى المولد ...
أما التومة فقد امتلاء وجها إبتسام بمكر و خبث و دهاء ...
يرسل رسالة مبطنة الى مولانا و قد أدخلت كلتا يداه فى جيبى القمص اياه ...
و قد ملئيت جيوب بقروش لا حد لها ...
أها يا مولاى فى شنو ... ؟ و شن بيدور ... ؟؟؟
فرد عليها بصوت صارم أنت يا حاجة التومة عارفة معنى الكلام ده ...؟
و تلى عليها الاية التالية :
( يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ)
نواصل
| |
|
|
|
|
|
|
|
|
|
Re: الراية البيضاء .... (Re: الطيب شيقوق)
|
"سمى" المستشار الذى يشار
Quote:
يا مسنوح انا الكلام كان تجاوز سطرين ما بقراهو
جيت اسلم عليك ساى واقبل عولي |
أها يا أخوى عشانك قسمنا النضمى ده ... !!!
كده رايك شنو ... ؟؟؟
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
ضاقت حاجة التومة زرعا بالتطويل الذى يفتعله مولانا و كان ذلك واضحا من وقفتها ...
حيث مالت الى اليسار و بدأت تهز راسها بالتزامن
مع الجزء الايمن من جسدها و يدها على مقربة من فمها ...
و فى هذه الاثاء وضح لمولانا ان حاجة التومة و رجالها سوف يفتكون به ...
اذا أصدر فتوى بحرمة الكانجى مورو على وجه التحديد لانها التومة هى المتخصصة الوحيدة فى صناعته دون نساء و شيخات الجو ... و ان الذين يردون الى اندايتها أناس من مختلف المشارب و يدفعون ما تطلبه دون تردد ...
و فى هذا الجو المشحون يردد مولانا فى نفسه :
اللهم كما انقذت نبيك يونس من بطن الحوت ...
فانقذنى من شرور حاجة التومة و رجالها ...
و لا تخذلنى ...
لا ملجاء اللهم إلا اليك ...
يا فراج الكرب ...
و كما نجيت يارب ذلك الو القنفد من الذبح ...
حينما قرار عدم الهرب من الموت ايمانا منه بان
البتقع من السماء بتلتمها الواطة ...
و قال القنفد كما روت لى جدتى ...
" سلة السكين ليها مئة فرج "
فاسألك ان تفرج عنى يا الله .
و فجاءة ظهر "الكومر" و من على ظهر جاء صوت الشاويش أحمد الاجش ...
يالله اى واحد فيكم ينكشح و يشوف ليه شغلة ...
و عادت حاجة التومة الى داخل الراكوبة و قد نفد مولانا من اصدار تلك الفتوى
التى كادت ان تخرج من صدره ...
و التى كانت سوف تطيح بسمعته
نواصل
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
بعد ذلك توجهت حاجة التومة الى مقرها و تملؤها نشوة الانتصار على مولانا
الذى كاد أن يطيح بها و بمصدر رزقها و طلبت من يريد البقاء فى انديتها
ان يدخل الراكوبة و إلا سوف تقوم بضربه فاستجاب ما تبقى من الناس و دخلوا
الى الراكوبة الكبيرة الحجم و التى تقترن بالكنك الذى يصنع فيه الكانجى مورو
و قبل ان يمضى وقت طويل سمع صوت أجش و عالى :
أها يا التومة كيف كده تمام حليتك من الفكى ...
يا لا ادينا حقنا ...
تستهال يا الشاويش أحمد ...
و طلبت منه الجلوس فى بنبر حتى لا يرى بزيه الرسمى و هو يحتسى الكانجى مورو ...
نواصل
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
وبحضور الشاويش أحمد دار حوار بين الحضور :
بالله خلينا من حكاية مشروب السمسم ده و شوفوا لينا حاجة ثانية ...
كلامك سليم يا أبوها ...
العديل رائ و الاعوج رائ ...
يا اخى أتكلم كويس ...
عديل شنو و اعوج شنو ... ؟
كلام بتاع فلسفات بتاعكم ده ...
خليوه لبنات بتاع مكتب بتاع ما هنا ...
و حيرتونا ... !!!
الواحد ما يقول كلمة ...
بس تنطو فى حلق بتاعو ... !!!
يا أخى أنت قائل الكديس ده حلال و لا شنو ؟
كديس بتاع سنو يا زول ... ؟
و الشية ده بتاع شنو يا ود العم ... ؟
و يجابهه آخر بضحكة ساخرة و رد فى المليان
اكل و بس يا عمك ... و لا يهمك
ما كله حرام فى حرام ...
كيف لكن ... ؟
كيف ... ؟ ههههههههه
" و بالتتحنطرو من الصباح ده كان حلال "
"الكونق" ده ... كان حلال ...
ما كله حرام فى حرام ...
و يأتى صوت من اقصى ركن فى الراكوبة التى تكتظ بالناس
يأخى بطل ...
أنت لو كنت عاوز حلال و حرام الجابك هنا شنو؟
نواصل
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
و بدون مقدمات يرفع أحدهم عقيرته بصوت ندى مغنيا :
و فى الضواحى و طرف الانادى ..........
يالا نشرب............. دقة الصباح
و كان شربنا بنشرب مرايسسسسسس
و كان الكلنا بنأكل كدايسسسسس
و كان عشقنا... بنعش عجااااااااااااائز
و فى الضواحى و طرف الانادى
يالا نشرب ... دقة الصباح
يردد الحاضرون بصوت واحد من بعده المقطع تلو الاخر ...
و كان شربنا بنشرب مرايس
و فى المرايس الدقة التقيلة
و فى الضواحى و طرف الانادى
يالا نشرب دقة الصباح
و كان اكلنا .... بنأكل كدايس
و فى الكدايس .... القطط السمينة
و فى الضواحى و طرف الانادى
يالا نشرب دقة الصباح
و كان عشقنا... بنعشق عجائز
و فى العجائز .... الجقق الكبار
و فى الضواحى و طرف الانادى
يالا نشرب دقة الصباح
و تنطلق زغرودة حادة و عالية من حاجة و التومة و اخريات ...
نواصل
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
يا سلام يا قريمان والله قريتها من التاية لحدى وكان عشقنا بنعشق ...
ذكرتني ناس التاية الذين يجيدون سبكات السمك الكوركي بالبني كربو والله يا الطيب اخوى حلوة حلاة تاكل فيها نامن راحات كرعيك يعرقن وتقوم شايل قلفة (القلفة هي الطين الماسك في الرحات ).
يحضرني هنا احد ظرفاء التايات الذى ولع تولعة تمام بالسوكو سكو وقام على طولو وضع ليك اصابع يدو على اذنيه وكنت افتكرته ينوى الاذان للصلاة ولكن ماذا قال ؟
قال :
بريد العيش بريد يوم المريسة كتيرة
بريدة الدقة صافية الموية فيها قليلة
انا بستغرب ( طبق النمة) آآآآآآآآه انا بستغرب في الزول البياباهو صافي وبقرشو بليلة .
هييييييييييييع كع
| |
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
و لم ينفض لهم سامر الى ان شارفت شمس ذلك اليوم الغروب
و بدأت حاجة التومة تتململ لان التعب قد أخذ منها مأخذا كبيرا
و قد شبع الناس مريسة و شبعت التومة قروشا
و قد عادت الفتيات الى الانداية بعد ان قمن يتوزيع الكانجى مورو
على مدمنيه الذين لا يريدون الظهور فى الانداية لمكانتهم الاجتماعية ...
و بدأ السكارى ينسلون من الانداية الواحد بعد الآخر
فمنهم من يتمثل القوة فيذهب الى بيته بعد ان "شبع"
و امتلاء من مشروب حاجة التومة لينعم بنوم عميق ...
ومنهم من لا يقوى على المشى فيقوم الاخرون باركابه على ظهر حماره
و الحمار بدوره شبع "مشك" ...
و منهم من يقود دراجته مشيا ...
و منهم من يتوسد يده ملتحفا الارض سكرانا...
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
و تأمر حاجة التومة أحدى بناتها ان تنزل
الراية البيضاء
من على قمة الراكوبة
معلنة بذلك انتهاء الخدمة لذلك اليوم ...
و فجاءة ترى حاجة التومة كل من
مولانا و الشاويش أحمد
نيام يشخرون فى داخل الكرنك و فى سريرها ...
و تنفجر ... باعلى صوت لها :
" قوم يا راجل شوف ليك مكان تانى ... و لا اقوم عليك ؟ "
| |
|
|
|
|
|
|
|
|
|
Re: الراية البيضاء .... (Re: هاشم أحمد خلف الله)
|
أخى الفاضل هاشم
لك التحية و اشكرك على كلماتك الطيبة فهى وقود لنا لمزيد من العطاء
Quote:
قمة الروعة والسرد السلس يا الطيب اخوي
شكراً يا جميل .
ود شيقوق مشتاقين ياخ
حبيب نورا الشين عرفت تاني وين القاكّّ!! |
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
الطيب أخوي انا هسي شايف تلاتة تلاتة لانو حاجة التومة في العسلوب (العسلية) عامل فيها ام بلبل ...
حاجة التومة دي السنة الفاتت حجت لبيت الله لكن اصلها ما بتخاف الله تاني جات راجعة تكب لينا ام بلبل في العسلية غايتو الله يخليها و يهديها
متابعة لحام و زي ما قال حبيب نورا بعد تفك بنجي كابسين تاني
| |
|
|
|
|
|
|
|
|
|
Re: الراية البيضاء .... (Re: حافظ حسن ابراهيم)
|
أخى الفاضل الاستاذ حافظ حسن ابراهيم
لك التحية و لك الشكر و سوف اظل فى انتظار ...
بس ما تبقى عليك البقت على حبيب نورة ... !!!
Quote: الطيب أخوي انا هسي شايف تلاتة تلاتة لانو حاجة التومة في العسلوب (العسلية) عامل فيها ام بلبل ...
حاجة التومة دي السنة الفاتت حجت لبيت الله لكن اصلها ما بتخاف الله تاني جات راجعة تكب لينا ام بلبل في العسلية غايتو الله يخليها و يهديها
متابعة لحام و زي ما قال حبيب نورا بعد تفك بنجي كابسين تاني |
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
Quote: ان تجلس على "بنبر" فى رحراحة و يضرب "رقراق" الشمس وجهك يمنة و شمالا ...
و على نافوخك التى يتصبب عرقا |
الطيب الرواية في قمة الروعة وبعد النظر عندك واسع تصلح كاتب رواية وقصص قصيرة والرواية تستحق النسخ في كتاب سوف أوالي قراءتها كل مرة وأفيدك هسه نبدأ
...............
خلطك للعامية السودانية بالعربية الفصحى رائع
ارجو أن تصحح هذه الكلمة ما أظنك غلطت فيها لكن يمكن جات سهوا منك
وهي النافوخ..مذكر مجاز وعليه تشيل التي وتخت بدلها الذي يتصبب عرقا
وهذا اقوى مع المذكر المجاز
وهنالك احتمال آخر إذا اعتبرت النافوخ حاجة تحمل الوجهين ممكن تقول برضو( نافوخك التي تتصبب)
أفتكر في لغة التداول الطبية يستخدموا كلمة( يافوخ) أو بعض أهل الشام( يافوح) ونحن السودانين نقول ( نافوخ) اي الدماغ..في مجمله وأحياناً عندنا في السودان تشير الى قرعة الرأس عموما
| |
|
|
|
|
|
|
|
|
|
Re: الراية البيضاء .... (Re: منصوري)
|
المنصورى أخوى
ما كتبت من كلمات طيبات تزن عندى ذهبا خالصا
نقاطك سوف تجد كل عناية و اهتمام
و ارجو الا تحرمنا من نقدك و توجيهاتك التى أنا فى امس الحاجة اليها
اشكرك
أخوك الطيب رحمه
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
سرد قصصى أكثر من رائع ، خيال مجنح يطير بك فوق الاعالى
أخيلة مترعة بصور حية ، وحكى أثير للنفس ووحدة عضوية تربط
كلمات الموضوع كحبات خرز إنتظمن على جيد حسناء .
أخى الطيب ابو رزان واصل الإمتاع وأترك لنا الدهشة .
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
يا سلالالالالالالالالام يا ود قريمان سرد جميل وممتع بس نزلتوا الراية قبل ما ننجم معاكم.
عسلية التومة وخميسه بالتين والذبيب ما بنقيسه
والعجب عسلية نفيسه الماها خمج ولا هردبيسه
يا الطيب أخوي ود شيقوق مفطوم في الانداية,ما خلي مريسه ولا عسليه ولا كجوموروولا سكوسكو
وكان بحلي بابيض ضميرك ويميز بي شية الكدروك,,,, مسنوووووووووووووووووووح العريبي.
| |
|
|
|
|
|
|
|
|
|
Re: الراية البيضاء .... (Re: سيف الدولة كامل)
|
استاذى الفاضل ود الكامل
أتمنى ان تكون بخير و على أتم صحة و عافية
Quote: يا سلالالالالالالالالام يا ود قريمان سرد جميل وممتع بس نزلتوا الراية قبل ما ننجم معاكم.
عسلية التومة وخميسه بالتين والذبيب ما بنقيسه
والعجب عسلية نفيسه الماها خمج ولا هردبيسه
يا الطيب أخوي ود شيقوق مفطوم في الانداية,ما خلي مريسه ولا عسليه ولا كجوموروولا سكوسكو
وكان بحلي بابيض ضميرك ويميز بي شية الكدروك,,,, مسنوووووووووووووووووووح العريبي. |
يا سيف أخوى حكاية انو شيقا ده مفطوم فى الانداية أن شخصيا بصدقها
و خلينى أتحرى شوية لانو الزول ده كان حايم فى مناطق انتاج السمسم
و له معرفة تامة بوصفة الكاجومورووووو
لك و له كل الود
| |
|
|
|
|
|
|
|
|
|
Re: الراية البيضاء .... (Re: حسن محمود)
|
الاستاذ حسن محمود
لك التحية
| Quote: بس ..بعيدا عن المرايس والسسكرات .. والعياذ بالله.. |
حسن يا أخوى مرايس شنو و سكرات شنو ...
قول بسم الله و أفهم الرسالة....
الواحد فينا عمره كله ما بين المدرسة و الخلوة
و عمره كله ما شرب حتى شاى خليك من الحاجات الثانية ديك ....
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
Quote: .الواحد فينا عمره كله ما بين المدرسة و الخلوة
و عمره كله ما شرب حتى شاى خليك من الحاجات الثانية ديك .... |
عارفك، فكي . يا ابورزان..وفاهم الحكاية .. مشكلتنا سيرتها
حتى في القصص مكجننها..ما تزعل.. على الاقل رفعنا الراية ..اقصد البوست..
| |
|
|
|
|
|
|
|
|
|
Re: الراية البيضاء .... (Re: حسن محمود)
|
الاخ الفاضل الاستاذ حسن
لك التحية و أشكرك و حتما سوف نرفع الرايات
Quote: عارفك، فكي . يا ابورزان..وفاهم الحكاية .. مشكلتنا سيرتها
حتى في القصص مكجننها..ما تزعل.. على الاقل رفعنا الراية ..اقصد البوست.. |
| |
|
|
|
|
|
|
|
|
|
Re: الراية البيضاء .... (Re: الطيب رحمه قريمان)
|
أخى الفاضل الاستاذ عصام الهادى
لك التحية و اشرق البوست بحضورك واشكرك على كلمات الطيبة التى هى وقود لنا
تابع معنا حينما نرفع رايات اخرى
Quote: الحبيب ابو رزان لكم التحية
القصة جميلة وحكي سلس يرجعك لزمن بعييد وامكنة ابعد بين القيقر والدالي والمزموم ولاحظت عندك ملكة وصف جيدة وتسلسل الاحداث بصورة جميلة وسهولة اللغة مما اعطى القصة رونق ياخد القارئ ليتابع ويبحث مادا بعد كيف تكون النهاية ؟
فكانت نهاية موفقة وجميلة وابداع. فأرجو تواصل الاندياح الجميل وتتحفنا بأخرى
عصام الهادي |
| |
|
|
|
|
|
|
| |
الطيب رحمه قريمان
الطيب شيقوق
هاشم محمد الحسن عبدالله
حبيب نورة
هاشم أحمد خلف الله
حافظ حسن ابراهيم
منصوري
فضل الصادق
سيف الدولة كامل
فيس بوك
تويتر
انستقرام
يوتيوب
بنتيريست