|
|
 Re: دايرنك .. مرضنا بي دربك .. ما بتجيب خبرنا ليه ؟ ... (Re: منتصرمحمد زكى)
|
عافي منك وراضي عنك سو رضايا ..
ما بيخيب الرضى والدك يا جنايا ..
أنت من يا دوب صغير من زمان دائماً معايا ..
أنت ديمة أمامي ساير ما بخليك بي قفايا ..
ما بتغيب من عيني لحظة ولا حصل سبتك وراي ..
لامن الله يشيل أمانتو أنا ببقى خصاك بالرعايا ..
ليا يرعاك البيرعى وليا بيل يبرد حشايا ..
أصلك انت هدية منو بيك اجزل عطاي ..
انت واحد مالو تاني رحمة في آخر صبايا
.. أنت لما خلاص كبرت دار تسيبني أعيش براي..
دار تفارقني وتهاجر والحزن يصبح جزايا ..
كيف يهون لك تحزن أمك عشان تحقق ليك غاية ..
كان مهاجر عشان علاجي بلقى في شوفتك دوايا ..
لو كان عشان تسقينا مالك نحن بي حنك روايا ..
لو عشان كرعينا راحل نحن بي بعدك حفايا ..
لو كان مهاجر عشان تعرس خير أبوك مالي التكايا ..
خيرو وافر أبوك يحمدو مراحو مليان بالسعايا ..
وبالقروش الجيب مجكن و لسه برضو الجايه جايا ..
أصلي منك ما بقصر بحفر أديك المعايا ..
إن كان دا كلو كمان شوية بتلقى في دهبي الكفاية
.. أصلي من سويتها ناذراها تبقى لي أيام قسايا ..
داخرها للزمن البعاكس لسعادتك يا حشايا ..
إنت من شبيت صغير راسي ما بتحتاج وصايا ..
ما حصل خيبت ظني وما فشل بين غنايا ..
لا تسيب أمك تهاجر يمه محتاجة الحماية ...
لا تسيبني وراك ترحل انت ياهو ضلي ضرايا ..
انت فوق الحوبة مقنع أنت للمكشوف غطايا ..
دايرك تبقى جنبي في فرحي وبلايا ..
إن كان كحيت اتبنك وأقسم لك غطايا ..
داير أقضي عميري جنبك أصلو قارب للنهاية ..
خايفه كان تسافر ترجع تلقى فاضي البيت بلايا ..
حينها ما تنفع قروشك وما تجيب لك أم سوايا ..
ماني عارفه سبب رحيل يا وليدي شنو الحكايا ..
إلا تبقى براك شايف في فراق الوالدة غاية ..
ما بعاتبك ما بلومك ولو رحلت بلقى في قساك عزايا ..
على حجر دايماً قليبك وقلبي كلو عليك جنايا ...
|
|
 
|
|
|
|
|
| العنوان |
الكاتب |
Date |
 دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-29-09, 09:48 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-29-09, 11:32 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-29-09, 02:35 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | عبدالفتاح علي خلف الله | 12-29-09, 02:41 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-29-09, 03:05 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-30-09, 06:34 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | بكري عباس علي | 12-30-09, 05:27 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 12-30-09, 06:02 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 01-01-10, 06:58 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | د.يوسف محمد طاهر | 01-01-10, 07:42 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 01-01-10, 07:51 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | د.يوسف محمد طاهر | 01-01-10, 07:53 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 01-01-10, 08:08 PM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 01-02-10, 11:21 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | بكري اسماعيل | 01-02-10, 11:58 AM |
| Re: دايرنك .. مرضنا بي دربك .. ما بتجيب خبرنا ليه ؟ ... | منتصرمحمد زكى | 01-02-10, 12:24 PM |
|
| |
فيس بوك
تويتر
انستقرام
يوتيوب
بنتيريست