|
|
 السمندل, عقد الجلاد, ساورا...ولقاء اذاب الجليد في اوسلو...صور
|
من حراره اللقياء ذابت الثلوج....تدفئت البيوت
وكان الشتاء صقيع جاف برده قارص...صار ربيع ونسيناه
زارتنا في ايام الكريسماس بمدينه اوسلو المكتسيه بالجليد
الموسيقارالاستاذه حواء المنصوري
عازفه البيانو واستاذه قسم الموسيقي بكليه الموسيقي والدراما..جامعه السودان
من مؤسسي مجموعه السمندل الموسيقيه
من مؤسسي فرقه عقد الجلاد
وياله من لقاء تقاسمنا وتناولنا الذكريات والقصص عن ايام رسخت في الاذهان لا تنسي ومشاوير مشيناها خطي
ساوافيكم بالمزيد
|
|
  
|
|
|
|
|
|
|
 Re: السمندل, عقد الجلاد, ساورا...ولقاء اذاب الجليد في اوسلو...صور (Re: محمد زكريا)
|
الفاتح مرغنيQuote:
يا سلام يا محمد
التحية لحواء المنصوري ذات لأنامل السحرية. تعرف الزولة المدهشة دي في شريط السمندل مع حنان النيل ضربت صولة في أغنية من أرض مكناس،أدهشت العجم والفصَاح!. تحياتي ليها ولأخونا الساحر المبدع سمندلاوي مع أمنياتي لكم جميعا بعام جديد سعيد وعمر مديد.
محبتي المعروفة |
وانت الصادق....تصل تحياتك من وراء الشمس الي مكان غوصانها وعبرنا اليها تصل مطفوحه بالعطور
وانت طيب وخلينا نفرح بيك برضك بيناتنا
شكرا علي الكلم الطيب
معلوم
| |
|
|
|
|
|
|
|
|
|
Re: السمندل, عقد الجلاد, ساورا...ولقاء اذاب الجليد في اوسلو...صور (Re: Awadallah Bashir)
|
Quote: نجوم في جليد في ثلوج...
ننتظر نتائج اتفاقية اوسلو الموسيقية .
هذا المثلث السمندل ...عقد الجلاد...ساورا يمثل رواد التجديد في الاتجاهات الجديدة في الموسيقى والغناء السوداني....
على صعيدي الخاص...
الشكر لكم للحفاوة والإحتفاء بحواء..
شكرا الاصدقاء الاحباب مورتون...سمندلاوي...حنان الصافي.
عمر بانقا...حلوة منك... |
عوض الله بشير
ياخير مثال والزوج الفنان الذي شكرتك لنا بانه لولا تشجيعكم لها وتحملكم مسئوليات بيتكم في غربتها القصيره لما احتملت الغربه عنكم
=====
بالعربي السوداني وللناس الما عارفه بان حرمكم المصون حواء المنصوري اعطتنا مثال للاسره الفنيه المتكامله في صوره شخصك
بعدين ياخ الشكر كله ليك في اننا نلتقي ومن ثم للاخت حنان الصافي وربنا يقدرنا علي ارامكم معا في الزياره الجايه
=====
وعلي الصعيد الفني.... بطل حركات اكيد حكت ليك
نعيدوه تاني ومالوا يمكن الناس تستفيدوتفيدنا بالراي
من الناحيه الاكاديميه سنقوم بمحاوله اعاده فتح قناة التعاون مع الكنسوفتوار النرويجي وكليه الموسيقي في السودان
المشاركه بمقطوعات الاغاني السودانيه علي البيانو في المهرجانات النرويجي
انتاج اسطوانه سي دي لمؤلفات الراحل المقيم عبدالله اميقو المكتوبه للبيانو والكلارنيت
ستكون ايضا للبيانو والساكسفون
البقيه تاتي بالانتاج العملي في الزياره القادمه فترقبوه
=====
نشوفك في كاميرا الاسكيبه
| |
|
|
|
|
|
|
|
|
|
Re: السمندل, عقد الجلاد, ساورا...ولقاء اذاب الجليد في اوسلو...صور (Re: HAMZA SULIMAN)
|
Quote: التحيــة للدهب المجمر حواء المنصورى رفيقة دربى و اختى التى لم تلدها امى
التحية لكم احبتى وربنا يحفظكم
و خلوا بالكم من حواء
وربنا يرجعة بالسلامة |
حمزه سليمان...لا حولا
يا شباب رايكم شنو نعمل كونسرت هنا في البوست ده ...ونعيد الايام...والله ذكريات ...ياحليل زمان
والله جيتك بي هنا بس افرحتني شديد
نخلي بالنا وح نخلي دنيتنا تكون في بالها حواء المنصوري
ربنا يجمعكم جميعا يارب وتغنوا معا في ارض الوطن
شكرا علي الكلم الطيب
| |
|
|
|
|
|
|
| |
محمد زكريا
الفاتح ميرغني
Safa Fagiri
عمر بانقا
Awadallah Bashir
Elmosley
ناصر احمد الامين
HAMZA SULIMAN
فيس بوك
تويتر
انستقرام
يوتيوب
بنتيريست