الفنان الذري ابراهيم عوض

Quote: : الأخ عماد،،، التحية والاحترام وبالغ التقدير على هذا البوست الرفيع...أثار فينا لواعج وأشجان....يقع بيتنا بنفس شارع بيت ناس أبراهيم عوض.. حين كنا (كنا) صغار نلعب بالتراب ولما الواحد تعضيهو نملة ببكي ويحك مكان العضة. أهلنا فهمونا أنو تشيل شوية تراب وتضعه في مكان العضة وتغني: لو بعدي برضيهو وشقاي بهنيهو أصبر خليهو الأيام بتوريهو (الأيام بتوريهو دي للنملة ...وعندها ستموت النملة في التو).... تلقانا كلنا قاعدين نغني ونبكي...عرفت ابراهيم عوض (الله يرحمه) كان عايش معانا لياتو درجة. (طبعاً التفسير هو عدم الحك لمكان العضة مما يسبب irritation ). المهم على قول تبارك..أنا قلت لازم أقول ليك شـكراً جزيلاً ..مع ملاحظة صغيرة بعض كلمات الأغاني ليست صحيحة وربما كان مرد ذلك أنك تكتب بعضها من الذاكرة وقد تكون ناتجة من الطباعة..لو قدرت تراجع كلمات الأغاني بدقة..تكون ما قصرت (طبعاً ما دام انت طلعت لهذا الأمر الشاق لازم تتعب شوية وينوبك ثواب) الشي الثاني لو قدرت تعزز المسألة بصور لحي العرب وبيت ناس إبراهيم عوض عشان يكون البوست متكامل بتكون تميت الناقصة. اتذكر في يوم رحليه يرحمه الله التلفزيون السوداني قدم حلقة بعنوان (رحيل نغم) والله العظيم كانت ليلة موجعة لكل أمدرمان. لو قدرت تلم فيها بتكون مادة إضافية خصبة للموضوع. يا سيدي ما أطول عليك...شاكر مرة أخرى وشاكر استجابتك السريعة بإرسال عنوانك. ودعواتي تبراك وتغطيك أخوك عبدالرحمن محمد عبدالرحمن