|
|
 Re: يوميات خلّوصة.. (Re: محمد يوسف الزين)
|
الخير في ما اختاره الله
(تتمة أبو الحارث)
(أكل طعامكم الأبرار وصلت عليكم الملائكة وكتبكم الله فيمن عنده يا شيخ ابراهيم)
نظر الحاج ابراهيم الى الرجل وهمهم.
- على شنو يا شيخ مدثر يا ولدي ،
- لا والله يا حاج ابراهيم وليمتكم ما شاءالله ، طعام لذيذ وجميل.
الشاي يا ولد يا عبده
- اها يا شيخ ابراهيم نجي للمهم ، على بركة الله اخش ليك في الموضوع ،
ما شاءالله بتك من الأخوات المداومات معانا في المسجد ، وهي زولة نحسبها تقية ان شاءالله
يا ولد الشاي... كمل يا شيخ مدثر
- والله يا حاج عندنا أخونا ما شاءالله حافظ القرآن بتلاتة قراءات..
- ما شاءالله تبارك الله
- ومسكناهو هسي زاوية في حي القروراب شرق..
- ماشاءالله تبارك الله
- هو طبعاً أخونا وراجل مبروك وزول مهذب ، ودايرين نسترو بس..
بس شنو يا حاج هو ما سوداني...
- كيف ما سوداني؟ جنسو شنو؟
- هو من دولة السنغال ، جا هنا طالب ، وقرا واتخرج في المعهد بتاعنا.
- والله يا شيخ مدثر أنا ما عندي مشكلة ، لكن زي ما انت عارف لازم استشير.
- ان شاءالله يا شيخ ابراهيم توافق ، وربنا ان شاءالله يسهل الزواج دا
وعلى بركة الله وأكل طعامكم الأبرار وافطر عندكم الصائمون وجزاكم الله خيراً
- خير يا ولدي.
***
(يا خولة)
أيوة يا أبو عبدالله
- بالله اعملي لي زبادي غباشة ولا أي حاجة نهضم بيها الاكل الكتير دا
- ارسل ليك اجيب ليك ببسي؟
- الببسي حرام ، انتي ما عارفة فيهو دهن الخنزير اعوذ بالله.
- اها احكي لي؟! حصل شنو
- الحمدلله كل خير,
- والله يا ابو عبدالله جزيت خيراً والله ، يعني دا عمل عظيم والله. اخلاص دي صاحبتي ورفيقة دربي ، قلت لي العريس اسمو منو؟
- اسمو أبو حفص ، أبوبكر عمر أنجاي.
( الحمدلله البقت في انجاي دا ، والله انا قايلاك داير تربع انت زااااتك ، الرجال ديل ما عندهم ....)
- بتوسوسي بشنو انتي هداك الله؟ وينو الزبادي؟
- جزيت خيراً وبارك الله فيكـ
***
سجم خشمي
بالراحة يا حاجة ما تسمعي البت
- في زمتك يا ابراهيم هسي شيخ الجامع دا ، شابكك عندي معاك موضوع ، وشغال انت من الصباح تردم لي في الاكياس وانا احمر واطبخ ، عشان يجي يقول لينا داير اخلاص لواحد سنبالي؟
- سنقالي يا حليمة ، دي بلد ، وبعدين قال ليك حافظ القران تلاتة مرات.. يعني بتلاتة اجزاء.. قصدي تلاتة بتاعات.. اللهم صلي على سيدنا محمد ..ايوة قراءات.
- انت يعني موافق يا حاج؟!
- كدي نشوف راي البت.
- شوف يا حاج ، انا بتي ما بتمشي البلد البتقولوها دي ،
- الزول دا (مستـ غ ر) هنا
- بقوم بهج ويسوق بتي معاهو ، لا لا لا لا لا
كدي طيب انطمي
يا اخلاص
- يا بتي...
- عارفة
- هو شنو العارفة؟ بقول ليك.
- عارفة
- ؟
- وموافقة
على بركة الله
لا لا لا لا لا لا لا لا اخلاس لا لا لا لا لا
يا حليمة قلت ليك انطمّي
***
رن هاتف لولو بنت خالة اخلاص..
ألو ، وين يا تيسير استنيني يا عولاق
منو؟ اخلاص؟ ، والله دا فلم هندي خليني احكي ليك
شفتي.. ، اخلاص اتلمت ليك في جماعة كدا في الزاوية حقتم دي ، أها نحن قلنا دين وتوبة وما قلنا حاجة
المهم بعدينك وشتينك وبعدينك وشتينك قامو جابو ليها واحد امام جامع عربي ما بعرف قال بعرف فرنسي بس
ااي من دولة شقيقة
اها ضربت لي خالتو حليمة عشان الحق المأساة دي ، قمت طوالي شلت شنطتي وقعدت ليك معاهم
يازولة الزول دا معاهم كل يوم ، يوم يجيب ليهو كيس موز ، ويوم كيس عجور
اي شفتو ، المسافة بين الجلابية والشراب كعبة خلاص
أها والله لمن لقيت خلوصة موافقة ، البت دي عملو ليها غسيل مخ عديل كدا
شنو؟ ااي ، لأ المشكلة ما كانت هنا بس ، قلنا عربي وبتعلم ، يا خلوصة خشت في الفرنسي
عم ابراهيم؟ عم ابراهيم ما عارفة الناس ديل عجبوهو ، لأنو كلو ما يجو يشبكهم ليك (الخير في ما اختاره الله)
المشكلة انو الناس ديل ما عارفاهم كيف كيف ، قالو شنو؟! قالو زواج ناس صالحين
المهر 500 جنيه ، وشنطة مافي وريحة مافي ، اي شي مافي بالمناسبة
يازولة قدر ما قعدنا انا وخالتي ، قالت كلو كلو بس دايراهو
انا والله ما عندي مشكلة ، بس ما عجبتني الخيمة الحتخشها اخلاص دي لمن تموت
الناس ديل صعبين ياخخ
ااي ، شنو؟ ههههه ، كدي اسمعي الباقي
ونحن في حيرتنا ديك جاتني ليك فكرة جهنمية عديييل كدا
اي ، عندهم جارهم اسمو حسين ، اها حسين دا مدشدش ليك بت اللذينا من زمااااان
اها طقت ليك لي لولو الذكية اللي هي أنا فكرة عبقرية ،
ألفت لي فلم كاااامل واخرجتو ليك ، الله يغفر لي غايتو
جيت خاشة ليك لي خلوصة وعاملة فيها زعلانة ، قلت ليها حسين وقفني في الشارع وسألني من عرسك
وكان زعلاان وقعدت اوصف ليها ، وعملت فيها زعلانة من حسين اللايوق الشبكني اخلاص اخلاص
واخرجت ليك كم فلم على نفس الحنك دا كم يوم كدا..
شنو؟ اااااي
يازولة دا كلامك؟
فكت ليك النقاب دا وجدعتو ليك هناااااااااك
|
|
 
|
|
|
|
|
| العنوان |
الكاتب |
Date |
 يوميات خلّوصة.. | محمد يوسف الزين | 07-13-09, 10:40 AM |
| Re: يوميات خلّوصة.. | محمد يوسف الزين | 07-13-09, 10:47 AM |
 Re: يوميات خلّوصة.. | Maawya Hussein | 07-13-09, 10:58 AM |
| Re: يوميات خلّوصة.. | محمد يوسف الزين | 07-13-09, 11:20 AM |
| Re: يوميات خلّوصة.. | محمد يوسف الزين | 07-13-09, 11:22 AM |
| Re: يوميات خلّوصة.. | عزاز شامي | 07-13-09, 11:31 AM |
| Re: يوميات خلّوصة.. | محمد يوسف الزين | 07-13-09, 11:58 AM |
| Re: يوميات خلّوصة.. | محمد يوسف الزين | 07-14-09, 01:12 PM |
| Re: يوميات خلّوصة.. | عزاز شامي | 07-14-09, 01:54 PM |
| Re: يوميات خلّوصة.. | حامد محمد حامد | 07-14-09, 06:43 PM |
| Re: يوميات خلّوصة.. | هواري نمر | 07-15-09, 07:07 AM |
| Re: يوميات خلّوصة.. | محمد يوسف الزين | 07-15-09, 12:51 PM |
| Re: يوميات خلّوصة.. | محمد يوسف الزين | 07-15-09, 12:04 PM |
| Re: يوميات خلّوصة.. | محمد عبد الماجد الصايم | 07-15-09, 03:50 PM |
| Re: يوميات خلّوصة.. | عزاز شامي | 07-18-09, 05:22 PM |
| Re: يوميات خلّوصة.. | محمد يوسف الزين | 07-19-09, 10:25 AM |
| Re: يوميات خلّوصة.. | محمد يوسف الزين | 07-23-09, 08:47 AM |
| Re: يوميات خلّوصة.. | محمد يوسف الزين | 07-26-09, 10:33 AM |
| Re: يوميات خلّوصة.. | عبدالغني كرم الله | 07-26-09, 11:27 AM |
| Re: يوميات خلّوصة.. | عبد الدائم سيد أحمد | 07-26-09, 12:27 PM |
| Re: يوميات خلّوصة.. | Ahmed Yousif Abu Harira | 07-26-09, 12:39 PM |
| Re: يوميات خلّوصة.. | محمد يوسف الزين | 07-26-09, 12:44 PM |
| Re: يوميات خلّوصة.. | محمد يوسف الزين | 07-26-09, 12:46 PM |
| Re: يوميات خلّوصة.. | محمد يوسف الزين | 07-26-09, 12:39 PM |
| Re: يوميات خلّوصة.. | حافظ حسن ابراهيم | 07-26-09, 01:07 PM |
| Re: يوميات خلّوصة.. | محمد يوسف الزين | 07-26-09, 01:41 PM |
| Re: يوميات خلّوصة.. | Siham Elmugammar | 07-26-09, 02:18 PM |
| Re: يوميات خلّوصة.. | محمد يوسف الزين | 07-26-09, 02:30 PM |
| Re: يوميات خلّوصة.. | خالد عبد الله محمود | 07-26-09, 03:09 PM |
 Re: يوميات خلّوصة.. | مهيرة | 07-26-09, 03:30 PM |
| Re: يوميات خلّوصة.. | محمد يوسف الزين | 07-27-09, 01:35 PM |
| Re: يوميات خلّوصة.. | محمد يوسف الزين | 07-28-09, 12:37 PM |
| Re: يوميات خلّوصة.. | توما | 08-07-09, 02:54 PM |
| Re: يوميات خلّوصة.. | عزاز شامي | 08-07-09, 02:49 PM |
| Re: يوميات خلّوصة.. | حيدر حسن ميرغني | 08-07-09, 04:45 PM |
| Re: يوميات خلّوصة.. | Abdlaziz Eisa | 08-07-09, 05:22 PM |
| Re: يوميات خلّوصة.. | نهال كرار | 08-07-09, 05:21 PM |
| Re: يوميات خلّوصة.. | توما | 09-05-09, 09:21 PM |
| Re: يوميات خلّوصة.. | محمد يوسف الزين | 12-16-09, 01:28 PM |
| Re: يوميات خلّوصة.. | محمد يوسف الزين | 01-28-10, 02:07 PM |
| Re: يوميات خلّوصة.. | محمد يوسف الزين | 01-28-10, 02:22 PM |
| Re: يوميات خلّوصة.. | محمد يوسف الزين | 01-28-10, 02:39 PM |
| Re: يوميات خلّوصة.. | ممدوح أبارو | 01-28-10, 06:08 PM |
| Re: يوميات خلّوصة.. | محمد يوسف الزين | 01-31-10, 08:30 AM |
|
| |
محمد يوسف الزين
فيس بوك
تويتر
انستقرام
يوتيوب
بنتيريست