في هذا البوست ساحاول عرض الفن النوبي غناء...رسم ..شعر ..نثر..آثار..صور في الغناء الفن النوبي حافل بكل من هو جدير بالتوثيق في الرسم ساستعين بالاخ ابراهيم لعرض اعماله هنا في الشعر ساحاول عرض اشعار باللغة النوبية ومنتظرين مشاركة الاخ مولانا عبدالاله الصور والاثار والنثر متروك لكل الاقلام النوبية نبدأ باجمل عقد في جيد النوبيين بنات طلسم .
12-05-2009, 09:50 PM
nabielo
nabielo
تاريخ التسجيل: 04-17-2002
مجموع المشاركات: 3227
دكتور نبيل كل سنة وانت طيب ياخي ديل مبدعات من حقنا ان نفتخر بهن ما اجملهن وما ابدعهن لهن الله.... حضرت جلسة للفنانة هادية بالعود في الخرطوم اية مبدعة هذه.. الاستاذة سعاد لديها نوثيق لهادية ارجو ان تكون معنا متعهن الله بالابداع..
12-05-2009, 10:10 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: امين يا ابن عمي هلا بيك ضحكتني والله البلابل من اندينا ووردي وحمدالريح واحمد المصطفي كمــــــــــــــــــــــــــان خليل فرح بدري انت بس خليك معانا
يا حكومه قبل كم سنه في المدينه الكنت عايش كان معانا واحد من الأخوان محسي رطاني ، والدتو جات من السودان فمشينا نسلم عليها ، فكان بقدمنا ليها : ده فلان و ده فلان ، لمن جا دوري قال ليها (الزول ده محسي) و طوالي بدت ترطن معاي ، فاخونا رد عليها إنو أمين ده ما بعرف يرطن ، والدتو قالت كلام بالرطانه و هو إنفجر بالضحك و ما قدر يسكت ! لمن طلعنا بره سألتو الحاصل شنو ؟ قال لي لمن قلت ليها أمين ده ما بعرف يرطن قالت لي (المحسي الما برطن ده (سجم محس ) ما محسي ) ، فيا حكيم يا عزيزي ود عمك محسي سجمان ساي ما بعرف يرطن و ما عندو معلومات كافيه عن النوبه و الموضوع ده مدبرس بي جدا ووالله من أكتر الأشياء الإتمنيتها في الدنيا إنو اتعلم الرطانه ، فياخي لو في ويب سايت ولا كتاب لتعليم اللغه النوبيه لزو لينا علي الأقل الواحد يعرف الأبجديات !
12-06-2009, 02:00 PM
nabielo
nabielo
تاريخ التسجيل: 04-17-2002
مجموع المشاركات: 3227
الخليل صاحب التحول الكبير في مسيرة الغناء السوداني قبل الخليل كان الغناء بواسطة الصويتة والشيالين او باستعمال الرق..وجاء ليضع الغناء في مساره الصحيح باستعمال الة العود وبرع في وضع الكلمات والتلحين والاداء بل يعتبر من اوائل المغنيين الذين سجلوا اغانيهم في اسطوانات
هنا اغنيته الشهيرة عزة في هواك بصوت خليل فرح افندي
12-06-2009, 03:09 PM
Medhat Osman
Medhat Osman
تاريخ التسجيل: 09-01-2007
مجموع المشاركات: 11208
اعزائ حكيم ونبيل علي دبشة مبدع ويتميز بعزف خاص لالة الكسر غني للكثير من الفنانين النوبيين خاصة دهب خيري وحسين لالة نستمع لهذه الاغنية وللاسف ما عندو غير اغنيتين في اليوتوب
12-06-2009, 03:24 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
شكرا يا مدحت حقيقة فنان متميز لم يجد حظه من الشهرة ربما هي الغربة التي قتلت فيه الموهبة فهو مغترب بالخليج.. ياخوانا حسين لالا ما عنده حاجة في اليوتيوب؟؟؟ بالله يا مدحت فتش لينا لو فشلت اعمل ليهو كليبات
12-06-2009, 03:43 PM
Medhat Osman
Medhat Osman
تاريخ التسجيل: 09-01-2007
مجموع المشاركات: 11208
المبدع النوبي فكري كاشف عاد الي ابي سمبل واقام فندقا علي الطراز النوبي(ابوسمبل قبل الاغراق).. فكري فنان مبدع وفي هذه الجلسة النوبية تواجد عدد من مبدعي النوبة وابوسمبل في الفندق النوبي بابي سمبل..
نعم اخي عمار لم نتقابل بس انا عارفك بس انت مجافي البلد..وما ممكن تعرف نفسك بانك شقيق ياسر والباقر... فصلة القرابة بيننا اوثق من ان تقدم نفسك تسلم يا اخي ولنتواصل عبر هذا المنبر.. هناك منبر نوبي اخر نتواصل فيه ارجو التسجيل.. http://www.nubaonline.com/
12-11-2009, 01:24 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: بالله يا أخوانا ما تفتحو لي ، هل في ويب سايت ولا كتب فيها أسس تعليم اللغه النوبيه ؟
الاخ امين محمد سليمان. بالطبع هنالك العديد من الكتب لتعليم اللغة النوبية اشهرها كتاب مختار خليل كبارة اللغة النوبية كيف نكتبها وكتاب مركز الدرسات النوبية في القاهرة نوبينقا كول اي تعلم اللغة النوبية اما بالنسبة لمواقع تعلم اللغة النوبية فهنالك اشهر المواقع موقع نباتا. www.napata.org
تحياتي
12-11-2009, 06:49 PM
Medhat Osman
Medhat Osman
تاريخ التسجيل: 09-01-2007
مجموع المشاركات: 11208
Quote: بالله يا أخوانا ما تفتحو لي ، هل في ويب سايت ولا كتب فيها أسس تعليم اللغه النوبيه ؟
الاخ امين محمد سليمان. بالطبع هنالك العديد من الكتب لتعليم اللغة النوبية اشهرها كتاب مختار خليل كبارة اللغة النوبية كيف نكتبها وكتاب مركز الدرسات النوبية في القاهرة نوبينقا كول اي تعلم اللغة النوبية اما بالنسبة لمواقع تعلم اللغة النوبية فهنالك اشهر المواقع موقع نباتا. www.napata.org
تحياتي
12-11-2009, 08:46 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
ابن عمي امين مسكاقمي الرابط ادناه تجد فيه حروف اللغة النوبية والقواعد..اما الكتب فامكانك الاتصال بنوبي في امريكا في العاصمة واشنطن بالاستاذ محمد عثمان يوسف الشهير بوردي حيث انه مكلف بتوزيع كتاب الدكتور محمد جلال هاشم وهو كتاب مفيد جدا ولن اوصيك بان اقصر الطرق اتصالك بمن يتحدثون اللغة والاستماع للاغاني النوبية وهناك مواقع نوبية مفيدة في كيفية تعلم اللغة الرابط ده لتعليم اللغة http://shazlyforum.byethost16.com/vb/############.php?f=38 ساواصل معك لمدك بكل المواقع المفيدة ولن اتركك الا وانت تتحدث اللغة بطلاقة تسلم علي الانتماء يا ود عمي
12-11-2009, 08:51 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
شكرا على هذا البوست الرائع ودعني أحكي لك، فقد أتيتُ اليوم للمكتب وأنا في غاية "التعاسة" والقرف، فسمعت حسن ألالا (حسين وقيع الله) طيب الله ثراه، فعادت حيويتي وتبسمتُ وفرحت وبكيتُ والله.
أُحييك يا حكيم على هذا الفرح الذي جلبته لنا في هذا الزمن العاهر الذي نعيشه ويا ريت يظل هذا البوست للأبدكبقية البوستات التي يحملها بعض الزملاء منذ عام 2004 ومستعد لأرشفته بنفسي إن أمرتموني بذلك....
"سقدين سمي وووليمون" يا لها من حكمة بليغة!
12-13-2009, 08:47 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
مدحت و حكيم ، الله يديكم العافيه مشيت الموقعين و شكلهم عايزين إشتراك ، إن شاء الله اتسجل و أجتهد في موضوع اللغه ده . بمناسبه كتاب د. محمد جلال ، كان لي شرف لقائه و الحديث معه بصدفه محضه في صيف 2007 في النادي الامريكي بالخرطوم ، الرجل موسوعه نوبيه تمشي علي قدمين ، خاصة في موضوع اللغه النوبيه و عرفت منه إنه طاف قري و مدن النوبه كلها تقريبا ينقب و يوثق للغه النوبيه .
----- أتصلت علي صديق في منطقه فيرجينيا و وعد بالسعي في رقم تلفون الاستاذ محمد عثمان بخصوص كتاب د. محمد جلال ..
12-13-2009, 09:00 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
مولانا عبده مسكاقمي ياخي حسين ده ترياق مضاد للقلق ومفرج للزهج ارتبطت بفنه منذ نعومة اظافري زواج ابن العمدة (المرحوم عبدالرحمن فقيري)عام 1976كان الفنان هو حسين واتذكر انه الف اغنية اثناء تواجده في تاجاب في المرحومة عازة زوجة العمدة فاغدقت عليه العطايا.. حسين كما تعلم كان ضريرا وصاحب قفشات ونوادر ومما يحكي عنه انه اكرم احد القادمين من الاغتراب بجلسة فنية جميلة(قعدة,,وما اجمل قعدات حسين) وساله المغترب عن هدية يمكن ان يرسلها له من بلد اغترابه فاجابه حسين بطلب قماش جلابية بنية اللون(حسين كان يرتدي جلاليب ملونة ..يمكن عشان بتكون مناسبة لحالته) فمازحه المغترب ..انت ما عميان ليه بتحدد اللون؟ فاجاب حسين ببديهة حاضرة (ⲙⲉⲛⲁ ⲇⲉϩⲉⲃ ϩⲁⲕⲓⲉⲗ ⲥⲁⲅ ⲇⲉⲅⲉⲣ ⲕⲁⲅⲙⲉ?( ليه دهب خليل مش رابط ساعة دهب خليل لمن لا يعرفه فنان نوبي معاصر لحسين وكان بينه وبين حسين ود ومكاواة وكان ضريرا ايضا... رحمهما الله بقدر ما امتعانا من فن جميل ـــــــــــــــــــــــــــــــــــــــــــــــــــــــــــت يا مولانا ما تتحفنا بشعر نوبي ياخي
12-13-2009, 03:24 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
محمد السني دفع الله شرفتني بالمرور تسلم يا مبدع للمذيع المبدع علم الدين حامد مقولة :انا ضعيف قدام القراصة والبيبسي وجميلة ومستحيلة. لان مرورك جميل لك هذا اللحن المستحيل
12-16-2009, 11:57 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
مكي فتي النوبة الذهبي مكي علي ادريس الفنان الجامع حدثتني الاستاذة سعاد علي ادريس انها بصدد نشر اشعاره ورواياته وابدعاته عبر المنابر نرجو من المهندس بكري اعادة الباسوورد للاستاذة حيث فقدته قبل شهر بعد تعرضها للتهكير
الفنان حسين لالا له اغاني تناول فيها شتي ضروب الحياة النوبية في هذه الاغنية تناول الام الام لها مكانتها الخاصة في قلوبنا والام النوبية تتميز باننا تسمينا بها فلها منا كل تقدير واحترام حكيم شمية
12-25-2009, 06:36 PM
nabielo
nabielo
تاريخ التسجيل: 04-17-2002
مجموع المشاركات: 3227
Quote: يا حكيم بالله شوف رافت في الفيديو فرحان كيف ؟
يا اخي مكي ادخل الفرح و السعادة في قلب النوبيين
و ارجو التنسيق مع الاخوة في الداخل لاقامة حفلة في دنقلا
لان تحريك المنطقة الجنوبية مهم جدا نسبة للكثافة السكانية العالية
من الذي لا يستطيع ان يفرح وهو في حضرة هذا الشخص الذي يزرع في دواخلنا كل ماهو جميل وويلخص كل همومنا ومشاكلنا وحلولها في لغة عندما تسمعها تظن ان ما يقوله كان منك ولكن مكي هو الذي عبر عنك.. هل احسست بمثل هذا الاحساس؟ اكيد .. وتاكد يا صديق ان هذا شعور كل نوبي من ابسطنا الي اعلانا كل يعبر عنه مكي .. كده يا نبيل عليك الله لو قعدنا كلنا مليون سنة كنا حنقدر نالف بيت واحد من القصيدة دي .. حقيقة كما قلت مبالغــــــــــــــــــــــــــــــة
12-27-2009, 01:13 PM
welyab
welyab
تاريخ التسجيل: 05-08-2005
مجموع المشاركات: 3891
Quote: امين يا ابن عمي هلا بيك ضحكتني والله البلابل من اندينا ووردي وحمدالريح واحمد المصطفي كمــــــــــــــــــــــــــان خليل فرح بدري انت بس خليك معانا
وعون الشريف قاسم كمان من اندينا
بوست موفق
------------------------ والله يانوباتية طلعتوا عنصريين (كل سنة وانت طيب )
12-27-2009, 07:22 PM
احلام وهبي
احلام وهبي
تاريخ التسجيل: 12-24-2009
مجموع المشاركات: 1548
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة