|
يا جماعة. علي كرتي ده قصتوا شنوا مع وزيرة خارجية موريتانيا؟
|
في زيارة وزيرة خارجية موريتانيا الاخيرة للسودان، كان يجتمع بها وزير الدولة بوزارة الخارجية الكوز علي كرتي في كل مرة . وفي كل اللقائات التي كانت تنقلها الفضائايات السودانية لاحظت ملاحظة غريبة جدا. كان علي كرتي في تلك اللقائات فرحان أكثر من اللازم ولقد كان يوزع في الابتسامات للوزيرة الموريتانية بشكل فاضح . الوزيرة الموريتانية بكل صراحة جميلة جدا ولكن وزير الدولة ده عملها بطريقة فاضحة وواضحة. يا كيزان البورد الكلام ده كيف؟ بعدين الرجل يحق له كم نظرة؟ مش أنتوا بتقولوا الاولى لك والتانية عليك؟ أها علي كرتي ده عيونوا دي أصلوا ما نزلت من الوزيرة.
|
|
|
|
|
|
|
|
Re: يا جماعة. علي كرتي ده قصتوا شنوا مع وزيرة خارجية موريتانيا؟ (Re: Deng)
|
Quote: كان علي كرتي في تلك اللقائات فرحان أكثر من اللازم ولقد كان يوزع في الابتسامات للوزيرة الموريتانية بشكل فاضح . الوزيرة الموريتانية بكل صراحة جميلة جدا ولكن وزير الدولة ده عملها بطريقة فاضحة وواضحة. يا كيزان البورد الكلام ده كيف؟ بعدين الرجل يحق له كم نظرة؟ مش أنتوا بتقولوا الاولى لك والتانية عليك؟ أها علي كرتي ده عيونوا دي أصلوا ما نزلت من الوزيرة. |
والله يا دينق حكايتك حكاية ..
يعني خليت ( مقابضات ) اوبامبا وساركوزي ومشيت تتكلم
عن نظرات كرتي التي هي نظرات اكثر من عادية..
الظاهر لمت فيك عدوى اوبامبا وبقيت تحلل في ما لا تعلمه
على مزاجك ..
حليلك يا كلنتون ...
| |
|
|
|
|
|
|
Re: يا جماعة. علي كرتي ده قصتوا شنوا مع وزيرة خارجية موريتانيا؟ (Re: ود الباوقة)
|
ود الباوقة.
على الاقل الرئيس كلينتون تم التحقيق معه وإدانته بواسطة محقق خاص. وأوباما وساركوزي تمت محاكمتهم في الاعلام . طيب جماعتك ديل البحاكمهم منوا؟ جماعتك البعذبوا وبقتلوا في الشعب السوداني ديل لأكثر من عشرين عاما. وبعد ده كلوا فساد في الحكم رغم أنهم قالوا مرجعيتهم دينية. أسكت يا ود الباوقة أسكت . أنت بتشكر لك في راكوبة في الخريق .
| |
|
|
|
|
|
|
Re: يا جماعة. علي كرتي ده قصتوا شنوا مع وزيرة خارجية موريتانيا؟ (Re: عبد السميع دفع الله)
|
يبدو ان زيارة الوزيرة الجميلة افقدت بعض من سفراء الخارجية ودبلوماسييها الوقار فقد توافرات لنا من الاخت الفاضلة سوسن ع. احدى قارئات سودانيز اون لاين ان مدير احدى الادارت ذات الصلة بالخارجية تنزل عليه شيطان الشعر فنثر دررا يحي مقدمها اذاًُ ليس علي كرتي وحده المكسر في الوزيرة الناهة بنت مكناس
Quote: حيي الميامين من شنقيط والناها قم حيها بحبور حين تلقاها واحضن بها عبق التاريخ تحمله من ارض شنقيط فياضا ومواها وانثر لها الورد في الخرطوم ان لها ربعا واهلا هنا تاقوا للقياها وللورود هنا سفن واشرعة بحبكم كان مجراها ومرساها بل انثر الدر كي تنصف فيا ابتي ان الورود قطوف من محياها الطير غرد اشجانا وقافية كتبتها وانا ......انا كتبناها لما اتي الاولي انا نجلهمو تراقص القلب تيها بعد اذ تاها وفاض كالنيل بالاشواق مجلسنا ودثر النفس باللقيا وزكاها وصفق الموج في النيلين مزدهيا وفاح عطر شذي اذ ذكرناها احبابنا الشوق للسودان يسبقنا شنقيط نحوكمو حثت مطاياها وللشناقيط في كل القلوب هوي شقائق الروح بل اسمي سجاياها النبل والكرم السودان موطنه هنا حصون تصون العز والجاها تقطرت كبدي من بينهم زمنا واليوم جاؤا فيا سعدي وبشراها فلو درت اذ اتت ما يحملون لها بين الجوانح من حب لاغناها لم تنس حضنكم الرحب الفسيح لنا نسقي به من عذاب الكرم احلاها ان اسدت الدنيا في ايامنا هبة فلا اري غير انا قد عرفناها يا قبلة المجد سودان البشير وهام العز من ولد العليا وسماها فان عجبت فلا تعجب لما جمعت ان الاصالة مأواها ومرعاها لو تطلبونا مزيدا من قصائدنا في وصلكم لكتبناها وقلناها |
والرجل يملك بلا شك ملكة شعرية جيدة فحتى قافيته تتسق مع اسم الوزيرة الناهة بنت مكناس ملاحظة الموج المذكور في القصيدة ليس له علاقة بالاخ صديق الموج على الرغم من اشتراكه مع موج النيل في التصفيق للجمال
واضافت سوسن
Quote: اعتقد – والاعتقاد ليس كله اثم – ان مدير الادارة الامريكية بوزارة الخارجية يحمد الله علي عدم توقع زيارة هيلاري كلينتون للسودان، مما يحتم عليه كتابة قصيدة ابلغ من هذه - وباللغتين - في الوزيرة الامريكية |
دينق بالله شوف هيلاري ناوية تنزل السودان متين عشان مدير ادارة امريكا بوزارة الخارجية يجهز قصيدته او حتى يستعين بصديق ولو ما جاية ان شالله بالعدم رسلوا ليهم مادلين اولبرايت
| |
|
|
|
|
|
|
Re: يا جماعة. علي كرتي ده قصتوا شنوا مع وزيرة خارجية موريتانيا؟ (Re: Deng)
|
Quote: الوزير ده معروف جدا بمثل هذه القصص. لو تفرجت في اللقطات التلفزيونية، تجد كرتي ده ريالتوا سايلة عديل كده. |
الاخ دينق مع احترامى لك
انا مختلف مع كرتى من الله خلقنى وحتى اليوم-- نحن على طرفى نقيض سياسيا
منذ عشرات السنين وهو ابن منطقتى ونعرفه منذ صغره ‘ ولكن الحقيقة انه
لا انا ولا غيرى عرف عنه مثلما قلت -- نعم نختلف ولكن باخلاق
ونتفق ايضا باخلاق ولكن ايرادك للخبر فيه الكثير من مجانبة
الواقع والحقائق -- ونرجو ان لا يعميكم الاختلاف فتفقدوا الموضوعية الاخلاقية .
| |
|
|
|
|
|
|
Re: يا جماعة. علي كرتي ده قصتوا شنوا مع وزيرة خارجية موريتانيا؟ (Re: Mustafa Mahmoud)
|
Quote: دينق سلامات ومقدمااهنيك بمناسبة اعياد الميلاد وعام جديد سعيد ان شاء الله
اها قلت لى الجماعه كلهم عاملين عتوقة لوووول اتذكرت عمايل عمك مش؟ |
الغالية سوما.
كل سنة وأنتي طيبة يا عزيزتي.
والله الكوز ده طلع أخطر من أبو عتيق. يا حليل أيام البال توك الجميلة ديك. أبو عتيق كان يكفر ناس الازهري وسيد مرارة في الغرف العامة وفي نفس الوقت خالط الجكس في الخاص.
| |
|
|
|
|
|
|
|