سؤال برئ (مسكوت عنه) : هل كان ياسر عرمان في قيادة المسيرة اليوم ؟؟؟!!!!

Quote: ياخوي سلام قريت البوست بتاعك وحبيت اقول انو مش المهم انو عرمان طلع في المسيرة ولا لأ المهم انو البطلع في مسيرة يكون عارف اجندتا صاح عرمان او باقان لما يدعو لمسيرة عارفين السلطات حتمنع المتظاهرين من تسييرا ده معناه شنو بعدين هل كل المشاركين فاهمين اهدافا قالوا عشان يدفعو البرلمان لاجازة القوانين والواضح انو القوانين حتقدم للبرلمان لما يتفقوا الشريكين والحركة لمن ما قدرت تفرض رايا علي شريكا المؤتمر الوطني لجأت للشارع والاحزاب وغازلت فيه روح الثورة والصدام في حدود مكاسبا الضيقة وكان المفروض لو حقيقي دايره بالمسيرة دفع البرلمان لاجازة القوانين كانت تلجأ ليه وتشارك في جلساتو لكن هي عارفاهو ما بحقق ليها اجندتا ، المهم البتخذ اي موقف لازم يكون فاهم ابعادو والبشارك في مسيرة يعرف هي دايره تصل وين عشان باكر ما يلقي نفسو كان داخل لعبة شطرنج كبيرة تلعبا الشعبية والشعبي مع الوطني والشعب يطلع اوووت ده ما بعني باي حال انو التعامل التم مع المسيرة ممكن يكون مقبول لانو حتي لو افترضنا انها مخالفة للقانون فهل ده الاسلوب المناسب لمواجهة عمل سياسي وسلمي في وقت الحكومة بتفاوض الرفعو السلاح في وجهها ، انا بفتكر ده تناقض بيعكس الرغبة الغبية في كتم صوت الاخر لانو مكافحة الرأي المخالف بهذه الكيفية عقيمة وبائدة وماعادت بتأدي لنتيجة ، كان الافضل التعامل بروح القانون ومراقبة الشرطة للمسيرة يعني حدها وين ما رئيس البرلمان قال بنستلم المذكرة منهم ونتعامل معاها وين المشكلة يعني وليه افتعال المشاكل دي ولمصلحة منو الامور كلها داخله في بعض وواضح انها لعبة قذرة ومحبوكة من كل الجهات لتحقيق مكاسب ضيقة مرتبطة بحالة الانتخابات القادمة والشعب البتعرض للضرب والهوان وسيرتنا الكل ما ليها سيئة بين العالم ( حروب ومجاعة وتكميم افواه) كل ذلك لاحساب له لا عند الحكومة ولا المعارضة . ودمتم