Quote: أنا زاتي ما بعرفك ... البعرفك هو الذي كتب عنك :
مضحك جداً أن تأتي هذه الفرية من صحفي من صميم عمله هو التحقق من المعلومات التي يبذلها...من وين عملتا لي أصحاب ليسو أصحابي!!!
عشان كدة قلنا ونكرر أنك يا عبود (والكلام لغيرك من الكيزان أيضاً)...محتاجين كثير من السمكرة والإصلاح عشان تقول كلام زي ده في سيرتك الذاتية:
Quote: وفتح لي ابواب الصحافة عمليا ،، وذلك مصدر اعتزازي وفخري ولا زلت اتعلم في بلاط صاحبة الجلالة
بلاط صاحبة الجلالة السوداني ده بيهمني أنو يكونوا الصحفيين الفيهو سودانيين واعين ومدركين لما هو السودان...بكل تاريخه وجغرافيته وحضارته والخ... وأن لا يأتي صحفي كوز زيك....في إستلاب يُحسد عليهو، يشجّع لينا منتخب مصر رغماً عن ورود أنباء بإغتيال زعيم سوداني في حلايب على يد قوات الامن المصرية بعد تعذيبه في السجن...
Quote: الحبيب علي عسكوري... طبعاً تقتلني الدهشة حالياً من رد السيد عبود عبد الرحيم...أنه صحفي سوداني يا عسكوري...تخيّل!!!
صحفي سوداني يُقتل زعيم سوداني من منطقة سودانية، على يد قوات أجنبية تحتّل جزء من بلاده... يقول ليك:
Quote: نستنكر الحادثة ونطالب بالقصاص
وطبعاً الكلام مجاني جداً...عشان كدة يواصل في شغلتو...
Quote: وبنشجع منتخب مصر مع مصر حتي النصر
بالله ده أسع تقول ليهو شنو؟
سيبنا من مقاييس الوطنية التي يبدو أن نصيب صاحبنا منها قد وضح من رده...
فلنرجع الى مقاييس مهنة الصحافة نفسها... فلنرجع الى مقاييس الإنسانية ساااي...
في هذا الزمن! بس ربي يهون...الزول خايف يعوّق ليهو زول بس!
وبعد أن حصل من الإعلام المصري ما حصل من إهانات بحق وطننا وشعبنا...عملتا نايم في سابقة تحيّر أي زول عندو حمية وطنية...خصوصاً لو كان صاحب قلم يكتب من أجل الوطن!
في نفس الوقت لم ننتظر أمثالك من عاشقي المنتخب المصري أنو يردوا لينا حقنا وكرامتنا التي أُهينت وعملنا ما نراه
شفتا كيف يا صحفي أنك قاعد في السهلة ساي؟ بالطبع لن أسألك عن أي مقال لك أو أي شئ عن قضايا السودان الكثيرة و الشائكة...ولا رأيك مثلاً في ضربة إسرائيل الجوية وإنتهاكها لسيادتنا في ضربة شرق السودان!
ولن أسألك عن أشياء كثيرة...فأنت تتمرمغ في بلاط صاحبة الجلالة...وقد هانت الزلابية بالفعل!
لو بتعرف الأستاذ الصحفي إبراهيم مصطفى (السودان الحديث) وهو يملك قيد صحفي ويعمل في وكالة الأنباء الكورية رقم واحد هنا (يونهاب)...لم تتم دعوته لمؤتمر الإعلاميين الأخير... ولحم الضان في بلاط صاحبة الجلالة يتمتع به عبود
قلت:
Quote: أساساً ليس عندي (أفضل ) ولا (اسوأ) .... كلو من مداخلات الجماعة هناااك :
بعدين شنو الملاطفات اللذيذة دي مع (الحاج) عمار!!! للللووووولز... البعرفو أنا في المنبر ده...قليلين جداً الما عندهم لقب (الحاج) ده...!
وكما قال شاعرنا : الكتيابي... حتى ا لآن...أمارس أضعف الإيمان ... معك يا عبود...ومنتظرك وعندك فرصة أخيرة لتأتي بأفضل ما عندك...ولو رفعتا الراية البيضاء، كما لمست من مداخلتك الأخيرة بمعنى (جريت واطي)...كلمني...كن شجاعاً (عكس وصف عمار لك)، وسترى معاملة الفرسان مننا.... نعرف شرف الخصومة جيداً...ولكن لمن الكوز يقول الروب فقط...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة