|
Re: اووووووووووع (الانقلاب ) بريحكم كلكم (Re: محمد حامد جمعه)
|
Quote: انتخابات شكلكم ناطين منها و(حتخسروها حتخسروها عشان اطمم بطنك ) وعمر البشير يحكم عاوزين تعلمو ليهو البلد مسيرات وبتاع وانقلاب قلتو كو ... |
محمد حامد يأخى يفترض إنك زول واعى ( وناقش ) إنتخابات شنو وخسران شنو وطمام بطن شنو ؟؟؟؟ يأخى نظام حاكم البلد 20 سنه بقوة السلاح ولهسه دباباتو بتاعة الإنقلاب قاعده فى الكبارى والتلفزيون والإذاعه وكل صباح بدوروها للتسخين طوال العشرين عام دى . بياتو منطق ممكن تخلوا زول يفوز معاكم وإنتو ماسكين مفاصل الدوله كلها ؟ يأخى فكرة مسيره سلميه بسيطه لتقديم مذكره خلتكم تستنفروا كل قوات السودان نظاميه وغير نظاميه ,, وبرضو تقول لى إنتخابات ؟؟ إتحرر إتحرر ياجمعه من قيودك دى !!
سؤال برئ :
أين كانت هذه القوات عندما هجم خليل على أم درمان ؟؟
| |
|
|
|
|
|
|
Re: اووووووووووع (الانقلاب ) بريحكم كلكم (Re: doma)
|
Quote:
والله حيرتونا
انتخابات شكلكم ناطين منها و(حتخسروها حتخسروها عشان اطمم بطنك ) وعمر البشير يحكم عاوزين تعلمو ليهو البلد مسيرات وبتاع وانقلاب قلتو كو ... خلاص نعملها قرعة وممكن تفحصو القرش عشان ما يطلع الجبتين طره |
ود ناس جمعة
ده شنو
الشيشة دي جنت ... ثم تاني مين هداك على الشيشة؟
| |
|
|
|
|
|
|
Re: اووووووووووع (الانقلاب ) بريحكم كلكم (Re: المسافر)
|
سؤال فني بما انو سعادتك مختص وكده
الانقلاب حيعمل فينا شنو تاني ؟
قتل وقتلتم تعذيب وعذبتم اعتقالات واعتقلتم سرقة وسرقتم تزوير وكذب وخيانة ما قصرتم تفريط في وحدة البلاد وسيادتها 30 الف جندي اجنبي واكثر وحلايب وغيرها شاهدة عليكم
افهموا لا يهدد الغريق بالماء
| |
|
|
|
|
|
|
Re: اووووووووووع (الانقلاب ) بريحكم كلكم (Re: المسافر)
|
والله أنا حزين وخجلان جِدًا ... بِقيت مُتَيقِن إنو أخير لينا < البشير > مِن < الديناصورات > العُظامِية الحايمة بِعضُم أبواتا وجُدودنا ليها 40 سنة ... مفيش فايدة ... خلاص أفتكِر حكومة البشير أخدت حِصتا مِن القتل والنهب والتمكين ... أو على الأقل ماف زول تاني مُحتاج يِقْتُلوهو وشيتًا يِنهبوهو أو كُرسي باقي ما إتْمكنو مِنو ... علشان كِده أخير لينا البشير ... إنْقِلاب جديد ، حيِبدأ مِن السطر الأول الصفحة الأولى ... قتل ونهب وتمكين ... < ديناصورات الوجاهة > [الصادِق المهدي وأجْنِحتو/الميرغني وأجْنِحتو/نقد وأجْنِحتو/التُرابي وأجْنِحتو/كمال شداد] دي بِقت في نُسختا الجديد < مُتوالِية > وقُبال كِده كانت في < الإتِحاد الإشتِراكي > وقُبال كِده < ديناصورات السِياسة > [عبدالرحمن المهدي/علي الميرغني/الشريف] رفعو مُذكِرة لِلحاكِم العام الإنكِليزي بِناشدوهو بِعدم إلغاء < الرِق > في السودان ...
في حقائِق في الأرض :- (1) السودان إتْعمر في تلاتة عُهود عسكرِية ديكتاتورِية < عبود/نميري/عُمر البشير >. (2) السودان دخل في نفق مُظلِم أثناء الحُكم الديمُقراطي. (3) ماف حُكم جا في السودان عن طريق إنقِلاب عسكري ، فاتو بِصندوق إنْتِخابات. (4) لولا سِياسة < التمكين > لكان أغلب شِمال السودان مع البشير (سِياسة التمكين أدت إلى أن أطلت الغبينة بِرأسِها ، التي قُطِفت). (5) محمد فؤاد حيغني في السودان. (6) الصمغ العربي كان حقو نسميهو < الصمغ السوداني > على الأقل علشان خاطِر < فستُق العبيد >.
| |
|
|
|
|
|
|
Re: اووووووووووع (الانقلاب ) بريحكم كلكم (Re: على محمد على بشير)
|
Quote: في حقائِق في الأرض :- (1) السودان إتْعمر في تلاتة عُهود عسكرِية ديكتاتورِية < عبود/نميري/عُمر البشير >. (2) السودان دخل في نفق مُظلِم أثناء الحُكم الديمُقراطي. (3) ماف حُكم جا في السودان عن طريق إنقِلاب عسكري ، فاتو بِصندوق إنْتِخابات. (4) لولا سِياسة < التمكين > لكان أغلب شِمال السودان مع البشير (سِياسة التمكين أدت إلى أن أطلت الغبينة بِرأسِها ، التي قُطِفت). |
ينصر دينك يا عـــــزام ،،
وسياسة التمكين دي أكيد فيها، وهي سبب الفساد مش كدا؟
يعني ما إتصدى للفساد والمفسدين ودا الحول حياة الشعب ليـ جـحـيم لا يُطاق -
وهرشوا الناس بي 28 ضابطـ ديلك !
الله يلطُف بي البلد وناســها
هشام
| |
|
|
|
|
|
|
Re: اووووووووووع (الانقلاب ) بريحكم كلكم (Re: محمد فرح)
|
برنامج المؤتمر الوطنى الانتخابى 2010 تحت شعار هى لله ولا للسلطه ولا للجاه (وش ضاحك وغامز)
-------------------------------
الى شعبنا الذليل الخنوع الخائف نشكرك لخوفك منا كل هذه السنين
اليكم برنامجنا الانتخابى
حقوق الانسان حسب فهمنا: حقوق الانسان دى مقصود بيها (حقوق ناسنا فقط-ايوه ناس المؤتمر الوطنى) فهم لهم مطلق حرية التعبير والتظاهر من اجل مصلحة الحكومة. اما انتم حقوقكم دى بصراحها اشربوها وبلو مويتها اوعك تتكلم بدون اذن مننا ماتطلع الشارع بدون رخصه مننا (عشان تشوف البديك رخصه) اى مره تلبس بنطلون- تنجلد لمن تقول بس. الرادى والتلفزيون ديل حكر لينا، والجرايد دى (معظمهما حقتنا). ناس الامن بتاعننا ديل بيعتقلوا وبيعذبوا (مااصلوا ده شغلهم عايزهم يبقوا عطاله كمان) وكمان ناس البوليس ، و عندهم حصانه (يعنى مافى زل بيهبشهم) القضاة ديل كلهم فى جيبنا- المحاكم تحكم حسب مزاجنا. لو مشيت تشكى المحكمه الدستوريه او العليا بتضيع زمنك ساكت . (ده هو الفهم الصحيح لاستقلالية القضاء –خلونا من الفلسفة الفارغه) ديمقراطية شنو انتو شبه ديمقراطيه شعب معفن- التزوير والكذب هو وسيلتنا. تحتج بنكسرك ونسجنك ونعذبك وكمان لو ماعندك ضهر او مقطوع من شجره ساكت- الموت راجيك. (ما أنحنا اصلوا مجرمين حرب كما يقول المدعو اوكامبوا كما تعلمون- ودى شهادة نحن بنفخر بيها)
ميزانيتنا: تمرض عالج نفسك- نصرف عليكم ليه شعب مدلع. عايز تتعلم – القارين ليها شنو (القر اليفقعكم) لو ماعندكم قروش الترابه دى فى خشمكم عايز تشتغل- إلا بواسطه تفتح ليك كشك ليمون أو محل اتصالات ، جبايات ساكت بنلحق حدك (نحن موية الوضو بتاعت صلاة الله والرسول دى بنخصمها منكم (بالمناسبه فى جامع فى الحصاحيصا بيعمل كده (الوضو =30 قرش))
عشان نزيدكم غيظا: قروش البترول، ومعاها القروش البنقلعا منكم دى (زنديه) (ضرائب جبايات، رسوم، دمغات، جمارك زكاة)، اولا بنصرفها مرتبات ومخصصات ليى روحنا دى، وعطاءات لشركاتنا، والباقى بنعمل بيهو حمايه لأنفسنا، منكم ياشعب يا جيعان.
مفهومنا للفساد: ياجماعة انت القصه فاهمنها بالمقلوب شوفوا: حكاية تشيل رشوه او تدى زول رشوه –ده ما فساد ياجماعه او تشيل عموله، تزور فى ورق رسمى أو تدى الشركة بتاعتك ولا بتاعت اصحابك وقرايبك عطاء حكومى- ده برضو ما فساد تستلف (وش غامز) قروش من خزينة الدوله...أو تشيل قروش من بنك بدون ضمان. ده مافساد توظف ناسك وقرائبك فى شركتك او مصلحتك الحكوميه- ده مافساد تضارب فى السلع زى السكر أو الدولار............الخ دى فهلوه ياجماعه،
الفساد باختصار: هى الشحده فى الشارع.
سياساتنا الخارجية:
طبعا باعتبارنا متخصصين فى جرائم الحرب (وبشهادة اوكامبو التى نفخر بها) كل الدول المنبوذه اصحابنا ارتريا ( ديل متخصصين فى قمع حريات التعبير)، ايران (وديل متخصصين قمع مظاهرات وتزوير انتخابات)، تانى منو---ياربى؟ اها الصين ومصر دى مصالح مشتركه ساكت.
اخيرا: اى اتفاقيه نوقعها مابنفذها والرهيفه تنقد البلاقينا متشمر بنلاقيهو عرايا
كما قال احد المتشاعرين "ياشعبنا ياوالدنا أحبنا" -------شوف ليك كضب --- بنقول ليكم حباكم برص. يلا امشوا صوتوا لينا بلا يخمكم- هو انتوا لاقين ناس زينا وين عشان يحكموكم....
| |
|
|
|
|
|
|
|