بوعي كبير جماهير الشعب السوداني تلزم بيوتها وتقاطع مسيرة حريق الخرطوم...(فشل المخطط الاول) !!!!

Quote: Quote: لم يذهب أحد منهم بعيدا لكي يعود، هؤلاء ضاربون في عمق الأرض ولا فكاك انظر لدعواهم بعين العقل المتجرد فهل تستحق مطالبهم المشروعة كثرة ما حشد من سلاح؟ من هابيل و من قابيل هنا يا اخي؟ عجيب أمرك ياياعزاز شامي... ولكانك قد اعطيتي نفسك الحق في كمال التأكد مما خلف العبارات التي كتبتها.. واختزلتي كل أمنياتي ودعواتي وعلني وسري .. أيضاحا ورمزية.. وأظهارا وكنية.. وتفصيل خاتمة حديثي علي مجموعة بعينها لا ترين عوالم اخري خارجها.. ثم تتقمصين شخصية الزعيم متحدثة عنهم .. (وكلهم عندك ثقة)..ضاربون في الارض.. ثم تهبطين بنا فجأة الي حيث لم تودي منذ البداية..لتضعي خطة التأمين وعدد العساكر وقطع السلاح..!!! ولو قلتي أن كل بندقية يجب أن نضع بها علما لأسرائيل لوجدتي كثيرين هنا يقولون لك.. برافو.. عزاز الاصيلة اتت بالحقيقة.. البنت النادرة والكثير مما يكتبون وحينما لا يجدون.. تؤسس لك رابطة المعجبين .. هؤلاء هم الذين لم يذهبوا بعيدا.. وضاربون في العمق..ولا فكاك.. لكن ليس من أرض الوطن.. ولا فيه.. ولا منه .. الوطن لا نبنيه بالهتيفة من السطحيين وعديمي الوطنية.. طيب نرجع نذاكر من تاني... درس اول استاذة... أيه يعني معني الوطنية؟؟؟ أيه يعني أكون وطني غيور..؟؟ وأيه يفرق اطلع موكب من مسجد أو بار أو حتي كنيسة؟؟ أيه يفرق يااستاذة أني أكون مدعوم من برة .. موهوم بالقوة وواهم ناس تانيين اني ديمقراطي؟؟ ديمقراطي هنا... هناك ارواح بتروح وقتل بالكوم؟؟؟ ايه يفرق وايه معني اني بعيد ايدي في الموية.. وبي كلمات في المنبر عايز الدنيا تقوم؟؟ وناس تعبانة وشقيانة وعايزة امان لي اولادها في شوارع خرطوم.. شان بس تقدر تلقي شوية امان في نوم.. ورافضين الموكب وناس الموكب وكل تظاهر في الخرطوم.. لا هم في حزب لا هم مع زول ضد زول.. بس سودانيين برضو ولانهم شافو قبل اهوال يوم اتنين مشئوم.. فقدوا اولاد وفقدوا بنات زيك والله يا استاذة ومن نفس القوم.. وبرضوا شايفين روحهم وطنيين من جوة بيوتهم .. اقدر اعرف يا استاذة كيف بتوزعي كلمة وطنية بيناتهم.. وبي منظار شمسك ديك بطلعو عندك كم كوم؟