|
رابطة برالمة المنبر ( ممنوع دخول السناير ) سري جدا
|
تعلن الرابطة لاعضائها الكرام عن تشكيل شلة خاصة بهم بالمنبر وذلك بعد ورود كثير من الشكاوي من الاعضاء( البرالمة ) بسبب تجاهل الاخوة السناير لهم في موضوعاتهم وتطنيشهم وعدم الرد علي موضوعاتهم والاكتفاء بالسنيرة السلبية عليهم والعمل بنظام الشلليات مما احبط الكثيرين منهم
لذلك تهيب الرابطة من اعضائها الكرام موديل 2009 خصوصا تسجيل حضور هنا لمناقشة سبل وقف هيمنة السناير وتشكيل لوبي عليهم الي ان يعودوا الي رشدهم ويسيبو الحركات البايخة البسوو فيها دي
ولا نامت اعين الجبناء
ملحوظة اي برلوم ما بسجل اسمه هنا لا يلوم الا نفسه وسوف نعتبره من الاخوة الاعداء
اللجنة التمهيدية للرابطة
|
|
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: ALazhary2)
|
الأخ : بكري عباس - تحياتي وأشواقي
Quote: وقف هيمنة السناير وتشكيل لوبي عليهم الي ان يعودوا الي رشدهم ويسيبو الحركات البايخة البسوو فيها دي |
ده كلام شنو ده يابكري كده شوية شوية أخوي , الجماعة ديل ما فيهم سيد الحوش زاتو!!! , وفيهم هكرز وبلاوي كده خلينا نسايسهم شوية , وما تنسى عندنا مكاسب كويسة معاهم . أيش رأيك في كلام ولدنا أزهري 2 ؟
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: بكري عباس علي)
|
Quote: يا اخوي هوي والله الناس ديل ما بتنفع معاهم الا العين الحمراء عشان كده لازم نثبت وجودنا بقوة معاهم عشان يبطلوا السنيرة حقتهم دي
|
عين حمرة , عين حمرة فلننطلق نعم لتكوين الرابطة نعم لتكوين الرابطة نعم لتكوين الرابطة نعم لتكوين الرابطة نعم لتكوين الرابطة نعم لتكوين الرابطة ولانامت أعين الجبناء
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: ماجدة عوض خوجلى)
|
.....برالمة 2009 سلام....
.....وعيدكم مبارك....
اها السناير الاتبرلموا على كبر كيف بتقبلوهم؟؟؟
يا شباب صلوا على النبي
اها اسمعوا مني
صدقوني اولا هذا المنبر لم يعد هو المنبر.....
تم انضاما اعداد هائله له ودي نعمه وبركه
المشكله العضويه بقت ما بتقرأ لبعض ذاتهم صدقوني
يعني انا في ناس كثار بيني وبينهم تلفونات
زمان لما نتحدث بنكون قرينا نفس المواضيع حسه لاحزت
اغلبهم يقولوا لي وده وين؟؟؟اول لهم مكتوب في المنبر!!
يبقى في حاجه بقت ما مفهومه.
المنبر بقى زي قطار القشاش(قطار مصري) ماشيء بسرعه خلاص
فصدقوني لا يوجد تجاهل ولا حاجه.....انتو بس اتشعبطوا جامد
وكفوا عن احساسكم بالبرلمه.
وكل عام وانتو بخير.
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: ماجدة عوض خوجلى)
|
. . البرلوم بكري
دقست دقسة برلومية خطيرة في حكاية أمانة المرأة دي وحاتزعل منك كل القوى المستنيرة الشفيفة الجسورة التقدمية النضالية المصادمة الثورية .
إسمها سكرتارية
حكاية أمين أمانة والأمنين العام وأمانة كذا دي حقت القوى الظلامية الفاشية الرجعية الشمولية القروسطية .
شيل شيلتك واطاتك أصبحت والله يستر عليك مايجيك الزميل الدكتور ويتلحك بي الكوبي بيست وصور الجرادل واللواري .
أمانة ماوقع برلوم. .
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: ALazhary2)
|
الزعيم الازهري 2
Quote: البرلوم بكري
دقست دقسة برلومية خطيرة في حكاية أمانة المرأة دي وحاتزعل منك كل القوى المستنيرة الشفيفة الجسورة التقدمية النضالية المصادمة الثورية .
إسمها سكرتارية
حكاية أمين أمانة والأمنين العام وأمانة كذا دي حقت القوى الظلامية الفاشية الرجعية الشمولية القروسطية .
شيل شيلتك واطاتك أصبحت والله يستر عليك مايجيك الزميل الدكتور ويتلحك بي الكوبي بيست وصور الجرادل واللواري .
أمانة ماوقع برلوم.
|
من ناحية برلوم دي اصلا ما فيها شك ولا ناكرينها بل نؤكد عليها
اما من ناحية المسميات دي ياخي ما تحكها شديد لانو ما فارقة معانا لانو الجميع عارفننا برالمة
وعشان ما نزعل الناس الثوريين القلتا عليهم ديلك
جاري التعديل
بس في اضافة مهمة جدا انو رابطتتا دي بتشيل ناس السودان كلهم بدون فرز عشان نكون منصفين ولا شنو ؟
شكرا لك يا زعيم وخليك معانا طوالي بالذات في مرحلة التاسيس دي محتاجين ناس زيك اوكي
تسلم
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: د.يوسف محمد طاهر)
|
Quote: .....برالمة 2009 سلام....
.....وعيدكم مبارك....
اها السناير الاتبرلموا على كبر كيف بتقبلوهم؟؟؟
يا شباب صلوا على النبي
اها اسمعوا مني
صدقوني اولا هذا المنبر لم يعد هو المنبر.....
تم انضاما اعداد هائله له ودي نعمه وبركه
المشكله العضويه بقت ما بتقرأ لبعض ذاتهم صدقوني
يعني انا في ناس كثار بيني وبينهم تلفونات
زمان لما نتحدث بنكون قرينا نفس المواضيع حسه لاحزت
اغلبهم يقولوا لي وده وين؟؟؟اول لهم مكتوب في المنبر!!
يبقى في حاجه بقت ما مفهومه.
المنبر بقى زي قطار القشاش(قطار مصري) ماشيء بسرعه خلاص
فصدقوني لا يوجد تجاهل ولا حاجه.....انتو بس اتشعبطوا جامد
وكفوا عن احساسكم بالبرلمه.
وكل عام وانتو بخير. ] |
Quote: قرجاج يا برلوم
Quote: مدثر قرجاج : .
عدد البوستات: 516 تاريخ التسجيل: 21-07-2009 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: التلفون: الجامعة/المعهد: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
قلت لي بالبساطه دي وبضربة كي بورد عايز تزور ارادتنا؟؟؟ من اين لك حق الحديث باسم الشعب السوداني؟؟؟؟
ايه الخلاك انت الشعب السوداني ومن حقك الحديث باسمه وخلاني انا ما الشعب السوداني؟؟ ولا حتى بعضه؟؟؟؟ [ |
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: مدثر قرجاج)
|
عيدكم سعيد ,,
الازهري 2 بورطكم ,,, ده عدو البرالمة الاول ,, ما شايفين زنقة لمحمد عادل ,,,,,,,,,,,,,,,,,
,, ,,, نتمنى لكم اقامة سعيده ,,,,
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: شول اشوانق دينق)
|
نقطة نظام*
يشتكي البعض هنا و خصوصآ من الذين قدموا حديثآ لهذا المنبر من تجاهل "السلف المنبري" أو من سبقت لهم الPassWord.... و قد بدأت بعض التصانيف تطفو إلى السطح من عينة برالمة-سناير....
كما يتذمر البعض الآخر من وجود ما يسميه بالشلليات و التكتلات أو ما شابه ذلك...و أنهم يهرعون ل "فزعة" بوستات بعضهم البعض بغض النظر عن محتواها.....
عزيزي** الشاكي "الليالي"... عزيزي** المتذمر "ديمة"....
أرجوك ألا تنسى أن "حب الناس مذاهب"....و أنه "ما تعارف منها إئتلف...و ما تناكر منها إختلف"....
أخرج مكنونات نفسك و لا يغرنك كثرة المؤازرين و لا تحبطنك قلتهم ...هم رجال و نحن رجال***... و أشكر من آذرك و من لم يفعل...فرب صمت أفضل من "كلمة تقول لصاحبها دعني"......
كل عام و أنتم بخير....
أعود إليك عزيزي المتابع...
يتبع......
ود حطب الله ------------------------------------------------ *نقلآ عن بوست "طبقات ودحطب الله" **الإستخدام هنا للجنسين... ***شرحو....
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: مهيرة)
|
كل سنه وانتو طيبين وعشان نكون برالمه مؤدبين لازم نهنى السناير اولا بعدين نهنى بعضنا اها ياشريكات الكفاح وحسب ما تقتضيه الوظيفه الجديده وبما اننى على رأس رابطة المرأة البوردابيه ل 2009 التهانى للجميع وبمناسبة هذه الايام الطيبه يجب ان نوحد جهودنا حتى لا يتمكن السناير من نتيف ريشنا وجهجهتنا
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: مريم عبد الله)
|
يابرالمة المنبر الاعزاء سلام انتم فعلا كبار ولا يستطيع احد ان ينقصنا حقنا هذا لكن مثل هذه البوستات تضعفنا اكثر وتجعلنا عصبه منزويه تبحث عن حقوق ضايعه لها بدون ان يكون اصلا لها حقوق مثل هذه البوستات تجعلنا نقف عند مربع البرالمه والبرلمه وتجعل الناس المامتذكرين حكاية البرلمه يتذكروا عشان كده تعالوا نتوحد داخل من تتطلقون عليهم سناير نفرض انفسنا بقوة الكلمه والحجه وبحلاوة الطرح والمواضيع الدسمه فى البدايه لن يدخل احد لكن فى النهاية اكيد سيتدافع كل الناس ...اذا تعالوا نذوب في هؤلاء السناير اذا صح التعبير ونضع نصب اعيننا المنبر والموقع ككل ونهتم بكل السودانيين الذين يطالعون البورد فهم اكثر بكثير من قله من السناير نحاول ان نخلق بيننا وبينهم اشياء وهمية لا وجود لها ....وبعدين عايز اقول ليكم حاجه من حقى ان اعمل مداخله مع الزول البريحنى مش على كيفى انشاالله يكون عندى زول واحد بس يرد على وارد عليه ...عارفين ياشباب المشكله وين المشكله انو هذه المشكله الانتو طرحتوها ماعندها حل وقبليكم انا فتحت بوستات وبوستات لكن مافى فايده ادركت حينها ان البورد يحتاج لمزيد من المصابره وليس شد انتباه الناس والتحنيس يعنى هسه البوست ده ان بعتبرو زى كلمة ووووب على تعالوا اعملوا معاى مداخله وهذا من قبيل السكلبه والولوله التى لا تليق بشباب البورد الجديد ...داخل البورد يوجد ناس زى العسل ويوجد ناس بس بصل ويوجد ناس عندهم مرض النرجيسيه يعنى بيعتبروا الدخول فى بوست شخص اخر والتعليق يقلل من قيمتهم وفى ناس هجروا البورد منذ سنوات طويله عشان فى ناس خشت جديده ماعاجباهم يعنى الشغلانيه جايطه والحل الامثل لهذه المشكله الداير يصبر يصبر والماعايز اشتت لانو نحن ماجينا عشان عيون السناير ولا راجين مداخلات بس نحن عندنا شحنات نفرقها فى هذا المنبر والداير يعمل شله على كيفو والداير يشوت براهو برضو هو حر ....يابرالمة المنبر انتم مستقبل هذا البورد المشرق الواعد وانتم من نفختم الروح فيه بعد فترة صعبه عاناها المنبر وانتم من سيكون لكم الرياده والقياده والسنيره البفتشوا ليها دى بس دعونا نكون اقوى من هذا لا اريد لهذا البوست ان يغطس لكن اريد ان تتغير تلك النبره الموجوده ونحول دفة النقاش الى مستقبل البرالمه فى البورد وكيف يتثنى لهم ان يدعموا مسيرة المنبر وليس من اجل تكوين شله لاننا ماماشين رحله ارجو منكم ان نتوحد للمضى قدما فى مشروع البورد الجديد لاننا من سيقود هذه الثورة.................. مودتى ليك وكل سنه وانتم طيبين
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: حسن حماد محمد)
|
الاخوة والاخوات البرالمة
كل عام وانتم بخير والعام القادم انشاء الله سناير
ارجو من الاخوة البرالمة طرح اراءهم وتكتيكاتهم وتصوراتهم
وايضا ارجو ان تتوصوا بهذا البوست خيرا يعني ما دايرنو ينزل كلو كلو
لغاية ما نرجع ليكم بمهلة لانو حاليا اللحمة دي عاملة لينا انبهاط عديل كدة
تمام
يلا سلام
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: امل كرار ابراهيم فرح)
|
حتى أنت يابكووووور !!!!!!!
المهم أمل ادتنا أملين وكلاما نجيض تب
ياخى قالوا المابعرفك بجهلك ....
عملنا ( جانا العيدعيدين ) مافى زول جاب خبرنا لابرلوم ولا ابان جضوم
قلنا نعمل جائزة ( من يربح المليون فى العيد ) برضو لاحياة لمن تنادى
أول مرة فرحنى سيد الحوش بارك الله فيهو ، رفع بوستى ( ياهادى متى شفاك )
عاليا خفاقا ومن ديك وعيييييييك ....
فياخى قررنا الانضمام لكم شدو حيلكم....
ودالبدوى أبوفاطمة
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: عادل عبدالعزيز عبد الرحيم)
|
بكري وبقية البرالمة ........ كل عام وانتم بخير
يابكري ح نعينك حكمدار على البرالمة ديل كل يوم الصباح ترفع التمام لي عمك الرقيب أول ودالصايم ...
هو بدوره ح يرفع التمام لي عمك الصول وهبة ...... تاخدو من التعليمات وتسمعو كلامو لحدي ما تبقو سناير ...
وين البرلوم محمد عمر جبريل شايفو مسجل غياب ........ دخلوه مكتب للمحاسبة بعد العيد .....
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: د.يوسف محمد طاهر)
|
سلام صاحب البوست وضيوفه الكرام واتي السناير يدقون الطبول ويتسائلون (أهي الحرب اذن)؟؟ كما ذكر اخونا وفي اقوال اخري سنيرنا ( بسبب الهرشة ) ود الصايم اظن السؤال منبعه ان الهجوم خير وسيلة للدفاع عني انا كمسجلة حديثا في فريق سودانيز اونلاين يهمني قيمة العطاء وفائدته خلاصة قولي يا ناس هوووي اتخلصوا من الاحساس بالبرلمة وانكم ناس جداد وكان الناس المسجلين من زمااان اتداخلوا معاكم يكون طيب وكان ما عبروكم برضو ما مشكلة لانو المهم الفكرة المفيدة والرأي السديد
امل: مسجلة قرييييب وعاملة فيها ما برلومة
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: Dr. Salah Albashier)
|
الأخ بكري .. والأخوة زملاء البرلمة .. والضيوف الكرام ..
كل عام وأنتم جميعا بألف خير وربنا يحقق أمانيكم ..
لا شك أننا جميعا قد دخلنا في هذا الحوش الكبير بدافع من الرغبة في الإفادة والإستفادة فكلنا قد أتى يحمل في دواخله عقلا واعيا وفكرا متجددا وتجارب في هذه الحياة لا يستهان بها .. وبالتالي فإن مفهوم البرلمة هنا لا يعني بأي حال من الأحوال برلمة العقول والأفكار ... أرجو أن لا تقلل حالة البرلمة الزمانية التي نعيشها من همتنا ورغبتنا في العطاء وأن لا تتهيبوا شيئا فالمجال مجال تدافع للأفكار واستدعاء لتجارب الحياة .. من تداخل معكم وأدلى بدلوه وشارككم الرأي فله الشكر وواجب التقدير ومن لم يتداخل ( متسنيرا ) أيضا له الشكر فليس في ذلك تقليلا من أقدارنا..
محبتي لكم جميعا برالمة وسناير ....!!!!!
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: عبد القادر بابكر)
|
تعقيب بسيط علي بعض المداخلات
عندما نتكلم عن البرلمة هنا لا نعني اننا مستجدين كليا فالجديد عندنا فقط هو الباسويرد فعن نفسي كنت متابع ممتاز لهذا المنبر العملاق منذ تاسيسه واعرف عنه وعن اعضاؤه الكثير بل وتربطني ببعضهم علاقات وطيدة ولي الكثير من المشاركات في المنتديات والاسافير الاخري
اذن انا ومعي الكثيرين ( كما ورد اعلاه ) نعتبر سناير ولكن من منازلهم
لذلك برلمتنا تعتبر برلمة رائدة وجب احترامها
بكري
| |
|
|
|
|
|
|
Re: رابطة برالمة المنبر ( ممنوع دخول السناير ) سري جدا (Re: Dr. Salah Albashier)
|
Quote: الأخوات والإخوة برالمة وسناير لكم مني التحية ووافر الإحترام وكل عام وأنتم جميعا بخير على اختلاف مشاربكم ومنازعكم لا .. ليست الحرب إذن، هي المودة إذن، هي التشجيع إذن، هي الأخوة إذن، هي الترحيب إذن مع خالص تحياتي د. صلاح البشير |
ده الكلام السمح الدايرنوا .. يا دكتور صلاح
..بعدين ياأخي بكري عندك بوست جيد عنوانه تقريبا (هل نحن السودانيين كسالى )
انا عملت فيه مداخله طويلة( فشيت فيها غبيه من موقف معين لمذيع الmbc )
رغم اني ما انتبهت لتاريخ تسجيلك وفاكرك سنير..(ورب برلوم خير من سنير)
فكرة الرابطة مفيده مرحليا وتكسر العزله.. لانني لاحظت هنا بوستات تحمل نفس الفكرة
تجد الاهتمام والردود اذا كانت من سنير والاهمال اذا كانت من برلوم..
| |
|
|
|
|
|
|
|