إستخدام الهياكل الحديدية فى البناء بدل الخرصانة : ما الفرق ؟؟

Quote: السكن‏ From: mohammad a.alla (………[email protected]) Sent: Sunday, December 20, 2009 8:56:47 AM To: شكري ماطوس ([email protected]) السلام عليكم ورحمة الله اخبارك استاذ شكري ان شاء الله تكون بخير كل يوم افتح سودانيز اونلاين وافتش لموضوعك عسى ان اجد حل لمعضلة السكن والبناء الرخيص او اجد رد الاستاذه هويدا لانها بشرتنا بالحل الذي يكفينا تعب الايجار النفسي والمادي. حقيقه الموضوع ده انا متابعو عشان عندي مشكلة سكن اولا واريد لها الحل العاجل ولكن الامانه تقتضي علي اذا كان لدي راي في شئ ان اذكره ولك ان ترى ان ينشر او لا وللاخوه المتداخلين معاك ان يردو ويفندو خاصه ومنبركم بعج باهل الاختصاص واكيد فيهم من هو اكثر خبره وعلما مني. حسب علمي(الخاص) ان الثري دي بانل هو مثل الساندوتش بانل يستخدم لمل الفراغات في داخل الهياكل الخرصانيه او الحديديه وهو يصنع في المصانع وقد عملت كطلبه في الاجازه في عام 1988 في تركيب ساندوتش بانل داخل جملون كبير وقد كنت مندهشا من السرعه في التركيب ومن جمال تلك الالواح واكيد ليها مميزات اكتر مثل مقاومة الحرائق . في الاونه الاخيره(بالنسبه لي) ظهرت هذه التقنيه في انشاء المباني وحمل عدة طوابق(في واحد في احد المواقع قال 100 طابق وواحد قال عشره) ولقد بحثت في الانترنت عن الحسابات الانشائيه لذلك ولم اجد. لذلك اطلب من الاخوه المتداخلين يعني لو ممكن طريقة توزيع الاحمال والوصلات بتكون كيف وبالتفصيل خاصه في حالات الطوابق المتعدده يعني في حالات الهيكل الحديدي او الخرساني او حتى الخشبي بيكون في طرق للتصميم الانشائي ومواصفات للربط بين الفواصل وكود به كل المعايير المعروفه والكلام ده برضو بيشمل المباني من الطوب برضو عندها مواصفات فعشان تقنع مهندس مدني انت بحاجه لتوضيح اشياء كثيره يمكن انا جبت ليك جزء منها اما الترويج والاعلان والزول يشوف ليهو بيت مبني فدي بتكون للمواطنين العاديين وانا ذاتي لو ما لقيت زول وراني الحسابات الانشائيه لكن شفت بيت عجبني شكلو وسيدو قال لي البيت ده ليهو خمسه سنه مافيهو اي مشكله وسعرو طلع ارخص من الايجار لخمسه سنه،، مالو نخش فيهو واكون مقتنع بالتجربه و قلة القروش.. وشكرا ليك ولكل الاخوه المتداخلين معاك وما تهمل البوست ده لحدي ما اخر متداخل يسكن اخوك محمد عبدالله