الشعب السودانى يستفسر عن علاقة حلايب بتشجيع المنتخب

Quote: مدثر قرجاج : . عدد البوستات: 516 تاريخ التسجيل: 21-07-2009 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: التلفون: الجامعة/المعهد: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:

Quote: في الفيديو يا عزيزي ستعرف أنو في شعب مصري قاعد في حلايب حالياً ويحميه قواته المسلحة المصرية... وفي الفيديو يا عزيزي ستعرف أنو تأثير الآلة الإعلامية المصرية كبير على الشعب المصري، ولذلك من الصعوبة بمكان الفصل ما بين (الشعب) والحكومة المصرية فيما يختص بمسألة أراضينا السودانية في حلايب! يوجد خلاف حدودي ما بين كوريا الجنوبية واليابان في جزر دوكدو... وعليه، لا أظن في كوري جنوبي بيشجع اليابان في مباراتها ضد أي كان...لأن اللاعب الياباني قد يكون جندي سابق أو لاحق في قوات الإحتلال على الجزيرة محل الكلام...! كلّم الشعب السوداني بالله، قول ليهو بطّلوا طيبة بدرجة العباطة! ]

Quote: انا ببصم ليك بالعشره ان معظم من يكرهون مصر يكرهونها لاسباب اخرى لاتمت لى حلايب بصله وخلينا واقعيين شويع عليك الله .....

Quote: مدثر سلام يا اخي المصريين ديل من سنة 1948 السودانيين بحاربو معاهم دفاعا عن ارضهم... مثلا نحن في منطقة المناصير استشهد عددا من ابنائنا في حرب 1973 في الجبهه دفاعا عن مصر، ومثل ذلك كثيرون في مختلف بقاع السودان. ده كله ما كان وازع كافي انه يمنعهم من احتلال اراضي السودان وتشريد اهلها... المصرين يمثلون قمة الانتهازيه... انا شخصيا لا بكرهم ولا بشعر تجاههم بالدونيه لكن الاعيبهم واستغلالهم للخلافات السياسيه السودانيه وانتهاز الفرصه لتحقيق مكاسب والتوسع في الارض مرفوضه ابتداء. المصريين شعب متملق وضعيف بستاسدوا علي السودانيين فقط... ولو عايز تعرف الكلام ده اقراء قبولهم بكل شروط انجلترا بعد مقتل السير لي ستاك في القاهره والانذار النهائي الاصدره اللورد اللنبي. لذلك يا اخي ليس هنالك أي شعور بالدونيه... ولا عنصريه ولا بنكرهم... لكن لن نقبل باحتلالهم لارضنا مهما كانت الاسباب...!

Quote: العزيز مدثر التحايا والاحترام كون انو مصر تحتل حلايب سبب كافي لعدم تشجيعها بل ولاعتبارها دولة عدو ، سؤال : لو كان العكس هو الصحيح اي السودان هو من احتل الارض المصرية هل كنت تظن ان المصريين كانوا سيشجعون منتخبنا ؟ علي كل حال هم شجعوا تشاد ضدنا عندما لعبنا بمصر ، اذن والحال كذلك كيف يستقيم لسوداني كامل الوطنية تشجيع منتخب دولة غاصبة لاراضيه ؟ منطق انو الحكومة المصرية هي العملت كدا منطق غريب ، أي احتلال طبعا بيقوم بيهو جيش الدولة ، والا فانو علي الفلسطينيين يحبوا الاسرائيليين لأنو حكومتهم هي الظلمتهم وليس الشعب ! بخصوص الاحساس بالدونية فيا صديقي لم اسمع في كل الدنيا عن ناس بيغنوا لدولة تانية وهي ما شغالة بيهم ! ياخي شوف كم غنية غنوها السودانيين لتمجيد مصر!

Quote: دا يطلع فوق البوست دا... قاعد تحت ليه... شكرا يا قرقاج يا معلم, كلامك دا وكتابتك دي دا ضمتو للمجموعة في البوست التحت , بتلقا كلام كده وتعليقات في قعر البوست ادناه... بنحاول نوثق البوثتات اللي كتبوها الناس في الحدث التاريخي , مباراة مصر و الجزائر المرتقبة.

Quote: قلت لي بالبساطه دي وبضربة كي بورد عايز تزور ارادتنا؟؟؟ من اين لك حق الحديث باسم الشعب السوداني؟؟؟؟ ايه الخلاك انت الشعب السوداني ومن حقك الحديث باسمه وخلاني انا ما الشعب السوداني؟؟ ولا حتى بعضه؟؟؟؟ Quote: الشعب السودانى يستفسر عن علاقة حلايب بتشجيع المنتخب وكيف صرت انت ناطقا باسم الشعب السوداني؟؟؟

Quote: سلام وتحيةواحترام كبير .. أضيف لأقول مهما يكن من أمر فالمسألة مسألة أرض وطن مغتصبة ، ومن من .. ؟ ممن يدعون أنهم إخوتنا وأشقائنا ويعلمون تماما طيبة أهل السودان لذلك هم يستمرؤون هذه الوشائج ويبادرون بالظلم والعداء على أرض وبلد ليست للحكومة وإنما ملك للشعب السودانى قاطبة أقول كيف رجعت لهم طابا ومن الذى ساعد فى إرجاعها .. عجبى .. ولك التحية .. محمد مختار جعفر ]

Quote: علاقة حلايب بتشجيع المنتخب زي علاقة الحليب بالحلب . بلاهي ده كلام ياجماعة !!!!!!!! * سؤال : ما علاقة احتلال حيفا ويافا والقدس وعكا بتشجيع الفلسطينين للمنتخب اليهودي ؟ ]

Quote: الأخ الشعب الســودانى، سلام... هل هذا لقب أخترته من اجل البوست فقط، أم فعلا نصبت نفسك متحدثا بإسـم هـذا الشعب المغلوب على أمره؟

(عدل بواسطة الفاتح شلبي on 11-18-2009, 02:45 PM)

Quote: سيدى لا تستطيع أن تجزم بذلك . الحب والكراهية من القلب ولا أظنك تستطيع أن تتأكد عما بداخل القلوب ثم يا صديقى الموضوع ليس حب أو كراهية وانما اغتصاب ارض ودون الأرض والعرض الموت حلال من حقنا أن نظهر عدم رضانا ومعارضتنا لما تقوم به الحكومة المصرية من تشريد وتنكيل بأهلنا فى حلائب وحتى يستقيم الأمر لا أرى سبب للاحتفال بالمنتخب الوطنى المصرى لأن بيننا قضايا وطنية تحتاج لوقفة وان كنا لا نملك أن ندفع بحكومتنا للقيام بواجبها تجاه الوطن وسلامة أراضيه فعلى الأقل نرسل رسالة من الشعب للشعب بأننا على خلاف وتشجيعنا لا يتأتى لمن سلب أرضنا الموضوع أيضاً ليس له علاقة بالشعور بالدونية وانما بنظرة الاستعلاء والاحتقار التى يقابلنا بها المصريون. Quote: اول شى نفسى افهم علاقة التشجيع شنو بحلايب؟؟ (نفسى أفهم) وله (عايز أفهم) !!!!!!!نرجو المحافظة على اللهجة السودانية وأرجوك تبديل كلمة (نفسى) ب (عايز)هههههههههههه ما تزعل ياخى مجرد هظار

Quote: الشعب يستفسر عن قيمة استقبال من احتل ارضه للمحتل بالورود والتصفيق للقتله والشعب يسال لماذا اقيمت مباراة السودان وتشاد فى مصر لخلاف سياسى بين قيادتين ويستقبل المحتل بحفاوة فى الخرطوم

Quote: مدثر قرجاج حسع أقول ليك حاجة واحيرك ؟ صدقني انا لا أميل لأي فريق فى مباراة اليوم, لكن لو قلنا جدلاً ضرورة تحديد فريق كنت سأقول فريق مصر ومع ذلك لو كنت فى الخرطوم كنت سأحمل يافطة قدر الضربة مكتوب فيها حــــلايـــب ســـــودانـيـــــــــة

Quote: الأخ الشعب الســودانى، سلام... هل هذا لقب أخترته من اجل البوست فقط، أم فعلا نصبت نفسك متحدثا بإسـم هـذا الشعب المغلوب على أمره؟