ومالنا ومــال العـــرب.. كوره بتاع ايـــه...!

Quote: انه امر لجد مدهش ان يهتم السودانييون بمباره كرة قدم لفرق اجنبيه تقام علي ارضهم. بل المؤسف اكثر ان يتباري الناس في من يشجعون والي من ينحازون !بالله عليكم هسي موضوع فارغ زي ده في زول فايق ليه...! بلدنا علي شفاء حفره وممكن تنقسم ويتفرق شملها وتنتهي تماما من الوجود... مئات الالاف مشردين في دارفور بلا مأوي والفقر والجوع يفتك بكل مناطق السودان... ومصر محتله منطقة عزيزه من اراضينا وغيرها في الفقشه وخلافه... كله ما هماكم... وفايقين وعندكم ووقت تشجعوا الفرق الاجنبيه فوق ارضكم كوره بتاعت شنو البتتكلموا عنها...! لسه نحن ما وصلنا الترف الزي ده...! الفرق دي ما عندنا اي علاقه بيها ولا يهمنا ما يحصل لها، فرق اجنبيه الشعب السوداني لا يهمه امرها في قليل او كثير. اي واحد في الفريقين ما حا يرفع علم السودان في جنوب افريقيا...! كان من المفترض ان يعتذر الاتحاد السوداني عن استضافة هذه الفرق الاجنبيه علي ارض السودان، لانه واقع الحال بقول انه السودان الان غير جاهز لاستضافة اي حدث، لانه الفينا مكفينا... اصح يا بريش...! كوره بتاع شنو وكلام فارغ بتاع شنو...! ما تختشوا علي وضعكم....! بدل ما تتكلموا عن فريقكم القومي بقيتوا تتصارعوا في تشجيع مصر ولا الجزائر....! وبرضه نحن مؤسسين الاتحاد الافريقي....! ما تسوا ليكم فريق زي الشعوب وتشجعوه... تشجعوا وتتشاكلوا في تشجيع الاجانب بلا خجله...! بدل ما تنافسوا ويكون عندكم فريق يرفع علمكم وسط اعلام الشعوب، بقيتوا مكتفين فقط بتشجيع الاخرين...! والله بعد شويه يقولو ليكم تشجيعكم زاتو ما عايزنه ... لانه بجيب ليهم النحس...! وتأكدوا انه مصر لو خسرت اول حاجه حا يقولوها انه تشجيع السودانيين جاب ليهم النحس...! هوان وانكسار ودونيه... لم نسمع بها من قبل ...! والله بالشيء الشايفه انا دا ... ما بتستحقوا ترفعوا علم... لانه العلم عنده متطلبات غير متوفره حاليا....! الجزائر استقلت بعد السودان بتمانيه سنوات، ولو فازت في المباره حا تكون مشاركتها التالته في كاس العالم، السودان مع انه ( اسس الاتحاد الافريقي مع مصر واثيوبيا) لم يشارك و لا مره واحده في كاس العالم... الان السودانيين بقوا فرييجه...! وبعد ده عاملين فيها مقددنها واحرف من البرازيلين...! طولة لسان ما حصلت...! واضح اننا بصدد ظاهره جديده هي (العماله) لمصر بالمكشوف تحت مسمي الاخوه وابناء النيل والاشقاء الخ... كتبت قبل فتره بوست طويل انتقدت فيه الدكتور حسن مكي لتملقه المفضوح لمصر وتزلفه لها علي حساب وطنه ولكن يبدو ان هنالك ( حسن مكيات) كثر وظاهرة مسح احذية المصريين اصبحت ظاهره تستحق الدراسه...