|
|
|
 Re: يومها سأكون مصريّا حتى النخـاع.. (Re: محمد عمر جبريل)
|
...
رغم كل شئ قدمه الكابتن حسن شحاته لمنتخب بلاده
إلا أنني لا زلت أجزم بأنه السبب الرئيس في عدم حسم معركة العبور للنهائيات بسبب الخطة التي لعب بها ..
ومهما كانت آملاهم وطموحاتهم كيف لحسن شحاته أن يلعب شوط كامل بمهاجم واحد فقط ...؟ ولماذا تم تغييب
اللاعب الفنان حسني عبدربه وهو أكثر اللاعبين إجادة لتنفيذ الضربات الحرة والتسديد من مسافات بعيدة ..؟
| |
 
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر جبريل)
|
الأخ الكريم محمد عمر
تحياتي والسلام
| Quote: بغض النظر عن حلايب .. |
يا عزيزي دعني اعلق ان مثل هذا القول لا يجوز !
كيف نغض النظر عنها وهي ارض محتلة !
Quote: لا زلنا نتعلم منهم كل شئ
حتى حب الأوطــان |
اختلف معك في استعمال الجمع في نا : السودانيون شعب عظيم لكن ربك غالب ،
لاحظ انو ما في مصري كان حيقول بغض النظر عن سيناء لما يجي يتكلم عن اسرائل او حتي ح يقول بغض النظر عن حلايب لو عاوز يتكلم عن السودان !!!!
| Quote: تشجيع المنتخب المصري سيكون فرض عين على كل السودانيز.. |
كسوداني لن اشجع بلادا تحتل بلادي ولو لعبت ضد الشيطان !
يا محمد عمر الاستلاب الثقافي للسودانيين ودونيتهم تجاه الاخر المصري والعربي وصل مراحل متقدمة ،
ياخي حتي دعايات الاثاثات في السودان مصرية !
السودانيين هم الوحيدين في العالم دا البيغنوا لدولة استعمرتهم وبتواصل احتلال جزء من بلادهم !
غايتو ، ربك كريم
وتقبل مودتي .
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: الوليد محمد الامين)
|
Quote: يا عزيزي دعني اعلق ان مثل هذا القول لا يجوز !
كيف نغض النظر عنها وهي ارض محتلة ! |
أخونا الوليد .. سلامات ..
ما كنت أقصده هو حتى نهاية معركة العبور للنهائيات
سأغض النظر عن موضوع مثلث حلايب ..
Quote: اختلف معك في استعمال الجمع في نا : السودانيون شعب عظيم لكن ربك غالب ،
|
لا أختلف معك في عظمة الشعب السوداني ولكن هل تريد المقارنة بين حب السودانين للسودان
والمصريين لمصر .. !!؟
يا اخي جزء كبير جد من الأربعين مليون سوداني لا زالو يشعرون بإنتماءاتهم القبلية والعرقية
أهم وأكبر من الإحساس بالوطن .. وثقافتنا لا زالت تعتمد على اللون مقياسا لكل الأشياء ..
Quote: لاحظ انو ما في مصري كان حيقول بغض النظر عن سيناء لما يجي يتكلم عن اسرائل
او حتي ح يقول بغض النظر عن حلايب لو عاوز يتكلم عن السودان !!!! |
شفت إنت ضربت مثل بالمصريين لمن حبيت تعرف معنى حب الوطن ..؟؟؟!!
طيب ليه نحن بنافق روحنا .. ؟
ما نعترف أول حاجة بأنو المصريين بحبوا بلدهم أكثر مننا .. وبعد داك تعال أنا وإنت نتعلم
منهم الفرق بين الوطن وباقي الإنتماءات الضيقة ..
Quote: يا محمد عمر الاستلاب الثقافي للسودانيين ودونيتهم تجاه الاخر المصري والعربي وصل مراحل متقدمة ،
ياخي حتي دعايات الاثاثات في السودان مصرية ! |
في بوست كان إتفتح قبل فترة وإنتقد خديجة اللي وقعت من البلكونة ..
لكن الإحساس بالدونية ده إحساس متأصل فينا نحن كسودانين ..
أسألك سؤال ..
ليه ما في واحد من الكوايتة إنتقد فرقة الهيلاهوب (السودانية) لمن غنت أغنية نبيل شعيل
(يا شمس لا تغيبي) ..
يا عزيز لو إتخلصنا من عقدة اللون بتاعتنا دي والله الحبة ما بتجينا .
والإستلاب الثقافي الإنت بتتكلم عنو ده لا مصطلح مطاط جدا .. بشاشا وغيرة من المناضلين
إستخدموه لتمرير أو لتبرير كرهننا للآخر
ولك من المودة ما تستطيع أن تحمل
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر جبريل)
|
سلامات تاني يا محمد عمر
وشكري للمودة المبذولة وقبل ذلك لردك المهذب ....
Quote: شفت إنت ضربت مثل بالمصريين لمن حبيت تعرف معنى حب الوطن ..؟؟؟!!
طيب ليه نحن بنافق روحنا .. ؟
ما نعترف أول حاجة بأنو المصريين بحبوا بلدهم أكثر مننا .. وبعد داك تعال أنا وإنت نتعلم
منهم الفرق بين الوطن وباقي الإنتماءات الضيقة .. |
يا عزيزي ضربت المثل لاوضح ليك التناقض الانت وقعت فيهو ، بمعني انت بتطلب مني اتعلم منهم حاجة هم ما حيعملوها !
يعني انت عاوزني اغض النظر عن الاحتلال واتعلم الوطنية من الجماعة ديل ، في نفس الوقت الجماعة ديل ما حيقولوا كلامك الانت فلتو !
انو المصريين يحبو بلدهم فدي مسألة بترجع ليهم ،
اما قصة اكتر مننا دي ففيها نظر ،
الاسقاطات والهزايم الحلت علي شعوب السودان دي كافية لهز الجبال خليك من امة ابتليت دايما في قياداتا الفشلت في انها تنجح في احترام الشعوب دي ناهيك عن قيادتها !
Quote: ليه ما في واحد من الكوايتة إنتقد فرقة الهيلاهوب (السودانية) لمن غنت أغنية نبيل شعيل
(يا شمس لا تغيبي) .. |
يا محمد عمر لأنهم بكونوا اصلا ما شافوها !!!!!
السودان دا خارج نطاق اهتماماتهم وحتي لو شافوها فشنو يعني ؟ ما سودانيين او سوادنة في النهاية !
مجموعة من العبيد دايرين يتقربوا لسيدهم العربي - حسب فهمهم هم طبعا ،
في النقطة دي لاحظ معاي كيف جزء كبير من السودانيين بيفرحوا لما واحد مصري او غيرو من العلرب يغني غنية سودانية لكن نفس الغنية لو غناها او غنتها اعظم مطربي اثيوبيا مثلا ما في زول
ح يشتغل بيهو او بيها !
شفت كيف يا محمد ؟
ولك من المودة المزيد يا محمد ، واذا كنت حرفت ليك البوست عن مسارو فأنا باتأسف ، ويا محمد ما دخلت هنا الا لانو شايفك موضوعي في كتير من مداخلاتك في البلد دي !
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: طارق جبريل)
|
...................................................................................
اما بالنسبة للاخوة الذين سيشجعون مصر
فاقولها بصراحة من حقكم ان تشجعو مصر اذا قدمت لكم ثلاث اشياء
هى من حقوقكم الضائعة وللاسف تتجاهلونا بسذاجة مخجلة لمن يعانى من ضعف ذاكرته امام التاريخ
اولا : تعويض حلفا عن الغرق بتعويضات مادية
ومساعدتهم لاعادة التوطين حول بحيرة ناصر وايصال كهرباء من السد العالى لهم كما وعدو و(طنشو)!
ثانيا : اعادة حلايب للسودان او على الاقل القبول بالتحكيم الدولى
مع تعويض شهدائنا الذين قتلوهم هناك فى اعتدائهم الغاشم.
ثالثا : الاعتراف بمجذرة مصطفى محمود(المهندسين) التى ارتكبت فى حق الابرياء عام 2005
وتعويضهم ماديا وادبيا عما حدث!!
...............................................................................
. اذا قامت مصر بهذا فسوف اشجعها
وانا واثق انها يستحيل ان تقوم بهذا
وبالتالى سوف اشجع الجزائر
وتحياتى
>
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: Ibrahim Sayed)
|
أخونا..
Ibrahim Sayed
Quote: اذا قامت مصر بهذا فسوف اشجعها
وانا واثق انها يستحيل ان تقوم بهذا
|
تعرف بي كلامك ده هسي المفروض نحن لا نحضر دوري إنجليزي
ولا نشجع مانشستر ولا ليفربول ولا بيكهام ؟؟...!!
ياخ معقول !! صعبتها شديد كده
لو كلامك ده صح والله ما فضلنا حاجة غير الدوري الصيني ..
وبرضو مرة تانية لتصلح كرة القدم ما أفسدته أديس أبابا
تحياتي
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: الوليد محمد الامين)
|
أخونا الوليد ..
| Quote: يا عزيزي ضربت المثل لاوضح ليك التناقض الانت وقعت فيهو ، بمعني انت بتطلب مني اتعلم منهم حاجة هم ما حيعملوها ! |
عارف ليه ..؟
لأن المصريين - وعدد من الشعوب الأخرى - نجحت تماما في تحديد معالم (الأعداء) ..
بمعنى إنهم عارفين العدو منو ..؟ وإسرائيل الإنت ضربت بيها مثل دي هي العدو الوحيد لكل المصريين
لكن تعال أسأل أي واحد مصري ماشي في الشارع قول ليهو بتعرف شنو عن السودان ..
ياخ في دراسة إتعملت قبل كده (ياريت أقدر أجيب ليك الرابط) كانت بتقول السودانيين هم أقرب الشعوب
لقلوب المصريين . .. المصريين دي هنا بتعني كافة الطبقات المصرية ... عرفت كيف ..
ومثلث حلايب ده .. طفى على السطح كملف تضغط به (حكومة) مصر علينا (كإنقاذيين) بسبب محاولة إغتيال حسني مبارك
في أثيوبيا .. وتأكد لو ما الحادثة دي كنا لليوم لم نسمع بحلايب كمشكلة بين مصر والسودان ..
Quote: يا محمد عمر لأنهم بكونوا اصلا ما شافوها !!!!!
|
لوووووووول ياخ ..
كدي أمشي اليوتيوب وشوف (عموم) الخلايجة كاتبين شنو عن الأغنية دي
والله يا الأمين تعليقات من قاع المجتمع الخليجي لكن مافيها أي إحساس بالدونية
زي ما قلت ليك لو لا محاولة إغتيال حسني مبارك في أثيوبيا لما سمعنا بهذه المشكلة
بعدين تعال أقول ليك حاجة .. هسي عليك الله نحن بنعرف الفرق شنو بين المنتخب وبين الهلال والمريخ ؟؟؟
ياخ والله - ودي حاجة لاحظت ليها في المنتخب بتاعنا - لمن واحد من ناس المريخ يجيب قوون كل الناس البتمشي
تهني الزول الجاب القون بتكون من نفس الفريق !!
| Quote: واذا كنت حرفت ليك البوست عن مسارو فأنا باتأسف |
بالعكس يا حبيب مداخلاتك دي في صلب الموضوع ..
عشان أقدر أشرح لي الناس البتجي مارة من هنا ليه أنا ها أكون مصري حتى النخاع ..
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر جبريل)
|
سلامات تالت يا محمد
ما تزهج اظنها حتكون الاخيرة لانو حانوم بعد كدا
Quote: لوووووووول ياخ ..
كدي أمشي اليوتيوب وشوف (عموم) الخلايجة كاتبين شنو عن الأغنية دي
والله يا الأمين تعليقات من قاع المجتمع الخليجي لكن مافيها أي إحساس بالدونية |
طبعا ما فيها احساس بالدونية لانو السوداني دا اصلا ما محسوب عندهم !!!!
مش لانو هم ناس ما عندهم العقدة دي !
تخيل مثلا فرقة مصرية او سعودية عملت الموضوع دا ، رد الفعل طوالي كان ح يختلف لانو كانو ح يحسوا بالاستعلاء من قبل الاخر المصري او السعودي ،
اما السوداني المسكين دا فلا في العير ولا في النفير !
| Quote: لأن المصريين - وعدد من الشعوب الأخرى - نجحت تماما في تحديد معالم (الأعداء) .. |
طيب يا محمد ياخي بما انو نحن كسودانيين ما نجحنا في الموضوع دا لسه ،
لما نجي نحاول ونربط المسألة دي بالاحتلال والسيادة بتجو انتو تجهجهو كورتنا ليه ياخي ؟؟؟
| Quote: وإسرائيل الإنت ضربت بيها مثل دي هي العدو الوحيد لكل المصريين |
طبعا دي مسألة بتخص المصريين ولا يحق لي التدخل فيها ، اعني تحديد خياراتهم في الصداقة والعداوة ،
لكن لاحظ الاساس شنو هنا بالنسبة للمصريين ؟
حروبات واحتلال سيناء لفترة من الزمن ودا الانت بترفض انو انا اتعامل مع المصريين علي اساسو !!!
النقطة دي بالذات ذات شجون يا محمد : السودانيين المساكين ديل هسه تحصل حاجة طوالي يقولوا ليك مؤامرة اسرائيلية !
ياخي ديل قاعدين يتبرعوا لغزة فتأمل !
Quote: ومثلث حلايب ده .. طفى على السطح كملف تضغط به (حكومة) مصر علينا (كإنقاذيين) بسبب محاولة إغتيال حسني مبارك
في أثيوبيا .. وتأكد لو ما الحادثة دي كنا لليوم لم نسمع بحلايب كمشكلة بين مصر والسودان .. |
ابدا ، مصر استغلت الحادثة لفرض سيطرتا علي حلايب واحتلالا ودي نوايا قديمة ومبيتة ،
لكن لم تصل للمرحلة دي من الحقارة من قبل .
Quote: ياخ في دراسة إتعملت قبل كده (ياريت أقدر أجيب ليك الرابط) كانت بتقول السودانيين هم أقرب الشعوب
لقلوب المصريين . .. المصريين دي هنا بتعني كافة الطبقات المصرية ... عرفت كيف .. |
حسب ظني الدراسة دي توصلت لانو السعوديين هم الاقرب للمصريين وليس السودانيين الذين جاءوا في المرتبة التانية او التالتة ،
لكن برضو هل دا يعني سكوتنا علي الاحتلال وتأطيرنا للاستلاب ؟
طبعا بكونوا قالو السودانيين لانهم بشوفوهم "ناس طيبين وعلي اد عألهم " .
النقطة الاساسية هنا يا محمد هي في تفسير الولاء للوطن ومحبة ناسو البتكتمل في رأيي برفض الاعتداء عليهو ايا كان شكل الاعتداء دا ،
بالنسبة لي احتلال حلايب اكتر من مجرد اعتداء !
ومودتي مرة اخري .
| |
|
|
|
|
|
|
|
|
 Re: يومها سأكون مصريّا حتى النخـاع.. (Re: الوليد محمد الامين)
|
Quote: عمر كيفنك
حقيقي الجزائر احق بالوصول لكأس العالم من المصريين
الجزائر لديها فريق منظم ويلعب كرة جميلة
تليشة:
لن اغض الطرف نهائيا ان مصر تحتل جزْ من أرضي |
طارق سلامات ..
طيب ما ممكن تحاول تغض الطرف لحدي بعد الكورة ؟؟
ياخ والله الناس ديل أكتر حاجة عاجباني فيهم حرورية القلب البلعبو بيها
هسي ديل لو ناسنا كان من الدقيقة 5 الشوط التاني تلقاهم قنعانين..
....
ليكن شعارنا
فلتصلح كرة القدم ما أفسدته أثيوبيا..
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر جبريل)
|
الاخ محمد عمر (زي البتكلم مع نفسي ومريخابي كمان!!!)
هذا ردي على اخونا جورج الشهير بـ (دينق) في بوسته حدد موقك يا سوداني
مصر يا ام الدنيا يا اخت بلادي يا شقيقة
جورج هل تعلم
1- منتخب الجزائر كان يتقدم على منتخب مصر بخمسة نقاط كاملة.
2- مصر منذ عودتها من كاس القارات لم تتعادل او تنهزم او يدخل مرماها هدف في التصفيات.
3 - فازت مصر في مبارياتها الاربع المتبقية وانتقلت من نقطة واحدة الى 13 نقطة وهو انجاز قياسي.
4 - تلعب الجزائر محرومة (بسبب الانذارات) من صبري لاموشي حارس مرماها (سيعوضه حارس مرمي خبرته الدولية لا تتعدي 5 مباريات دولية فقط.... ومن خدمات لاعبين اخرين بسبب الاصابة.
5 - في المقابل ينضم الى مصر حسني عبد ربه المدفعجي ووائل رياض صخرة الدفاع.
6 - عدد المشجعين الجزائرين المتوقع وصولهم الى الخرطوم لا يزيد عن الفين اما المصريين فمن المتوقع وصول عشرة الف مشجع بالاضافة الى الموجودين اصلاً في السودان.
7 - العامل النفسي كون ان المباراة تلعب في ارض اختارها المصريون (بالله عليك اكراماً لحسن ظنهم فينا ما بنشجعهم؟)
شخصياً لا اتوقع بل متأكد بنسبة كبيرة (ان شاء الله) من وصول مصر الى كاس العالم وصدقني مهما قيل او مهما حدث فهم يظلون الاقربين من دون كل العرب وانظر الى خمسة مليون سوداني في مصر وقارن بين اوضاعهم واوضاع السودانيين في ليبيا.
بالمناسبة يا جورج كم عدد الطلبة الجنوبيين في جامعات الجزائر؟
يا اخي لو ما عشان خاطر مصر عشان خاطر عيون حبيب نورة.
تحياتي يا اخضر وبرضه مهزوم
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر الفكي)
|
Quote:
الاخ محمد عمر (زي البتكلم مع نفسي ومريخابي كمان!!!)
هذا ردي على اخونا جورج الشهير بـ (دينق) في بوسته حدد موقك يا سوداني
مصر يا ام الدنيا يا اخت بلادي يا شقيقة
جورج هل تعلم
1- منتخب الجزائر كان يتقدم على منتخب مصر بخمسة نقاط كاملة.
2- مصر منذ عودتها من كاس القارات لم تتعادل او تنهزم او يدخل مرماها هدف في التصفيات.
3 - فازت مصر في مبارياتها الاربع المتبقية وانتقلت من نقطة واحدة الى 13 نقطة وهو انجاز قياسي.
4 - تلعب الجزائر محرومة (بسبب الانذارات) من صبري لاموشي حارس مرماها (سيعوضه حارس مرمي خبرته الدولية لا تتعدي 5 مباريات دولية فقط.... ومن خدمات لاعبين اخرين بسبب الاصابة.
5 - في المقابل ينضم الى مصر حسني عبد ربه المدفعجي ووائل رياض صخرة الدفاع.
6 - عدد المشجعين الجزائرين المتوقع وصولهم الى الخرطوم لا يزيد عن الفين اما المصريين فمن المتوقع وصول عشرة الف مشجع بالاضافة الى الموجودين اصلاً في السودان.
7 - العامل النفسي كون ان المباراة تلعب في ارض اختارها المصريون (بالله عليك اكراماً لحسن ظنهم فينا ما بنشجعهم؟)
شخصياً لا اتوقع بل متأكد بنسبة كبيرة (ان شاء الله) من وصول مصر الى كاس العالم وصدقني مهما قيل او مهما حدث فهم يظلون الاقربين من دون كل العرب وانظر الى خمسة مليون سوداني في مصر وقارن بين اوضاعهم واوضاع السودانيين في ليبيا.
بالمناسبة يا جورج كم عدد الطلبة الجنوبيين في جامعات الجزائر؟
يا اخي لو ما عشان خاطر مصر عشان خاطر عيون حبيب نورة.
تحياتي يا اخضر وبرضه مهزوم |
أخونا محمد عمر ..
ليتهم لو يعلمون ..!!
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: الوليد محمد الامين)
|
الوليد سلامات ومعليش على التأخير ..
| Quote: طبعا ما فيها احساس بالدونية لانو السوداني دا اصلا ما محسوب عندهم !!!! |
يبقى الإحساس بالدونية ده متأصل عندنا نحن ديل ...
عليك الله ما شايف إنك جنيت على السودانين بالكلام ده ؟؟
ياخ والله أنا شخصيا - ويتخيل لي في ناس كتار زي كده - شايف أنو نحن أحسن منهم إيه رأيك ..
المشكلة يا الوليد ما في نظرة الآخر ليك .. المشكلة في نظرتك إنت لي نفسك ... عرفت كيف يا حبيب
إنت شايف نفسك شنو ؟؟
إي إختلال في ميزانك هو البحدد إنت ها تفهم شنو من الآخر ..
يعني تعليقاتهم القلتها دي حسب إنت فهمك شنو .. ممكن تقبل أي تفسير ..
وده كلو بعتمد على نظرتك إنت لي نفسك ..
Quote: تخيل مثلا فرقة مصرية او سعودية عملت الموضوع دا ، رد الفعل طوالي كان ح يختلف لانو كانو ح يحسوا بالاستعلاء من قبل الاخر المصري او السعودي ،
|
أبدا .. عادي هسي أمشي شوف فرقة ميامي لمن غنت لشعبان عبدالرحيم .. حصل شنو ..؟
عادي والله .. بالعكس كان فيديو كليب ناجح جدا ..
قلت ليك يا الوليد الموضوع كلو بعتمد على تقييمك إنت لي نفسك ..
Quote: لما نجي نحاول ونربط المسألة دي بالاحتلال والسيادة بتجو انتو تجهجهو كورتنا ليه ياخي ؟؟؟
|
يعني مثلا نحن هسي (العدو) بتاعنا هو المصريين ..؟
وللا برضو ها أقول ليك الدوري الإنجليزي ده المفروض تطلع فتوة بتحريمو ..
| Quote: بدا ، مصر استغلت الحادثة لفرض سيطرتا علي حلايب واحتلالا ودي نوايا قديمة ومبيتة ، |
موضوع النوايا ده يا حبيب حق رب العالمين .. مافي زول عندو الحق يقول والله الزول ده نيتو كانت كعبة وللا كويسة
والشي الظاهر للعيان إنو موضوع حلايب ده ظهر بعد الحادثة وحكومتنا العزيزة ما قادرة تقول فيهو بغم بسبب
الحادثة .. صدقني أنا على يقين تماما لو ما كان حصل الحصل في أديس كان ردة الفعل ها تكون مختلفة تماما
لكن نحن بقينا زي الزول الماسك ليك زلّة .. أو كاسر عينك بي حاجة معينة .. تكتر تقلل بدق الصفايح ويطلع المستخبي كلو
عليك الله ما حصل سألت نفسك ليه المصريين ديل ما مشو صعدو الموضوع بتاع المحاولة الفاشلة دي ..؟
ليه ما طالبو بتحقيق دولي وللا فرض عقوبات على السودان ؟؟
ليه ماقالوا عايزين تعويضات مادية أسوة بضحايا لوكربي ؟؟!!
| |
|
|
|
|
|
|
|
|
|
Re: يومها سأكون مصريّا حتى النخـاع.. (Re: محمد عمر جبريل)
|
سلامات يابو حميد
معليش مني انا للرد المتأخر برضو ، أهو زحمة البلد دي انت براك عارفا ....
Quote:
يبقى الإحساس بالدونية ده متأصل عندنا نحن ديل .. |
طبعا الاحساس بالدونية عندنا نحن !
ودي المشكلة الأساسية البتخلي ناس يشجعوا منتخب بلد محتل لجزء من أراضيهم بل ويسعوا لتبريرات للموقف دا من شاكلة انو الانقاذ هي الباعتا زي ما عبود هو الباع حلفا !
الاحساس بالدونية عندنا دا متأصل : ياخي السودانيين ديل لو جاهم واحد من العرب ديل في الصلاة يبقوا ليك امام !
Quote: : طبعا ما فيها احساس بالدونية لانو السوداني دا اصلا ما محسوب عندهم !!!!
عليك الله ما شايف إنك جنيت على السودانين بالكلام ده ؟؟
|
يا صديقي السودانيين هم الجانيين علي نفسهم باستلابهم تجاه الاخر ،
وانا لما قلت ليك انو السوداني اصلا ما محسوب عندهم فدي مسألة بتلمسا اذا عشت مع العرب ديل في الخليج مثلا ،
وما تصدق كلام السودانيين البيجوا يقولوا ليك والله العرب بحترمونا والسودانيين امينين وشنو كدا ما عارف !
لأنو من شدة استلابهم يصعب عليهم تقبل الحقيقة ، اقرا كتابات بعضهم الصادقة وهي قليلة ولكنها مبذولة علي الشبكة ،
Quote: ياخ والله أنا شخصيا - ويتخيل لي في ناس كتار زي كده - شايف أنو نحن أحسن منهم إيه رأيك ..
المشكلة يا الوليد ما في نظرة الآخر ليك .. المشكلة في نظرتك إنت لي نفسك ... عرفت كيف يا حبيب
إنت شايف نفسك شنو ؟؟ |
الموضوع يا محمد ما عني وعنك ، الموضوع عننا كمجتمع وكسلوك جماعي بننتهجو تجاه الاخر حتي ولو كان محتل لأراضينا !
بالنسبة لي يا محمد ما فكرت منو الاحسن ، يعني هم خارج نطاق المقارنة بتاعتي وقضاياهم غير قضاياي ،
اما بالنسبة لي نظرتي لي نفسي ، فكسوداني نظرتي دي هي السبب البيخليني اجادل وجهة نظرك في الاحتفاء بمنتخب دولة محتلة لجزء من بلادي حاليا ومستعمرة لها سابقا ،
Quote: أبدا .. عادي هسي أمشي شوف فرقة ميامي لمن غنت لشعبان عبدالرحيم .. حصل شنو ..؟
عادي والله .. بالعكس كان فيديو كليب ناجح جدا ..
قلت ليك يا الوليد الموضوع كلو بعتمد على تقييمك إنت لي نفسك .. |
اها يازول انا طبعا فرقة ميامي دي سمعت بيها قبل كدا طشاش طشاش ، وشعبان عبدالرحيم مش البيجيبوا واحدين بتاعين اثاثات في السودان لدعايتهم ؟
اها راجع النقطة دي تاني يا محمد : قطاع كبير مننا بيعرف ميامي دي وشعبان عبدالرحيم بل ويتابع ليك اخبار راغب علامة وايهاب توفيق وهلمجرا من الناس ديل ،
المصريين ديل نفسهم ما فيهم واحد بيغني باللهجة الخليجية او اللبنانية ودا راجع لمعرفتهم بنفسهم _ ضربت المثال هنا بالمصريين باعتبارهم مثلك الاعلي فيما خص النقاش دا فيما بدا لي
وقد أكون مخطئا _ ، ولاحظ انو الفنان السوداني الكبير وردي قعد في القاهرة كم سنة زول عبروا مافي وبرضوا محمد الامين ، ودا موضوع مختلف ذكرتو علي سبيل المناسبة ،
تعال شوف ناسنا هنا : البتغني بي الخليجي والولد الفرحان انو بيغني مصري وما تنسي الفنانة سمية حسن كل ما يعملوا معاها لقاء في الجرايد او التلفزيون اذا هي ما قالت فالمحاور بتاعا
طوالي يسألا ليك عن تجربة " الحلم العربي " !
ياخي والله انا النشيد بتاع الحلم العللربي دا ما قريت عنو الا في جرايد السودان وما شفتو الا في تلفزيون السودان !
ياخي واحد من اتحادات الطلاب السودانية الاسلامية كان عامل برنامج عن الحجاب قام جاب ممثلة مصرية اتحجبت !
اذا عندك اي اسم للسلوكيات دي غير الاستلاب فقولو لي واذا شايف انو ظلمتنا كمجتمع فبرضو قول لي .
بالنسبة لنقطة انو غنا ميامي عن شعبان تم قبولو بشكل عادي فدا بيرجع لشكل التناول فيما اعتقد ، ح أحاول اشوف الغنية للمزيد من الفهم ،
الحساسية بتحصل لما يتم تنميط السوداني في صورة الاسود الكسلان ذا الكلمات الغريبة والابله ، واليوتيوب برضو مليان !
| Quote: يعني مثلا نحن هسي (العدو) بتاعنا هو المصريين ..؟ |
في النقطة دي حقو نتفق علي تعريف العدو أولا ،
بالنسبة لي من أهم تعريفات للعدو :
العدو هو من يحتل اراضيك
و العدو هو من يسعي ويقوم بالتغول علي حقوقك
وريني انت تعريفك للعدو !
| Quote: موضوع النوايا ده يا حبيب حق رب العالمين .. مافي زول عندو الحق يقول والله الزول ده نيتو كانت كعبة وللا كويسة |
النوايا عند رب العالمين دي في حالة العبادات وفي حالة انها تظل نوايا ، لكن اذا في موضوع حصل زمن عبدالله خليل وبعدو وحصل تاني هسه واتطور الي احتلال صريح فيبدو لي انو
من حقي أصنف النوايا دي !
Quote: والشي الظاهر للعيان إنو موضوع حلايب ده ظهر بعد الحادثة وحكومتنا العزيزة ما قادرة تقول فيهو بغم بسبب
الحادثة .. |
هنا ما اختلفنا ،
لكن هل دا مبرر لأنو اسكت عن الاحتلال دا وأغض النظر عنو واكون مصريا حتي النخاع ؟
Quote: عليك الله ما حصل سألت نفسك ليه المصريين ديل ما مشو صعدو الموضوع بتاع المحاولة الفاشلة دي ..؟
ليه ما طالبو بتحقيق دولي وللا فرض عقوبات على السودان ؟؟
ليه ماقالوا عايزين تعويضات مادية أسوة بضحايا لوكربي ؟؟!! |
طبعا لمزيد من الاستنزاف والضغط ،
لكن ما أظن خطر ببالهم انو بعد دا كلو السودانيين ح يشجعوهم في الخرطوم ضد الجزائريين أو غيرهم !
والمودة يا صديق .
| |
|
|
|
|
|
|
| |
محمد عمر جبريل
طارق جبريل
Ibrahim Sayed
محمد عمر الفكي
ombadda
فيس بوك
تويتر
انستقرام
يوتيوب
بنتيريست