|
بوصيكم علي الحوش الكبير اسعوه
|
سلامات ياناس الحوش ان شاء الله دائما حوشكم عامر الفرح يملا الجوانح بدخول الحوش العامر برغم انو دائما مكنسين وراشين ومفرشين الحوش معاكم
الشكر للجميع على الترحيب الجميل والحوش عامر بيكم ان شاء الله ودمتم اخوان واخوات اعزاء ظللتم مفخره في حياتنا معا جسدنا اسمى معاني الاخوه والانتماء
|
|
|
|
|
|
|
|
Re: بوصيكم علي الحوش الكبير اسعوه (Re: حنان مجمر)
|
عامر بوجودك يا الفنجرية
و انشاء يطيب ليك المقام ...
يا ود يا حيدر عليك الله أمشي لعمك وليد الشفت يديك
سكر , و بن و ما تنسي تجيب معاك قرنجال ( قرنجال دا دوا القهوة)
يا هدير عليك النبي تولع النار تسوي لحنان فنجان قهوة ... يا حنان بتي نحن لسا بنسوي القهوة بالفحم..
الف مرحب يا حنان
| |
|
|
|
|
|
|
Re: بوصيكم علي الحوش الكبير اسعوه (Re: حنان مجمر)
|
و ألف مرحباً بالمجمرّة بنت المجمر ( حنان ) في حوش بكري العام .. سيد الحيشان كووولها ..
و بكلام أهلنا في الغرا .. حبابكي عشرة .. و مقامكي زين .. و جيدن جيتي .. و قنبي طولا ..
و الله زمان يا حنان ..
و الحي مصيرو يلاقي ..
أتذكر الآن كورالكم الفيروزي الثوري يوم تخرجكم .. و أيضاً رحلات راشك .. و كل أيام الزقازيق ..
أهلاً حللتي و سهلاً نزلتي .. أضافة ثرة و فاعلة في هذا المنبر ..
و لي قدام ..
| |
|
|
|
|
|
|
Re: بوصيكم علي الحوش الكبير اسعوه (Re: حيدر حسن ميرغني)
|
هلا بالأخت العزيزة حنان بت مجمر
نرحب بيك مرة أخرى وحبابك عشرة
ومنورة المنبر وإضافة قوية ومتميزة
والله يا حنان كل ما نعتر فيك تختفي
بعد مرحلة الزقازيق وجدناك معانا في جدة
ما صدقنا وفجأة قررتم الهجرة إلى كندا
ثم وجدت في الفيس بك وأخيراً جيتي المكان
إلى ما ممكن تنفكي منه أبداً ،، نشوفك في حوش
ناس الزقازيق أجدع ناس (3)
تحياتي للأولاد وأبوهم ،،، منى يونس تسأل عنك بشدة
| |
|
|
|
|
|
|
|