قال ايه(تسجيل متحرك)لناس الدوحه الكلها اصغر من (بحري) وتسجيل ثابت لناس امريكا الشبه قاره!!

Quote: سلامات يا سمارتي دي مشكلة الناس البتجى تكضب عشان يدوها جواز ترفع بيه إنسان رخيصتها وعدم تاهيلها الاكاديمي والمهني اعرف شاب من دارفور يحمل دكتوراه في الذكاء الاصطناعي شطارته ادته منحة في دولة اوربية جلس فيها ماجلس بجوازو السوداني اللخضر واشتغل بروقرامار في الاتحاد الاوربي فترة بجوازه السوداني ثم اتي الى ماليزيا على النفقة الخاصة وبعدها جاب قريب 4 ادوه فيلو شيب عمل الدكتوراه لا ينوي تغير جوازو نهائيا ثم عاد الى السودان ليعمل في جامعةهناك دا كلو بدون ضجة ولا هيلمة ولا وطنية ظهرت بعد الجواز الاجنبي واللجوء ذي الزول دا ما محتاج لجواز لانه شطارته ومخه هم جوازو الودوه عدة امكان اثبت نفسه فيها لكن لما الزول يكون ما عنده فتيلة بعمل الحد حيلة.. الجواز ما انجاز لانه ممكن يدوك جواز تنضم لعوالم قاع المدينة تسكن في الجيتو وتاخد الاعانات التي يستحي منها اصحاب البلد لدرجة الانتحار اذا اضطر ان ياخذها لانهم بقدسو العمل والتكسب موش العيشة عالة.. ودا كوم وشخصية الامريكان قاي بتهديد حملة الجواز اللخضر من بني وطنك السابق بانك حتوديهم وراء الشمس لو قالو اي كلام ضد امريكا لانك اقسمت على ان تحمي امريكا