|
مبروووك دكتورة / حسناء بنت حيدر أمين
|
الآنسة حسناء إبنة عضو البورد النشط الاستاذ حيدر أمين تحصل على درجة البكالوريوس مرتبة الشرف تخصص اشعة علاجية من جامعة السودان ابوك اليومين ديل معنوياته فى العلالى هنيئاً له بك على هذا الانجاز الرائع وهنيئاً لك به ولأم حسناء التهانى العطرة ومبرووك حسناء والى الامام دائما وعقبال عريس قدر المقام
|
|
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
Quote: شكراً عزيزى الفاتح وعقبال أولادك إنشاءالله. حقيقه سعدت كثيراً بنجاح حسناء وتخرجهامن الجامعه وإنشاالله ربنا يقدرنى على مواصلة الكفاح حتى تخرج حذامى من اسنان الخرطوم والاء هندسة كميائية السودان (إن تبقى من العمر بقيه) خالص شكرى لك ولإحساسك النبيل |
عمرك مديد يا الحبيب بإذن الله تعالى وعقبال تحضر تخرجهم كلهم وتشيل وليداتهم كمان ماتشيل هم الشيبات البى الجنب ديل
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
الف مبروك ياحيدر الف مبروك حسناء وعقبال حذامي والاء انشاءالله
Quote: وإنشاالله ربنا يقدرنى على مواصلة الكفاح[/QUOTE
يازول ماشاءالله دربك مرق تشكر الاخ الفاتح علي ايراد الخبر
Quote: (إن تبقى من العمر بقيه) |
انت لسه شباب يافرايحي اللون وربنا يطول عمرك
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
Quote: الأخ الفاتح
لقد سعدت كثيراً بهذا الخبر الجميل، فنجاح الأبناء والبنات هو منى الآباء والأمهات
ونجاح حسناء أفرحني بشكل خاص لأنها بنتي بحكم الصداقة الحميمة التي تربطني بأخي حيدر
عقبال الدكتوراة يا خنساء والزواج السعيد والمال والبنون، وتمنياتي لحيدر وأم حسناء بعمر مديد
يشهدا فيه تخريج وأفراح الأحفاد. |
ابومحمود
ربنا يفرحك كان بمحمود واخواته تعرف من اجمل اللحظات فى حياة الاب نجاح الابناء والبنات وقالوا كمان رؤية الاحفاد
وامنياتى لشقيقتهاالكبرى حذامى تخرجها من اسنان الخرطوم بإذن الله,,, دعواتكم ,,,
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
Quote: الف مبروك وعقبال الشفع التانيين والله لحسع بتذكرهم وهم صغار سبحان الله وبرضو يالفاتح تقول لحيدر ماتخاف من الشيب
بعد دا ياحيدر افضا لى وتعال بهناك هم ونزل منك انتظر عرسها |
تعرفى يا نجاة التاج الشيخ ارباب قال ليهم يلا يا بنات خلصوا واتخارجوا خلوا ابوكم ده يرتاح من الدفع ,, حسناء قالت ليه وهو يادوبك حيبداء الدفع ,,, ما عارف الصاله بس بكم ....
تقولى لى هم ونزل ؟؟ تسلمى
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
الف مبروك يا حيدر وعقبال حزامي
الرسالة ادناه من التاج
" أخـونـــا أبوحزامي
الـــــــــــــــــــــــــف مـــــــــــــــــــــبـــــــروك علـــى حـــســـناء وعـــقــــبال الانـســـــه حــزامــــــــــــــــــــــــي. . يــاحــبـــيـــب قربت تصــبح جــــد، يـاحاج عــبداللطـــيـــــــــــــــــــــف واحـــد نــزلــت مـــن الاتوبيس وعــقــــبال الــباقــيــــــين.
بعــد كــدة حقــو الواحــد يــحــترم الســـن."
تحياتي
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
الاعزاء ود الجعلى عماد الدين عبد الله محمد عثمان ابو محمود نجاة محمد بابكر وكل الاخوة المتداخلين اخونا حيدر ابو البنيات مع انو ضمن الجنة لكن محتاج نقيف معاه كمان فى الدنيا الفانية دى عشان الشيب البضارى فيهو ده ما يسرح شكرا لشكركم
تخريمه: ما لاحظت ياحيدر فى العنوان( حسناء بنت حيدر امين) دى قربت اتمها اللواتيا ... لووووول
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
الف مبروك استاذ / حيدر وربنا يحفظ حسناء ويسهل لها جميع الامور وعقبال التفرد والتميز فى مجالها .
الف مبروووووك ، وتحية خاصة استاذنا ود الجنيد والاستاذ/ حيدر يستاهل كل الخير فهو دائما سباقا لتزكير الناس فى الحلو والمر
حفظكم الله
كل الود
| |
|
|
|
|
|
|
Re: مبروووك دكتورة / حسناء بنت حيدر أمين (Re: الرشيد شلال)
|
والله ياحيدر بقولو البنات هم للممات بعد التخرج العرس وماشابه ذلك وبعد ماتعرس برضو جايياك زمان ابوى (الله ارحمه) لمن ازهج منى اقول ليهو احمد الله عندك بت واحدة
ود الجنيد سلام كتير ليك ولسوما العسل والاولاد ومشتاقين صاحبك ابوشرا جاء عرس بتو رنا شهرى 7 ماعرس لكن وكانو فيهو ناس كتار من مسقط عقبال اولادكم
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
الاخ حيدر سلامات واحترامي
ألــــــــ1000ــــــف مبروووووووووك وعقبال الماجستير والدكتوراة
Quote: حقيقه سعدت كثيراً بنجاح حسناء وتخرجهامن الجامعه وإنشاالله ربنا يقدرنى على مواصلة الكفاح حتى تخرج حذامى من اسنان الخرطوم والاء هندسة كميائية السودان (إن تبقى من العمر بقيه)
|
ربنا يديك طولة العمر واجر ( من عال ثلاث بنات فأدبهمن وعلمنهن.......... إن له الجنة )صدق رسول الله صلى الله عليه وسلم
| |
|
|
|
|
|
|
Re: مبروووك دكتورة / حسناء بنت حيدر أمين (Re: mayada kamal)
|
Quote: فقال باستغراب هو حيدر ( بكسر الحاء) سودانى , انا اسمع حيدر جا حيدر مشى كت اظنو من عندكم من مطرح وكت فاكرو ولد المخرج امين عبداللطيف |
بختك ياعم بس انت أُخد الجنسية العمانية وحكّر اللواتيا دى فى الآخر حتلقى تجار مطرح ديل كلهم وقفوا معاك وبب تطلع فى العلالى أصلهم زى ما عرفت بشيلوا بعض الجماعة ديل
| |
|
|
|
|
|
|
Re: مبروووك دكتورة / حسناء بنت حيدر أمين (Re: الفاتح الجنيد)
|
Quote: وتحية خاصة استاذنا ود الجنيد |
ياخى التحية والتقدير ليك انت ياراجل يازوق بس يابو الرُشد استاذنا دى خلت الحكايه رسمية وجاده كده خلى البساط رملة مرشوشة بى موية النيل
Quote: والاستاذ/ حيدر يستاهل كل الخير فهو دائما سباقا لتزكير الناس فى الحلو والمر |
صدقت
| |
|
|
|
|
|
|
Re: مبروووك دكتورة / حسناء بنت حيدر أمين (Re: الفاتح الجنيد)
|
Quote: ود الجنيد سلام كتير ليك ولسوما العسل والاولاد ومشتاقين |
سلامك أكيد يا نجاة حيوصل لى صاحبتك والاولاد بس لما ترجع من السودان باذن الله اصلها مبتهجة اليومين ديل مع أختها العروس تحية ليك ولى كل القريبين منك
Quote: صاحبك ابوشرا جاء عرس بتو رنا شهرى 7 ماعرس لكن وكانو فيهو ناس كتار من مسقط عقبال اولادكم |
انا عارف ابوشرا بحب البرستيج الله ما هون لينا نشاركوا ربنا يسعد العرسان ويهنيهم
| |
|
|
|
|
|
|
Re: مبروووك دكتورة / حسناء بنت حيدر أمين (Re: dardiri satti)
|
تهاني عاليه تحوم بين المجرات لأم الحسناء ولحيدر وللحسناء وللسودان عقبال حذامى وآلاء والنجاح ليس بجديد علي تلك الأسرة حفظها المولى، الشكر مبذول للأنيق ودالجنيد وعقبال أولادك .
____
ملحوظه: يجب حذف بوست أختنا نجاة محمد بابكر بعد (حادثة) التخرج هذه حفاظا على سن الشاب ماضي أبوالعزائم الشاب . يا نجاة ماضي لسا بدري.
| |
|
|
|
|
|
|
Re: مبروووك دكتورة / حسناء بنت حيدر أمين (Re: محمد المرتضى حامد)
|
اخى حيدر
من كل قلبى ارسل لك فرحى و سرورى بهذا الخبر المفرح
الف مبروك للدكتورة حسناء و عقبال نسعد باخوتها ..
لك يا صديقى ان تفرح و ان تسعد انت و حرمكم المصون .. كل خطوة تكتمل فى مشور رسالتكما فى هذه الحياة
لها طعم و مذاق خاص .. اتمنى لكما الصحة و العافية لاكمال المشوار .. و عقبال الاحفاد !!
لنا لقاء باذن الله لنبارك بالباب
ودى لك و لكل الاسرة
يوسف
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
Quote: ملحوظه: يجب حذف بوست أختنا نجاة محمد بابكر بعد (حادثة) التخرج هذه حفاظا على سن الشاب ماضي أبوالعزائم الشاب . يا نجاة ماضي لسا بدري. |
حسع يامحمد المرتضى ده ما تحيز عديل شنو ماضى لسا
ياخى شكرا ليك وعقبال وليداتك يا رب
| |
|
|
|
|
|
|
Re: مبروووك دكتورة / حسناء بنت حيدر أمين (Re: الفاتح الجنيد)
|
ألــف مبروك أخونا حيدر وربنا يتمم تخرج حذامى وآلاء...
ما عندى تعليق على تعليق (ماضى) وموضوع التفرغ ... بس بقول:
Quote: لكن ياحيدر ، خبر عظيم زي دا نقراه في الجرايد؟؟
|
بس معقول !!!!لو ما فى مكتب واحد؟
بعدين شرطت عينا كاتب لينا ( الحبيب ) doma إنت يا أخوى ما قاعد تتابع غير بوستات الجالية؟
ألفاتح الجنيد ســلامات:
نفسى أعرف قصة الحمام دى معاك.
ألف مبروك مرة أخرى.
| |
|
|
|
|
|
|
Re: مبروووك دكتورة / حسناء بنت حيدر أمين (Re: الكباشى البكرى)
|
Quote: بس معقول !!!!لو ما فى مكتب واحد؟ |
لا ياحيدر دى ماليك حق فيها ولّيع نيران وكده
Quote: ألفاتح الجنيد ســلامات:
نفسى أعرف قصة الحمام دى معاك. |
يامولانا انت ما عارف الحمام بحب موية السكر ؟ وما عارف نحن عندنا السكر رااااقد؟ يعنى نودى وين؟ ندفقوا فى البحر والا ندى الحمام؟
| |
|
|
|
|
|
|
Re: مبروووك دكتورة / حسناء بنت حيدر أمين (Re: الفاتح الجنيد)
|
الاعزاء
ضحية انور كنج ابوبكر
الكباشى
الله يبارك فيكم ويديكم الفى مرادكم
اخوى ود الجنيد
:Quote: بس معقول !!!!لو ما فى مكتب واحد؟
لا ياحيدر دى ماليك حق فيها ولّيع نيران وكده |
تعرف ابوبكر ده الواحد يمكن الاقيه فى العيد ما تسمع الكلام ده ساكت
بعدين تعال يا ابوبكر عقدتنى عديل كده ولا ما الوقت متأخر كان على قول اخوانا فى السعودية شديت ليك سلك
| |
|
|
|
|
|
|
Re: مبروووك دكتورة / حسناء بنت حيدر أمين (Re: حيدر امين)
|
حيدر أمين : التحايا الجزلات. الاف التبريكات والتهاني لنجاح حسناء ...وعقبال البقيه. التبريكات لامها كمان ولكافة الاهل والاعمام والخالات. التحايا والتهاني لعشيرتها ببرى المحس وكافة بقاع الدنيا ....لعماتها أمال واحلام وناس الشفه ودريه وحتي علويه خوجلي. التحايا لللاعمام ناس ماضي واخوانه . وحتي جود بت ريم نقول ليها عقبالك.
| |
|
|
|
|
|
|
| |