|
|
|
 Re: ساهموا في اختيار اسم جديد للسودان الشمالي (Re: Salah Abdulla)
|
أستاذنا أبو صلاح سلامات
| Quote: ياخوي الجماعة اتقاسموا الكيكة والاسم وقع للجنوب واللا شنو؟؟ |
هو ناس الطيب مصطفى لو كان عاجبهم اسم الـسودان ما كان سعوا للانفصال
عشان كدا احتمال كبير يسموهو جمهورية البيضــان
بعدين حكاية اوضتين وبرندتين خلف خلاف دي ما تقامر بيها
أبني لي فوق
يعني أوضة وفوقها برندة
من فوق ليها أوضة
فوقها برندة
من فوق ليها حمام
من فوق ليهو بلكونة
وهكذا
لأنو البلد دي لي قدام ما مضمونة
ممكن تنوم في الأوضة البيجاي تصبح الصباح تلقى الأوضة البيغادي بقت في دولة تانية
| |
 
|
|
|
|
|
|
|
|
Re: ساهموا في اختيار اسم جديد للسودان الشمالي (Re: NEWSUDANI)
|
اسم السودان اسم عزيز جدا على الجميع لا يمكن لاحد ان يتنازل عنه ولذلك تكون اسماء الدولتين
جمهورية شمال السودان
جمهورية جنوب السودان
وفى دول سبقتنا فى ذلك , كوريا الشمالية وكوريا الجنوبية
اليمن الشمالية واليمن الجنوبية
سابقا المانيا الشرقية والمانيا الغربية
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: ياسر يحى عبد الله)
|
Quote: جمهورية شمال السودان
جمهورية جنوب السودان
|
يا شباب أبعدوا من اسماء الاتجاهات دي لأنه احتمال لي قدام عمرها يكون قصير
أقصد لو استمرت حكومة المركز في عكها دا حا تستمر دواعي الانفصال للباقي
يعني بعد كم سنة كدا ممكن نلقى الشمالية تطالب بالانفصال
نبقى في ورطة الاسم تاني
يعني انفصال شمال شمال السودان
وهكذا
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: NEWSUDANI)
|
يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين
سنار/ السلطنة الزرقاء / مملكة الفونج
والسوداني كان اسمه السناري
وفي ذلك يقول ود حاج الماحي : قالولنا حابا السنانير
وفي الازهر الشريف كان هنالك رواق عتيق اسمه رواق السنارية وهم نحن
وفي كثير من البلدان التي وفد اليها سودانيون في الماضي واستقروا وتزوجوا تجد اسم العائلي كما هو ثابت ( فلان بن فلان السناري )
فلماذا لا نتجاوز ما افترضه علينا الترك قسرا ونعود الى اصلنا الفونجاوي فنقول
دولة سنار ، او دلة الفونج ونسمي انفسنا باسمنا الحقيقي الذي سمى به اجدادنا انفسهم ( سناري سنارية سناريين سنانير ) بدلا من الاسم الذي فرضه علينا الآخر سودانيين
كل افريقيا سودانيين
فما الذي يميزنا نحن
اليست لنا خصوصية ككل الأمم ؟ أليس لنا اسم ( علم )
عودوا الى الاصل
العودة الى سنار
تجدون انه على ايام كان البلد اسمه دولة سنار لم يكن الجنوب جزءا من الدولة .
ودولة سنار لم تكن دولة تسلط عروبي
بالعكس كان القدح المعلى فيها للعرق الافريقي : الفونج
ولم يكن العرب الا وزراء او حكام اقاليم لها حكم ذاتي
هذا هو الحق اذا اردتم الحق
لكم احترامي
________________
رب اشرح لي صدري
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: سيف النصر محي الدين محمد أحمد)
|
اخي سيف النصر
اسمح لي
لا انا ولا انت لا ننتمي الى كوش بقدر انتمائنا الى سنار
لماذا
نحن خليط عربي افريقي
نتحدث بالسنة كلها كانت حاضرة في نموذج سنار
هويتنا الثقافية الجامعة هي هوية سنارية بامتياز في كافة تفاصيل حياتنا المجتمعية اليومية فما الذي يجمعنا على كوش
ماذا بقي من كوش فينا،؟
واما بقي في سنار هو كل شئ
اللغة الصوفية الدوبيت والملابس والعادات والتقاليد الاجتماعية
نموذج سنار يجمعنا ولكن كوش يلجأ اليها فقط المتهربون من استحقاقات نموذج سنار
ثم ان سنار اقرب زمانيا واوسط وبالتالي فهي اقرب للجميع
لك محبتي
_______________
اللهم ارحمنا برحمتك يا ارحم الراحمين
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: محمد عبدالقادر سبيل)
|
للتوضيح فقط فالايام القادمات حبلي والامر من قبل وبعد لله تعالي : كانت النوبة وسنار هي الممالك الكبيرة ومكوك وسلاطيين كثر صغار عندما اتي الترك وكل الارض كانت تسمي السودان وكانو كلهم في ضعف كما حالنا اليوم :
| Quote: By 1820, the king of Sennar had become very weak, and Nubia was in an almost lawless state. Learning that the Nubians had very few guns, Egypt's new ruler, Muhammad Ali, invaded Sudan with an army that had cannons. With these, he easily conquered the country and joined it to Egypt. He founded the city of Khartoum, where the Blue and White Niles meet, and established a governor there to rule the Sudanese. Mohammed Ali's empire extended all the way to central Africa and included almost all the Nile Valley. It was the largest Nile empire ever created. |
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: زهير عثمان حمد)
|
شلعوها الجعليين
او
جمهورية ارض الحيوان
او
جمهورية ارض الحمقان
او
جمهورية بيوضة والعتمور الصحراوية
على ان يستبدل شعار صقر الجديان بطائر البوم طائر الشؤم تمشيا مع الحاضر واستشرافا للمستقبل الواعد بمزيد من البؤس
وان يتحول علم الدولة الى
والسلام الجمهورى الى
كان غلبك سدها وسع قدها
اصلها عايرة ألحق اجلدها
على وعلى اعدائى يا رب
انا الغريق فما يهمنى بلل
وسر الليل الى
دار ابوك كان خربت شيل ليك منها شلية
جنى
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: jini)
|
غايتو بوست رغم الحزن الا انه يموت بالضحك
لانه بيثبت انه عمرنا ما حنتفق(هههههه)
جني الشايقي لصقها في الجعلين طوالي الشليعه!!(وجه غامز)
يا جني قعدوا ناس عوض الجاز يمصوا في البترول
وصلاح قوش تم الناقصه وتقول لي شلعهوا الجعلين(وجه ضاحك)
شلعوها صعاليك المؤتمر الوطني من القبيلتين يعلم الله!!
محمد سبيل
سودانك العربي الاسلامي ده
ترى ماذا يعني لبقية زنوج السودان
الضابنهم معاكم في خريطتكم اياها؟؟!!!
من نوبا ودارفورين وانقسنا؟؟؟ّّّ
صاحب البوست اشرف سلامات
اها منو قال لك يا حبيب الخريطه دي حتكون كده؟؟؟
وحاتك دولة الطيب مصطفى ستكون اصغر من اريحا بتاعت الفلسطينين!!
زمان لي اصدقاء فلسطنين وكنا بنتناقش عن الشكله حول اريحا وغيرها
فقالوا لي انت فكره اريحا دي قدر شنو يا تراجي؟؟
قلت لهم قدر شنو؟؟قالوا لي دي قدر استاد الخرطوم!!على قولهم!!
وتشوفي قالوا لي شكلة ابو عمار
وعامل فيها هيلمانه و الفيلم كله قدر استاد الخرطوم!!
اها ورب الكعبه يا الطيب مصطفى
انت واهلك نحصركم في حته اقل من استاد الخرطوم
بس ابوقوا رجال وفرطوا في الجنوب ده بحركاتكم دي.
ولا عاملين ما قريتو مقال البجاوي البارحه
القال مصر لها في السودان لحد سواكن
وهم ماشين ينضموا لمصر؟؟!!
شوفتوا الخوازيق البنكشوها لينا ناس الطيب مصطفى؟؟!!
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: Tragie Mustafa)
|
Quote: محمد سبيل
سودانك العربي الاسلامي ده
ترى ماذا يعني لبقية زنوج السودان
الضابنهم معاكم في خريطتكم اياها؟؟!!!
من نوبا ودارفورين وانقسنا؟؟؟ّّّ |
الجسوره أم حازم
والجميع
تحياتي
كده شوفي الخريطه دي
كما تركه الأنجليز
وشوفي دي
تم التلاعب بحدود دارفور مع الولايه الشماليه وضم أجزاء كبيره من دارفور للولايه الشماليه علي مراحل .
وبما أنو موضوعكم حدود وتقسيم وشكلكم كده قنعتو من خيرا فيها , فبعد ذهاب ارفور والشرق سيخسر ما تبقى من السودان حدوده مع كل جيرانه التاريخيين التسعه بأشتثناء مصر .
يعنى أولاد بمبه خيلاني يلقوها مقشره .
| |
|
|
|
|
|
|
|
|
 Re: ساهموا في اختيار اسم جديد للسودان الشمالي (Re: salah elamin)
|
سلام للجميع
بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان لاننا
نعلم ان الانفصال لو وقع وهذا متوقع ستكون بداية التمزق الحقيقي لجميع بقاع الوطن فهل تريدون مثل هذا يحدث لوطنكم السودان؟
اعلم انكم وطنيون ولكن الاحباط تملككم تملك السوار من اليد او المعصم ولكن عليكم بالجلد الكبير والقوة ضد مسالب الاحباط والوقوع في براثنه ومخالبه الشائكة الجارحة
علي اداب
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: degna)
|
Quote: سلام للجميع
بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان لاننا
نعلم ان الانفصال لو وقع وهذا متوقع ستكون بداية التمزق الحقيقي لجميع بقاع الوطن فهل تريدون مثل هذا يحدث لوطنكم السودان؟
اعلم انكم وطنيون ولكن الاحباط تملككم تملك السوار من اليد او المعصم ولكن عليكم بالجلد الكبير والقوة ضد مسالب الاحباط والوقوع في براثنه ومخالبه الشائكة الجارحة
علي اداب |
الأخ علي
تحياتي
والله كلامك سمح خلاص وأنا بتفق معاك كليا , بس كدى وريني رأيك في رأس الدوله البيهدد نائيه الأول وشريكه بأمكانيه أجتياحه للجنوب في أربعه وعشرين ساعه ده يتعاملوا معاهو كيف !!
الحاربوهو قال ما داير منهم أسير والهادنوهو شغال معاهم ضرب تحت الحزام , والوالوهو شغالين سرقه وهمبته على عينك يا تاجر
الأحباط ده لما يصل الناس الفي مقام سلفاكير بتقع وقائع شينه
مودتي
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: مجدى محمد مصطفى)
|
| Quote: والله كلامك سمح خلاص وأنا بتفق معاك كليا , بس كدى وريني رأيك في رأس الدوله البيهدد نائيه الأول وشريكه بأمكانيه أجتياحه للجنوب في أربعه وعشرين ساعه ده يتعاملوا معاهو كيف !! الأحباط ده لما يصل الناس الفي مقام سلفاكير بتقع وقائع شينه |
المسألة يا مجدي مخططة لتعزيز فرص الانفصال
أو -لو أحسنا الظن بصاحبها- فهو يفتقد حساسية من تصدوا للقيادة بل ويمتلك قدر كبير من الرعونة يستحيل معه أن يكون في موقع سلطة
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: degna)
|
| Quote: بدل هذه البوستات المحبطه والغير متفائلة لماذا لاتعملون معنا نحن الذين لن نكل حتي اخر رمق من الامل فينا في وحدة السودان |
بس ورينا ممكن نعمل شنو يا دقنة قدام حزب مستغل موارد البلد كلها لجعل الانفصال خيار جاذب وأحزاب معارضة واقفة تتفرج؟
تو ليت
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: salah elamin)
|
دا كان يكون أنسب اسم يا أبو صلاح
لو لا قبل يومين ورد في الأخبار أن البشير أثناء اجتماع وزاري طلب من أحد وزرائه أن يحدث زملائه عن مشاريعه الاستثمارية الناجحة
والتاني بكل أريحية طفق يعدد لهم أرباح الأربعمية نعجة والكم بقرة بتاعنو
وزير مستثمر!!!
تقول لي جلابة!!
ياخي الجلابة أنزه من كدا!
يخيل لي الأنسب:
جمهورية علي بابا والأربعين وزير
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: Tragie Mustafa)
|
Quote: اها منو قال لك يا حبيب الخريطه دي حتكون كده؟؟؟
وحاتك دولة الطيب مصطفى ستكون اصغر من اريحا بتاعت الفلسطينين!! |
أم حازم سلامات
"وهكذا"البعد الخريطة التالتة ديك أنا قصدت بيها إنو المسألة ما حا تقيف على الجنوب بس, بل حا تستمر لحد ما كل بيت يبقى دولة مستقلة
يعني عشان تشحدي ملح من الجيران لازم المسألة تتم ثرو وزير خارجية بيتك
وزي ما قالوا أهل الخير "الله يكضب الشينة"
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: jini)
|
| Quote: جمهورية بيوضة والعتمور الصحراوية |
يا جني كان فضلت على بيوضة والعتمور أهلنا المصريين حا يسموها جمهرية الوساعة البعد حلايب
بعدين مع تغيير الشعار من صقر الجديان للبومة لو وزير الثقافة بقى صاحبك الزومة
تبقى كملت
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: سيف النصر محي الدين محمد أحمد)
|
Quote: سلامات يا اشرف
يا خي ان شا الله ربنا يكضب الشينة . |
د. سيف سلامات
الله يكضبها ما قلنا شي
لكن النهاية المنطقية لعك ساستنا دا إنو المليون ميل مربع دي تتشلع لمليون دويلة على الأقل.
شايفك إنت وعزام بتحاجوا سبيل في حكاية الدولة السنارية!
في اعتقادي سبيل يسعى لدولة إسلامية سوداء
عشان ناس بشاشا تاني ما يجيوا يقولوا الدين العروبي طغى على الدين الإسلامي وخلافه
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: ياسر احمد محمود)
|
| Quote: مملكة قبيلة الجعليين الكبرى. |
| Quote: جمهوريه الجعلشايقه الاسلاميه |
ياسر أحمد محمود ومحمد فتوحلي
في اعتقادي المسألة ما مرتبطة بعرق بعينه بقدر ارتباطها بعقلية انتهازية وسلبية وما مسئولة، لسوء حظنا تولت القيادة فترات طويلة من الزمن
والعقلية دي في الآخر أنتجت العقلية الكيزانية الموجودة حالياً، لكن بذرتها موجودة من أول حكومة سودانية
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: محمد عبدالقادر سبيل)
|
Quote: بدلا من الاسم الذي فرضه علينا الآخر سودانيين
كل افريقيا سودانيين
فما الذي يميزنا نحن |
Quote: يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين
سنار/ السلطنة الزرقاء / مملكة الفونج |
وكل افريقيا زرقاء كذلك يا اخي محمد يعني برضو ما فيها ميزة..
انا ما عارف حكاية وصف بلد وشعبها علي اساس اللون الحكمة منو شنو؟؟
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: معاوية عوض الكريم)
|
محمد عبدالقادر سبيل ...
صباح/مساء الخير
Quote: يجب ان يستعيد السودان والسوداني اسمهما الاصيل الذي قام الترك المستعمرون بالغائه على حين غفلة من السودانين
سنار/ السلطنة الزرقاء / مملكة الفونج
والسوداني كان اسمه السناري |
إسمها الإصيلي ده ياتو؟ الأُسمو الإتسمت بعد دخول العرب السودان عام (652م) عبر إتْفاقِية < البقط > والله يا محمد عبدالقادِر التاريخ بِقول إنو العرب ما دخلو بلد إلا خربوهو خراب ... (الشام/مصر/دُول المغرِب العربي) ما علينا ... يعني إسم < السلطنة الزرقاء > البِتْعتبِرو أصيل ، يعني في ظنك أصيل هو ولا < نبته > مثلاً ... وإسم < السوداني > أفضل مِن < الكوشي > في شنو؟ على الأقل نبعِد مِن الألوان العِندنا فوقا عمى دي ... أخدر ... أخدر شديد ... اخدر بِالحيل ... < السلطنة الزرقاء > قامت بِتحالُف الفونج (زنوج) والعرب عام 1504م وإنتهت عام 1821م بِدخول محمد على باشا سِنار ... يعني كُل عُمر السلطنة الزرقاء (317) سنة ... أها كُتار في سودان اليَوم ما ليهُم عِلاقة لا بِالزنوج ولا بِالعرب ، سببُم شنو يِندرِع فيهُم إسم مو هيلُم ... وبعدين ... النوبِيين وناس الشرِق تاريخُم قبل ميلاد السَيِد المسيح بِآلاف السنين ، نخلي ده كلو ونكنكِش في تاريخ عُمرو كلو كِده على بعضو (317) سنة ... يا زول مِن هسِع نحنا مُنفصِلين تب ... أها عِندكُم مِن < أبو فاطنه > ده حد الشِمال ... إن شاءالله ما يِنفعكُم ...
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: صديق عيسى صالح)
|
الأخ سبيل
مملكة سنار لم تلغ الاصل الكوشي في الثقافة السودانية فكثير من العادات و الممارسات الثقافية لا زالت تستمد مرجعيتها من اصولها الكوشية و الانسان السوداني الشمالي يستمد سمات شخصيته من مجمل الارث الحضاري
السوداني منذ ما قبل التاريخ و حتى اللحظة الراهنة و هو ليس ابنا للحقبة السنارية فقط . و مملكة سنار رغم طابعها الاسلامي الا أنها تميزت عن الدولة الاسلامية كما عرفها المشرق العربي فهي ليست اعادة انتاج للدولة
الاموية و العباسية , بل انها كانت دولة افريقية الملامح و كانت اقرب لمالي و كانو من دمشق و بغداد و الحجاز .
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: Ashraf el-Halabi)
|
اخوتي الكرام
السلام عليكم ورحمة الله وبركاته
اعلم ان كثيرا منكم يعلم ان مرجعية السودان والسوداني ( كهوية ) هي ( اساسا) من حق مصهر سنار ، ولا مانع من وجود بعض النتف الصغيرة من ارث آخر ( وهذه لت تتجاوز 10% من المكون )
ولكن (((اساسا)) كلكم سناريون بامتياز
فكرة البحث عن احياء ماضي كوش او مروي النوبية هو ضرب من الرومانسية السياسية فقط .. لماذا؟
دعني اصف لكم السودانيين كملامح وتفاصيل حياة اجتماعية تعكس مكنونكم الثقافي المنتسب الى سنار
* لغتكم الجامعة ليست هي اللغة النوبية ولا الفورية ولا البجوية ولا حتى الفونجية وانما هي اللغة العربية التي تحدثتها سنار كمصهر للثافات وكبوتقة لتوطين الثقافة العربية وتلقيحها باللسان المحلي
* دينكم ليس هو دين كوش ولا علوة والمقرة وتعلمون ما للدين من اهمية في سلوك ومزاج الشخص
* الاسلام واسع ولكن الطرق الصوفية هي الاسلوب الذي تبنته سنار واعتمدته لنشر عقيدة موحدة لاطراف الملكة وها انتم تتوزع اسركم واجدادكم بين هذه الطرق وليس على غيرها من ارث النوبيين
* ملامحكم الخلاسية لا تشبه ترهاقا الذي يقف تمثاله امام المتحف واضحا، خاصة الزملاء الداعون الى مرجعية الهوية النوبية ههنا كلهم اقرب شبها بالعرب من شبههم بالسودانيين الاصليين ، اقصد نموذج سنار المصهر الافروعربي الذي شكلنا نحن جميعا الافروعرب
انظروا الى صوركم وقولوا لي هل تشبهون نوبة الجبال الذين هم فعلا وحقا يشبهون ترهاقا والزنوج الاقحاح ؟ أم من اين اتيتم بهذه البشرة وهذه الملامح الاقرب الى العرق السامي العربي
قطعا لا يكفي ان ترطن رطانة قوم مع قليل عادات منهم فتنتسب اليهم نهائيا، التاريخ موجود واسباب الهجرات معروفة والملامح تفضحكم بقوة
* انظروا كيف تقضون ايامكم : تذهبون الى الصلاة في المسجد ومجتمع سنار كان يفعل ذلك وليس مجتمع ترهاقا ، وتفرحون بعيد الفطر بعد ان تصوموا رمضان كما كنا نفعل في سنار على مدى قرون،فهل لكم اعياد كوشية ما تزال حاضرة في حياتكم؟ ، تذهبون الى بيوت السماية / العقيقة،وبيوت العزاء، وتعرضون في الدلوكة وتتغنون وتتزوجون بالكتاب والسنة كما علمناكم في سنار ، تلبسون الجلابية والعمامة التي اعتمدناها لكم في سنار ولم يسبقنا الى جعل الجلابية زيا قوميا احد من ممالك السودان السابقة ، وحتى التوب ، والمدائح النبوية والحكم الشعبية ( الشيخ فرح ود تكتوك حلال المشبوك ) والامثال الشعبية جرى تعميمها هنالك ، الخلاوى جرى اعتماد نموذجها وتشجيع الشيوخ عليها في سنار برعاية المانجل شخصيا فهو الذي جلب اليكم شيوخ الدين والعلماء وبعث البعثات الى الازهر حيث كان لنا ( رواق السنارية ) الشهير
انتم وحياتكم صنيعة سنار اساسا
* المذهب المالكي الذي تنتمون اليه جميعا اوجدته سنار بعد استقدام علماء المالكية من المغرب الى حاضرة المملكة لتدريس فقه الشرع الاسلامي على مذهب مالك
كل تلك العناصر المكونة للهوية التي تجمعنا كسودانيين ( ولا شئ غيرها يجمعنا ) باختلاف قبائلنا انما صاغتها وقدمتها لكم سنار وحدها على طبق من ذهب بني شنقولي اصيل
وكان اجدادكم اذا ذهبوا الى مصر او الحجاز او غيرهما يعرفون بالسنارية اهل سنار وواحدكم يسمى السناري ووطنكم مملكة سنار العظيمة
* وكما قال اشرف اعلاه فان مملكة سنار هي دولة افريقية يتسنم الزنج فيها السلطان ( المك ) ويستوزر العرب
فلماذا تنكرون التاريخ والواقع ؟
هل خوفا من الاسلام ؟ وهل الاسلام مخيف ؟
وقال الزميل
| Quote: أها كُتار في سودان اليَوم ما ليهُم عِلاقة لا بِالزنوج ولا بِالعرب |
كتار؟
( لا علاقة لهم بالعرب ولا علاقة لهم بالزنج وسودانيون وكثر)!!؟
من هم هؤلاء بالله وما اصلهم وكم عددهم واين يعيشون حتى لا يكون الكلام على عواهنه!!
اسم سنار هو حق مشروع لشعب السودان الراهن بعد ان ضيعه الترك
ومن لم يكن تابعا لسنار فقد كان دولة مجاورة نحترمها ونحترم اهلها ولا بأس من الاتحاد معهم في دولة سنار الكبرى ان شاؤوا.
ولكن نموذج سنار هو ما تعيشونه كلكم عرقيا وثقافيا ومزاجا وواقعا واشكالات ايضا.
سناريون نعم
_______________
رب اشرح لي صدري
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: محمد عبدالقادر سبيل)
|
Quote: اخوتي الكرام
السلام عليكم ورحمة الله وبركاته
اعلم ان كثيرا منكم يعلم ان مرجعية السودان والسوداني ( كهوية ) هي ( اساسا) من حق مصهر سنار ، ولا مانع من وجود بعض النتف الصغيرة من ارث آخر ( وهذه لت تتجاوز 10% من المكون )
ولكن (((اساسا)) كلكم سناريون بامتياز
فكرة البحث عن احياء ماضي كوش او مروي النوبية هو ضرب من الرومانسية السياسية فقط .. لماذا؟
دعني اصف لكم السودانيين كملامح وتفاصيل حياة اجتماعية تعكس مكنونكم الثقافي المنتسب الى سنار
* لغتكم الجامعة ليست هي اللغة النوبية ولا الفورية ولا البجوية ولا حتى الفونجية وانما هي اللغة العربية التي تحدثتها سنار كمصهر للثافات وكبوتقة لتوطين الثقافة العربية وتلقيحها باللسان المحلي
* دينكم ليس هو دين كوش ولا علوة والمقرة وتعلمون ما للدين من اهمية في سلوك ومزاج الشخص
* الاسلام واسع ولكن الطرق الصوفية هي الاسلوب الذي تبنته سنار واعتمدته لنشر عقيدة موحدة لاطراف الملكة وها انتم تتوزع اسركم واجدادكم بين هذه الطرق وليس على غيرها من ارث النوبيين
* ملامحكم الخلاسية لا تشبه ترهاقا الذي يقف تمثاله امام المتحف واضحا، خاصة الزملاء الداعون الى مرجعية الهوية النوبية ههنا كلهم اقرب شبها بالعرب من شبههم بالسودانيين الاصليين ، اقصد نموذج سنار المصهر الافروعربي الذي شكلنا نحن جميعا الافروعرب
انظروا الى صوركم وقولوا لي هل تشبهون نوبة الجبال الذين هم فعلا وحقا يشبهون ترهاقا والزنوج الاقحاح ؟ أم من اين اتيتم بهذه البشرة وهذه الملامح الاقرب الى العرق السامي العربي
قطعا لا يكفي ان ترطن رطانة قوم مع قليل عادات منهم فتنتسب اليهم نهائيا، التاريخ موجود واسباب الهجرات معروفة والملامح تفضحكم بقوة
* انظروا كيف تقضون ايامكم : تذهبون الى الصلاة في المسجد ومجتمع سنار كان يفعل ذلك وليس مجتمع ترهاقا ، وتفرحون بعيد الفطر بعد ان تصوموا رمضان كما كنا نفعل في سنار على مدى قرون،فهل لكم اعياد كوشية ما تزال حاضرة في حياتكم؟ ، تذهبون الى بيوت السماية / العقيقة،وبيوت العزاء، وتعرضون في الدلوكة وتتغنون وتتزوجون بالكتاب والسنة كما علمناكم في سنار ، تلبسون الجلابية والعمامة التي اعتمدناها لكم في سنار ولم يسبقنا الى جعل الجلابية زيا قوميا احد من ممالك السودان السابقة ، وحتى التوب ، والمدائح النبوية والحكم الشعبية ( الشيخ فرح ود تكتوك حلال المشبوك ) والامثال الشعبية جرى تعميمها هنالك ، الخلاوى جرى اعتماد نموذجها وتشجيع الشيوخ عليها في سنار برعاية المانجل شخصيا فهو الذي جلب اليكم شيوخ الدين والعلماء وبعث البعثات الى الازهر حيث كان لنا ( رواق السنارية ) الشهير
انتم وحياتكم صنيعة سنار اساسا
* المذهب المالكي الذي تنتمون اليه جميعا اوجدته سنار بعد استقدام علماء المالكية من المغرب الى حاضرة المملكة لتدريس فقه الشرع الاسلامي على مذهب مالك
كل تلك العناصر المكونة للهوية التي تجمعنا كسودانيين ( ولا شئ غيرها يجمعنا ) باختلاف قبائلنا انما صاغتها وقدمتها لكم سنار وحدها على طبق من ذهب بني شنقولي اصيل
وكان اجدادكم اذا ذهبوا الى مصر او الحجاز او غيرهما يعرفون بالسنارية اهل سنار وواحدكم يسمى السناري ووطنكم مملكة سنار العظيمة
* وكما قال اشرف اعلاه فان مملكة سنار هي دولة افريقية يتسنم الزنج فيها السلطان ( المك ) ويستوزر العرب
فلماذا تنكرون التاريخ والواقع ؟
هل خوفا من الاسلام ؟ وهل الاسلام مخيف ؟
وقال الزميل
Quote: أها كُتار في سودان اليَوم ما ليهُم عِلاقة لا بِالزنوج ولا بِالعرب
كتار؟
( لا علاقة لهم بالعرب ولا علاقة لهم بالزنج وسودانيون وكثر)!!؟
من هم هؤلاء بالله وما اصلهم وكم عددهم واين يعيشون حتى لا يكون الكلام على عواهنه!!
اسم سنار هو حق مشروع لشعب السودان الراهن بعد ان ضيعه الترك
ومن لم يكن تابعا لسنار فقد كان دولة مجاورة نحترمها ونحترم اهلها ولا بأس من الاتحاد معهم في دولة سنار الكبرى ان شاؤوا.
ولكن نموذج سنار هو ما تعيشونه كلكم عرقيا وثقافيا ومزاجا وواقعا واشكالات ايضا.
سناريون نعم |
كلام من ذهب ..الرجوع إلى الحق خير من التمادي في الباطل ...
تنفذ هؤلاء اليوم لا يعني الغاء الماضي والمستقبل ..من حق شعب السودان الوحدة والقوة والمنعة ولا يأس مع الحياة ..
| |
|
|
|
|
|
|
|
|
|
Re: ساهموا في اختيار اسم جديد للسودان الشمالي (Re: حاتم الفاضل)
|
Quote: عشان ما نغير الإسم مرة تانية
أصبروا شوية
خلونا نشوف مشكلة دارفور ح ترسى على شنو |
الجواب باين من عنوانه يا حاتم
أحيلك للخرطة رقم 3 بالبوست,
ناس الخال "بعد غدا" حا يخلوا السودان خالي دار فور
"وهكذا" حتى تصبح الخريطة كدا
يعني عادي ممكن نسميها
جمهورية البروة
جمهورية منزل المهندس الطيب مصطفى وأولاد أخته
"وهكذا"
| |
|
|
|
|
|
|
| |
Ashraf el-Halabi
صديق عيسى صالح
محمد عبدالقادر سبيل
علاء الدين يوسف علي محمد
أحمد أمين
ashraf mukhtar
ياسر احمد محمود
abubakr
عبدالكريم الامين احمد
زهير عثمان حمد
jini
Tragie Mustafa
فايزودالقاضي
مجدى محمد مصطفى
salah elamin
degna
abdalla osman
معاوية عوض الكريم
عادل عبدالعزيز عبد الرحيم
Hassan Makkawi
Hani Arabi Mohamed
عزام حسن فرح
سناء عبد السيد
Mohamad Shamseldin
Nazik Eltayeb
omar altom
Mohamed Foto7li
Ahmed musa
طارق عمر مكاوي
عبدالله الفرجوني
نيازي مصطفى
عبدالرحمن الحلاوي
فيس بوك
تويتر
انستقرام
يوتيوب
بنتيريست