سفارة سودانية في استراليا !!!!

Quote: رغم اننا هنا نتمتع بكامل حقوق المواطنة إلاّ كسودانيين لازال احساسنا بأننا ضيوف موجود لان هجرتنا ليست اختيارية بل فرضت علينا فرض ولكن بكل سودانوية اصيلة بنقول مرحب بيك في قعر الدنيا علي الاقل هنا وجدنا ادميتنا البنبحث عنها عشرين سنة . حديثك يا دكتور مخالف تماما للواقع السوداني وانت هنا في استراليا قبل ثلاثة ايام تم اجازة قانون الامن الوطني ذات الجهاز المارس التقتيل والتعذيب والتشريد وذات الجهاز الذي لازال يصادر الصحف ويطوف بمقصه المطابع لمنع نشر المقالات فكل القوانين المقيدة للحريات موجودة فكان من باب اولي تهيئة الوضع داخليا بتغيير هذه القوانين حتي يكون الوضع مشجع لعودة الكادر المؤهل الذي تم تشريده بواسطة قوانين النظام نفسها . وانت كتر خيرك انك بادرت بالاعتذار لاي سوداني عن اخطاء الماضي وحملت علي عاتقك قبح عشرين عاما عجاف ولكن ما حدث في الماضي ما اخطاء بتم علاجها بتطييب الخواطر . بل كان ضياع عُمر ومصادره للحياة وصلت مرحلة الدم فهذه جرائم تستوجب المحاكمة . والشي التاني انو السودان الفي خاطرنا ما موجود اليوم ويمكن ما يتوجد في المستقبل فأآخر ماجاء عن السودان من منظمة (الفاو) ان السودان باع حوالي مليون ونص من الهكترات لجهات اجنبية و(الفاو) نفسها متخوفة بأن هذا استعمار في شكل حديث . زما بعيد يمكن الواحد يصحي من نومو يلقي نفسو مستأجر بيتو الملكو من انسان اجنبي . اما بالنسبة لموضوع السفارة السودانية هنا انا عن نفسي لا اتمناها في الوقت الحالي لان كل السفارات السودانية الفي العالم الليلة لا توفر ادني حماية للانسان السوداني في المهاجر والمغترب . وين كانت السفارة السودانية في القاهرة لمن تم قتل عشرات السودانيين ؟ وما قدرت تقول عيب ياحكومة يا مصرية . السفارات السودانية اليوم هي وسيلة استنزاف للسوداني ووبالا عليه اكثر مما تكون حاميا له . ولم تم انشاء سفارة سودانية هنا في استراليا من المؤكد سيسيطر عليها كادر المؤتمر الوطني الموجود هنا وده كادر غير موثوق فيه لأنه طرق المنابر الدولية طالبا الحماية من النظام الذي ينتمي اليه ودخل البلاد كلاجئ ونحن نعلم ان الانتماء السياسي ارضيته الالتزام الاخلاقي وسقفه المبادئ فمن يبيعها لاجل غرض ذاتي يصبح كائن نخر منه الداء نخر السوس من العظام ولايصلح التعامل معه بتاتاً . شك