|
الدكتورة صفية ساتى تمدح إبنها قصى همرور شيخ الدين بمناسبة نيته للزواج
|
قصى ولدى الكبير سيد الفهم ووالراى موشح نور رزين صايم تقى وصلاى ابدا ما بخيل بل هو الكريم عطاى ديمة يسوى فوق الزين ما بقول انا السواى سابق لى زمانو أكيد وسابق للزمان الجاى @@@@@ من ولدوهو زاخر هيبة رايو سديد لى خالاتو لى عماتو لى جاراتو باقى وليد صادق وللامانة مافى ليهو نديد يحفظك الحفيظ ربى يديكا عمر مديد جبينك زى هلال رمضان وزى طلة صباح العيد @@@@ شيخ الدين ابوك وورثك بالحيل الصوم والصلاة ، تهجد وقيام ليل الفكر الرشيد الديمة ليكا دليل سماك جد الرسول و يا حبيب وعديل رجاحة عقلك أبدا مافى ليها مثيل كتفك بى كتوف العلما والعارفين تسلم يا قصى ياود اصول وأصيل @@@@ طيب السيرة جامع كل صفات سمحة ذاكر وطنك السودان ولى اطفالو ما بتنسى تشيل هم اليتامى الفيهو من تصبح لمن تمسى المايقوما تشهد ليك من ذكر و من انثى تقسم لقمتك قسمين عشان البايت يتعشى تفخر بيك تماضر واميمة ..رشا وعشة تبقى منارة ليهو وقدوة لى اخوانك الخمسة @@@@@@ هويدا الربتك قالت عليك اشعار قالت مافى زيك لافى الكبار لاصغار قالت عالى قدرك وللعيوب ستار قالت فيك رقية وقالت كمان آمال يا ضو القبيلة يا علم فوق نار لامك عطوف ولابوكا ولدا بار يزيدك هيبة الكريم ويزيدك جلال ووقار @@@@@ بشوف فيك ابن الوليد والحمزة والعباس والخطاب عمر العدلو شمل الناس بشوف ابوبكر فى صدقو وامانتو وزهدو والاخلاص للنبى المختار ... المجتبى النبراس قادر الله وهبك من صفات اصحاب نبيهو خلاص ابدع لى شمايلك وخلقتك سواكا سيد الناس @@@@@@@ قصى ولدى الكبير عافية وعليك راضية عفويا يتقيكا ويوقيكا ويبقى ليك توب عافية يغطيك من عيون الناس ومن كل شرور خافية يطول عمرك يزيدك نور تزيد خيراتك الوافية تطول يدك تبر الدانية والقاصية وطال ما حية بدعو الحى يهون ليكا كل قاسية
أمك صفية ساتى
|
|
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: يازولyazoalيازول)
|
هشام .. سلام
Quote: قصى ولدى الكبير عافية وعليك راضية عفويا يتقيكا ويوقيكا ويبقى ليك توب عافية يغطيك من عيون الناس ومن كل شرور خافية يطول عمرك يزيدك نور تزيد خيراتك الوافية تطول يدك تبر الدانية والقاصية وطال ما حية بدعو الحى يهون ليكا كل قاسية |
هنيئاً لقصي بهذا الرضا .. وبتلك الدعوات الطيبات .. التحية لتلك الأم الرائعة التي أرضعته تلك الخصال .. وربنا يتمم زواجه على خير .. وبالرفاء والبنين
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: حافظ كنجال)
|
Quote: قصى ولدى الكبير عافية وعليك راضية عفويا يتقيكا ويوقيكا ويبقى ليك توب عافية يغطيك من عيون الناس ومن كل شرور خافية يطول عمرك يزيدك نور تزيد خيراتك الوافية تطول يدك تبر الدانية والقاصية وطال ما حية بدعو الحى يهون ليكا كل قاسية
أمك صفية ساتى |
slaaaaaaaaam ya zoool raw3aaaa ma sh allaah 3leeha um qusaay qusaay yestahaal kol kheer mabrooooooooook safia al7aabeeba al3'aalyaa[/B]
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: Kamal Karrar)
|
تتبعثر الكلمات .. وتعجز الحروف من الوصف تجاه أهل العلم والمعرفة أنهم من سلالة آل شيخ الدين ذلك الرجل الموسوعة والذى تخرج على يديه أجيال وأجيال .. ألا رحم الله ذلك الرجل التقى الذى خلف وراءه رجال ورجال وأحفاد نفتخر بهم .
وهاهو أحد أحفاده يقول لنا أنا قصى بن همرور ود شيخ الدين .. حقيقة العيال كبرت أدعوكم قريبا وقريبا جدا لزواجى الميمون بإذن الله .. ونحن نقول له ولوالدته صفيه ساتى ونحن جاهزون لحضور هذا الكرنفال بمشيئة الله .. دمتم سندا وذخرا نفتخر بهم دائما وابدا .. تحياتى لكل القامات من أسرة شيخ الدين جبريل قردا فردا .. ودمتم ..
تاج السر
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: يازولyazoalيازول)
|
(الخبر الأكيد قالوا "ميساساقا" اترشّت ... وساريه تجود للصباح ما انفشّت) قصي همرور شيخ الدين جبريل ، قبل هذا اليوم كنت أتساءل ، كغيري، ما إذا كان هذا الشاب ، بكل ما حباه المولى من صفات تعز في زمن الكوليرا والسارس والخنازير هذا ، سيجد من يتكئ عليها ويغسل لديها ما تجئ به الأيام من الأدران والأحزان ، بعيد عنك يا قصي ، كنت أتساءل ما إذا كان ود همرور بجمال نفسه وصبره على المكاره وأريحيته وسماحة دواخله وعلمه وأدبه سيحظى بالمرأة الهجعة ، تلك التي إذا نظر إليها بقلبه سرّته وأفرحت نخاع العظم فيه ودعمت جهاز مناعته ضد البكتريا والفجيعة والأنواء والرزايا ، نائية به عن شياطين الإنس والجن وساقط القول والبشر!! قصي الذي يحس معه المرء أنه أتى من (زمن جاي وزمن لِسّه) هل سيحظى بمن تنسرب إلى صميم فؤاده بعد أن تتخطى ما يغطي الصدر من أوسمة الجمال ونياشين السماحة ؟ كنت أظن أن زمن المعجزات قد ولى ( وأن الخوارق ليست تعاد) لكنها الحياة تعطي بقدرما تأخذ. ود صفيه الهادئ كأنه يمشي بسقف الليل، ذلك الذي يرافقك فتحتشد خلاياك بالسكينة ، يحادثك فتنساب إليك المعرفة بسلاسة كما (الريكي) يستمدها أهلها من طاقة الكون ، متدفق في علمه كشلال ومنضبط كأنه مسؤول عن سلوك المجرة ومدارات الكواكب. منذ طفولته الباكرة وهو الباسم الوديع محتكرا الوضاءة والتسامح لكأنه نزع من جيناته العبوس والإكفهرار ومترادفاتهما في قاموس اللغة ، هو شاب انحازت إليه المكارم بصورة مكشوفة ولعمري إن رفيقة الدرب اصطفاها المولى مثلما يصطفي التقي من العباد فهنيئا لها به وهنيئا له بها. تقصر كلماتي عن قصي وليتني كنت من سلاطين القوافي أو أوتيت بعض موهبة الكلام كأختي صفية ساتي زياده الطبيبة الأديبة لأقول للحبيب قصي بعض ما يشابهه. أها يا عريسنا:
(راسك شيلو فوق إِت يا ولد ما هيِّن وجدك فى الرجال اجواد وفارس وديِّن اختك فى البنات معروفة عرضها صيِّن وإِت فارس هلالا فى المعارك بيِّن)
عروسنا بنبارك ليك ولدنا و زي ما قال ود الشلهمة في البطانه: يا (ساره) نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش
صفيه وهمرور وميرغني وهشام وتبارك وأحمد وآية ولينا وتماضر وهويدا وآمال وكل آل زيادة وشيخ الدين مبروك سقفها السماء وفرحة تناهز السماك الأعلى .
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: محمد المرتضى حامد)
|
الأخ محمد المرتضى حامد
ماهذا الجمال يا أخى؟؟؟؟
والله إن كلامك لينثر منه الدرر واللآلىء ، وإنه لإبداع ما بعده إبداع أن تصغيك تهنئتك بهذا القالب الأدبى الكبير ولهو دلالة على حسن العلائق والمودة بإبننا قصى ، فهنئياً لقصى بأمثالك وهنئياً لنا بشخص وفى مثلك يصيغ كلماته بهذا المستوى الثقافى العالى ، بارك الله فيك ونيابة عن كل من ذكرتهم فى ختام رسالتك أبلغك عنهم شكر العائلة الكثير والجزيل ، جزاك الله عنا خير الجزاء عن كل حرف صغته فى هذه التهنئية الجميلة المباركة
حفظكم الله ورعاكم ومتعكم بالصحة والعافية والسرور
أخوك هشام
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: مهيرة)
|
Quote: سوما
ثانكيو ليك بالإنقليزى فرى متش
لوووووووووووووووووووووووووول
ومرورك اسعدنا حقيقة
هشام |
لووووول هشام ازيك يا جميل والله ضحكتنى كيف الليله فى المكتب عارف يا هشام جنى وجن الانجليزى المعرب بكجنو كده ساااى لكن القصيده عجبتنى شديد وعاجبانى ليها كم يوم صفيةالحبيبه الحنينه رسلتها لى فى الاميل قبل كم يوم.. وحالفه ما ارد ليها برا عديلة مجيهه لى قصى ود العزة والمهلة عشان كده كنت لابده بحضر فى عديلة قصى وكنت ناويه انزلهم الاتنين .. قصيدتها الشارقانى ليها كم يوم دى والقصيده الجديده.. لكن سبقتنى ..انت يا يابا عم السرور والخاتر المجبور تدوم محنتكم ان شاء الله اولاد شيخ الدين.. ويدوم هناكم مبروووووك على قصى .. وسعيده الفازت بى قلبو ..يعلم الله امها داعية ليهابالخير والسعادة وامها عاااااااااااااافية ورضيانه عليها من كل النواحى ما شاء الله تبارك الله .. كان العريس عريس الهنا والمنا.. المؤدب الخلوق الكسبان رضا والديه واهله .. الله يحفظك يا قصى ويغطى عليك وكان لى ام العريس .. ما بنقول نسيبة.. لانه صفية ام وقلبها عطوف يعلم الله محنة صفيه كان غربلت الدنيا ما بتلقى ليها ام تعصرها عليهازى صفية الحنينة وخاطر قصى عندها بالدنيا..ان شاء الله تشيلى جناهو وتشوفى هناهو يا صفيه يا بت امى والاخوان ما شاء الله عينى بارده عليهم.. وكان اسرة شيخ الدين ما شاء الله .. الله يحفظهم من كل عين حتى ((المهم)) حقت تبارك دى بتكف العين ... لووول بركوتة عم العريس كيفنك ياخ.. بركوته دى لزوم دلع يا تبارك وكدة.. مبروك لى قصى وتهانينا للاخوان صادق ووافر وتماضر واميمه رشا وكل الاهل بدون فرز وتماضر يا يمه عمة السرور ست القلب الكبير والفرح الكتير والقصيده يا صفصف برد ليك عليها قريب ان شاء الله فى الاميل بى مزااج تسلموا والف الف .. مبروك تحياتى يا هشام لاسرتك ويا صفصف للعيال والعريس وتحية خاصة للحبيبة هالة الزين فرقتوا على بالحيييييل
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: سمية الحسن طلحة)
|
سمية الحسن طلحة
Quote: نبارك لقصي منبع الطيبة أمك لينا حبيبة صفية الخاتية الريبة الدانية ماهي غريبة *** عقبال لأحمد وآية ولي لينا السمحة مراية ياود العقاب والتاية أمك ما شكاية صميمة وحاشا وشاية *** تحية من عمان عقبال عمر والأخوان لي ود بيت الضيفان المبسوط ما زعلان ..... خالتك سمية أم عمر
|
تسلمى تسلمى يا سمية على هذا الجمال ، وما دام أم قصى قالت عليك فارسة ، يبقى خلاص طلعتى فارسة
الله يديك العافية
أخوك هشام
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: محمد الجزولي)
|
أها يا صفصف هاك ده قطع اخدر لى قصى .... النجارى ليك سمية طلحة
ود بيت العلم الجبت لينا الفال
مبروك يا قصى يا سابق الاجيال
شايل" الفكرة" من قومتك جواب وسؤال
ما شيال كلام ما قالوا فيك قوال
ماسك دربك الأعدل ...بلاه محال
...وانت المتلك اللدروب عدال ...
مبروك يا العزيز الليلة جبت الفال
اسم البيت كبر ... بيك فى المنابر طال
..شيخ الدين قدل لابسلو عمة وشال
المن قام وتب ...قومة ولاد ورجال ما بحقر البنات ...وما بنهر الاطفال ..
مبروك يالمبارك جبت لينا الفال
يا وليد ناس هشام وابوعبدة متور حال
غنن يا هويدا وعشة ورشا وآمال
مبروك للحنين ... الحنة والشبال
يا كل من بعرفك ...او سمع أو قال
صلى على النبى ....واتمنى حسن الفال
مبروك يالجنين الحنة والشبال
عقبال لى صهيب ... جراح و ثابت وكل من فى البال
سارية يتم ليهو ويفرح الاخوال
عقبال الشباب ...كل البنات ...وعيال
مبروك يا قصى يا سابق الاجيال
ربى يتم ليك الحنة والشبال
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: د.أحمد الحسين)
|
يا زول يا زول
التحية لك وللدكتورة صفية والاخ ميرغني وجميع آل شيخ الدين أكرمهم الله برعايته ، والف مبروك للقصي ويؤسفني حقا انا لم التقيه طيلة العشر سنوات ونيف التي قضيتها في السلطنة رغم علاقتى الخاصة باخي وصديقي الرجل الخلوق الدكتور ميرغني خليل .
كتب الاستاذ محمد المرتضى حامد عن الابن قصي :-
Quote: (راسك شيلو فوق إِت يا ولد ما هيِّن وجدك فى الرجال اجواد وفارس وديِّن اختك فى البنات معروفة عرضها صيِّن وإِت فارس هلالا فى المعارك بيِّن)
عروسنا بنبارك ليك ولدنا و زي ما قال ود الشلهمة في البطانه: يا (ساره) نار وجهِك خلاس وأصبح عريسك باش وسيلِك بالمعالي وبالمراتِع كاش نفسِك من سماحتو تحلى جابلو دعاش وعربِك لي جفافُن جبدو البرّاش |
اها يا المرتضى اخوى طالما جابت لها نم حالف اقول معاك :
حباب ود الأصائل الليهو البورداب متلمة
حباب سيد النضم الليلة قايد النمة
حباب شيخ المسيد حيرانو كشفو الغمة
دوبى وسمّعهم خلى الخلوق تنجمة
ود همرو سواتو حديث الصغير وأبعمة
صادق للوعود عطر خميس اللمة
راجينك وفود من المسالمة ومتمة
حاشاك تخذلم تكسر لهفتم والهمة
هيييييييييع كع
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: الطيب شيقوق)
|
الأخ الطيب شيقوق
Quote: حباب ود الأصائل الليهو البورداب متلمة حباب سيد النضم الليلة قايد النمة حباب شيخ المسيد حيرانو كشفو الغمة دوبى وسمّعهم خلى الخلوق تنجمة ود همرور سواتو حديث الصغير وأبعمة صادق للوعود عطر خميس اللمة راجينك وفود من المسالمة ومتمة حاشاك تخذلم تكسر لهفتم والهمة |
يازول إنت والله شيخ عرب عديل كده
نقول ما شاء الله ، وكتر خيرك كتير والله
أخوك هشام
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: Tumadir)
|
تماضر ، أم قلبن حاضر ، ما هذا الجمال؟
Quote: ود بيت العلم الجبت لينا الفال مبروك يا قصى يا سابق الاجيال شايل" الفكرة" من قومتك جواب وسؤال ما شيال كلام ما قالوا فيك قوال ماسك دربك الأعدل ...بلاه محال ...وانت المتلك اللدروب عدال ... مبروك يا العزيز الليلة جبت الفال اسم البيت كبر ... بيك فى المنابر طال ..شيخ الدين قدل لابسلو عمة وشال المن قام وتب ...قومة ولاد ورجال ما بحقر البنات ...وما بنهر الاطفال .. مبروك يالمبارك جبت لينا الفال يا وليد ناس هشام وابوعبدة مستور حال غنن يا هويدا وعشة ورشا وآمال مبروك للحنين ... الحنة والشبال يا كل من بعرفك ...او سمع أو قال صلى على النبى ....واتمنى حسن الفال مبروك يالجنين الحنة والشبال عقبال لى صهيب ... جراح و ثابت وكل من فى البال سارية يتم ليهو ويفرح الاخوال عقبال الشباب ...كل البنات ...وعيال مبروك يا قصى يا سابق الاجيال ربى يتم ليك الحنة والشبال |
تسلمى يا أم سارية وعقبال نفرح بالباقين كلهم يا تمضورة
وعليك الله ما تغيبى كتير من الحتة دى ، هى الناس بحبوك شديد والله
أخوك هشام
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: soma)
|
سوما
Quote: لووووول هشام ازيك يا جميل والله ضحكتنى كيف الليله فى المكتب عارف يا هشام جنى وجن الانجليزى المعرب بكجنو كده ساااى لكن القصيده عجبتنى شديد وعاجبانى ليها كم يوم صفيةالحبيبه الحنينه رسلتها لى فى الاميل قبل كم يوم.. وحالفه ما ارد ليها برا عديلة مجيهه لى قصى ود العزة والمهلة عشان كده كنت لابده بحضر فى عديلة قصى وكنت ناويه انزلهم الاتنين .. قصيدتها الشارقانى ليها كم يوم دى والقصيده الجديده.. لكن سبقتنى ..انت يا يابا عم السرور والخاتر المجبور تدوم محنتكم ان شاء الله اولاد شيخ الدين.. ويدوم هناكم مبروووووك على قصى .. وسعيده الفازت بى قلبو ..يعلم الله امها داعية ليهابالخير والسعادة وامها عاااااااااااااافية ورضيانه عليها من كل النواحى ما شاء الله تبارك الله .. كان العريس عريس الهنا والمنا.. المؤدب الخلوق الكسبان رضا والديه واهله .. الله يحفظك يا قصى ويغطى عليك وكان لى ام العريس .. ما بنقول نسيبة.. لانه صفية ام وقلبها عطوف يعلم الله محنة صفيه كان غربلت الدنيا ما بتلقى ليها ام تعصرها عليهازى صفية الحنينة وخاطر قصى عندها بالدنيا..ان شاء الله تشيلى جناهو وتشوفى هناهو يا صفيه يا بت امى والاخوان ما شاء الله عينى بارده عليهم.. وكان اسرة شيخ الدين ما شاء الله .. الله يحفظهم من كل عين حتى ((المهم)) حقت تبارك دى بتكف العين ... لووول بركوتة عم العريس كيفنك ياخ.. بركوته دى لزوم دلع يا تبارك وكدة.. مبروك لى قصى وتهانينا للاخوان صادق ووافر وتماضر واميمه رشا وكل الاهل بدون فرز وتماضر يا يمه عمة السرور ست القلب الكبير والفرح الكتير والقصيده يا صفصف برد ليك عليها قريب ان شاء الله فى الاميل بى مزااج تسلموا والف الف .. مبروك تحياتى يا هشام لاسرتك ويا صفصف للعيال والعريس وتحية خاصة للحبيبة هالة الزين فرقتوا على بالحيييييل |
والله كلامك سمح بالحيل ، غير أضعوا فى الكود ده ما عرفت أسوى فيهو شنو؟؟؟؟
شكرا شكرا شكرا إلى ما لا نهاية يا أحلى سوما فى الدنيا
أخوك هشام
| |
|
|
|
|
|
|
Re: الدكتورة صفية ساتى تمدح إبنها قصى همرور شيخ الدين بمناسبة نيته للزواج (Re: يازولyazoalيازول)
|
Quote: ديمة يسوى فوق الزين ما بقول انا السواى سابق لى زمانو أكيد وسابق للزمان الجاى |
فعلا يا صفية ولدك سابق لزمانو اكيد ربنا يحفظو واغطيه من كل عين والف مبرو ليك يا سيد الفهم والراي ومن كل شر يحفظك مولاي وزي ما قالت امك حوزت العلم وللكتاب قراي بس كيف اجاريك يا صفية يا ست الكل مبروك وعقبال تفرحي باحمد واية وكلهم انشالله
يا زول مبرووووك عليهن كلهن ولود تماضر سارية ربنا اجعل كل ايامكم فرح
| |
|
|
|
|
|
|
|