|
|
 الكاف يسلم الهلال كأس رد الاعتبار .. مبروك يا الهلالاب رفعتم رأس الشعب
|
قبل ما نرد الاعتبار ننظر شوية
هو التنظير بقروش ؟؟؟؟؟؟؟؟؟
نحنا السودانيين اغرب شعب فى الدنيا ... قووووووووول كيف ..؟؟؟
قلت لى كيف ...
اى حاجة عندنا ليها شماعة جاهزة ... زى الترزى بنفصل الشماعة حسب المقاس
ونقوم نصدق ...
يعنى مثلا ... الكهرباء تقطع فى الشتا .. ناس الكهرباء يقولوا لينا انخفاض منسوب النيل هو السبب ... نصدق وننتظر فصل الخريف .. برضو الكهرباء تقطع فى الخريف .. ناس الكهرباء يقولوا لينا ارتفاع منسوب النيل هو السبب .. تانى نصدق .. وطبعا ما حننتظر الربيع عشان ما عندنا فصل ربيع فى السودان ..
يعنى ببساطة كدة ناس الكهرباء ديل عايزننا نصدق انو هم عملوا اللى عليهم لكن النيل دة ابن كلب ومعاكسانا زى ما امريكيا دى قاعدة لينا فى حلقنا ...
يا نيل يا طويل يا ملولو يا ابن الكلب بطل حركات خلينا نشوف ناس الكهرباء ديل يقولوا شنو ...
وطبعا مافى زول عايز يقيف قدام المشكلة عشان يعالجها ... شماعة وخلاص
مثلا ... عندك البترول ... لما البترول طلع وماشفنا حاجة .. قالوا لينا دى مصاريف الحرب براها بتسقط حجر الميزانية .. انتظرنا السلام ... قالوا لينا وانتو فاكرين السلام دة مهره رخيص ؟؟ ونحنا المساكين عينا فى العمارات والفلل ونصدق
اغرب شماعة فى تاريخ البشرية برضو عندنا فى السودان .. بس ناس الاحصاءات ديل حاقرين بينا ... يجى الخريف واللوارى تقيف والبلد تغرق فى شبر موية .. الحكومة ببساطة تجى تقول لينا الخريف فاجأنا .. اصلو دة خريف ولة د . خليل ابراهيم ؟؟؟
اسع اليومين دى كمان ظهرت شماعة او موضة جديدة اسمها رد الاعتبار .....
عندى واحد صاحبى اخد شاكوش من حبيبته ... طوالى قام رد اعتباره .. مشى عمل علاقة مع حبوبة البت ... الحبوبة صدقت وبقت تجلبط فى الروج والاحمر والمكياج والدلكة ..
عمنا حسن قالوا مشى سكر مع اصحابو وقف لط ... لما جاى راجع البيت من شدة السكر ما عرف باب البيت ... الشباب قاعدين جلسة سمر قدام بيت عمنا حسن ... عمنا حسن قام سأل الشباب .. يا شباب بيت عمكم حسن وين ؟؟؟ الشباب قالوا ليه ما انت عمنا حسن ظااااطو .. عمك حسن قال ليهم انا ما سألتكم من عمكم حسن انا سألتكم من بيت عمكم حسن ..
رأيكم شنو يا شباب نرد اعتبارنا .. اوعكم تقولوا لى نرد اعتبارنا من شنو ؟؟؟ انا قلت ليكم نرد اعتبارنا ولا قلت ليكم من شنو ؟؟؟
اسع ناس الهلال ديل قالوا ردينا اعتبار الكرة السودانية .. ما تقولوا لى الكرة السودانية دخلها شنو .. المهم هم ردوا اعتبار الكرة السودانية ..
يعنى ناس الهلال ديل ليهم 80 سنة بيلعبوا فى افريقيا ونحن نستغرب متين يجيبوا لينا كاس .. اتاريهم ما ذى باقى الفرق بيلعبوا للكاس .. هم بيلعبوا عشان يتغلبوا خمسة فى ارضهم ويمشوا يفوزوا اتنين برا ارضهم ويشيلوا كاس رد الاعتبار ...
سنة 64 فى نفس البطولة دى .. فريق المحلة المصرى فاز على الهلال اربعة فى القاهرة ناس الهلال فى امدرمان فازوا اربعة وطاروا ومن هناك شابكننا رد اعتبار .. سنة 2009 برضو ردوا اعتبار مع مازيمبى ... بقينا زى ناس الكهرباء والخريف والشتاء واحد ذى 64 و2009 ..
يعنى الجماعة ما عايزين يعالجوا الاسباب عشان يضوقوا ليهم كاس ... كل سنة بيردوا الاعتبار والجماهير تصدق .. انتو مين قال ليكم ضيعوا اعتباركم عشان تردوه ؟؟؟
طيب نحنا صدقنا ومبروك للهلال كاس رد الاعتبار بسن نحنا ذنبنا شنو ؟؟؟ حاشرين السودان المسكين دة معاكم مالكم ؟؟ قال الكرة السودانية قال
اها يا أخوان ... قلت لى نرد اعتبارنا من شنو ؟؟؟
وفى الختام نبارك للهلالاب كاس رد الاعتبار الذى افرح الشعب السودانى الذى ضيع اعتباره لانه اعتمد عليكم لتحقيق بطولة ...
وهذا البوست هو رد اعتبار مقدما من الصحف التى ستصدر اليوم لتخدع الجمهور مثل كل عام برد الاعتبار ...
الف مبروك
|
|
 
|
|
|
|
|
|
|
 Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: عبدالمجيد الكونت)
|
غايتو بعد ما الخرطوم تلاتــة فتحت للهلال .. ومازيمبي الفتح للهلال أمس .. ونقطتين المريخ وطيرانم العمودي براهم ..
اقترح :
إنو اي مريخابي .. قلبو محدثو .. وبيكابر من أجل المكابرة
اقترح:
إنو يدفع مبلغ شهري .. يكون بمثابة جزية ..
في اقتراح إنو كاس رد الاعتبار دا .. نديكم ليهو في دورة تنشيطية تجرو بيها دمكم .. تشوفو معاكم ناس الامل عطبرة وارتقاشا .. وديم التعايشة ..
دورة تنشيطية ساااكت كدا ..
بس اووعه تقول لي ح نجيب ناس الخرطوم تلاتــة ..
انا خايفك تجيب ناس الخرطوم تلاتـة يقومو يفتحو للهلال في تمرين الهلال ..
| |
|
|
|
|
|
|
|
|
 Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: سامى عبد الوهاب مكى)
|
سالني ابوالنسب تمبس اعتبار يعني ايه
يعنى واحد يجيك فى بيتك وقدام اولادك يديك خمسة كفوف .. اولادك يعيطوا ويقولوا ليك انت قلبك ميت .. تقوم تمشى للزول فى بيتو وتديه كفين .. اولادك الصغار يفرحوا ويمرقوا الشارع فرحانين لكن الاولاد الكبار واعين برضو بيواصلوا فى البكى لانهم عارفين خمسة ما بتساوى اتنين والطار ما زى الصاعد ... عشان كدة تقول ليهم انشاء الله العيد الجاى انا بشيل تارى ..
يا تمبس بطل الاسئلة المحرجة دى
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
Quote: سالني ابوالنسب تمبس اعتبار يعني ايه
يعنى واحد يجيك فى بيتك وقدام اولادك يديك خمسة كفوف .. اولادك يعيطوا ويقولوا ليك انت قلبك ميت .. تقوم تمشى للزول فى بيتو وتديه كفين .. اولادك الصغار يفرحوا ويمرقوا الشارع فرحانين لكن الاولاد الكبار واعين برضو بيواصلوا فى البكى لانهم عارفين خمسة ما بتساوى اتنين والطار ما زى الصاعد ... عشان كدة تقول ليهم انشاء الله العيد الجاى انا بشيل تارى ..
يا تمبس بطل الاسئلة المحرجة دى |
..
اكان عرفت (الاعطاك) الكف دا .. من الدقاك .. والله يضربني جناح الطيارة ..
غايتو فهمت العيد الجاي وتارك .. لكن (ايفوسـا) دا الجابو هنا شنو ما عارف ..
إنت ناس الخرطوم تلاتة ما عندهم كورة قريبات دي ..؟ قالو الجماعة ديل من كورة الهلال المرة الفاتت بقو ليبيا بس ..
بالمناسبة:
قالو ناس الهلال مقدمين شكوى .. ما في مازيمبي .. في الخرطوم تلاتــة
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: محمد البشرى الخضر)
|
| Quote: اولادك الصغار يفرحوا ويمرقوا الشارع فرحانين لكن الاولاد الكبار واعين برضو بيواصلوا فى البكى لانهم عارفين خمسة ما بتساوى اتنين والطار ما زى الصاعد ... عشان كدة تقول ليهم انشاء الله العيد الجاى انا بشيل تارى .. |
شوف دي برضك ..
اولادك الصغار زعلانين قلعوا الفنايل و الكبار الواعين قالوا طوينا الملف و لن تهزنا الهزيمة .. عشان كدا تقول ليهم
حديد الطابق التاني جا و ان شاء الله جايب اليوفنتس يلعب في الإفتتاح
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
Quote: يا جماعة كل واحد يحافظ على اعتباره بعد الاستلام
والله يا الهلالاب انتو ما هينيين
رجعتوا لينا اعتبار
try again later |
إنتو يا جماعة .. اسامة بن لادن دا الأيامات دي بكتب سااكت من طرف .. ما يلقى ليهو باص وورد مطرف ..؟
يضربني جناح الطيارة القبيل ديك .. كان دا زولي 
ملحوظــة:
يا حمزاوي خالم:
الكتابة الفوق دي المصدر بتاعه وووين ..؟
جبتها من ووووين ..؟
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
| Quote: المودر بيفتش خشم البقرة ... انتو ودرتوها فى امدرمان عايزين تجيبوها من لومامبشى ؟؟ معقولة |
ما كمان إنتو ودرتوها في لاقوس وكانو .. وما كانو .. وجيتو تفتشوها في المقبــرة .. بي نقطتين وعايزين كمان ما تطيرو براكم ..
يعني ما عندكم بهايم في ضهر بيتكم ؟؟
بقركم دا .. الوكت داك كان بيرضع ..؟
كلما تكتبه هنا .. سيستعمل ضدك ..
أنا ما عارف ليييه اتذكرت صلاح غريبة .. فجأة كدا ..
يا خالم .. ادينا مصدر الكتابة الفوقانية ديك .. عاجباني شديد .. بعد كدا أنا ح اخليك كاتبي المفضل
إنت مش قلت عبود داك كاتبك المفضل ..؟
يللا إنت كاتبي المفضل .. والخرطوم تلاتة فعلا فتحت للهلال ..
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: tmbis)
|
حمزاوي
مشيت اشوف منتدي جماهير المريخ، دخلت على ملف اسمه الملف الاسود عن تاريخ الهلال في سيكافا (كاس المجاعة). والله قربت اموت من الضحك، الفريق دا بيصارع مع الصوماليين من 1985 عشان ما يجي الطيش وربنا ستره لحدي سنة 1993 في كمبالا وشوفوا الحصل شنو
انهزم من سيمبا التنزاني بهدف
مهزوم 2 صفر من الاكسبريس الاوغندي
مهزوم 2 صفر من باتا بوليتس
المحصلة
ولا قون ولا نقطة وطيش سيكافا كلها
اهي اهي اهي
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
Quote: المباراة كانت رائعة وممتعة
والمنافسة كانت موجودة
ورغبة الفوز كان لدى الفريقين
ومن أجل ذلك قدم الفريقان ما يمتع الجمهور
والمنافسة الشريفة
وهذا هو المطلوب |
. المنافسة الشريفة ..؟
ضحك حتى اتشرق .. حسع دي يعني ماف اي سيرة لي بلينتيات نوهائي ..؟ يعني نعرش على كدا ..؟
خلاص عفيناكم من مسالة البلينتيات الفالقننا بيها دي من بداية الدورة .. بداية الدورة شنو .. ياخ حتى المنافسات الأفريقية .. ودوري الليق .. ومنافسات الشطرنج
اتنين يكونو لاعبين شطرنج .. تجو تكتبو هنا إنو الحكم بتاع الشطرنج دا خاين لانو حسب قبل كدا بلينتي لي ناس الهلال في منافسة شطرنج .. 
..
- إنتو ماف اخبار من مازيمبي ؟؟
- ادوكم كاس في كورة امبارح دي بالنسبة للمنافشة الشريفة واللا (ملحوكم)
والله اقوليك حاجة ..؟
تستحقو كن المنافسة الشريفة .. فنجرية ساااكت من الإتحاد .. انا بكلم ليكم شداد ..
ملحوظة:
مازلت مصر على إنو المريخ كان فاتح للخرطوم تلاتـة ..
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
الأخ حمزاوي سلام
أولاً أسمح لي بأن يكون لي مداخلة في بوستك، فأنا هلالابي موت و بفتكر قوة الهلال تأتي من قوة المريخ والعكس. فعندما أتى المريخ بكؤوسه الخارجية كانت بمثابة دعوة للآخرين بأن يأتوا بأفضل منها و تستمر المنافسة هكذا. لكن بدأ هذا المفهوم يتغير، لأنكم أصبحتم أصحاب طموحات أقل مما تتصور. يا أخي ده طموح مريخ الجنينة
Quote: المباراة كانت رائعة وممتعة
والمنافسة كانت موجودة
ورغبة الفوز كان لدى الفريقين
ومن أجل ذلك قدم الفريقان ما يمتع الجمهور
والمنافسة الشريفة
وهذا هو المطلوب |
ومن هنا أيقنت بأن دعوتي للهلالاب إدارة و مشجعين بأن يبحثوا أن ند منافس ضروري، وإلا فسوف ننتظربعد ال 80 ثمانين أخريات، لإزالة صفرنا الدولي التي تنعتونا به كل حين
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: Elfadil Sabeil)
|
ابوالنسب
كيفك
Quote: المنافسة الشريفة ..؟
ضحك حتى اتشرق .. حسع دي يعني ماف اي سيرة لي بلينتيات نوهائي ..؟ يعني نعرش على كدا ..؟ |
سلامة من الشرقة
| Quote: خلاص عفيناكم من مسالة البلينتيات الفالقننا بيها دي من بداية الدورة .. بداية الدورة شنو .. ياخ حتى المنافسات الأفريقية .. ودوري الليق .. ومنافسات الشطرنج |
لا تعليق
| Quote: اتنين يكونو لاعبين شطرنج .. تجو تكتبو هنا إنو الحكم بتاع الشطرنج دا خاين لانو حسب قبل كدا بلينتي لي ناس الهلال في منافسة شطرنج .. |
أنا ما بعرف شطرنج ولا لعبتو قبل كدا
| Quote: - إنتو ماف اخبار من مازيمبي ؟؟ |
في اخبار
لاعبين بكره يوم الاحد في نهائي بطولة افريقيا
| Quote: - ادوكم كاس في كورة امبارح دي بالنسبة للمنافشة الشريفة واللا (ملحوكم) |
لا ما ادونا لاننا متعودين عليها ( اقصد المنافسة الشريفة )
Quote: والله اقوليك حاجة ..؟
تستحقو كن المنافسة الشريفة .. فنجرية ساااكت من الإتحاد .. انا بكلم ليكم شداد .. |
Quote: الشمس ما بتحجب بغربال
ما تكلف نفسك شداد براه بيعرف |
Quote: ملحوظة:
مازلت مصر على إنو المريخ كان فاتح للخرطوم تلاتـة .. |
وأنا كمان
| |
|
|
|
|
|
|
|
|
|
Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
الأخ حمزاوي سلام
أولاً أسمح لي بأن يكون لي مداخلة في بوستك، فأنا هلالابي موت و بفتكر قوة الهلال تأتي من قوة المريخ والعكس. فعندما أتى المريخ بكؤوسه الخارجية كانت بمثابة دعوة للآخرين بأن يأتوا بأفضل منها و تستمر المنافسة هكذا. لكن بدأ هذا المفهوم يتغير، لأنكم أصبحتم أصحاب طموحات أقل مما تتصور. يا أخي ده طموح مريخ الجنينة
Quote: المباراة كانت رائعة وممتعة
والمنافسة كانت موجودة
ورغبة الفوز كان لدى الفريقين
ومن أجل ذلك قدم الفريقان ما يمتع الجمهور
والمنافسة الشريفة
وهذا هو المطلوب |
ومن هنا أيقنت بأن دعوتي للهلالاب إدارة و مشجعين بأن يبحثوا أن ند منافس ضروري، وإلا فسوف ننتظربعد ال 80 ثمانين أخريات، لإزالة صفرنا الدولي التي تنعتونا به كل حين
| |
|
|
|
|
|
|
|
|
 Re: الكاف يسلم الهلال كأس رد الاعتبار .. مبروك يا الهلالاب رفعتم رأس الشعب (Re: حمزاوي)
|
خلاص يا خالوو .. لطالما المريخ كان فاتح للخرطوم تلاتة ..
البمنع شنو إنو حي العرب سوكورتـا يكون فاتح للهلال .. ؟
الخوف ما حي العرب .. الخوف الأمل عطبرة برضو يفتح للهلال عشان يحسم البطولة من العصرية ..
لكن بيني وبينك لسه عندكم أمل في الكاس .. لسه في أمل ..
كان الكاس طار منكم يدوكم كاس زي كاسنا دا .. يوعملو ليكم دورة تنشيطيه في دار الرياضة امدرمان .. تحت اسم كاس الأمل ..
| |
|
|
|
|
|
|
| |
Giwey
منتصر الامين
tmbis
محمد البشرى الخضر
عبدالله كع
نادر الفضلى
محمد عمر الفكي
فايزودالقاضي
نيازي عبدالله مرحوم احمد
ابراهيم محمد الحسن
نيازي مصطفى
فيس بوك
تويتر
انستقرام
يوتيوب
بنتيريست