|
|
 مازمبي يعترف باستخدام السحر في مباراته مع الهلال ..
|
سكرتير نادي مازيمبي مستر كتنق : نعترف باستخدمنا للسحر امام الهلال في مباراة الخمسة التاريخية
الخميس, 15 أكتوبر 2009 07:35 .فريقنا يمتلك أفضل نجوم القارة وفوزنا بلقب الابطال مسألة وقت ليس الاَ!!
فزنا علي موناموتابا في ارضه واحرجنا النجم الساحلي فلم تتحدث صحافتهم عن الجن وما يروج له في السودان غريب وعجيب!!
عبر سكرتير نادي تي بي مازيمبي الكنغولي مستر كتنق عن استيائه كسكرتير للنادي من ما تتناقله بعض الصحف السودانية والموالية للهلال عن الهزيمة القاسية التي نالها الفريق الهلالي على ارضه ووسط جمهوره بخماسية تاريخية ومريرة وقال ان اكثر ما اثار حنقهم وغضبهم في نادي مازيمبي الكنغولي هو محاولة الاعلام الهلالي لمدارة الهزيمة وتجريد لاعبي فريقنا من مجهودهم الكبير الذي اظهروه ومن خلاله هزموا فريقهم بالخمسة وقال ان كرة القدم وكما هو معلوم للجميع لا تعترف الا بالبذل والعطاء والاداء القوي داخل ارضية الملعب وهو ماحدث من قبل لاعبي فريق مازيمبي والذين اجتهدوا من أجل ان يحسم الفريق التاهل ويلعب بحسابات محددة واشار الي ان مجهود لاعبي فريقهم لايمكن باي حال من الاحوال ان يحسب للسحر وقال يمكنني ان اقر واعترف باستخدام السحر في مبارتنا امام الهلال ولكنه كان السحر الحلال من قبل لاعبي مازيمبي الذين يمكنهم ان يسحروا كل من يلعب ضدهم وفي اي مباراة وقال ان مازيمبي يمتلك لاعبين في حد ذاتهم سحرة يقدمون الروائع وينثرون الابداع في كل مباراة وعن تهديد الهلال بالفوزعليهم في ارضهم ووسط جمهورهم والتاهل علي حسابهم رغم الانتصار بخماسية قال سكرتير نادي مازيمبي علي الهلال ان يحضر الي ارضية الملعب للفوز علينا والتناهل علي حسابنا ان كان له القدرة علي ذلك واكد مستر كتنق انهم يتعاملون مع كرة القدم بجدية ولن يركنوا علي الاطلاق للانتصار الذي تحقق علي الهلال في ارضه ووسط جمهوره بخمسة اهداف وسيكون تامين هذا الانتصار من داخل ملعبهم في لوممباشي واكد انهم يتابعون كل الكتابات لتي تنقص من قدر فريق مازيمبي وتسآءل مستر كتنق مستغربا اذا كان مازيمبي نجح في استخدام السحر في ارض الهلال وفاز عليه بالخمسة فيا تري كيف يكون حال فريق مازيمبي عندما يلعب في ارضه ووسط جمهوره وقال احول هذا السؤال للذين يروجون للاشاعات ويعملون علي عرقلة مسيرة فريق مازيمبي بالحرب النفسية للتقليل من الانتصار الكبير الذي حققه فريق مازمبي علي الهلال وسط جمهوره وفي ارضه ولكننا لا نهتم بكل ذلك وندرك ان الحرب النفسية سلاح كل الاندية التي تلعب ضدك ولن نوليها اي اهتمام وسيكون ردنا علي كل هذه الاشاعات داخل ارضية الملعب واكد المستر كتنق ان فريقه يعرف ماذا يريد من مباراة ارضه ويعمل علي الوصول الي النهائي في طريق حمل كاس افريقيا .
واضاف مستر كتنق ان فريقه يرمي بثقله هذا العام الي بطولة الاندية الافريقية الابطال وتمثيل القارة السمراء في كاس العالم للاندية بالامارات واكد انهم في فريق مازيمبي الكنغولي يمتلكون الالية التي تمكنهم من الوصول الي هدفهم مثل اللاعبين المميزين والجهاز الفني المقتدر الذي يعرف ماذا يريد ان يفعل.
وقال مستر كتنق لقد حققنا انتصارات خارج ارضنا وفزنا علي فريق موناموتابا الزيمبابوي في ارضه ووسط جمهوره وادخلنا النجم الساحلي في تجربة قاسية في بلده حتي تدخل الحكم وانقذه من الخسارة بل وقدم له كل المساعدات الممكنة والغير ممكنة ولم تكتب صحافتهم اننا فزنا وقدمنا مستويات جيدة باستخدام الجن وطالب مستر كتنق بالموضوعية فيما تذهب له الصحافة السودانية مطالبا بعدم تخدير الجماهير وظلم نادي مازيمبي الكنغولي بالتقليل من الانتصار الذي حققه علي فريق الهلال واعدا باداء أفضل في مباراة التأهل المنتظرة بالاحد علي حد قوله وتعبيره.
|
|
 
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: عبداللطيف حسن علي)
|
الشيخ الفتاي وإمام مسجد جامعة الخرطوم يكشفان سر هزيمة الهلال أمام مازيمبي
فجّر الشيخ الجيلي الفتاي الداعية المعروف مفاجأة كبرى وهو يقر بإحتمال وجود تأثير السحر على لاعبي الهلال في مباراتهم الأخيرة أمام مازيمبي وقال أن الأعراض التي ذكرها لاعبو الهلال عبر الصحف هي نفس الأعراض التي تأتي نتيجة لتأثير السحر الأسود وهي دوخة وطشاش وتكاسل ولم يستبعد أن يكون هذا قد حدث لأن السحر موجود ومعترف به وقد ذُكر في القرآن الكريم وسبق لليهود أن فعلوه مع الرسول صلى الله عليه وسلم في الحادثة الشهيرة التي يعلمها الجميع عبر السيرة النبوية، وقال الشيخ الفتاي للإذاعة الرياضية أمس أن غير المسلمين يمكن أن يلجأوا لمثل هذه الأساليب وذلك لضعف الوازع الديني لديهم وعدم إدراكهم لخطورة هذه الأفعال شرعاً، وثمّن ما ذكره إمام مسجد جامعة الخرطوم في صحيفة (الأسطورة) في عددها الصادر أمس والذي أكد من خلاله أن نجوم الهلال قد تعرضوا للسحر مما يستدعي رقيتهم رقية شرعية قبل المباراة القادمة، والجدير بالذكر أن كلا الشيخين إشاراتهما كانت واضحة ومبعوثة لفريق مازيمبي مستبعدين أن يكون مسلماً قد قام بهذا الفعل.
الخبر منشور فى جريدة حبيب البلد الصادرة أمس .
ما تعليقكم ؟؟؟؟؟؟؟؟؟
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: khaleel)
|
Quote: طريقنا مسدود مسدود يا ولدي
|
الراجل قال مستعد يفك المربطين في الهلال والمريخ !!
حسب كلامو ، في اربعة في المريخ مربطين !!
لكن ناس المريخ قالو ما محتاجين خدماته !
ومنتظرين نتيجة الاحد !!
شايف رجعت ليك نبرة الاحباط الكنا نحترمها فيك قبل مباراة مازمبي
يعني كنت واقعي جدا ، لكن القطيع اثر فيك وانجريت وراه..
كن بخير
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: عبداللطيف حسن علي)
|
يا جماعة والله ناس مازيمبي ديل مسخو علينا الكورة والتنبؤات والمتنبئ ذاتو ، الواحد لمن يشوف ليهو بوست بتاع كورة يضاير ، قلنا نتلم علي الكورة دي ونخلي السياسة وخيباتها ، لكن زي ما بيقولوا المصريين لفينا خيبة راكبة جمل ، حسع ما معروف نرجع للسياسة ونستني سيك الإنتخابات ولا ننتظر الكورة وخماسية جديدة في المقبرة ... أمبارح شفت البوست بتاعي الهلال 2 مازيمبي صفر زغت منه لغاية ما إتخارج للصفحة التانية ، الله اعلم نتفرج علي كورة يوم الأحد والواحد يجي من العصر يديها واحد نومة لغاية الساعة 12 بالليل ويقوم يسأل اها يا جماعة الكورة كم ، لو فيها فايدة يجي يبري الناس في المنبر ، ولو مافيها فائدة تتقلب علي الجنبةالتانية ونومة لغاية تاني يوم الصباح ...
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: زهير الزناتي)
|
| Quote: الله اعلم نتفرج علي كورة يوم الأحد والواحد يجي من العصر يديها واحد نومة لغاية الساعة 12 بالليل ويقوم يسأل اها يا جماعة الكورة كم ، لو فيها فايدة يجي يبري الناس في المنبر ، ولو مافيها فائدة تتقلب علي الجنبةالتانية ونومة لغاية تاني يوم الصباح ... |
زناتي مرحب بيك
معاناتك دي حقتنا كلنا والله...
من احباط السياسة الي احباط الكورة والحي مصيرو يامل
كل سنة نقول الجاية احسن ..اهو نعيش الوهم وبالوهم يحي الانسان..
لكن حكاية تسال من النتيجة وتجي راجع المنبر تبري الجماعة دي ما واردة
الافضل تكمل نومك ساي اليوم داك..ياخي مجلس الهلال عمل رايح ..
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: عبداللطيف حسن علي)
|
عبد اللطيف
سلامات
إنت عارف أنا أول تمرين دخلتوا واتفرجت عليه في الهلال كان سنة 75
وكانت نجوم تعانق السماء كورة وأدب
وآخر مبارة دخلتها كانت نهائيات إفريقيا مع المغاربة (لاراش)
ومن يوم داك بحاول أنسى الكورة
بس كل مرة يتاورني الضرس
ما عندك كجامات نقلع بيها ضرس الكورة ونرتاح
باقي ضرس السياسة دا شكلها ما منو فكــــــــــــاك
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: جعفر محي الدين)
|
Quote: عبد اللطيف
سلامات
إنت عارف أنا أول تمرين دخلتوا واتفرجت عليه في الهلال كان سنة 75
وكانت نجوم تعانق السماء كورة وأدب
وآخر مبارة دخلتها كانت نهائيات إفريقيا مع المغاربة (لاراش)
ومن يوم داك بحاول أنسى الكورة
بس كل مرة يتاورني الضرس
ما عندك كجامات نقلع بيها ضرس الكورة ونرتاح
باقي ضرس السياسة دا شكلها ما منو فكــــــــــــاك |
ابوالجعافر يا صاحب
ياخي اظن دي حالة عامة ، برضك خليت الكورة وتشجيعها 10 سنوات
لكن مزمل غشانا!
قال فريق الاحلام دا ما حصل ،وارغو وايداهور ولاسانا والدافي وطمبل والعجب
وبلة جابر وماعارف ايه ،ديل ح يجيبو اي كاس حايم جوة وبرة
ومن سيكافا وعيييك
تتصور بقينا نخش اي مباراة وحتي التمارين
الغريبة من مباراة الامل وهلال كادقلي ونيل الحصاحيصا تاكد انو المريخ
منتهي رغم الاهداف التي احرزها ، تاني يوم تشوف اعلام غريب كانك ماكنت
حاضر..
مرة طالعين من كورة وركبنا حافلة جوار الاستاد كلها مريخاب يسبو ويلعنو
في المريخ ولعيبتو رغم انتصار المريخ برباعية..عرفت ان المشجعين
افضل من الصحف الرياضية والمدربين ومجلس الادارة..
لكن المرضة وسؤء احوال البلد..المافيها غير التمباك والكورة وال....
ــــــــــــــــــــــــ
...(حقوق الطبع محفوظة لصاحب الحكمة!)
ــــــــــــــــــــــــــــ
يا راجل ح نخليها غصبا عننا ، اذا كان الملطشة بتجي من زيسكو وكانو
السنة الجاية كيف مع الكائنات الكروية المتوحشة..
| |
|
|
|
|
|
|
|
|
|
Re: مازمبي يعترف باستخدام السحر في مباراته مع الهلال .. (Re: زهير الزناتي)
|
| Quote: لو فيها فايدة يجي يبري الناس في المنبر ، ولو مافيها فائدة تتقلب علي الجنبةالتانية ونومة لغاية تاني يوم الصباح ... |
بختك يا زهير وحاسدك عديل كدا إنك بتنوم بعد ما تكون عرفت النتيجة!!.
تصور انا يوم الكورة اللي فيها طرف فريق سوداني بتعشى بدري وانوم حتى النت
ما بفتحوا عشان ما اعرف النتيجة وتخرب لي اي حاجة
كدا عليك الله وريني قوة اعصابك دي بتعملها كيف على الأقل نعرف النتيجة في يومو؟
تصور انا ما عرفت نتيجة مبارة الهلال إلا الساعة التاسعة صباحاً في اليوم التالي
ودا بسبب انو في ناس بيتناقشوا بالقرب مني؟؟!.
بقول تاني بختك...
مع تحياتي
قير تور
| |
|
|
|
|
|
|
| |
عبداللطيف حسن علي
khaleel
زهير الزناتي
جعفر محي الدين
keiga2000
GeerTor Tong
فيس بوك
تويتر
انستقرام
يوتيوب
بنتيريست