|
|
|
 Re: لماذا الكذب والخداع؟؟ (Re: سارة علي)
|
بالنسبة لي وللعديد..الكذب والخداع وجهان لعملة واحدة..
والذي يثير دهشتي تفاني البعض واجتهادهم في الكذب والخداع والسعي الي اقناع الطرف الآخر بأن ما يقولوه لو يفعلوه هو الواقع والحقيقة..
وتكون لديهم القناعة بانهم علي درجة عالية من الذكاء
ــــــــــــــــــــــــــــــــــــــ
دعوة للذين اكتشفوا احد منهم لتقديم النصح والمشورة وطريقة كشفهم
| |
 
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
عزاز..
يتعذر علي البعض اكتشاف الكذب والخديعة وذلك لميلهم الي جانب الثقة في الآخرين ..او لعدم امتلاكهم ملكة تحليل فعل لو علامة تدل علي الخداع..
نحتاج في بعض الاحيان الي القدرة علي تمييز الكذب من الحقيقة لتجنب العواقب..
انا لا اتحمل الخديعة ولا بد من المواجهه..والتعرية..
| |
|
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
Quote: بالنسبة لي وللعديد..الكذب والخداع وجهان لعملة واحدة..
والذي يثير دهشتي تفاني البعض واجتهادهم في الكذب والخداع
والسعي الي اقناع الطرف الآخر بأن ما يقولوه لو يفعلوه هو الواقع والحقيقة..
وتكون لديهم القناعة بانهم علي درجة عالية من الذكاء |
الكاذب و الكذوب شخص جدير بالشفقة ...
| Quote: دعوة للذين اكتشفوا احد منهم لتقديم النصح والمشورة وطريقة كشفهم |
اتبعي حدسك و الدلائل ومتى ما تأكدت، توقفي عن تصديقهم فورا
و ابتعدي بهدوء ...
والأهم، لا تخبريهم بأنك كشفتيهم، فتصيبك حمم نفوسهم بسوء ...
| |
|
|
|
|
|
|
|
|
|
Re: لماذا الكذب والخداع؟؟ (Re: معتز القريش)
|
سلام يا سارة اسوء الكضابين هو البيصدق كضبتو
والنوع ده مافى حل معاهو غير
التجاهل (3 مرات) 
لانو النوع ده بيكون غالبا بيعانى من مرض نفسى و لايجوز لغير المتخصصين محاولة علاجة
فقد يضرون به.... ما شايفانى هسه سكتا كيف؟؟ ما انسانية منى ساكت
| |
|
|
|
|
|
|
|
|
|
Re: لماذا الكذب والخداع؟؟ (Re: Siham Elmugammar)
|
سهام..
حارة خلاص لمن تكشتفي انك كنتي بتتعاملي مع شخص كان قريب ليك جدا وعندو مكانة خاصة وانك بتديهو كل الحقائق بصدق تام..وتجي تلقيه حاجة غير
ــــــــــــــــــــــــــــــــــ
كتري من انسانيتك دي الرسول فيك
| |
|
|
|
|
|
|
|
|
|
Re: لماذا الكذب والخداع؟؟ (Re: عزاز شامي)
|
سلام يا سارة,,| Quote: ما دفعني لطرح هذا السؤال انني تلقيت صفعة قاسية من احدهم كنت اعتبره مرجعية بالنسبة لي.. |
زى ما العترة بتعلم المشى,, الصفعات بتصحى الناس النايمة والسارحة والوهمانة فى بعض المرات,, البعض لديهم الكذب حالة مرضية وليست عرضية ويكذبون حتى يصدقوا كذباتهم ولكن كذبهم دا لو مشى فى بعض الناس فلن يمشى على الكل ومرات يعرفهم الجميع بأنهم كضابييييييييييييييين ويكون المخدوع الوحيد هو الكاذب نفسه لحد ما تجيه الصفعة الكبيرة وأحيانا يكون خطرا جدا,,
You Can Fool Some People Sometimes But You Cant fool All The People All The Times<<<<<
وما أكثر الكضابين والمخادعين فى هذا المكان,,,ياخ هنا فى كمية تكفى للتصدير زاتو..يا ربى السر شنو!!!!
تحياتى,,,
| |
|
|
|
|
|
|
|
|
|
Re: لماذا الكذب والخداع؟؟ (Re: أيمن الطيب)
|
| Quote: الصفعات بتصحى الناس النايمة والسارحة والوهمانة فى بعض المرات,, |
ايمن..
حدي معاك النايمة والسارحة... الوهمانة دي ما تبعي..
والله يا ايمن انا نوامة نوم وبسرح جنس سرحي..لكن سبحان الله بتجيني فجاة حالة من الانتباه ما طبيعية..
بقعد طوالي اجمع في الخيوط ويصبح شغلي الشاغل تجميعها..
وبعد داك عينك ما تشوف الا النور..
قلبي دة لمن يحدثني بي شئ..يبقي معناها في شئ..
| |
|
|
|
|
|
|
|
|
 Re: لماذا الكذب والخداع؟؟ (Re: سارة علي)
|
| Quote: الوهمانة دي ما تبعي.. |
العفو العفو يا سارة شيلى السرحان والنوم وخلى الوهم لى ناس الوهمة,, | Quote: نوامة نوم وبسرح جنس سرحي |
بس المشكلة تصحى متأخرة وتلقى اللورى فااااااااااااااات,,,
أصحوا تسلموا ,,
تدقسو تندموا...
تسرحو تبقى الصدمة أشد وقعا,,
الله يشفي جميع مرضانا ويعافينا مما إبتلاهم به,,
(آمين)
| |
|
|
|
|
|
|
|
|
|
Re: لماذا الكذب والخداع؟؟ (Re: أيمن الطيب)
|
الاستاذة سارة
تحياتي
لربما احساسي بما تعنيه كبير, لكن وبرغم اندهشت للسؤال
فحسبته سؤالاً فيه من البراءة الكثير فنحن نعيش زمان الغش
والخداع باكبر معانيه فقد انتهت زمانات المبادئ وجاءت زمانات
المصالح دون نظر الى جملة من القيم الانسانية وعموما اعتقد أنني
قد توصلت لتجربة خاصة وهي قبولي وتعامل مع الطرف الآخر ايً كان هو
بالخارطة التي يصدرها لي مع الاحتفاظ برأي وإنطباعي للتجربة والموية
تكذب الغطاس ...
كوني بخير ولا تصدمي في احد فالحياة ايقاعها سريع جداً , لنا صديق
متدين وفي غاية الصدق حتى في محيطه الخاص , فمرة حادثه كفيله على
موعد غداً وصاحبنا صلى الفجر وتجهز للموعد وقبله بربع ساعة اتصل على
كفيله في تلفون البيت الثابت فرفع السماعة وقال له يا مُطوِع انا في
الكبري جاي عليكـ ربع ساعة واكون معاك فضحك صديقي وقال له ياراجل اتق
الله انا بكلمك على الهاتف الثابت غنت في سريرك نائماً .. ولغى صديقي الموعد
وعاد الى البيت ورجع الى مكتبه في التاسعة ولم يجد كفيله ومديره فلم يأت
في ذلك اليوم الى المكتب ... يعني حياءً ودا كدا برضو فيهو خير في ناس تكذب
وتكذب وتغالط ولو عايزة دليل( هي لله ,, هي لله ) هاكي وكوني بخير واسف للإطالة والخروج عن مظلةالموضوع المعني .
......................................................................................حجر.
| |
|
|
|
|
|
|
|
|
|
Re: لماذا الكذب والخداع؟؟ (Re: الرفاعي عبدالعاطي حجر)
|
Quote: حدي معاك النايمة والسارحة... الوهمانة دي ما تبعي..
والله يا ايمن انا نوامة نوم وبسرح جنس سرحي..لكن سبحان الله بتجيني فجاة حالة من الانتباه ما طبيعية..
بقعد طوالي اجمع في الخيوط ويصبح شغلي الشاغل تجميعها..
وبعد داك عينك ما تشوف الا النور..
قلبي دة لمن يحدثني بي شئ..يبقي معناها في شئ.. |
سجمى يا سارة ما الخالق الناطق زولة بعرفها شديد
| |
|
|
|
|
|
|
|
|
|
Re: لماذا الكذب والخداع؟؟ (Re: أيمن الطيب)
|
Quote: بالنسبة لي وللعديد..الكذب والخداع وجهان لعملة واحدة..
|
الاتنين زفت طبعا .. بس الكضاب دا زول استثنائي
دا زول جمع كوم من اسوء الصفات عشان يبقى كضاب .. جبان ضعيف مريض الخ .. علاجو صعب وعشرتو اصعب
ما بالك يكون الكضاب راجل .. واضحه صح ؟
الدنيا تجارب واكيد كل تجربه بتعلمك كتير ونادر ما تقعي في غلطك مرتين ..
عيشي واتعلمي وما تندمي على حاجه حصلت لانو كلو بحصل لخير
محبتي على قول كيمو
| |
|
|
|
|
|
|
|
|
|
Re: لماذا الكذب والخداع؟؟ (Re: Dalal Ezzaldin)
|
سلامات يا قرصانة
تعرفي اكثر الكذبات والخدع النسائية التي تحزني حقا وما بتزعلني
هي ادعاء البرجزة والواحدة تقوليك بابا قال وماما قالت
وتتكلم ليك بتعطيش الحروف..ز
بعداك تكتشفي انها من اسرة ذي اسرتي ياكلو الويكة ويقولو يمة
ويابا وبيتهم في حي شعبي جدا موغل في الشعبية
مثلنا مثلها..
دي الكذبات التي حقا تحزن لانه الزول ما فخور بنفسو واسرته
ليه الزول بيكون ما فخور بي منبتو وسعيد انه عنده اسرة محبة وعادية
يقول يستلف ليه اسرة متخيلة ويعوج لسانو عليها؟
مع التحية
| |
|
|
|
|
|
|
|
|
|
Re: لماذا الكذب والخداع؟؟ (Re: د.نجاة محمود)
|
ليس بالضرورة ان يكون كله كذبا
بعضه تجمل
مثل عبد الواحد ود التوم مفلس جدا ويشتري سيجارة برنجي واحدة ويضعها في
صندوق بنسون ابو عشرين وعندما يجلس مع الشباب يخرج الصندوق وياخد السيجارة (الوحيدة)
ويقول والله السيجار دا (قدا صدرنا)
افتكر فهمتيني يا سارة
| |
|
|
|
|
|
|
|
|
|
Re: لماذا الكذب والخداع؟؟ (Re: khaleel)
|
| Quote: افتكر فهمتيني يا سارة |
فاهماك تماما يا خليل..
الحالات دي مرت علي كتير خلاص لمن بقيت اني بقيت تجارب
الناس بقت تجرب فيني ادعاءاتها..
عارف؟؟
في ناس عايشة في فقاعة كبيرة صانعها لنفسهم ..ما قادرين يتقبلوا واقعهم وانو دة المقسوم ليهم..وعشان يغطوا النقص (الموجود في خيالهم) يقعدوا يحكوا عن بطولات وقصص خيالية موهمين انوا الناس البيحكوا ليها دي هبلة...عني انا ..الواحد\ة بمن يبيدأ ينق لي عن نفسوا وانا وانا وانا بعرف طوالي انو عندو\ها مشكلة..
| |
|
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
الأخت العزيزة سارة علي....تحية وسلامآ....
سئل النبي (ص)....
أيكون المؤمن جبانآ ?
قال: نعم
أيكون المؤمن بخيلآ ?
قال: نعم
أيكون المؤمن كذابآ ?
قال: لا
و قال عليه أفضل الصلاة والسلام....ما يزال الرجل يكذب ويتحري الكذب حتي يكتب عند الله كذابآ....وما يزال الرجل يصدق ويتحري الصدق حتي يكتب عند الله صديقآ..
من صفات المؤمن أن الله يمنحه صفات لا تتوفر للآخرين...من هذه الصفات...المقدرة السريعة علي تمييز الكذب من الصدق...وأعرف قصصآ كثيرة في هذا المعني...كما أن الرجل المؤمن غالبآ تكون لديه القدر علي التنبؤ ببعض الأحداث....الكذب من أكبر المصائب والبلايا التي قد يبتلي الله بها إنسان ما....هو تعبير عن الخوف وعدم الثقة بالنفس...علاوة علي المشاكل والفتن التي قد يسببها للآخرين...هناك الكثير من الآيات القرآنية التي تحذر من الكذب وعواقبه الوخيمة يوم القيامة....إن جاءكم فاسق بنبأ فتبينوا أن تصيبوا قومآ بجهالة فتصبحوا علي ما فعلتم نادمين....علي الصعيد الشخصي...أستطيع أن أتحمل بعض عيوب أصدقائي...ولكن ليس من بينها الكذب....الكذب يعني إنتهاء العلاقة والصداقة...لأن أساس أي علاقة سواء كانت صداقة أو حب أو حتي زواج هو الصدق وثقة كل طرف بالآخر....ولكم أن تتخيلوا ما سيحدث إن كان أحدهم غير صادق في أفعاله وأقواله...
تحياتي
راشد
| |
|
|
|
|
|
|
|
|
|
Re: لماذا الكذب والخداع؟؟ (Re: Rashid Elhag)
|
العزيز راشد الحاج
| Quote: الكذب يعني إنتهاء العلاقة والصداقة |
بالزززززبط..
لانو الصداقة دي شئ ما هين وا ببقي بي سهولة..صعب وقاسي الاحساس البيجي لمن تتخذل في صديق وتتكشف انو صداقتكم كانت قائمة علي خداع وغش ومعلومات خاطئة..
ــــــــــــــــــــــــ
غايتو انا اخير لي الكذاب من البخيل
| |
|
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
للتوضيح
من خذلني - انثي كانت ام ذكر- لا يمت لهذا المنبر بصلة..
هو درس مكرر تلقيته مممن توهمت انه كان صديق\ة مقرب ..
ويزيد يقيني كل يوم ان بي غباء مستفحل..
احببت ان افرغ ما بي حل بي من هول الصدمة وان اتحدث فقط ..
وأن اهيئ نفسي لدرس آخر..
ــــــــــــــــــــــــــــــ
خلقت للدروس..
والصفعات
| |
|
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
وتتدافع الاسئلة بعد ان ينزاح الستار
ماذا افعل بعد ان اكتشفت خداعه\ها؟؟
ما الاسلوب الامثل للمواجهة؟؟
وكيف ساحافظ علي ثقتي في الآخرين بمعني ان لا تؤثر تلك التجربة بعلاقتي مع من حولي وان لا تنبت جذور الشك في داخلي تجاههم؟؟
وما هي اسرع الطرق للنسيان؟؟
| |
|
|
|
|
|
|
|
|
|
Re: لماذا الكذب والخداع؟؟ (Re: سارة علي)
|
سلام يا سارة على,,| Quote: في ناس عايشة في فقاعة كبيرة صانعها لنفسهم ..ما قادرين يتقبلوا واقعهم وانو دة المقسوم ليهم..وعشان يغطوا النقص (الموجود في خيالهم) يقعدوا يحكوا عن بطولات وقصص خيالية موهمين انوا الناس البيحكوا ليها دي هبلة...عني انا ..الواحد\ة بمن يبيدأ ينق لي عن نفسوا وانا وانا وانا بعرف طوالي انو عندو\ها مشكلة.. |
إذا وقفت المسألة على إنو يعيش فى دنيا من أوهام خيالو ويعمل فقاعة كبيرة فيبقى خير وبركة طالما مافى أذية أو ضرر للناس وتبقى أيضامشكلة أخرى فى الناس سريعى التأثر بهذه النوعية لدرجة إنهم يعجبوا بسكان الفقاعات هؤلاء ويبدو يفرضو إعجابهم الخطأ دا على الناس بالضبط زى لما يكون فى مُنتج تعبات ومضروب ولا يسوى لكن يحصل ليه تسويق تقيل وينخدع به القلة ثم ينقلوا العدوى لمن هم حولهم,,,غالبا من يحبك ويحترمك لا يمانع أن يشاركك إعجابك بشخص أو أى شئ آخر دون تدقيق شديد,,,
المؤذى جد هو النوع الذى أدمن خداع البشر والكذب عليهم وماعندو مشكلة إنو يخادع إنسان فى مشاعره أو ماله أو أى شى تانى,,,
خدعة تفوت ولا حد يموت وتعيش وتاخد غيرا طالما إنت مصر تكون إنسان طيب وقلبك كما الحليب فى عالم ممتلئ بالأفاقين والكذبة,,
أصحى يا بريش,,,
| |
|
|
|
|
|
|
|
|
|
Re: لماذا الكذب والخداع؟؟ (Re: أيمن الطيب)
|
Quote: وكيف ساحافظ علي ثقتي في الآخرين بمعني ان لا تؤثر تلك التجربة بعلاقتي مع من حولي وان لا تنبت جذور الشك في داخلي تجاههم؟؟
وما هي اسرع الطرق للنسيان؟؟ |
سرور تحافظي على شنو ؟؟ انت معناتا ما اتعلمتي ولا حاجه .. خلي تعاملك في حدود وبرسميات
ماحتقدري تعرفي الناس لانهم اشكال والوان .. اذاً ماعندك حل غير رقبتك
النصيحه الدنيا بقت صعبه يابت امي ولازم الزول يبقى زيها عشان ما يتعب شديد
| |
|
|
|
|
|
|
|
|
|
Re: لماذا الكذب والخداع؟؟ (Re: Dalal Ezzaldin)
|
سلامات اختنا سارة
حاسين حسسك والدنيا ملانة
المؤلم في الكذب البيكون جاييك من اول قاصدك عديل ده
انك كنتى طبيعية بعواطفك فاتحة قلبك بابتسامة
كل ده يقابله شخص عينيه ماشافت كل ده
بستغفلك وقد يكون طول الوقت بضحك جواه ويعتبرك ساذجة
الوجع لحظتها كومه اكبر والخيبة مؤلمة جدا
فوق اي محاولة للوصف والتعبير
تعيشي وماتشوفي تاني ولاتنضري
التحايا
| |
|
|
|
|
|
|
| |
سارة علي
الطيب رحمه قريمان
بشير جبريل علي
معتز القريش
Siham Elmugammar
أيمن الطيب
الرفاعي عبدالعاطي حجر
Dalal Ezzaldin
khaleel
Rashid Elhag
Hussein Mallasi
هند محمد
فيس بوك
تويتر
انستقرام
يوتيوب
بنتيريست